Zĩi 5:16 - Yálá laawoo hɛɓɛ (dc)

¹⁶ 'Ká hvaa ka wɔ nɛ̨ŋɛ̨nŋaa ɓa ká kee ɲɛ̨i ɓa, 'ká Yálá hvɛli ká kee ɓa, ə gɛ, ká kɔ́lɔi ə pono. Tələnmomun ŋą hvɛli woo kaa a ɲɔ̨n ɉali walawala.

Yálá laawoo hɛɓɛ

¹⁶ 'Ká hvaa ka wɔ nɛ̨ŋɛ̨nŋaa ɓa ká kee ɲɛ̨i ɓa, 'ká Yálá hvɛli ká kee ɓa, ə gɛ, ká kɔ́lɔi ə pono. Tələnmomun ŋą hvɛli woo kaa a ɲɔ̨n ɉali walawala.

Bible

¹⁶ Mɛni ma ka kásɔnyɔ̂ŋ ƃó kákîe-ni dîa ká Ɣâla fɛ̀li kákîe-ni mɛni ma a gɛɛ ká ƃálo. Wála-wala káa tɔ̃yâ-nuu Ŋɔɣâla-fɛliɛɛi ŋɔtíi su.

Zĩi 5:16 ပူးပေါင်းရင်းမြစ်များ

Zɛnɛse 19:29

Ɓɛi ŋɛ̨i Lɔtə ə kɛ laa kɛ nɔi, ɓɛlɔwai Yálá ə kɛi nɔi tii da ɉu taɠaa kəlee kala la, ə giliŋąhiɛ Abrahamə ɓa, ə Lɔtə kulɔ nwun na pili tii hu.

Zɛnɛse 20:17

Abrahamə ə Yálá hvɛli Abimelɛkə mąą mɛ̨nį ɓa, Yálá ə kɔ́lɔi pɔ̨nɔ̨ tɛɛ Abimelɛkə pɔ, da nɛ̨ą ə mą kɛ da nwɔ luwɔ nɛaɠaai, gəlee kwəi ə nwun, diɛ lon gaa kɛa.

Zɛnɛse 20:7

Yii hu kɛa, nɛ̨ɛ̨nui ŋɛ̨i tɛɛ ɉilɛ pɔ. Nɛ̨ɛ̨nui ŋɛ̨i ɉilɛ kaa a gwə́i mɛ̨nį hu kulɔ mun, gaa pai ə́ mąą mɛ̨nį laa həlii mą́ą́, ə gɛ, hvo pa haa. Kɛlaa, akɛ ya wala dɛɛ nąmu pɔ, ka ə́ yee pɔ nuą kəlee ka káá pai haai.»

Zɛnɛse 32:28

Yɛ Ɉakɔbə ɓa: «Ə́ laa ɓaa a gbɛɛ?» Ɉakɔbə yɛ mą: «Náá ɓaa Ɉakɔbə.»

Samia Veerɛi 19:19

Ɓɛlɔwai gələn ŋɛ̨i tɔɔmun da bɔ nuą di kaa ɉu, a kɛi ɲa teen na, yii lɔpee tɔɔmun a mo, diɛ gɛ. Ɓɛlɔwai, tɔɔmun ə ɲa teen na, Gera lon Simei ə too gɔwɔ mu,

Tɔɔɓɛlaa dɔlɔɔ 13:6

Tɔɔmun yɛ Yálá nwɔ nui ɓa: «Yai-Laa ə́ wɔɔ Yálái liilaa mą, nɛ̨ɛ̨ yɛ́! Mą́ą́ nɛ̨ɛ̨mąą hvə mą, ə gɛ, ɲéé ə pɛli lɛɠɛi mą́ą́.» Yálá nwɔ nui ə Yai-Laa hvɛli, tɔɔmun ɲee ə pənə ə lɛɠɛ mą; ə kɛ lɔ yɛ bələi ə kɛ la a bɔlɔ.

Kɔlɔnikɔ Veerɛi 30:20

Yai-Laa ɲee hee Ezekiasə woo mu, hvo mɔ̨nɔ̨ laa nɔi lonnii diɛ.

