Zĩi 4:6 - Yálá laawoo hɛɓɛ (dc)

⁶ Kɛlaa yaamun, Yálá aa mɛ̨inɛ̨ɛ̨ kɛnɛ̨ kɛ guɔ nwɔ̨nɔ̨. Ɉɛɓɛ́ yɛ mą: «Kpɔwɔ ɲąąkɛnɛ̨mun nwɛli hvo Yálá ɓa, kɛlaa, nui a gbɔwɔ mąąyɛɛ, a ɲɛ̨i lɛlɛɛ hee mą.»

Yálá laawoo hɛɓɛ

⁶ Kɛlaa yaamun, Yálá aa mɛ̨inɛ̨ɛ̨ kɛnɛ̨ kɛ guɔ nwɔ̨nɔ̨. Ɉɛɓɛ́ yɛ mą: «Kpɔwɔ ɲąąkɛnɛ̨mun nwɛli hvo Yálá ɓa, kɛlaa, nui a gbɔwɔ mąąyɛɛ, a ɲɛ̨i lɛlɛɛ hee mą.»

Bible

⁶ Kɛ́lɛ, Ɣâla a ƃɛlɛ-sêe támaa tɛ̀ɛ; mɛni ma Ŋ̀âla-kɔlɔi a mò, nyɛɛi, “Ɣâla tɔɔ̂i ǹyoŋka-ƃelai dîa, gɛ ƃɛlɛ-sêe tɛɛ maa-yeŋ-ƃelai pɔ.”

Zĩi 4:6 ပူးပေါင်းရင်းမြစ်များ

Kɔlɔnikɔ Veerɛi 32:26

Kɛlaa, ə mą kɛ tii, bələi mąn ɉu mɛ̨nį kɛnɛ̨ laa tii ə kɛ la Ezekiasə ɓa, yaa da Ɉerusalɛmə nuą di di hɔn gɔlɔn, di di kpɔɔ mąą yɛɛ, Yai-Laa nwɔ liiholii hvo ɓɛla di mɛ̨i a Ezekiasə nwɔ tɔɔlaa yələi.

Kɔlɔnikɔ Veerɛi 33:12

Yii kɛa Manase ə kɛ mɔ̨nɔ̨ hu, ə nɛɛ mą, ə nwɔ Yálái Yai-Laa təli, ə gbɔwɔ mąąyɛɛ kpɔ kɛnɛ̨ nąnni di wɔɔ Yálái lííla;

Kɔlɔnikɔ Veerɛi 33:19

Manase nwɔ Yálá hvɛli woo, da bələi Yálá ə nwoo mu hon na, nwɔ túwɔ́ pələ ɲɔ̨nŋąą, nwoo kalai ə mo Yálá ɓa, ɓɛɠaai ə hali kɔ́iɠaa pɛli laa, yɛ wuluɠaa tɔɔ diɛ gɔ́, ɉali mąąnįnįnŋąą ə bɛli, gɛɛ hvo ɉɔn gɔlɔn Yálá ɲɛ̨i ɓa; mɛ̨nįɠaa tii kəlee pɛ̨ɛ̨ kaa Hozai nwɔ hɛɓɛ́i hu.

Kɔlɔnikɔ Veerɛi 33:23

Kɛlaa, hvo gbɔwɔ mąą yɛɛ Yai-Laa ɲɛ̨i mu, yɛ bələi nąn Manase ə gɛ la. Kɛlaa yaamun a Amɔn, ə nɛ̨ŋɛ̨n ɉəɠə ə tɛɛ la nąn nwɛi ɓa.

Kɔlɔnikɔ Veerɛi 34:27

Yii kpɔ mɛ̨nįi ŋɛ̨i ə lɔ ə́ lii mu, ə́ ə́ kpɔɔ mąąyɛɛ Yálá lííla, ɛlɛɛ, nwooɠaai ɉɛɓɛ́i ŋɛ̨i ɉu, yɛ hvilɛn na gɛɛnąą ŋɛ̨i nuą diɛ, mąn ə́ mo, ə́ ə́ kpɔɔ mąąyɛɛ ɲą́ą́ nííla, ə́ ə́ mąąhəɠə huɓɛla, ə́ wɔlɔ nííla; yili ɓa, ɲą́ą́ gbɛli ŋą́ą́ ə́ woo mąn! Ɲą́ą́ Yai-Laa nwóó li.

Zôo 22:29

Ə mą kɛ nuą ɓə daa too, ya pɛli di muhəɠəi, mąąhɔlɔɓo, nui a nwun mąą yɛɛ, a muhəɠə.

Mąątɛ̨nɛ̨ 138:6

Yai-Laa kaa hɛn gəlee nwun mɛ̨i yələi kwɛaa la! Nui kɔ́lɔn və mą, yɛ gaa! Yɛ humɛ̨ni kɛnɛ̨mun gaa kwɛaa la.»

Mąątɛ̨nɛ̨ 9:12

'Ka gu wələ too, Yai-Laa ɓa, yai heeni Siɔn daai, 'ka gɛ mɛ̨nį kpɛa-kpɛaa hu kulɔ, lɔiɠaa diɛ.

