Zôna 1:2 - Yálá laawoo hɛɓɛ (dc)

² «Ɉonasə! Ə́ muhəɠə ə́ li Ninivə daa lee kɛnɛ̨i tii hu. 'Li, ə́ haŋą diɛ, yɛ diɛ: ‹Di kɛ mɛ̨nį ɲɔ̨n gun aa həli mą́ą́.›»

Yálá laawoo hɛɓɛ

² «Ɉonasə! Ə́ muhəɠə ə́ li Ninivə daa lee kɛnɛ̨i tii hu. 'Li, ə́ haŋą diɛ, yɛ diɛ: ‹Di kɛ mɛ̨nį ɲɔ̨n gun aa həli mą́ą́.›»

Bible

² “Ímu siɣe í lí Ninivɛ nyii gáa a daa-lêe kɛ́tɛi í díŋwana-lɔ̂ɔi maa mɛ̂ni ƃó dîa. Ye m̀ó dîa a gɛɛ díŋwana-lɔ̂ɔi maa mɛ̂ni a seri ḿâ”

Zôna 1:2 ပူးပေါင်းရင်းမြစ်များ

Zɛnɛse 10:11

Nɛmrɔdə ə həɠə nɔi tii hu, ə li ə hee Asiri lɔi hu. Ə nɛɛ mą ə Ninivə taa tɔɔ, ə Rehovotə-Irə da Kala taa tɔɔ,

Tɔɔɓɛlaa veelɛ 19:36

Asiri tɔɔmun Senakeribə ə pənə ə li Ninivə daai, ə lɛɛ laa.

Kɔlɔnikɔ Veerɛi 28:9

Yai-Laa kwəi mɛ̨nį hukulɔ mun da ə kɛ Samari, diɛ kɛ mą: Odɛdə. Israɛlə kɔlaɠa kɛɛ bulu pənəi, yɛ pai Samari, Odɛdə ə kulɔ yɛ li di laakwiɛn ɉii, yɛ diɛ: «Ka nąnni di wɔ Yálái Yai-Laa lii aa holi Ɉuda pɔ, ya ɓə gɛ yɛ di lɔ ka yee ŋą, kaan, kaa gɛɛ kalaa huwiɛ, aa həli yələ kɔ́lɔn ma.

Ɛsdrasə 9:6

Ŋą́ Yálá hvɛli, gɛ́ mą: «Nwɔ́ Yálá, nwumɛ̨ kaa ɲɛ̨́i! Ɛlɛɛ, ɲɛ̨́i aa paa! Vá pɛli nwún muhəɠəi ə́ pɔ pələ, yɛ́i ə́ kaa ɓaa nwɔ́ Yálá. Mąąhɔlɔɓo, kuɔ nɛ̨ŋɛ̨nŋąą daa tamą, daa laŋin ku nwun mɛ̨i. Ku wɔ hɔn ɲɔ̨n, ɉu aa kɛnɛ̨, aa tɛ yələkɔlɔn ma.

Azaya 37:37

Asiri tɔɔmun Senakeribə ə muhəɠə, ə pənə ə li Ninivə, ə hee laa.

Azaya 58:1

'Toma kpɔ a ə́ woo kɛnɛ̨, hvo ɉu hon, 'ə́ woo tɛ yələi yɛ túlú woo, nwɔ́ nu huwui nwɔ túwɔ pələ ɲɔ̨n lɛ mą, ə́ Ɉakɔbə nwɔ pɛlɛ́i nwɔ nɛ̨ŋɛ̨n lɛ mą.

Ɉeremi 20:9

Ŋą́ tɔɔ gɛ́ kɛ diɛ: «Vá kɛa náá tunwɔ̨n mą, vá kɛa mɛ̨nį ta ɓo naa hu.» Ŋą́ gɛ tii, yaamun, a hee ɉú pələ yɛ nwɔ̨n gbəɠiɛ, gánan ŋąą gɔ́w hu. Ŋą́ tɔɔ kpɔ a nwą́nąąi, gɛ́ kɛ ŋį́ ɉu hon, Kɛlaa vá pɛli mą.

Izikiɛ 2:7

Nwóóɠaa ɓo diɛ, di mɛ̨n, di hvo mąn, kulɔ nwoomu nuą li.

