Zĩi 2:19 - Yálá laawoo hɛɓɛ (dc)

¹⁹ Ə́ laai na yɛ́ kɛ, Yálá kaa taanɔ̨n? Yáá gɛ a lɛlɛɛ. Ɲįnɛ̨nŋaa diɛ kpɛlimąn di laai lɔ ti na, ɛlɛɛ, yɛ di mąą kpɛlin.

Yálá laawoo hɛɓɛ

¹⁹ Ə́ laai na yɛ́ kɛ, Yálá kaa taanɔ̨n? Yáá gɛ a lɛlɛɛ. Ɲįnɛ̨nŋaa diɛ kpɛlimąn di laai lɔ ti na, ɛlɛɛ, yɛ di mąą kpɛlin.

Bible

¹⁹ Ílaâi la a gɛɛ Ɣâla káa nɔ́ tɔnɔɔ? Gɛ̀ ní mɛni lɛ́lɛɛ ká ti. Nyînaŋ nyɔ́mɔɔ-ŋai máŋ lâai la-díkɛ kpɛ̃liŋ.

Zĩi 2:19 ပူးပေါင်းရင်းမြစ်များ

Azaya 43:10

Nwɛ́i, nwɔ́ kɛlaɠaa ɓaa kaa, Yai-Laa woo li; kaai a nwɔ́ tínuą, kaai ŋį́ ka həɠə ɉu kaa pɛli mɛ̨nį kɔ́lɔn ɉii, kaa gbaɠala kaa, kaa kɛ ɲą́ą́ li, ɛlɛɛ, yálá takpɛli hvo ta kɛli laa ɲą́ą́ dɔ́wɔ́, ɛlɛɛ nwɔ̨nɔ̨, da hvo pai kɛi búlu.

Azaya 44:6

Israɛlə nwɔ Mɛ̨nį Kəlee ŋą Hééɓomun Yai-Laa, woo ka, yai a Israɛlə nwun mąąɓomun, Yai-Laa, huwalawala kəlee Nąmu, yɛ diɛ: ɲą́ą́ ɓə a dɔlɔɔ, ɲą́ą́ ɓə a ɲąąkpɛɛi, ə kulɔ ɲą́ą́ búlu, yálá takpɛli hvo laa.

Azaya 44:8

'Ka mąą hvo kpɛlin, 'ka hvo ɲɔw! Kɛlɛi ɉu aa kwɛa, ŋą́ą́ mo kaa, gɛ́ ɉu pɔ̨nɔ̨ a kaa, Ka hvo mɔ̨ɔ̨ kɛa a nwɔ́ kɛlaɠaa? Yálá takpɛli kaa mɔ̨ɔ̨ laa, ə kulɔ Ɲą́ą́ búlú? Gíli kaa kpɔ ɉu, gɛ́ Kwɛni takpɛli hvo laa, Və́ dakpɛli kɔlɔn.

Azaya 45:6

Ə gɛ, ə həɠə hvóló ɓɛlai pələ, ə həli la hvoló tooi pələ, ə kulɔ Ɲą́ą́ búlu, hɛn da hvo laa! Ɲą́ą́ ɓə gáá a Yai-Laa! Da kpɛli hvo laa.

Azaya 46:9

'Ka ka kiliŋąhiɛ mɛ̨nįɠaai da tɛɛ ɉu, a tɔwɔ-tɔwɔ mɛ̨nįɠaa tii: A tɛ̨ą, ɲą́ą́ lɔ ɓə a Yálá, dakpɛli hvo laa, Ɲą́ą́ lɔ ɓə a Yálá, kwa hɛn da ku hvo kpɔn ni náá ɓa, gəlee kaa lɔ ɲɛ̨́i mu yɛ hvaŋą kpɛli kpɛli.

Zôna 4:4

Yai-Laa yɛ Ɉonasə ɓa: «Ə́ líiholii ŋɛ̨i ə́ kaa moi, a kɛ tii mɛ̨nį lɛlɛɛ li?»