Lɛɛ gbɔwɔ ɓa 18:11

Ŋą́ą́ laa na kɛa, gɛ́ diɛ: Yai-Laa kɛnɛ̨i dɛɛ haliɠaa kəlee diɛ, ə nwɔ kɛnɛ̨ laa lɛ Eziptə nuąi kɛi Israɛlə nuą mɔ̨nɔ̨ ɓo diɛ.»

Hanwon 15:33

Nui a ɲɔw Yai-Laa ɓa, mąą nu kaa kili mąąkwɛlii. Kpɔwɔ mąąyɛɛlaa kaa mąąwiɛlaa tɔwɔ.

Hanwon 18:12

Nu a wala ni too, ɉuɲąɲą kɛnɛ̨i, Kɛlaa, gɛɛ di hvo nu ɲɛ̨i pɔ̨nɔ̨, mąąnɛ̨ɛ̨ ə gbɔwɔ mąą yɛɛ.

Hanwon 22:4

Nui a gbɔwɔ mąą yɛɛ Yai-Laa yee mu, yɛ ɲɔw mą, vɛla ɓaa yee la hvólóon, mąąwiɛ, da lamun yɛnɛ̨ɛ̨.

Hanwon 29:23

Kpɔwɔ ŋąą kɛnɛ̨ laa pɔ hɛn maa a nwumɛ̨, nui a gbɔwɔ mąą yɛɛ, da mąąwiɛ.

Hanwon 3:34

Yai-Laa a yɛlɛkulɔ yɛlɛmąą kɛ nuą hu, Yɛ ɲɛ̨i lɛlɛɛ hee kpɔwɔmąą yɛɛ nuą diɛ.

Azaya 2:17

Nuą di wɔ kpɔwɔŋąą kɛnɛ̨ mąą a yɛɛ, nuąi di huɲąŋą kɛnɛ̨, da di laa pɛlɛi pɔlɔ ɓa. Mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Azaya 54:7

Ŋą́ ɲéé kulɔ lɔ ə́ mu a lɔwai logolo, Kɛlaa, gáá pai pənəi gɛ́ ə́ lonnii ɲąąkpɔn a wɛli kɛmąą laa; vįi hvo pai kpɛɛi yili kɛi.

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Maafîu 13:12

Mąąhɔlɔɓo, nui a da hɔlɔɓo da pənə nwɔ̨nɔ̨ di da tɛɛ bɔ, əgɛ, ə kɛnɛ̨ ɲəi. Kɛlaa, nui gaa ɲəi tiikpə, da yili woloi kulɔ ɲəi, ə lɛɛ a ɲeehowolo.

Maafîu 23:12

Nui a gbɔwɔ ɲąą kɛnɛ̨, Yálá a tinąą mąą yɛɛ, nui a gbɔwɔ mąą yɛɛ, Yálá a tinąą gɛnɛ̨ ə dɛ tɔwɔ.»

Lukə 1:52

Aa tɔɔɓɛlaa kulɔ di wɔ tɔɔ kpəlin ɉu, aa kpɔɔ mąą yɛɛ nuą tɛ aa di hee tɔɔ kpəlin ɉu.

Lukə 14:11

Mąąhɔlɔɓo, nui lɔpee a gbɔwɔ kɛnɛ̨, da mąą yɛɛ. Nui a gbɔwɔ mąą yɛɛ, da gɛnɛ̨.»

Lukə 18:14

Jesus yɛ diɛ: «Gáá moi kaa, nįįhɔ̨nwɔ̨ kulɔ mun tii, ɓɛlɔwai ə kɛi li la bɛlɛ́ laaləi, da Yálá di lɔwai pɛliɛ kɛa kɛ. Kɛlaa, Farisiɛ̨ tii nwɛi hvo kɛ tii, mąąhɔlɔɓo, nui lɔpee a nwun dɛ, da nwun ɲɛ̨ɛ̨, nui a gbɔwɔ mąą yɛɛ, da mąą tɛ.»

Zĩi 4:10

'Ká ká kpɔwɔ mąąyɛɛ gu Ną́mu yee mu, gaa a pai ká muhəɠəi.

Piɛrə dɔlɔɔ 5:5

Káá kpɛlimąn, a muhəɠə nįnɛ̨ɠaa, 'ká lɛɛ nu pɔlɔ-pɔlɔɠaa woo mu. Ɛlɛɛ, ká kəlee, 'ká ká kpɔwɔ mąąyɛɛ ká lɔwai mɛ̨nįɠaa hu, mąąhɔlɔɓo, «Kpɔwɔ ɲąą kɛnɛ̨mun nwɛli hvo Yálá ɓa, kɛlaa, nuąi da di kpɔwɔ mąą yɛɛ, a nwɔ mɛ̨inɛ̨ɛ̨i kɛ diɛ.»

Samuɛlə dɔlɔɔ 2:3

Ka hvo ka nwun dɛɠii hvaa ɓo lɔ tii, tɛɠɛɓo ɉu woo hvo kulɔ ka la. Yai-Laa kaa a Yálái mɛ̨nį kəlee kpaɠala kaa mą, ya ɓə a nuą kɛ mɛ̨nįɠaa kiti tee.