Zĩi 5:11 - Yálá laawoo hɛɓɛ (dc)

¹¹ Ká kaa gaai, nuąi liikpələ laa kulɔ, gu kaa di mąątɛ̨nɛ̨i; ká Ɉobə nwɔ liikpələ laa mąą pələ mɛ̨n, ɛlɛɛ, bələi gu Nąmu ə nwɔ yɛnɛ̨ɛ̨ laa kulɔ la, ká gaa; mąąhɔlɔɓo, Ną́mu ŋą mɛ̨nį lɛlɛɛi, ɲee laahvɛɛi a mɛ̨inɛ̨ɛ̨.

Yálá laawoo hɛɓɛ

¹¹ Ká kaa gaai, nuąi liikpələ laa kulɔ, gu kaa di mąątɛ̨nɛ̨i; ká Ɉobə nwɔ liikpələ laa mąą pələ mɛ̨n, ɛlɛɛ, bələi gu Nąmu ə nwɔ yɛnɛ̨ɛ̨ laa kulɔ la, ká gaa; mąąhɔlɔɓo, Ną́mu ŋą mɛ̨nį lɛlɛɛi, ɲee laahvɛɛi a mɛ̨inɛ̨ɛ̨.

Bible

¹¹ Ka gáa, diai tɔ̀ɔ a gbanaŋɔɔ̂i, kwa dítòli a lii-nɛ̃ɛ-ƃela. Ka mɛni berei Zôo è tɔ̀ɔ la a gbanaŋɔɔ̂i, ǹyaŋ ka Kúnuu-namui ŋɔsapoi káa, berei wɛli-kɛ-maa da maloŋ-kaa káa la Kúnuu-namui yêei.

Zĩi 5:11 ပူးပေါင်းရင်းမြစ်များ

Kɔlɔnikɔ Maa-ŋuŋ 21:13

Davidə yɛ Gadə ɓa: «Liihɛlɛn gɛnɛ̨ aa too mą́ą́. Ɲą́ą́ mun nɛ́ɛ́ kpɔ Yai-Laa yəi ə ɉútɔɔ, yili hviɛlaɓoɔi ə dɛ́ɛ́ nu takpɛliɠaa pɔ diɛ ɉútɔɔ, mąąhɔlɔɓo, Yai-Laa nwɛi, a nu ɲɛ̨imąąwɛli kaa.»

Kɔlɔnikɔ Veerɛi 30:9

Yaan, ka pulu pənə mɛ̨nį kaa pa Yai-Laa pɔ ɓə pai gɛi, ka kaayɔwɔɠaa da ka lonnii, ɲɛ̨imąąwɛli yɛ pɛli tooi la nuąi li a diɛ luwɔlaa hu diɛ, diɛ di lɛɛ laa, diɛ di pulu pənə diɛ pa ɓɛ nɔi. Hvó gaai ka wɔɔ Yálái Yai-Laa lii nɛ̨ɛ̨i gwəi, ɲɛ̨imąąwɛli yɛ ɓə ɲəi; nui a pa bɔ, hva ɲɛ̨i həɠəi ɲɛ̨i.»

Nehemi 9:17

Di hvo gɛ di hvo di wəli tɔɔ, di hvo di kili lɛɛ gbalo mɛ̨nįɠaa ə́ gɛ diɛ ɉu, di di nwun ɉuwalawala, di di nwun dɛ ə́ pɔ, di naa di kwəi, diɛ kɛ di pənə də li di wɔ luwɔlaai hu. Kɛlaa, ə́ wɛi, nu mąą hvaalɛɛ Yálá ɓaa yɛ́, ə́ wɔ mɛ̨nį lɛlɛɛi, yɛ́ nu mąąwɛli kaa, hva ə́ líiholi ɉa. Ə́ kulaa ə́ woo ɓa, hvo ə́ yee kulɔ di mu.