Zôo 42:8

«Yiihu kɛa, ka nįŋɛ̨ hilɛ mɛ̨ihveelɛ həɠə, da ɓɛlaa hilɛ mɛ̨ihveelɛ, ka li a diɛ nwɔ́ tímun Ɉobə pɔ, ka di kulɔ a haláá yii da gəlee kələn, a kɛ ti nwɔ́ tímun Ɉobə ə pɛli ka mąą nɛ̨ɛ̨mąą hvəi, yaai ti mąą mɛ̨nį ɓə aa gɛ, gɛ pɛli li ka wɔ ɓowo túwɔ́i gwələ kulɔi kaa. Kaai ŋɛ̨i ka hvo mą́ą́ mɛ̨nį ɓo li a tɛ̨ą, yɛ bələi nwɔ́ tímun Ɉobə ə gɛ la.»

Mąątɛ̨nɛ̨ 34:15

Ə túwɔ́ pələ ɲɔ̨n mąą laa, ə túwɔ́ a nɛlɛɛ, hvilɛn líilaa pulu, ə ɲąąkɔn.

Lɛɛ gbɔwɔ ɓa 17:11

Ɓɛlɔwai Moisə a ɲeeɠaa tɛ la ɲələi, gɔ́ a nɛ̨ɛ̨ Israɛlə nuą diɛ. Kɛlaa, ɲee hu a haa a ɲɛɛ, Amalɛkə nuą da hvaŋą hɔlɔɓo Israɛlə mɛ̨i.

Lɛɛ gbɔwɔ ɓa 9:33

Moisə ə həɠə tɔɔmun bɔɔli, ə kulɔ daa pulu pələ, ə ɲee tɛ Yai-Laa pɔ pələ ə vɛli. Ɲələgbąnąą da ɉanwon buɔ kɔ́lɔ ə haa mą, dulɔ ə teen.

Hanwon 15:29

Yai-Laa a mąą kwɛa nwąnąlɔ nuą diɛ, Kɛlaa, a nwəli tɔɔ tələnmo nuą di wɔ hvɛli ɓo woo ɓa.

Hanwon 15:8

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, Kɛlaa, nuąi di haŋą, di wɔ hvɛ́li woo a nii hon.

Hanwon 28:9

Nui a nwəli laa kpulu tɔ́n nwoo tɔwɔ, nwɔ Yálá hvɛli woo kəlee kaa a mɛ̨nį ɲɔ̨n gɛnɛ̨.

Ɉeremi 15:1

Yai-Laa yɛ mą́ą́: Ə mą kɛ Moisə da Samuɛlə daa tɔɔ nííla, nwɔ́ kiliŋąhiɛ hva kɛa hvilɛn nuą ŋɛ̨i diɛ a nɛlɛɛ. Ka di kpɛ di həɠə nííla, də li!

Ɉeremi 33:3

«Vɛ́li, ŋą́ ə́ woo mu hon, gáá pai mɛ̨nį kpɛa kpɛa kulɔi pɔ̨nɔ̨ŋa ə́ ɲɛ̨i ɓa, a mɛ̨nįɠaai di looɔ, yiiɠaai hvo gɔlɔn.

Ɉeremi 42:2

diɛ Yálá kwəi mɛ̨nį hukulɔ mun Ɉeremi ɓa: «Kuɔ nɛ̨ɛ̨mąą hvə woo ə həli yɛ́. Yai-Laa ə́ wɔ Yálái hvɛli, ku kpəli woloi aa lɛɛ, ku mąą mɛ̨nį ɓa. Kwaa lɛɛ lɔ kɛa tɛitɛi; ya pa ku kpulu kɛnɛ̨ kɛ, gbaɠala kaa yɛ́.

Lonon mo 11:2

Nuą kəlee di wɔlɔ Moisə ɓa, Moisə ə di mąą nɛ̨ɛ̨mąą hvə Yai-Laa ɓa, nwɔ̨n tii ə luwun.

