Zôna 2:7 - Yálá laawoo hɛɓɛ (dc)

⁷ Ŋą́ yɛɛ kpɔ ŋą́ too ɲá kɔ́w ɓa, ŋąmuątaa pɛlɛ́ laa ə kɛi kɛa kpulu mą́ą́. Kɛlaa, Yai-Laa nwɔ́ Yálá, ə gúlɔ haaɓɛlaa taa, ə gɛ́ a vúlú

Yálá laawoo hɛɓɛ

⁷ Ŋą́ yɛɛ kpɔ ŋą́ too ɲá kɔ́w ɓa, ŋąmuątaa pɛlɛ́ laa ə kɛi kɛa kpulu mą́ą́. Kɛlaa, Yai-Laa nwɔ́ Yálá, ə gúlɔ haaɓɛlaa taa, ə gɛ́ a vúlú

Bible

⁷ Tãi ŋámɔ̂leŋ è fòa la ŋ́gbonôi, Yâwɛɛ kíli è tòo ŋá ŋáɣâla-fɛli-wooi é seri mà Ŋɔɣâla-pɛrɛ Kɛ́tɛi mu.

Zôna 2:7 ပူးပေါင်းရင်းမြစ်များ

Kɔlɔnikɔ Veerɛi 30:27

Yili pulu, ɉaláá laa həli nuą da Levi lonnii di di muhəɠə, di lúwɔ́ too nɔi lonnii diɛ, di woo mąn, di wɔɔ hvɛliɓo ə həli yələ kɔ́lɔn mą, Yálá nwɔ mąąhəɠə laa hee pɛlɛ́.

Mąątɛ̨nɛ̨ 11:4

Yai-Laa kaa nwɔ tɔɔ pɛlɛ́ mąąhəɠɛɛi mu, Yai-Laa kaa nwɔ tɔɔ kpəlin hu, yələ kɔ́lɔnɉu, ɲɛ̨i həɛ yɛnɛ̨ɛ̨ ɓa. Ɲɛ̨i kwəleen yɛ nu kan nonnii túwɔ pələ hu kaa.

Mąątɛ̨nɛ̨ 142:3

Gáá nwóólaai níila, gɛ́ gbáán mɛ̨nį hukulɔ mą.

Mąątɛ̨nɛ̨ 143:5

Gáá gíliɲąhiɛi gɛ́ vilɛn tɔwɔ tɔwɔ yələɠaa diɛ, gɛ́ pənə gɛ́ ə́ kɛ mɛ̨nįɠaa hu kulɔ gbɔ́wɔ ɓa, gɛ́ ə́ yee kɛ kólóɠaa pənə gwə́i, gɛ́ doo.

Mąątɛ̨nɛ̨ 18:6

ɲąmuątaa yɛliɠaa daa kɛ kpinįn a ɲą́ą́, haa nwɔ hɛlɛnŋaai tɛɛ kɛ dɔ́wɔ.

Mąątɛ̨nɛ̨ 20:7

Yiihu kɛa, gíli kaa ɉu gɛ́: Yai-Laa a yeetɛɛmąąlaa tɛɛ nwɔ nui ə dɔɔ wulɔ lɔ mą, bɔ, a lɛɛ nwɔ pɛlɛ́ mąąhəɠɛɛi mu yələkɔlɔn ɉu, ə nwoo mu hon, a gulɔi a mo ɉu a mamįiyee.

Mąątɛ̨nɛ̨ 22:14

Di kaa di laa taɠai mą́ą́, nu huɓɛla yalaɠai tii, di kaa hvuluun ɉi.

Mąątɛ̨nɛ̨ 27:13

Gíli kaa kpɔ ɉu a neelee, gɛ́ diɛ, gáá pai Yai-Laa nwɔ mɛ̨nį nɛ̨ɛ̨ kaai, nu hvuluɠaa di wɔ lɔi mɛ̨i.