Nehemi 9:31

Kɛlaa, ə́ wɔ wɛlikɛmąąlaa kɛnɛ̨ɛ mąą mɛ̨nį ɓa, hvo kɛ ə́ kili kulɔ li di hu, hvo kɛ di nwun na pili li; mąąhɔlɔɓo, ə́ kaa a wɛlikɛmąą Yálá, yɛ́ nu ɲɛ̨imąąwɛli kaa.

Zôo 1:1

Nu ta ə wɔlɔ kɛ Usə lɔi hu, a hulɔnu ta, diɛ kɛ mą: Ɉobə. Ə kɛ a nui dúwɔ́ pələ lɛlɛɛ, nwɔ mɛ̨nį haŋąą; yɛ ɲɔw Yálá ɓa, ɛlɛɛ, yɛ mąą kwɛa mɛ̨nį ɲɔ̨n ma.

Zôo 1:2

Ɉulɔnui ti lon ɉinąą di kɛ mɛ̨ihveelɛ, non nɛ̨ąą di ɓo haaɓa.

Zôo 2:10

Ɉobə yɛ nɛ̨ą ɓa: «Yɛ́ hvaa yɛ nɛ̨ɛ̨nui hva mɛ̨nį ɲąąkaa. Mɛ̨inɛ̨ɛ̨ lɔ ɓə gwa ɉɔlɔɓo Yálá yəi, a nwɔ nu kpɔɔ laa hɛn, mɛ̨nį ɲąąnwąnąą yaan, lə mɛ̨nį ɓa gu hva pɛli gu yee heei yili mu?» Mɛ̨nįɠaai ti kəlee hu, woo ɲɔ̨n və kulɔ Ɉobə la.

Zôo 23:10

Ya pa, ə dɛ́ɛ́ pələ kɔ́lɔn. A ɉúkɔɔn, ŋą́ kulɔ ɉu a mąąhɛɠɛɛ yɛ hɛni.

Mąątɛ̨nɛ̨ 103:13

Bələi lon gaa nąn a non ɉon na a wɛlikɛmąąlaa kɛnɛ̨, bələ lɔ ɓə Yai-Laa a nuąi da ɲɔw mą di hon na a liinɛ̨ɛ̨ gwəilaa.

Mąątɛ̨nɛ̨ 103:8

Yai-Laa liinɛ̨ɛ̨i gwəi, a nu mąąwɛli kaa; hva níiholi ɉa, gaa a wɛlikɛmąą.

Mąątɛ̨nɛ̨ 116:5

Yai-Laa lii nɛ̨ɛ̨i gwəi, dələnmoɔ, gu wɔ Yálái a nu ɲɛ̨imąąwɛli kaa.

Mąątɛ̨nɛ̨ 119:132

Ə́ ɲɛ̨i lɛlɛɛ hee mą́ą́, ə́ mą́ą́ hvaalɛɛ, nuąi ə́ laa wɛli kaa diɛ, bələ ɓə mąąnɛ̨ɛ̨ ə́ di hon na.

Mąątɛ̨nɛ̨ 145:8

Yai-Laa kili lɛlɛɛ gwəi, Níi nɛ̨ɛ̨ gwəi, hva nii holi ɉá, wɛlikɛmąą kili lɔ ɓə gwəi.

Mąątɛ̨nɛ̨ 37:37

'Ə́ ɲɛ̨i hee tai nu lɛlɛɛ ɓa, kwəi kwələ mun gaa tai, líikpələmun ɉuwu a ɓɛlɛ.

Mąątɛ̨nɛ̨ 51:1

Nwələ ɲɛ̨itɔwɔmun. Davidə nwɔ wələ.