Maafîu 21:22

Akɛ ka laa Yálá la, yii lɔpee ka vɛli mą a dɛɛ ka pɔ.»

Maafîu 3:6

Diɛ hvaa di kɛ nɛ̨ŋɛ̨n ma nu kəlee ɲɛ̨i ɓa, Ɉaan yɛ di mąąwaa Ɉurdɛn yá hu.

Markə 1:5

Ɉude lɔi hu nuą, da Ɉerusalɛmə daai nuą di kɛi pa Ɉaan pɔ diɛ hvaa di kɛ nɛ̨ŋɛ̨ ma nu kəlee ɲɛ̨i ɓa. Ɉaan yɛ di mąąwaa Ɉurdɛn yá hu.

Lukə 9:6

Galan nɛa tii də li, diɛ tɛɛ daaɠaa kəlee hu, diɛ Yálá-taa tɔɔlaa mąą mɛ̨nį wɛlɛɛ lɛlɛɛ laa həli; diɛ ɲɔ̨n gɛ nuą kəlee kɔ́lɔi pono.

Ɉaan 9:31

Gu gɔlɔn kpɔ guɔ diɛ: Yálá hva nɛ̨ŋɛ̨n ɉəɠə nuą woo pulu pənə. Kɛlaa, nui a Yálá mąąwiɛ, yɛ niiɓa kɛ, ya ɓə Yálá a nwoo pulu pənə.

Gɛlaɠaa 10:38

Jesus ti həɠə Nazarɛtə, bələi Yálá ə ɉəɠə la ɉu ə maati a Kili-Mąąhəɠɛɛ da huwalawalalaa, ə tɛɛ kɛɛ nąą kəlee ɓa, yɛ mɛ̨inɛ̨ɛ̨ kɛ, nuąi kpɔ kɛ nąnį yee kɔnma yɛ di ɓalo, mąąhɔlɔɓo, Yálá ə kɛ bɔ.

Gɛlaɠaa 19:18

Nuą ti kɛ a laa na nuą, damąą di kɛi pa, mɛ̨nįi kpɔ daa gɛ, diɛ mo nu kpɔn ɉu.

Gɛlaɠaa 8:24

Ya ɓə, Simɔn ə di woo ɲąą pənə yɛ diɛ: «Kaa kpinįlee 'ká mą́ą́ nɛ̨ɛ̨mąą hvə gu Ną́mu ɓa, ə gɛ, mɛ̨nįɠaai ŋɛ̨i ka moi, da hvo həli mą́ą́.»

Lomaŋ 3:10

Yɛ bələi bɛ̨ɛ̨ lai: «Nu tɔ̨nɔ̨ kpɛli hvohaŋą li.

Lomaŋ 5:19

Yɛ bələi nu tɔ̨nɔ̨ nwɔ kulɔ nwoo mu laa, ə nu kəlee kɛ la a nɛ̨ŋɛ̨n ɉəɠə nuą, bələ lɔ ɓə nu tɔ̨nɔ̨ nwɔ lɛɛ nwoo mu laa, a nu kəlee kɛ la a tələnmo nuą.

Kolosə 1:9

Yili ɓə gɛ, ɲələi ku ká mąą mɛ̨nį mɛ̨n na, ə həɠə ɲələ ɓa, ə həli la yiihu ɓa, ku hva kpɛla Yálá hvɛlii káá. Kwa vɛli Yálá ɓa, kuɔ, ká niiɓa kɔ́lɔn gbɔ kɛnɛ̨, a kilikɛɲəi laa kɛnɛ̨, yɛ hee la ká nįį pɔ.

Tɛsalonikə dɔlɔɔ 5:17

'ká hvo kpɛla Yálá hvɛliɛ ɓa,

Tɛsalonikə dɔlɔɔ 5:23

Liilaa Yálá yaa kpinįi, ə ká mąąhəɠə kpɔ tɛ̨ɛ̨tɛ̨ɛ̨, ɛlɛɛ, ká kili, ká nįį, ká kɔlɔ, ə lɛɛ kpɔ a nɛlɛɛ, mąąkulɔi hvo kɛ mą, ə lɛɛ ɉu gu Nąmu Jesus Kristə pa yələ ə ɉəli mą.

