Zĩi 1:15 - Yálá laawoo hɛɓɛ (dc)

¹⁵ Ɲɛ̨i kulɔbɔ a koo həɠə, ə naayɛɛ a nɛ̨ŋɛ̨n, nɛ̨ŋɛ̨n a pɔlɔ, ə naayɛɛ a haa.

Yálá laawoo hɛɓɛ

¹⁵ Ɲɛ̨i kulɔbɔ a koo həɠə, ə naayɛɛ a nɛ̨ŋɛ̨n, nɛ̨ŋɛ̨n a pɔlɔ, ə naayɛɛ a haa.

Bible

¹⁵ Tãi núu kpîŋ tua-pere nyɔŋ-wɛliɛ à koo sìɣe lai, sɔnyɔ̂ŋ ƃe a zɔlɔ ƃo. Ǹyaŋ tãi sɔnyɔ̂ŋ a ƃɔ̂lɔ lai a pâ a saa.

Zĩi 1:15 ပူးပေါင်းရင်းမြစ်များ

Zɛnɛse 2:17

Kɛlaa, yii ɓaa mɛ̨nį lɛlɛɛ da mɛ̨nį ɲɔ̨nwɔ̨ɔ̨ di kɔ́lɔn nwului ŋɛ̨i nwɛi, hvó má ta mį́i, mąąhɔlɔɓo, hvólói yá má ta mį́i la, yá haa.»

Zɛnɛse 3:6

Nɛ̨ɛ̨nu ə nwului tii ma kaa, ə mąąkpɛɛ, nɛlɛɛ, ɛlɛɛ, ə mį́i wɛli too mą, ə gaa, yɛ kɛ, yii, a pɛli ə nu kili too ɲəi. Nɛ̨ɛ̨nu ə nɛɛ mą, ə nwulu ɓai tii ta kulɔ, ə mį́i; yili pulu, ɉilɛ yɛ ɓo tɔɔni gwɛlɛ, ə da tɛɛ yili pɔ, yili yaan, ə nwɛi mį́i.

Samia Veerɛi 11:4

Davidə ə nuą tɔɔ diɛ li nɛ̨ɛ̨nui tii təlii, pai ə mo, da Davidə di yíi, nɛ̨ɛ̨nui ə pənə li ɲəi bɛlɛ́ laaləi. Nɛ̨ɛ̨nui tii aa kpɛɛ kɛa kɛ a ɲəi waa, ɉaláái mąąnɛ̨ɛ̨ ə gulɔ ə gbɔwɔ mąąhəɠə mɛ̨nį ɓa, aa kpɛɛ kɛa kɛ a yili kulaa.

Zôo 15:35

Nui a mɛ̨nį ɲɔ̨n ɉee gwəi, a naayɛɛ a mɛ̨nį ɲɔ̨n. Gílíí kɛ mą lon mə a too gwəi.

Mąątɛ̨nɛ̨ 7:14

gbɔwɔ kpinįi mąą mɛ̨nį ka tii gaa nu paa hɛnŋaai tii pɛlii la, yɛ nwɔ tonwąɠaai tí.

Mąątɛ̨nɛ̨ 9:17

Yai-Laa aa gbɔwɔ lɛ, aa gití hu woo ɓo, nui hva kulɔ nwoo ɓa, gbɔwɔ kpįnįi hɛlɛn lɔ ɓə, yá ɉon na.

Hanwon 11:19

Nuąi da li Nɛ̨ɛ̨nui tii pɔ, di hva di pulu pənə. Di hva yɛnɛ̨ɛ̨ kɛ pələ kaa.

Azaya 33:11

Ka koo həɠə a mɔ̨nun gban, kaa ka laa yɛɛ a dɛ̨ɛ̨ kpoloon, ka nɔ̨ɔ̨ kaa pai kɛi a nwɔ̨n, yɛ ka kələn.

Azaya 59:4

Nu ta hva kalamąɓo kɛ́, nwɔ tɛ̨ą mɛ̨nį hu, nu ta hva tɔɔ bulu laa kɛ kwəi kwələ laa hu, kpɛli kpɛli mɛ̨nį ɓə da di kilitɔɔ mą, lɛɛ mɛ̨nį ɓə da mo, da túwɔ́ pələ ɲɔ̨n mąą koo həɠə, di di laa yɛɛ a kɛɛ kalaa.

Maafîu 26:14

Jesus nwɔ kalan nɛai dɔ̨nɔ̨ yii da kɛ naa ɓa Ɉudasə Iskariɔtə mun, ə li ɉaláá la həli nuą kpɛa-kpɛaɠaa pɔɔli, yɛ diɛ:

Maafîu 5:28

Kɛlaa, nwɛ́i gáá moi kaa, nui lɔpee a nɛ̨ɛ̨nu ta kaa, ɲɛ̨i a kulɔ bɔ nwɔ kiliŋąhiɛ hu, a kɛti a gbɛa láá a mąąnɛ̨ɛ̨nu.

Zĩi 1:14

Nu tɛitɛi nwɔ ɲąąhɛn mɛ̨nį a kulɔ, nwɔ ɲɛ̨i kulɔ bɔ hu, yɛ ɲąąnɛ̨nɛ̨n, yɛ ɲɛ̨ikwɛli.

Zĩi 1:18

Yaa kpinįi niiɓa hu ɓə, ə gu kaa la a lon, tɛ̨ą woo háálai, əgɛ, gu kɛ a ŋą pɛli hɛn dɔlɔɔɠaa.