Mąątɛ̨nɛ̨ 78:38

Kɛlaa yaa ti nwɛi, a líinɛ̨ɛ̨ gwəi Yálá, hvo kɛi di hɔn ɉee gwəi, hvo di hukala, yaamun, ə kɛi di kɛ nɛ̨ŋɛ̨nŋaa hu pu; ɛlɛɛ, yɛ nwɔ liiholi huhon gbɔ kɛlɛ kɛlɛ di mąą mɛ̨nį ɓa, níilaai lɔ kɛ di pɔ,

Mąątɛ̨nɛ̨ 86:15

Kɛlaa Ə́ wɛi, nwɔ mɛ̨nį Nąmu, liinɛ̨ɛ̨ gwəi Yálá ɓaa a yɛ́, mɛ̨inɛ̨ɛ̨ kɛ Yálá ɓaa a yɛ́, Ə́ lii hva holi ɉa, Ə́ ɓo lɔ a wɛlikɛmąą, da tɛ̨ą.

Mąątɛ̨nɛ̨ 86:5

Nwɔ́ mɛ̨nį Nąmu, yɛ́i ə́ wɔ mɛ̨nį lɛlɛɛ, yɛ́ nu mąąhvaalɛɛ; Ə́ wɔ ɲɛ̨imąąwɛlikaa hu kɛnɛ̨i, nuąi da ə́ hvɛli di mąą mɛ̨nį ɓa.

Mąątɛ̨nɛ̨ 94:12

Nwun nanɛ̨ɛ̨mun maa a, nui Yai-Laa a ɉutɔɔ, a nui Yá mąąkwɛli a ə́ wɔ tɔn ɉon bələ.

Lɛɛ gbɔwɔ ɓa 34:6

Yai-Laa ə tɛɛ Moisə lííla, yɛ mą: «Náá ɓaa a: Yai-Laa, ɲą́ą́ ɓə a Yai-Laa. Gáá a Yálá líi nɛ̨ɛ̨ gwəi, ɲɛ̨imąąwɛli kaa Yálá, yai níí hva holi ɉa, yɛ kulɔ nwoo ɓa, a tɛ̨ą ɓo Yálá.

Ikilisiati 7:8

Nu kɛ kóló laa kulɔi hviɛlaɓoɔi ə tɛɛ gɔwɔ tɔɔi ɓa. Nu liikpəlɛɛ hviɛlaɓoɔi ə tɛɛ huɲąŋą kɛnɛ̨mun ma.

Azaya 63:7

Gáá pai Yai-Laa nwɔ mɛ̨inɛ̨ɛ̨ɠaa hukulɔi, nwələɠaai da Yai-Laa laa tɛ, mɛ̨nįɠaai Yai-Laa ə gɛ kuɔ, di mąą mɛ̨nį ɓa, a nwɛlikɛmąąlaa kɛnɛ̨i ə gɛ, Israɛlə nwɔ pɛlɛ́i ɓa, bələ ə ɉon na a lii nɛ̨ɛ̨ gwəi, yɛ mɛ̨inɛ̨ɛ̨ tamąą kɛ mą.

Azaya 63:9

Ɛlɛɛ di kɛɛ di wɔ mɔ̨nɔ̨ɠaa hu, yaa kpɛli ə mɔ̨nɔ̨ mįi. Malakai ŋɛ̨i a nwɔ tímun, ya ɓə di nwunmąąɓo nwɔ wɛlikɛmąąlaa, da nwɔ nu ɲɛ̨imąąwɛli kaa laa haalai, yaa kpinįį ɓə di nwun mąąɓo, ə di mąą mɛ̨nį həɠə nwuɔ̨, yɛ di kpəŋə, yələ kəlee, ɲɛnɛ̨ɛ̨ yii aa tɛɛ ɉu.

Woolaa 3:22

Yai-Laa nwɔ mɛ̨inɛ̨ɛ̨ɠaa di hva kpɛɛ, nwɔ wɛlikɛmąą yee kɔ̨nwɔ̨n ɉu hva haa.

Danîa 9:9

Kɛlaa, yɛ́ ku Ną́mu ku wɔ Yálá, ə́ wɔ ɲɛ̨imąąwɛli kaa hu, ya ku mąąhvaalɛɛ, pələi mąn kwaa ku kwɛli tee la kɛ yɛ́.