Osia 7:2

Ɛlɛɛ di hvo kɛ gɔlɔn di kwəi pələ diɛ kɛ mɛ̨nį ɲɔ̨n di kaa gɛi, gáá gəlee kili lɛɛi ɲą́; yiihu, di kɛ mɛ̨nįɠaa daa di yili, di kaa ɓɛ ɲɛ̨́i mu.

Zôna 3:2

«Ə́ muhəɠə, ə́ li Ninivə daa lee hu; nwɛlɛɛ ŋɛ̨i ŋį́ mo yɛ́, ə́ naa həli diɛ.»

Zôna 3:3

Yili nwɛi, Ɉonasə ə lɛɛ Yai-La nwoo mu. Ə muhəɠə, ə hvilɛn bələ ɓa, yɛ li Ninivə daai. Ninivə ə kɛ a taalee kɛnɛ̨ Yálá ɲɛ̨i ɓa, ə həɠə daa bələ tɔ̨nɔ̨ yɛ li bələ tɔ̨nɔ̨, ə kɛ a hvóló haaɓa hiɛ.

Zôna 4:11

Yɛ́ Ɉonasə, hvo kɛ bɔ və́ Ninivə daa lee kɛnɛ̨i tii hu nuą mąąwɛli kaa? Nu kpului daai tii hu, di tɛɛi nu waa nwundɔ̨nɔ̨ ɲee hveelɛ hu, kɛlaa, di hvo kɛ mɛ̨nį lɛlɛɛ kɛ pələ kɔ́lɔn di kpɔɔ ɓa; ə mą kɛ daatɛlɛɛɠaa.»

Mise 3:8

Kɛlaa nwɛ́i Yai-Laa nwɔ Kilii haalai gáá pin, ɉúwalawalaa, a tələnmolaa da lii kpələ, gɛ́ pɛli Ɉakɔbə nwɔ kulɔ nwoo mu laai lɛi mą, gɛ́ Israɛlə nwɔ nɛ̨ŋɛ̨n hukulɔ mą.

Nahumə 1:1

Mɛ̨nįi di mo Ninivə taa laa mɛ̨i, mɛ̨nįi Yálá ə nɛ Ɛlkɔsə mun Nahumə ɓa, yili pɛ̨ɛ̨ ka.

Nahumə 3:19

Gɔi a kala yɛ́, ɉali hvo mą, balaɠaai di kaa yɛ́, di hva pɛli kpɛɛi, nui lɔpee a ə́ mɛ̨i woo mɛ̨n, a ɲee lɔwa mɔ̨nɔ̨i tii naa ə́ mɛ̨i mąą mɛ̨nį ɓa, gwa gaa kpɔ tii, gbɛɛ kpɔ ɓə hvó mɛ̨nį ɲąąnwąnąą laa mą?

Maafîu 10:18

Di kaa pai lii a kaa lɔi nąmįną lííla, ə mą kɛ tɔɔ ɓɛlaa lííla, mą́ą́ mɛ̨nį ɓa. Ə gɛ, ka mą́ą́ kɛla hvaa ɓo di ɲɛ̨i ɓa, da nuąi di hvo Yálá kɔ́lɔn.

Maafîu 12:41

Yálá nwɔ kiti teei lɔwai, Ninivə nuą da di muhəɠə, nu huwui ŋɛ̨i pɔ, di gití kala diɛ. Mąąhɔlɔɓo, Ɉonasə ə Yálá nwɔ liiɲąnwąną mɛ̨nį laa həli la diɛ, di di túwɔ́ pələ ɲɔ̨n mąąhvalin. Yaan, nui ka káá gaai, gɛnɛ̨i dɛɛ Ɉonasə ɓa!

Zĩi 5:4

'Ká ɓɛ kaa tai! Nuąi kɛi kólo kɛ ka yəi ɲɛa, di halai ká ká yee kanąn mą, gaa tomąi, góló kɛ nuą wɔlɔ woo aa too Mɛ̨nį Kəlee ŋą Hééɓomun nwəlii.

M̀ɛni-lɛɛi 18:5

Gbala ə tɔɔ, nwɔ nɛ̨ŋɛ̨nŋaa daa tɛ, daa həli yələ kwəi, ɛlɛɛ, Yálá aa gili hvilɛn nwɔ tuwɔ pələ ɲɔ̨nŋaai diɛ.