Tɛsalonikə dɔlɔɔ 5:25

Ną́n nonnii, 'ká Yálá hvɛli kuɔ kpɛlimąn kuɔ.

Hebreu 11:4

Laa na laa háálai ɓə gɛ, Abɛlə yɛ haláá lɛlɛɛ kulɔ la Yálá ɓa, ə tɛɛ la Kain nwɛi ɓa. Laa na laa háálai, di mąą kɛla hvaa lɛlɛɛ ɓo, diɛ mą: Dələnmoɔi kɛ. Mąąhɔlɔɓo, Yálá kpinįi ə ɲee hee nwɔ haláá hɛn mu. Abɛlə nwɔ laa na laa mąą mɛ̨nį ɓa, bələi mąn, aa haa la, a kɛ lɔ nii hvaai.

Hebreu 11:7

Laa na laa háálai, Noe ə nwəli tɔɔ, Yálá ə pələ ɓo mą, yɛ hvilɛn na mɛ̨nįɠaai pai kɛi, yai nu hva gaa, mąą mɛ̨nį ɓa. Ə Yálá woo kaa a tɛ̨ą, ə kələn da bɛli, yɛ pɛli ɲəi bɛlɛ́n nuą ɓaloi. Bələ ə yɛnɛ̨ɛ̨ kəlee nwun na pili la, ə kɛ a tələnmolaai a hɔlɔɓo laa na laa hu, ŋą kwɛlin ɉəɠəmun.

Hebreu 12:13

ɛlɛɛ, 'ká ká hiɛ pələɠaa haŋą, ə gɛ, lɔwnuą di hvo pa kpɛlɛɠɛlɛn, kɛlaa yaamun, di ɓalo.

Hebreu 13:18

'Ká kɛ Yálá hvɛlii kuɔ, mąąhɔlɔɓo, ku kilaa ponoɔi kpɔ a nɛlɛɛ, ku kwəi kwɛlɛɛ, ku kaa bɔ, ku túwɔ́ a nɛlɛɛ mɛ̨nį lɔpee gəlee hu.

Zasua 10:12

Ɲələi tii Yai-Laa ə Amɔrə nuą too la Israɛlə lonnii yee ŋą, Ɉosue ə mɛ̨nį ɓo Yai-Laa ɓa Israɛlə lonnii kəlee ɲɛ̨i ɓa, yɛ mą: «Hvóló tɔɔ Gabaɔn taa mɛ̨i! Ɲąnin tɔɔ Ayalɔn nɛ̨ŋɛ̨ hu.»

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.

Zɔ̂ŋ Maa-ŋuŋ 3:22

ɛlɛɛ, hɛn kpɔ gwa vɛli mą, gwa ɉɔlɔɓo ɲəi mąąhɔlɔɓo, gwa nwɔ tíɓoɠaai pɔ yíiɓo, ɛlɛɛ, yii nwɛli kaa mą, guɔ gɛ.

Samuɛlə dɔlɔɔ 1:12

Vɛli ɓo hu kwɛai tii ə kɛi gɛ Yai-Laa ɲɛ̨i ɓa, Eli ɲɛ̨i heɛ kɛ naaləi,

Samuɛlə dɔlɔɔ 12:17

Kɛlɛi mɔ̨nun deei lɔwai ka kɛa-e, gáá Yai-Laa hvɛlii, yələgbąnąą tulɔ ə pu, mɛ̨nį ɲɔ̨nwɔ̨ɔ̨i ka gɛ, ka a gɛnɛ̨ pələ kaa, gɛ mɛ̨nį ka tɔɔmun vɛli yɛ hee ka nwun mɛ̨i.»

Samuɛlə dɔlɔɔ 12:18

Samuɛlə ə Yai-Laa hvɛli. Yai-Laa ə yələgbąnąą tulɔ pu, a mąą yələi tii. Nɔi lonnii kəlee di ɲɔw Yai-Laa da Samuɛlə diɛ.