Zooɛ 2:13

Ka lii ɓə mąąnɛ̨ɛ̨ ka ɉu ɓɛla ka mąą həɠə hvəi. 'Ka pənə ka pa Yai-Laa ka wɔ Yálái pɔ. Gbalai tɔɔ, nwɔ mɛ̨nį lɛlɛɛi, yɛ nu mąąwɛli kaa; Nii holi laa walaa, ɛlɛɛ, nwɔ ɲɛ̨imąąwɛli kaa hu kɛnɛ̨i, a mɛ̨nį nwąnąą laa nuą diɛ, yili hva gwəinɛ̨ɛ̨. Nwɔ lii nɛ̨ɛ̨ gwəi kɛnɛ̨. Niiɓa hvaa ə mɛ̨nį nwąnąą laa nu ɓa.

Zôna 4:2

Ə mo Yai-Laa ɓa, yɛ mą: «Yaai-Laa Kɛlɛi mɛ̨nįi ŋį́ kɛi mo ɓɛlɔwai ŋį́ kɛ la bɔ́ lɔi ya ka ee! Mɛ̨nį ŋį́ ɲɔw mą, ŋį́ laa dɔwɔ, gɛ́ pu, gɛ́ li Tarsisə daai yaa li. Mąąhɔlɔɓo ŋį́ gɔlɔn gɛ́ diɛ: ə́ kaa a Yálá yii a mɛ̨inɛ̨ɛ̨ kɛ, ɲɛ̨imąąwɛli kaa yɛ ɓo ɲəi kɛnɛ̨, hva níiholi ɉa, naahvɛɛi a wɛlikɛmąą hvo bɔ hvo mɛ̨nį nwąnąą laa nu ɓa.

Mise 7:18

Gbɛɛ ɓə a pɛli gɔwɔn ɉii Yɛ́, Yálá? Yɛ́i yá nu nwɔ nɛ̨ŋɛ̨n nwaa mą, kwa kulɔ Ə́ woo mu, Yɛ́ ə́ kili kulɔ ɉu, nwɔ nu huwu kpəlii wɛli kɛɛ mɔ̨ɔ̨ mą, a gwɛlin tii, hva ɲee kanąn nwɔ líiholii ɓa. Yaamun, niiɓa ɓaa yɛ nu mąąhvaalɛɛ.

Lonon mo 14:18

‹Yɛ́ Yai-Laa, ə́ líiholi laa walaai, ɛlɛɛ, ə́ wɔ mɛ̨inɛ̨ɛ̨ hu kɛnɛ̨i, yɛ́ túwɔ́ pələ ɲɔ̨n da kɛɛ kalaa mąąhvaalɛɛ. Hva mɛ̨nį lɔpee ta gwələ kulɔ laa lɛɛ. Yɛ́i ya nu nąnni kɛ mɛ̨nį ɲɔ̨n gwələ kulɔ nonnii diɛ, ə həɠə kálaɓɔlɔ haaɓa ɓa ə həli la nąąn bɔ.›

Maafîu 10:22

Ka wɛli a kpɛɛ nu kəlee ɓa náá mąą mɛ̨nį ɓa, kɛlaa nui a tɔɔ a nwąnąi ə lɛɛ ɉu yɛnɛ̨ɛ̨ ɲąąkpɛɛi lɔwai, mąą nu ɓə nwun mąą a ɓo.

Lukə 1:50

Yaa ɓə ɲɛ̨imąąwɛli kaa kaa ɲəi, a lɔwai kəlee, yɛ gɛ nwɛlikɛmąą nuą diɛ, ə mą kɛ, yiiɠaai da ɲɔw mą.

Lukə 11:10

Mąąhɔlɔɓo, nui a hɛn vɛli, da dɛɛ bɔ. Nui a hɛn gwɛli a ɉɔlɔɓo. Da pɛlɛ laaɓo naa kɛlɛ mun dɔwɔ.

Lukə 6:36

Mąąnɛ̨ɛ̨, ka laa ə hvɛɛ a mɛ̨nį lɛlɛɛ, yɛ pələi ka Nan Yálá laahvɛɛ la a mɛ̨nį lɛlɛɛ kɛɛ.»

