Zĩi 2:21 - Yálá laawoo hɛɓɛ (dc)

²¹ Kɛlɛi, gu nąn Abrahamə, ə kɛ a tələnmomun, dúwɔ́ pələ hu-e, a ɓɛlɔwai ə non Isaakə laa la ɉaláá kulɔi-e?

Yálá laawoo hɛɓɛ

²¹ Kɛlɛi, gu nąn Abrahamə, ə kɛ a tələnmomun, dúwɔ́ pələ hu-e, a ɓɛlɔwai ə non Isaakə laa la ɉaláá kulɔi-e?

Bible

²¹ Ɣâla fé kúnâŋ Eberaɣɛ̃ɛ kɛ́ ní a tɔ̃yâ-nuu ŋɔtíi sârai, tãi è ǹóŋ Aise kùla la a sâla Ŋ̀âla-teƃelei mai?

Zĩi 2:21 ပူးပေါင်းရင်းမြစ်များ

Mąątɛ̨nɛ̨ 143:2

Kiti hvo kɛ, ká ə́ wɔ tímun ka lɔwai, Mąąhɔlɔɓo, yɛnɛ̨ɛ̨ mun dai lɔpee hvo tələnmo li ə́ ɲɛ̨i ɓa.

Azaya 51:2

'Ka ka nąn Abrahamə kaa, da ka lee Sara, yai ka káá, yɛnɛ̨ɛ̨; hvo gaai tii, yaa tanɔ̨n gbən nɔ ɓə kɛ laa, gɛ́ dəli; yili kɛɛ tii, ŋi luɠo too mą, ŋi ɉuwu hu kɛnɛ̨!

Maafîu 12:37

Mąąhɔlɔɓo, ə́ hvaa woo ɓə tinąą Yálá a ə́ kiti tee la, ya wala kɛ a hɔn mąą mun, ya lɛɛ lɔ a nu haŋąą.»

Maafîu 3:9

Ɛlɛɛ, ka hvo ka kiliŋąhiɛ, kaa kɛ mą: ‹Ku kálápɔlɔ ɓaa a Abrahamə.› Gbalaitɔɔ, gáá moi kaa, Yálá a pɛli mą ə gwɛniɠaa ŋɛ̨i mąąpənə a Abrahamə lonnii.

Lukə 1:73

Yálá ə gwɛla yɛ ku kalaɓɔlɔ Abrahamə ɓa:

Lukə 16:24

Nąąlɔwai tii, ə nwoo tɛ kpɔ hɔ̨́ɔ́, yɛ mą: ‹Ną́n Abrahamə! Ɲɛ̨́i mąąwɛli kaa, Lazarə tɔɔ ə ɲee kpiɛ lɔ yalaɠi hu, ə vilɛn nɛ̨́n ŋą. Mąąhɔlɔɓo, gáá mɔ̨nɔ̨ mį́i kpɔ kɛnɛ̨ nwɔ̨n ŋɛ̨i hu ɓɛ.›

Lukə 16:30

«Ɉɛn gɔw nąmui tii yɛ mą: ‹Ną́n Abrahamə, yili hva pɛli. Kɛlaa, akɛ nu ta a həɠə ɓɛ ɲąmuątaa, ə li ə di kilaa pono, da pɛli di di túwɔ́ pələ mąąhvalin.›

Ɉaan 8:39

Di nwoo pulu pənə, diɛ mą: «Ku kalaɓɔlɔ ɓaa Abrahamə.» Jesus yɛ diɛ: «Akɛ Abrahamə huwu ɓaa a kaa, ka Abrahamə túwɔ́ pələ həɠə.

Ɉaan 8:53

Ku kalaɓɔlɔ Abrahamə aa haa, gaa ə́ kwəi ə́ pɔlɔ-pɔlɔɔi ə́ tɛɛ mą? Yálá kwəi mɛ̨nį hukulɔ nuą kpɛli mąn daa haa, ə́ kaa ə́ kpɔɔ kaai yɛ gbɛɛ?»

