Zĩi 1:14 - Yálá laawoo hɛɓɛ (dc)

¹⁴ Nu tɛitɛi nwɔ ɲąąhɛn mɛ̨nį a kulɔ, nwɔ ɲɛ̨i kulɔ bɔ hu, yɛ ɲąąnɛ̨nɛ̨n, yɛ ɲɛ̨ikwɛli.

Yálá laawoo hɛɓɛ

¹⁴ Nu tɛitɛi nwɔ ɲąąhɛn mɛ̨nį a kulɔ, nwɔ ɲɛ̨i kulɔ bɔ hu, yɛ ɲąąnɛ̨nɛ̨n, yɛ ɲɛ̨ikwɛli.

Bible

¹⁴ Kɛ́lɛ, su-kɔɔŋ a pâ núu kélee pɔ tãi gbîŋ tua-pere nyɔŋ-wɛliɛi a ziɣe la bere sã́ai mai.

Zĩi 1:14 ပူးပေါင်းရင်းမြစ်များ

Zɛnɛse 3:6

Nɛ̨ɛ̨nu ə nwului tii ma kaa, ə mąąkpɛɛ, nɛlɛɛ, ɛlɛɛ, ə mį́i wɛli too mą, ə gaa, yɛ kɛ, yii, a pɛli ə nu kili too ɲəi. Nɛ̨ɛ̨nu ə nɛɛ mą, ə nwulu ɓai tii ta kulɔ, ə mį́i; yili pulu, ɉilɛ yɛ ɓo tɔɔni gwɛlɛ, ə da tɛɛ yili pɔ, yili yaan, ə nwɛi mį́i.

Zɛnɛse 6:5

Yai-Laa ə gaa yɛ diɛ: Nu lonnii kwəi kiliŋąhiɛ kaa lɔ kɛa mɛ̨nį ɲɔ̨n ma a hvóló kəlee.

Zɛnɛse 8:21

Ɉaláá tii Noe ə gulɔ ə nɛ̨ɛ̨, ə Yai-Laa liilaa. Yai-Laa yɛ gbɔwɔ ɓa: «Və́ kɛa pai lɔi nɛ̨ŋɛ̨n naai nu kan dúwɔ́ pələ mąą mɛ̨nį ɓa. Bələi mąn kpɛli di wɔ kiliŋąhiɛ hva kɛ la a nɛlɛɛ, ə gɔwɔ tɔɔ di lokolo yələ ɓa. Ɛlɛɛ, və́ kɛa pai yɛnɛ̨ɛ̨ nwun na pilii yɛ bələi ŋɛ̨i ŋį́ gɛ́ lai.

Samia Veerɛi 11:4

Davidə ə nuą tɔɔ diɛ li nɛ̨ɛ̨nui tii təlii, pai ə mo, da Davidə di yíi, nɛ̨ɛ̨nui ə pənə li ɲəi bɛlɛ́ laaləi. Nɛ̨ɛ̨nui tii aa kpɛɛ kɛa kɛ a ɲəi waa, ɉaláái mąąnɛ̨ɛ̨ ə gulɔ ə gbɔwɔ mąąhəɠə mɛ̨nį ɓa, aa kpɛɛ kɛa kɛ a yili kulaa.

Zôo 31:27

akɛ yili ta ə́ níí hon, gɛ́ di kaa a nwɔ́ yálá, gɛ́ kwɛli hvilɛn diɛ,

Zôo 31:9

Akɛ nɛ̨ɛ̨nu takpɛli mąą mɛ̨nį aa ta níí kulɔ mą́ą́! Akɛ ŋą́ą́ ta mɛ́lan nwɔ pɛlɛ́ laaləi mąą hɛn!

Hanwon 4:23

Ə́ kili kɛ ə́ kpɔwɔ hu, ə tɛɛ hɛn gəlee ɓa, mąąhɔlɔɓo, yili ɓə a gɛ ə́ yíi ə kwɛa.