Zôna 4:9

Yálá ə Ɉonasə mąąnikɛ, yɛ mą: «Nwului tii haa mɛ̨nį ə nwąną yɛ́ lə mɛ̨nį ɓa?» Ɉonasə ə nwoo ŋąąpənə yɛ mą: «Tɛ̨ą kaa bɔ́ ŋį́ kɛ diɛ ɉáá hviɛlaɓoɔi.»

Zakari 14:9

Mąą yələi tii, Yai-Laa a gbɔwɔ lɛ a yɛnɛ̨ɛ̨ kəlee nwɔ tɔɔmun, a kɛ tii, Yai-Laa yaa tanɔ̨n mə a kɛ laa, naa ə ɓo tanɔ̨n.

Maafîu 8:29

Jesus kaai di mo, di tómą diɛ kɛ mą: «Ee ku Yálá Lon, lə ɓə yɛ ə́ gɛ a kuɔ? Akɛti, ə́ paa li kɛa, ə gɛ, ə́ ku nwun na pili nɔwai tɔwɔ?»

Markə 1:24

«Lə ɓə ə́ kaa bɔ ə́ gɛ a kuɔ, Jesus Nazarɛtə mun? Ə kaa bɔ ə́ ku nwun napili? Ŋą ə kɔ́lɔn, gɛ́: Ə́ kaa a Yálá nwɔ nu mąąhəɠɛɛ.»

Markə 12:29

Jesus ə nwoo pulu pənə, yɛ mą: «Dɔ́n yii gɛnɛ̨ ɓa ya ka: ‹Israɛlə ə́ wɛli tɔɔ, gu Ną́mu Yálá ɓə gaa a Yálá tɔ̨nɔ̨ gbən.

Markə 5:7

ə tómą kpɔ a nwoo kɛnɛ̨ yɛ mą: «Lə ɓə yɛ ə́ gɛ a ɲą́ą́, Jesus, Yálá yaai gaa yələkɔlɔn ɉu non? Gáá nɛ̨ɛ̨mąą hvəə yɛ́, 'gɛ Yálá ɓa, hvó náánɔ̨nwɔ̨ ɓo.»

Markə 7:9

Ə mo diɛ, yɛ diɛ: «Kaa Yálá nwɔ tɔ́n, lɛɛ laa, kaa hvilɛn ka wɔ huwula mɛ̨nįɠaa pulu.

Lukə 4:34

Yɛ kɛ mą: «Ee! Jesus Nazarɛtə mun, lə ɓə yɛ ə́ gɛ a kuɔ? Akɛti, ə́ pa kɛa ku nwun na pili mɛ̨nį ɓa li? Ŋą́ ə́ kɔ́lɔn ə́ kaa a Yálá nwɔ tímun.»

Ɉaan 17:3

Yaan, yɛnɛ̨ɛ̨ hva kpɛɛ ɓaa, di ə́ kɔ́lɔn a Yálá tanɔ̨n, yai a kpɔ-kpɔ, da Jesus Kristə yai Ə́ dɔɔ.

Gɛlaɠaa 16:17

Nɛ̨ɛ̨nui ti ə hvilɛn kwa Polə ni ku pulu, yɛ tomą, yɛ kɛ mą: «Nuą ŋɛ̨i di kaa a yəlkɔlɔn ɉu Yálá nwɔ tínuą, di kaa nu ɓalo kpaalə lɛi káá.»

Gɛlaɠaa 19:15

Kɛlaa, ɲįnɛ̨n ti ə di woo ŋąapənə yɛ mą: «Ŋą́ Jesus kɔ́lɔn, nui ɓaa Polə, ŋį́ gɔlɔn. Kɛlaa, káá ŋɛ̨i, gbɛɛ nuą ɓaa a káá?»

Gɛlaɠaa 24:25

Kɛlaa, yii kɛa nono woo ə hvilɛn, tələnmo yíí ɓa, da nu kpɔwɔ huhon mɛ̨nį, ɛlɛɛ, gitii gaa nuą tɔwɔ; Felisə ə ɲɔw, yɛ mą: «'Li kɛa, gáá pai ə́ təlii a yələ takpɛli.»