Gɛlaɠaa 7:2

Etiɛnə ə nwoo ɲąąpənə yɛ mą: «Káái ɓaa a Nąnni da nąnnonnii, 'ká ka wəli tɔɔ; mąąwiɛ-Yálá ə gbɔwɔ lɛ gu kalaɓɔlɔ Abrahamə ɓa, Mesopotami lɔi hu, ɓɛlɔwai hvo ni kɛ hee li la Haran lɔi hu.

Lomaŋ 3:20

Mąąhɔlɔɓo, yɛnɛ̨ɛ̨ mun dai lɔpee hvo tələnmo li ə́ ɲɛ̨i ɓa, nui lɔpee ta hvo pai tələnmolaa hɔlɔɓoi tɔ́n bɔ yíi ɓoɔ hu. Tɔ́n mə a gɛ, guɔ nɛ̨ŋɛ̨n gɔlɔn.

Lomaŋ 4:1

Lə mɛ̨nį ɓə gwa pɛli moi gu kalaɓɔlɔ Abrahamə mąą mɛ̨nį hu? Lə mɛ̨nį ɓə ə ɉɔlɔɓo gɔlɔ ɓa pələ?

Lomaŋ 4:12

Abrahamə kaa lɔ nwɔ̨nɔ̨ a nuąi di kɛ́nɛ̨ kɛɛ di kalaɓɔlɔ diɛi di hva di kilitɔɔ lɔ kɛ́nɛ̨ mɛ̨nį ɓa, kɛlaa, laa na laai kɛ gu kalaɓɔlɔ Abrahamə yəi, di hvo ni kɛ ɉee li kɛ́nɛ ɓa, ya ɓə di hvilɛn ŋąą bulu.

Lomaŋ 4:16

Yili ɓa, laa na laa háálai ɓə Yálá ə naakwɛlan mo la, ə gɛ, yili ə kɛ a Yálá nwɔ mɛ̨inɛ̨ɛ̨ yii dɔlɔ a kɛ mą Abrahamə huwu hu nuą kəlee diɛ, nuąi di kaa tɔ́n bɔ yíi ɓoi, diɛ tɔ̨nɔ̨ lɔ hvəə, kɛlaa, ə mą kɛ, nuąi laa na laa kaa di yəi, yɛ pələi Abrahamə ə kɛ la. Abrahamə ka a gu kəlee gu nąn.

Hebreu 11:17

Laa na laa háálai, Abrahamə hukɔɔn di mo, diɛ mą ə Isaakə kulɔ a haláái, ə non gɔw tanɔ̨n tii kulɔ a haláá, ya pa, daa gbɛa kɛ mɛ̨nįɠaa laakwɛlanmo mą,

Zĩi 2:18

Kɛlaa, nu ta a kɛ yɛ: «Laa na laa kaa ɲəi. Ɛlɛɛ, ɲą́ą́, bɔ túwɔ́ ə ɓo ɲə́i. Ŋą́ kɛ mą: Ə́ wɔɔ laa na laai bɔ túwɔ́ hvo mą, nɛ mą́ą́, ɛlɛɛ, ɲą́ą́ gbɛlimąn, ŋą́ nwɔ́ɔ́ laa na laa lɛ a bɔ túwɔ́.»

Zĩi 2:24

Káá gaa tii kɛa, nu túwɔ́ pələ ɓə a gɛ a tələnmomun, hva lɛɛ lɔ a laa na laa yaa tanɔ̨n.

Zasua 24:3

Ŋį́ ka nąn Abrahamə həɠə ɲá lee pulu pələ, ŋį́ li ŋį́ ɉee Kanaan lɔi nąą kəlee, ŋį́ ɉuwuhu ɓɛɛlɛ, ŋį́ Isaakə tɛɛ bɔ.