Mąątɛ̨nɛ̨ 42:11

Gɔ́lɔ́ kəlee aa kpɔną mą́ą́, ɲówóɠaa diɛ nálán, da tuwɔ lɔ kɛi mą́ą́: «Ə́ wɔ Yálái kaa mįnɛ̨?»

Mąątɛ̨nɛ̨ 42:5

Ɲələɠaai ŋį́ kɛi li la Yálá yəi bɛlɛ́n, a kwəinɛ̨ɛ̨ wələɠaa, da mąątɛ̨nɛ̨ wələɠaa, kwa nu kpulu kɛnɛ̨, ŋą́ gíliɲąhiɛ di hu, níí a kɛ lɔ ə ɓɛla gwə́i.

Mąątɛ̨nɛ̨ 43:5

Níi wolo, ə́ kaa mąąwɛli hee ɓoi, yɛ́ ə́ wóó laa mɛ̨́i, lə mɛ̨nį ɓa? Ə́ kilitɔɔ Yálá ɓa! A tɛ̨ą, gáá nwɔ̨nɔ̨ pai Naa tooi a wələ, yai a nwún mąąɓomun, da nwɔ́ Yálá!

Mąątɛ̨nɛ̨ 65:4

Ku hɔnŋaa kpɛa-kpɛai ku kpįnįle ɓa, Kɛlaa, ə́ wɛi, yá ku wɔ nɛ̨ŋɛ̨nŋaa mąąhvaa lɛɛ.

Azaya 38:17

Nwɔ́ liikələn mąą aa pənə a liilaa. Yɛ́ ɓə nį́į́ mąąkɔ̨nwɔ̨, yɛ́ ɓə gɛ və́ too ɓoloon ɉu, ɛlɛɛ, yaa nwɔ́ nɛ̨ŋɛ̨nŋąą kəlee pili ə́ pulu.

Azaya 50:10

Gbɛɛ ɓə ka lɔwai yɛ ɲɔw Yai-Laa ɓa? Mąą nu ə Yai-Laa nwɔ tímun woo mąn, ɛlɛɛ nui hiɛi kpinįi, yai kɛɛ pɔ̨nɔ̨ hvo ɲəi, Mąą nu ə gilitɔɔ lɔ Yai-Laa láá ɓa, ə kąnąn nɔ nwɔ Yálái ɓa!

Zôna 2:4

Ə́ bíli gboloyá hu, ŋą́ yɛɛ kpɔ ɲá kpon ɉu, ɲá ə mą́ą́ tinɛ̨n nąą kəlee; ə́ ɲáɠilin da ɲá hvuluun dɛɛ mɛ̨́i.

Mise 1:2

Yɛ diɛ: Hį́i kəlee, 'ka ka wəli tɔɔ! Lɔi, ə pɛlɛ ɉu hɛnŋąą diɛ, aa həli kaa! Nąmu Yálá kaa bɔ ə ka hɔn mo! Yai-Laa, yaa tii nwɔ pɛlɛ́ mąąhəɠɛɛ mui.

Habakukə 2:20

Kɛlaa, Yai-Laa kaa nwɔ pɛlɛ́ mąąhəɠɛɛ mu. Lɔi kəlee, ka ka mɛ̨i haa nííla.

Hebreu 12:3

A tɛ̨ą, nui ŋɛ̨i nɛ̨ŋɛ̨n ɉəɠə nuą di pɛlɛ mą, ə niikpələ, 'ká ká kiliŋąhiɛ mą, əgɛ, ɲɔ̨nwɔ̨mą a həli káá, 'ká hvįi hvo kpɛɛ.

Samuɛlə dɔlɔɔ 30:6

Davidə kwəi pilɛɛ kɛ mą, mąąhɔlɔɓo, nuą di kɛi baa mɛ̨nį ɓo a kwɛni. Nu kəlee liikələn ŋąą kɛ gwəi, da kɛi di kiliŋąhiɛ di lonnii hinąą da di lonnii nɛ̨ąą diɛ. Kɛlaa Yai-laa haalai, Davidə ə nii kpələ.