Lomaŋ 3:30

Hvo gaai, Yálá kaa tanɔ̨n, yaa lɔ ɓə pai kɛnɛ̨lɛa tələnmoi laa na laa háálai, ə kɛnɛ̨ kpolowaɠaa tələnmoi laa na laa háálai.

Korɛntə dɔlɔɔ 8:4

Akɛtii, huwɔi daa gulɔ a haláá hali ɓa, gwa pɛli da mįi? Gu gɔlɔn guɔ, hali lɔpee ta hvo yɛnɛ̨ɛ̨, ɛlɛɛ, yálá takpɛli hvo laa, ə kulɔ Yálá yaa tanɔ̨n gbən bulu.

Korɛntə dɔlɔɔ 8:6

gu wɛi Yálá tanɔ̨n gbən mə gu yəi, a gu Nąn, yai hɛn gəlee a həɠə bɔ, bɔ pələ lɔ ɓə nwɔ̨nɔ̨ gu kaa lii la, ɛlɛɛ, gu Nąmu ə ɓo tanɔ̨n, yai a Jesus Kristə; yai hɛn gəlee kaa yɛnɛ̨ɛ̨ ɉaalai, guɔ ɓo ɲee kɔnma.

Galatə 3:20

Yaan, lɔwai-kpəlin mɛ̨nį hva ɓo, akɛ nu tɔ̨nɔ̨ lɔ ɓə, Yálá yaan, ə ɓo lɔ tanɔ̨n gbən.

Dutɛrɔnome 6:4

Israɛlə! Ə́ wəli tɔɔ! Yai-Laa gu wɔ Yálái woo ɓa, Yai-Laa kaa tanɔ̨n.

Timote dɔlɔɔ 2:5

Mąąhɔlɔɓo, Yálá kaa tanɔ̨n gbən, ɛlɛɛ, Yálá da nu kanŋaa di lɔwai pɛlimun, ə ɓo lɔ tanɔ̨n gbən, a nu tanɔ̨n, ya ɓaa: Jesus Kristə;

Zĩi 2:8

A tɛ̨ą, akɛ ká dɔɔlaa hu tɔ́n bɔ túwɔ́ ɓo, yɛ bələi ɉɛɓɛ́ ə mo la, yɛ kɛ: «Ə́ ɓɛlan gaalon nwɛli la kɛ yɛ ə́ kpɔwɔ kpinįi, ká túwɔ́ tii, akɛtii, káá gɛ a nɛlɛɛ.»

Zûu 1:4

Mąąhɔlɔɓo, nu ɲɔ̨nwɔ̨ɔ̨ tamąą daa lɔ ka lɔwai, diɛ guɔ Yálá nwɔ mɛ̨inɛ̨ɛ̨ woo ŋɛ̨i mąą pənə a di kpɔɔ liiɓa. Ə gɛ, di di wɔ túwɔ́ pələ ɲɔ̨nŋaai lɛ yɛ tɛ̨ą mɛ̨nį. Diɛ lənə Jesus Kristə ɓa, yai gaa a gu mąąkwɛlimun tanɔ̨n gbən da gu Námui. Yálá lawoo a wɔlɔ nuą tii di nwun napili mąą mɛ̨nį ɓo ɉu aa kwɛa.

Zûu 1:6

Ɛlɛɛ, ka kili kaa ɉu kaa, malakaɠaai Yálá ə tɔɔi kɛnɛ̨ tɛɛ di pɔ, di lənə mą; di həɠə Yálá-taa ɓɛi kɛ a di heei kpɔ-kpɔ. Yili ɓə gɛ Yálá ə di yili a yɔwɔn, ə di pili kpinį hu, di lɛɛ laa diɛ giti kpəli tee yələ mąąkpɔn.

M̀ɛni-lɛɛi 20:10

Ɛlɛɛ, nąnį, yai a di ɲąąhɛnmun, da bili nwɔ̨n máɠa hu, ɉuwɔi tii pɔ, da ŋą loloɓomun. Ɛlɛɛ, di kaa pai mɔ̨nɔ̨ mįi laa, a kpinį da hvóló, ɲɛ̨n deei hva kɛ mą.