Lomaŋ 2:4

A wala kɛti, ə́ ɲɛ̨i tɛɠɛ ɓoɔ ɓə mɔ̨ɔ̨ Yálá nwɔ mɛ̨inɛ̨ɛ̨ pələ da nwɔ lii kpələ hu? Hvo gɔlɔn yɛ mɛ̨inɛ̨ɛ̨ ti gaa gɛi yɛ, gaa gɛi ti, ə gɛ, ə́ ə́ hɔn mąąhvalin?

Ifisiɛŋ 1:6

Ká gu Yálá mąmąɓo mɛ̨inɛ̨ɛ̨ kɛnɛ̨ɛ̨i aa gɛ guɔ nwɔ wɛlikɛmąą Lon ɉáálai, mąą mɛ̨nį ɓa.

Ifisiɛŋ 2:4

Kɛlaa, Yálá nwɔ wɛlikɛmąą laa kɛnɛ̨i, nwɛlikɛmąą laa tii hu ɓə ə gu ɲɛ̨imąąwɛli kaa la,

Hebreu 10:39

Gu nwɛi, gu hvo yɛ nuąi daa pənə, daa di pulu tɔɔ, di nwun pili mɛ̨nį ɓa, kɛlaa, gu kaa a laa na nuą, gu nįį nwun mąąɓo mɛ̨nį ɓa.

Hebreu 3:14

Guɔ ka kɛa gwaa kɛ kɛa a Kristə mɛlaani, akɛ, gwa lɛɛ lɔ tɔɔni gu tɔɔ kilitɔɔmąą laa hu, ə lɛɛ la ɉu ɲąąkpɛɛ yələ.

Hebreu 3:6

Kɛlaa, Kristə nwɛi, gaa a bɛlɛ́n non, yɛ ɓo ŋą pɛlɛ́i mɛ̨i. Ŋą pɛlɛ́i, ya ɓaa a guɔ, akɛ mɛ̨nįi gu kaa mąąkpɔn ɉii, a ɲɛ̨i pono, a kilitɔɔmąą laa, gwa gu yee kąnąn mą kpąą.

Zĩi 1:12

Nwun na nɛ̨ɛ̨mun maa, nui a tɔɔ a nwalawalaa hukɔ́ɔn mɛ̨nį hu, mąąhɔlɔɓo, nui daa mąąkpɛɛ tii, a wala too, a yɛnɛ̨ɛ̨ hva kpɛɛ hɔlɔɓo a nwun ma ɓɔlɔ, yai, naakwɛlanmoɔi Yálá wɛli la kɛ nuą diɛ.

Zĩi 1:2

Ną́n nonnii, hu kɔ́ɔn mɛ̨nįɠaa da həli kaa, 'ká ká kwəinɛ̨ɛ̨ gəlee hu;

Piɛrə dɔlɔɔ 1:13

Yili ɓə gaa mą, yii kani ká kili aa nwun, mɛ̨nį hukpɛ mɛ̨nį ɓa, 'ká kɛ gili-gili, ká kilitɔɔ mɛ̨inɛ̨ɛ̨ tii pai tooi pono ɲą a Jesus Kristə pa yələ, mą.

Piɛrə dɔlɔɔ 3:14

Akɛmun, káá kɛli mɔ̨nɔ̨ mįi tələnmolaa mąą mɛ̨nį ɓa, ká nwun na nɛ̨ɛ̨i. 'Ká hvo ɲɔw nui lɔpee ta ɓa, 'ká mąą hvo kpɛlin.

Piɛrə veelɛ 2:9

Pələi nuą di kanąn ŋąą Ną́mu Yálá ɓa a di kulɔ la hukɔɔn mɛ̨nį hu, ə bələ kɔ́lɔn. Pələi nwɔ̨nɔ̨ mąąnɛ̨ɛ̨ ə mɛ̨nį ɲɔ̨n gɛ nuą hon na, yɛ pa di hutɔɔ kiti teei lɔwai, ə bələ kɔ́lɔn.