Zĩi 5:10 - Yálá laawoo hɛɓɛ (dc)

¹⁰ Ną́n nonnii, Yálá kwəi mɛ̨nį hukulɔ nuąi kɛli hvaa gu Ną́mu laa hu, ká ká kɔɔn diɛ; di di liikpələ, di mɔ̨nɔ̨ mįi.

Yálá laawoo hɛɓɛ

¹⁰ Ną́n nonnii, Yálá kwəi mɛ̨nį hukulɔ nuąi kɛli hvaa gu Ną́mu laa hu, ká ká kɔɔn diɛ; di di liikpələ, di mɔ̨nɔ̨ mįi.

Bible

¹⁰ Ŋánûa, ka Ɣâla ŋɔlóno-kɛ-ƃelai siɣe nyíi-ŋai lòno Kúnuu-namui láai sui a mɛni-soli-kaa da lii-kpele díkɔɔŋ-maa.

Zĩi 5:10 ပူးပေါင်းရင်းမြစ်များ

Kɔlɔnikɔ Veerɛi 36:16

Kɛlaa, di kɛi yɛlɛ kulɔ Yálá nwɔ wəlɛɛ ɓo nuąi hu, di tɛɠɛɓoɔ di wooɠaa hu, diɛ di woohəɠə gwəi mɛ̨nį hukulɔ nuą diɛ; ə lɛɛ la ɉu, Yai-Laa nwɔ liiholii ə tɛ nwąną ɓa, ɲali bulu hvo kɛa kɛ mą.

Azaya 39:8

Ezekiasə ə Esai woo pulu pənə, yɛ mą: «Woo lɛlɛɛ ka tii yáá mo yɛ həɠə Yai-Laa pɔ pələ.» Ə kɛi kɛa mo gwəi pələ, yɛ kɛ diɛ; ɓɛlɔwai gáá ni la vúlu kɔ́wɔ ŋą, liilaa kaa pai kɛi ku lɔwai, ɲɔw hva too nu ta hu.

Ɉeremi 2:30

Ŋą́ą́ ka lonnii kɛlɛ, aa lɛɛ a kpɛli-kpɛli, di hvo di wəli tɔɔ li niɛwoo ɓa. Kaa Yálá kwəi mɛ̨nį hukulɔ nuą paa a ɓɔwa kwɛa, yɛ bələi kɛɛ kala yala a gɛ la.

Ɉeremi 23:22

Ə li kɛ di pa nwɔ́ nwun dɔɔi hu, də li kɛ gwə́i woo ɓoi nuą diɛ, diɛ yiliɠaa yee kulɔ di yii pələ ɲɔ̨nwɔ̨ɔ̨ hu, da di wɔ túwɔ́ pələi ɲɔ̨nŋąą.»

Ɉeremi 26:16

Nɔi ɲąąwooɓo nuą da nɔi lonnii kəlee, diɛ ɉaláá laa həli nuą da Yálá kwəi mɛ̨nį hukulɔ nuą diɛ: «Ɉulɔnui ŋɛ̨i hvo haa kwɛli li gbɔwɔ ɓa, Yai-Laa gu wɔ Yálái laa hu ɓə, ə hvaa laa.»

Lukə 13:34

«Oo! Ɉerusalɛmə nuą, kaai ka Yálá kwəi mɛ̨nį hukulɔ nuą paa, nuąi Yálá a di tɔɔ ka pɔ, kaa di paa a kwɛni. Ŋą́ą́ ɉukɔɔn gee mɛ̨i tamąą, gɛ́ ŋą ə́ lonnii ɲąąkpɔn yɛ bələi tɛ́ɛ́ kɔ́nwɔ̨lee a nonnii ɲąąkpɔn na goon mu. Kɛlaa, ka hvo gɛ li.

Lukə 6:23

Ɓɛlɔwai mɛ̨nįɠaa tii da həli la kaa, ka pili yələi a kwəinɛ̨ɛ̨, mąąhɔlɔɓo, hvɛla kulɔ kɛnɛ̨ kaa ka mąąkpɔn ɉi yələkɔlɔn ɉu. Pələ kpɔlɔ ɓə di kalaɓɔlɔni di kɛi Yálá kwəi mɛ̨nį hukulɔ nuą laa nɔ̨nwɔ̨ ɓo la.

Gɛlaɠaa 3:21

Hvo kɛli yələkɔlɔn ə gbɛa ɲee hee mu, ə lɛɛ ɉu, mɛ̨nįɠaai wɔlɔ Yálá ə bu gwəi mɛ̨nį hukulɔ nuą mąąhəɠɛɛɠaa la, diɛ mo, gəlee ə pu nįnɛ̨ kɔlɔi.

Gɛlaɠaa 7:52

Yálá kwəi mɛ̨nį hukulɔ nuą nɛlɛ kpɔ ɓə ka nąnni di hvo mɔ̨nɔ̨ɓo? Nuąi kɛli dələnmomun ti pa mɛ̨nį laa həli, 'ka nąnni, di gəlee paa. Dələnmomun ti, ká lɔ mąąkilii, ká baa.

Hebreu 13:7

'Ká ká kili kɛ, nuąi Yálá laa woo laa həli káá, di hu; 'ká di wɔɔ yɛnɛ̨ɛ̨ ɲąąkpɛɛ pələ kaa, ɛlɛɛ, 'ká ká kɔɔn di wɔɔ laa na laa ɓa.

Zĩi 4:11

'Ká hvo mɛ̨nį ɲɔ̨n mo a ká kee laa, ną́n nonnii. Nui a mɛ̨nį ɲɔ̨n mo a nu ta laa, a wala kɛ tii, ə gití tee, aa mɛ̨nį ɲɔ̨n mo a dɔ́n naa, ɛlɛɛ, aa dɔn gití tee. Kɛlaa, yɛ́n, yá dɔn giti teei, yáá kɛ a kití teemun, ɛlɛɛ hvó kɛli a dɔ́n bɔ yíiɓomun.

Zĩi 5:13

Ká ta kaa mɔ̨nɔ̨ mį́i? Ə Yálá hvɛli. Gwəinɛ̨ɛ̨i? Ə Yálá mąąwiɛ wələ too.

Zĩi 5:7

Ną́n nonnii, ká ká liikpələ, ə lɛɛ la ɉu, gu Ną́mu pai lɔwai ə ɉəli. 'Ká ká ɲɛ̨i hee tai tíi kɛmun ma, a niikpələ, ə hee, yɛ lɔi dɔlɔ mąąkpɔn, a má dɔlɔɔ kulɔ, gili hva həɠə laa, ə lɛɛ ɉu, yɛ nɛɛ bulu mąąkpɔn.

Zĩi 5:9

Ną́n nonnii, ka hvo ka woolaa ka kee yəi, əgɛ, di hvo nəi pa ká kiti tee. Ká nąą kaa, giti tee mun kaa kɛa tɔɔni bɛlɛ́ laaləi.