Azaya 44:20

Luwu kpɛli-kpɛli ɓə kanąn ŋąą mą, gili ɲąą pɛlɛ pələ, yɛ gbɔwɔ nwun ɉu lan; hvo pai kulɔi ɉu! Yələ ta, hvo pai kɛi diɛ: «Ɉɛn ɲɛ̨i ɲə́i, aa ɓowo hɛn gbɛli kpɛli ɓəi?»

Osia 13:9

Israɛlə yɛ́ ɓəi! Daa ə́ hu kala ŋɛ̨i! Tɔ́ɔ́ ɓə ə́ mo ná; ɲą́ą́ dɔ̨nɔ̨ lɔ ɓə ŋą́ pɛli kpɔnmąątɛɛi ə́ pɔ.

Maafîu 15:18

Kɛlaa, yii a kulɔ nu la, a həɠə nwɔ kiliŋąhiɛ hu. Yili ɓə a nu mąą liɓi.

Maafîu 15:20

Mɛ̨nįɠaa tii ɓə da nu mąą liɓi. Kɛlaa, nu yəi lɛɛ tii yɛ kɔ̨nɔ̨n mį́į́, a wala kɛti ə́ ə́ yəi waa yɛ bələi ka wɔ huwula mɛ̨nį pɔlɔɠaa kaa la, yili hvəə a nu mąąliɓi.»

Maafîu 4:1

Jesus mąąwaa pulu, Yálá nwɔ Kilii ə ɉəɠə, ə li la nɔi pun ɉu, ə gɛ, nąnį ə ŋąąhɛn.

Maafîu 5:28

Kɛlaa, nwɛ́i gáá moi kaa, nui lɔpee a nɛ̨ɛ̨nu ta kaa, ɲɛ̨i a kulɔ bɔ nwɔ kiliŋąhiɛ hu, a kɛti a gbɛa láá a mąąnɛ̨ɛ̨nu.

Lomaŋ 7:11

Mąąhɔlɔɓo, nɛ̨ŋɛ̨n aa tɛɛ tɔn ŋą liɛwoo hu, aa ɲą́ą́hɛn, yili pɔ pələ, haa aa həli mą́ą́.

Lomaŋ 7:13

Akɛti, ɉɛn nɛlɛɛi ŋɛ̨i, aa kɛ a báá hɛn? Kpaa-o! Ya hvəə, nɛ̨ŋɛ̨n mə gɛ, gɛ́ kɛ a haa mun. Bələi kpɔ nɛ̨ŋɛ̨n nwɔ kɛ pələ kaa la, aa yili kulɔ ponoŋą. Ɉɛn kɛ nɛlɛɛ aa ɉəɠə aa gɛ a báá hɛn. Bələ ɓə nɛ̨ŋɛ̨n ə kɛ la a hɛn yii ɲɔ̨nwɔ̨ɔ̨ dɛɛ gɛi ɓa tɔ́n nwɔ liɛwoo pɔ.

Ifisiɛŋ 4:22

Hvo kɛli, ká ká yee kulɔ ká yíi pələ pɔlɔ-pɔlɔ hu, ɲíi pɔlɔ-pɔlɔ kɔlɔi tii kɛ káá, 'ká gulɔ káá, a yai ɉu a kala; a ɓowo ɲɛ̨i kulɔ bɔ, laa pɔɔ;

Hebreu 3:13

Kɛlaa yaamun, ká ká keeni hvaŋąlɔ a yələɓɔ pələ tɛitɛi, yii kpɔ ni háákələi kaa ɉui, əgɛ, ká ta hvo pa gili walawala, nɛ̨ŋɛ̨n yɛ mowo.

Zĩi 1:13

Nui lɔpee, ɲąąhɛn mɛ̨nį a həli mą, hvo kɛ diɛ: «Yálá ɓə ɲą́ą́hɛn.» Mąąhɔlɔɓo, mɛ̨ni ɲɔ̨n gɛ kili hva too Yálá ɓa, ɛlɛɛ, hva pɛli nu ɲąąhɛŋi.

Zĩi 1:15

Ɲɛ̨i kulɔbɔ a koo həɠə, ə naayɛɛ a nɛ̨ŋɛ̨n, nɛ̨ŋɛ̨n a pɔlɔ, ə naayɛɛ a haa.