Zôna 2:4 - Yálá laawoo hɛɓɛ (dc)

⁴ Ə́ bíli gboloyá hu, ŋą́ yɛɛ kpɔ ɲá kpon ɉu, ɲá ə mą́ą́ tinɛ̨n nąą kəlee; ə́ ɲáɠilin da ɲá hvuluun dɛɛ mɛ̨́i.

Yálá laawoo hɛɓɛ

⁴ Ə́ bíli gboloyá hu, ŋą́ yɛɛ kpɔ ɲá kpon ɉu, ɲá ə mą́ą́ tinɛ̨n nąą kəlee; ə́ ɲáɠilin da ɲá hvuluun dɛɛ mɛ̨́i.

Bible

⁴ Nya ƃe ŋá mò a gɛɛ ƃa ŋ́gbɛ ŋa kula íŋɛi. Ŋa pɔ̂ri ŋɔ́nɔ ípɛrɛ maa waai kâai léŋ?

Zôna 2:4 ပူးပေါင်းရင်းမြစ်များ

Tɔɔɓɛlaa dɔlɔɔ 8:42

Mąąhɔlɔɓo, di kaa pai kɛi ə́ laa kɛnɛ̨ mɛ̨nį bələ mąn ɉii, da ə́ wɔ huwalawala mɛ̨nį; mąą nu a pa bɛlɛ́i ŋɛ̨i pɔ, yɛ ə́ hvɛli,

Tɔɔɓɛlaa dɔlɔɔ 8:48

Da pənə da pa ə́ pɔ di kwəi tɔ̨nɔ̨ mɛ̨i, a di lii kəlee, nɔi tii di yowoɠaa di li a diɛ ɉu, da kɛi ə́ hvɛli di ɲɛ̨i tinɛ̨n ŋąą di wɔ lɔi pɔ pələ, yai wɔlɔ ə́ dɛɛ di nąnni pɔi, da daai ə́ ɉəɠə ɉu bɔ pələ, da bɛlɛ́i ŋą́ dɔɔ ə́ laa ɓa, bɔ pələ,

Tɔɔɓɛlaa dɔlɔɔ 9:7

ka gɛ tii, nɔi ŋɛ̨i ŋą́ dɛɛ Israɛlə pɔ, ŋą́ ɉəɠə ɲəi. Bələi mąn ŋą́ náá hee la mą a nwɔ́ɔ́, ŋą́ bili kwɛaa la, ə həɠə ɲɛ̨́i mu. Ɛlɛɛ, nu huwu kəlee da di laa pu Israɛlə hu, diɛ yɛlɛ diɛ.

Kɔlɔnikɔ Veerɛi 6:38

da pənə da pa Ə́ pɔ a di kwəi kwəlɛɛ, a di lii kəlee, ɓɛi tii di li laa a diɛ nuwɔlaa hu, da Ə́ hvɛli di ɲɛ̨i tínɛ̨nŋąą di wɔ lɔi pɔ pələ, a nɔi ɲɛ̨i Ə́ dɛɛ di nąnni pɔ, daai Ə́ gɛ a Ə́ liiɓa taa bɔ pələ, da Bɛlɛ ɲɛ̨i ŋį́ dɔɔ Ə́ Laa ɓa bɔ Pələ;

Mąątɛ̨nɛ̨ 31:22

Mąąwiɛ kaa Yai-Laa ɓa, mąąhɔlɔɓo gulɔ mɛ̨nį nwoo ɓa aa kpalo mɛ̨nį kɛ mą́ą́, kɔ́ taa kɛnɛ̨ɛ̨ hu.

Mąątɛ̨nɛ̨ 42:8

Ɓoloon ɉu yá hvuluunɠaa kaa di gee təlii mɛ̨́i, diɛ kɛlɛ di kee hu! Ɲáhvɛɛ yɛ kulɔ gələn ɉu, mɛ̨́i.

Mąątɛ̨nɛ̨ 5:7

Ya lɛɛnuą nwun na pili, ɲąmą pumun, mɛ̨nį piliɉumun, Yai-Laa a yowolaa kulɔ a diɛ.

Mąątɛ̨nɛ̨ 88:6

Kwa haa nuą ku tɔɔi kaa tanɔ̨n, nuąi daa haa, di ɓo laanin kámą hu, kwa diɛni ɓə, a diɛi tii, di kili hvo mą kɛa ə́ ɲái, hvó gaai, di mąą aa kwɛa Yɛ́.

Mąątɛ̨nɛ̨ 88:7

Yáá náá ɲąmuątaa kpon ɉeei, gáá kpinį hu, ŋį́ ɓo ɓoloonŋąą hu.

Azaya 38:17

Nwɔ́ liikələn mąą aa pənə a liilaa. Yɛ́ ɓə nį́į́ mąąkɔ̨nwɔ̨, yɛ́ ɓə gɛ və́ too ɓoloon ɉu, ɛlɛɛ, yaa nwɔ́ nɛ̨ŋɛ̨nŋąą kəlee pili ə́ pulu.

Azaya 49:14

Siɔn ə kɛi kɛ diɛ: «Yai-Laa aa ɲee kulɔ mú, Ną́mu aa lɛ̨ą mą́ą́.»

Ɉeremi 15:1

Yai-Laa yɛ mą́ą́: Ə mą kɛ Moisə da Samuɛlə daa tɔɔ nííla, nwɔ́ kiliŋąhiɛ hva kɛa hvilɛn nuą ŋɛ̨i diɛ a nɛlɛɛ. Ka di kpɛ di həɠə nííla, də li!

Ɉeremi 7:15

Gáá ka pilii kpɔɔ kwɛaa la, yɛ bələi ŋį́ ka kaayɔwɔɠaa Ɛfraimə huwu nuą kɛ la.

Woolaa 3:54

Yá ə kɛi nwún mɛ̨i pu, gɛ́ kɛ diɛ: nwún na aa pili.

Izikiɛ 37:11

Yálá yɛ mą́ą́: «Hulɔnu lon, nu kɔ́wɠaai tii, di kaa a Israɛlə nwɔ pɛlɛ́i kəlee. Mąąhɔlɔɓo, da kɛ kɛi diɛ: ‹Ku kɔ́wɠaa daa kpala, ku wɔ kilitɔɔi aa haa, ku lɛɛ li ɉu.›

Danîa 6:10

Nwoo tii ɓoɔ pulu, tɔɔmun ə hvaa mą, ə ɲee pɔɔ too dɔ́n tii hu.

Zôna 2:7

Ŋą́ yɛɛ kpɔ ŋą́ too ɲá kɔ́w ɓa, ŋąmuątaa pɛlɛ́ laa ə kɛi kɛa kpulu mą́ą́. Kɛlaa, Yai-Laa nwɔ́ Yálá, ə gúlɔ haaɓɛlaa taa, ə gɛ́ a vúlú