Zôna 1:4 - Yálá laawoo hɛɓɛ (dc)

⁴ Yai-Laa ə ɓo hvaŋą kɛnɛ̨ ta ɓa, ə hee gələn ma gboloyá ŋą. Vaŋą tɛɛ pələi tii yɛ kɛ kpɔ ə gələn daɠa-taɠa gee ɓa.

Yálá laawoo hɛɓɛ

⁴ Yai-Laa ə ɓo hvaŋą kɛnɛ̨ ta ɓa, ə hee gələn ma gboloyá ŋą. Vaŋą tɛɛ pələi tii yɛ kɛ kpɔ ə gələn daɠa-taɠa gee ɓa.

Bible

⁴ Kɛ́lɛ Yâwɛɛ è fãa kɛ́tɛ tɛ̀ɛ ǹyái ŋá a sɛŋ dí kɛ̀ gâai a gɛɛ géleŋ a pâi wôloi.

Zôna 1:4 ပူးပေါင်းရင်းမြစ်များ

Mąątɛ̨nɛ̨ 135:6

Mɛ̨nįi lɔpee Yai-Laa kaa bɔ, a gɛ, lɔi mɛ̨i ɓɛ, ə mą kɛ yələ kɔ́lɔn ɉu, gboloyá hu, ə mą kɛ ɲąmuątaa.

Mąątɛ̨nɛ̨ 135:7

Ə həɠə kpɔ lɔi kpɛlai pələ, a tulɔ kpinįnŋaa muhəɠə, tulɔ ə duwɔ, yələ gbąnąą ə ɓɛla, tulɔ yɛ pu, ə hvaŋąɠaa kulɔ ɓɛi ə di pu laa gee mɛ̨i.

Mąątɛ̨nɛ̨ 148:8

Nwɔ̨n da hanwon, luwú-luwú da nąląąn, tulɔ hvaŋą, kaai ka nwoo pɔ mɛ̨nį kɛ;

Lɛɛ gbɔwɔ ɓa 10:13

Moisə ə nwɔ tunwɔ̨n haŋą Eziptə lɔi mɛ̨i, Yai-Laa ə ɓo hvaŋą kɛnɛ̨ ta ɓa, yɛ həɠə hvóló kulɔi pələ. Vaŋą ə hvóló tɔ̨nɔ̨ da kpinį tɔ̨nɔ̨ kɛ yɛ tɛɛ; yələwala pɔ, vóló kulɔi pələ hvaŋą ə pa a peeləɠaa.

Lɛɛ gbɔwɔ ɓa 10:19

Yai-Laa ə vaŋą ɲɛ̨i tinɛ̨n, hvaŋą kɛnɛ̨ ta ə həɠə hvóló tooi pələ, ə beeləɠaai ti kəlee həɠə, ə li ə di pu veegbɔnɔ̨ gboloyá hu. Beeləi tii dɔ̨nɔ̨ kpɛli hvo lɛɛ Eziptə lɔi hu.

Lɛɛ gbɔwɔ ɓa 14:21

Moisə ə ɲee haŋą gboloyá mɛ̨i, Yai-Laa ə ɓo hvaŋą kɛnɛ̨ ta ɓa, yɛ həɠə voló kulɔi pələ. Vaŋąi tii ə gboloyá ɓɛlaɓo ɉu hveelɛ a kpinį, di tɛɛ pələ hu ə kpala.

Lɛɛ gbɔwɔ ɓa 15:10

Kɛlaa Yɛ́ Yai-Laa, Ə́ ɓo Ə́ wɔ hvaŋąi ɓa, ə pa, gboloyá ə laa di mɛ̨i, di lɔ ɲá mu yɛ kwɛni kpuwulu, di laa ɲá kpon ɉu.

Ɉeremi 51:16

Mąąhɔlɔɓo, ya ɓə a tulɔ yáɠaa tiɛ̨ gee mɛ̨i yələi, yɛ tulɔ kpinįnŋaa kulɔ lɔi kpon ɉeei, a di hu wia, diɛ tɛ; yɛ tulɔ pu a yələgbąnąą nwɔ mąną-mąną; ya ɓə a hvaŋąɠaa kulɔ ɓɛi a di pu laa gee mɛ̨i.

Amɔsə 4:13

Mąąhɔlɔɓo, Yálái ŋɛ̨i yeeɠaa tɔɔ, ə hvaŋą kulɔ, ya ɓə a nwɔ kiliŋąhiɛ loɔ lɛ nu ɓa, Ya ɓə a yələwala mąą pənə a kpinį, yɛ hiɛ yeeɠaa ton na, mąą Yálái tii laa ɓaa: Yai-Laa Mɛ̨nį Kəlee ŋą Hééɓomun Yálá.

Lonon mo 11:31

Yai-Laa ə hvaŋą kɛnɛ̨ ta tɛɛ yɛ həɠə gboloyá mɛ̨i pələ, ə hee lɔwɔ haɉaliɠaa hu, di pa di pɛlɛ ɓɛi Israɛlə lonnii di di taa pu laa, nąą kwɛlɛ. Ə həɠə daa ɓa yɛ li, ə kɛ a pələ kələn dɔ̨nɔ̨, ɉaɉaliɠaa tii di pɛlɛɛ nąą kəlee, ə həɠə nɔi ɓa ə tɛ́, ə kɛ a yee laa mą hveelɛ, di puɔ tii di kee mɛ̨i.