Zɛnɛse 8:21 - Yálá laawoo hɛɓɛ (dc)

²¹ Ɉaláá tii Noe ə gulɔ ə nɛ̨ɛ̨, ə Yai-Laa liilaa. Yai-Laa yɛ gbɔwɔ ɓa: «Və́ kɛa pai lɔi nɛ̨ŋɛ̨n naai nu kan dúwɔ́ pələ mąą mɛ̨nį ɓa. Bələi mąn kpɛli di wɔ kiliŋąhiɛ hva kɛ la a nɛlɛɛ, ə gɔwɔ tɔɔ di lokolo yələ ɓa. Ɛlɛɛ, və́ kɛa pai yɛnɛ̨ɛ̨ nwun na pilii yɛ bələi ŋɛ̨i ŋį́ gɛ́ lai.

Yálá laawoo hɛɓɛ

²¹ Ɉaláá tii Noe ə gulɔ ə nɛ̨ɛ̨, ə Yai-Laa liilaa. Yai-Laa yɛ gbɔwɔ ɓa: «Və́ kɛa pai lɔi nɛ̨ŋɛ̨n naai nu kan dúwɔ́ pələ mąą mɛ̨nį ɓa. Bələi mąn kpɛli di wɔ kiliŋąhiɛ hva kɛ la a nɛlɛɛ, ə gɔwɔ tɔɔ di lokolo yələ ɓa. Ɛlɛɛ, və́ kɛa pai yɛnɛ̨ɛ̨ nwun na pilii yɛ bələi ŋɛ̨i ŋį́ gɛ́ lai.

Bible

²¹ Tãi Yâwɛɛ è géreŋ sala kúŋ nɛ̃ɛi kúŋ mɛ̀ni lai, è mò ǹyɛɛi, “Fé pâi ŋɔ́nɔ wɔ́lɔ ǹɔii náɣanîi núu-kpune mɛni ma, kpɛ́ni fêi, núu-kpune ŋɔkili-ŋa-sîai nyɔ̂mɔɔi é síɣe gɔ́ɔ pîlanii. Fé pâi ŋɔ́nɔ wɔ́lɔ fúlu sɛŋ kélee su karâi ǹɔii mâ yɛ̂ɛ berei ŋá gɛ̀ lai.

Zɛnɛse 8:21 ပူးပေါင်းရင်းမြစ်များ

Zɛnɛse 3:17

Yai-Laa yɛ kɛa hulɔnu ɓa: «Yii kpɔ ə́ ə́ wəli tɔɔ ə́ nɛ̨ą woo ɓa, ɛlɛɛ, nwului ŋɛ̨i ŋą́ kɛ yɛ́: ‹Hvó má ta mį́i›, ə́ da mį́i, ə́ hɔn tii mąąi mɛ̨nį ɓa, lɔi kaa pai kɛi a nɛ̨ŋɛ̨n naa. Ə́ kaa pai kɛi mɔ̨nɔ̨ mį́i ə kɔ̨nɔ̨n gwɛliɛ hu, lɔi ɓa, ə́ yíi hvóló kəlee hu.

Zɛnɛse 4:12

Yili ɓə gaa mą, ə mą kɛ yaa kóló kɛ lɔi ɓa, hvo kɛa pai hɛn da tɛɛi ə́ pɔ. Ə́ kaa pai lɛɛi a nu kpoloon, yɛ́ gilɛ həɠə lɔi mɛ̨i.»

Zɛnɛse 5:29

ə naa hee a Noe. Ə giliŋąhiɛ, yɛ diɛ: «Nui ŋɛ̨i ɓə pai hvįįtɔɔ tɛɛi ku pɔ, ku kɛ kólóɠaa mąą mɛ̨nį ɓa, lɔi nɛ̨ŋɛ̨n naai ŋɛ̨i Yai-Laa ə mo, mąą mɛ̨ni ɓa.»

Zɛnɛse 6:13

Nąąlɔwai, Yálá ə mo Noe ɓa, yɛ mą: «Noe! Ŋą́ą́ gaa gɛ́ diɛ: yɛnɛ̨ɛ̨ hɛnŋaa kəlee ŋąąkpɛɛi lɔwai aa ɉəli ɲɛ̨́i ɓa; di hɔn aa ɲɔ̨n, nwąnąlɔ aa lɔi mɛ̨i laa hvɛɛ. Gáá gəlee nwun na pilii.

Zɛnɛse 6:17

Gáá pai yánwąną kulɔi lɔi mɛ̨i, ə nɔ̨ɔ̨-nɔ̨ɔ̨ hɛnŋaa kəlee nwun napili lɔi mɛ̨i.

Zɛnɛse 6:5

Yai-Laa ə gaa yɛ diɛ: Nu lonnii kwəi kiliŋąhiɛ kaa lɔ kɛa mɛ̨nį ɲɔ̨n ma a hvóló kəlee.

Zɛnɛse 6:7

Ə mo gbɔwɔ ɓa, yɛ diɛ: «Hvo kɛ li ŋį́ nu lonnii kəlee nwun napili, ŋį́ di həɠə lɔi mɛ̨i, da huwɔɠaa, ə mą kɛ nwɛ̨niɠaa. Di pɛlii ŋɛ̨i ŋį́ mo, a tɛ̨ą, yili aa níí too pulu.»

Zôo 14:4

Gbɛɛ kpɔ ɓə laa yɛ pɛli mɛ̨nį ɲɔ̨nwɔ̨ɔ̨, da nɛlɛɛ gulɔ ɉu kɛi yɛ bələi ə́ kaa la? Mąą nu hvo mą!

Mąątɛ̨nɛ̨ 51:5

A tɛ̨ą, ŋą́ą́ ɉɔ́n gɔlɔn, nwɔ́ nɛ̨ŋɛ̨n kaa lɔ ɲɛ̨́i mu a yələ kəlee.

Mąątɛ̨nɛ̨ 58:3

Kpələ-o! Ká kɛ giliɓo, kaa piɛn doo mɛ̨nįɠaa kɛ, ɓɛ yɛnɛ̨ɛ̨, ka kɛ wea mɛ̨nį huwu ɲąątɔɔi, a ka kɛ mɛ̨nįɠaa.

Mąątɛ̨nɛ̨ 58:4

Nwąnąlɔ nuą da ɲɔ̨n gbɔlɔ di mąą koo həɠəi lɔwai, lɛɛ nuą da həɠə kpɔlɔ pələ mɛ̨i di kaai lɔwai.

Lɛɛ gbɔwɔ ɓa 29:18

Ə́ mɛlaa huwɔi tii kəlee kələn ɉaláá kulɔ kəhi mɛ̨i, yili a kɛ a haláá yii da gəlee kələn, gun nɛ̨ɛ̨ a Yai-Laa nwɔɔ.

Lɛɛ gbɔwɔ ɓa 29:25

Ə́ pənə ə́ ɉəɠə di yəi, ə́ gələn ɉaláá kulɔi, yili a Yai-Laa líílaa. Yili kaa a haláá yii gələn gun nɛ̨ɛ̨. Haláá kɔ̨nɔ̨n ni, yɛ́ gələn a Yai-Laa nwɔɔ.

Hanwon 20:9

Gbɛɛ ɓə a pɛli kɛi diɛ: «Ŋą́ą́ nii hu mąąhəɠə, nɛ̨ŋɛ̨n və mą́ą́?»

Ikilisiati 7:20

Yaan, nui lɔpee ta hvo ɓɛ lɔi mɛ̨i ɉaŋąą, yɛ mɛ̨nį lɛlɛɛ kɛ, yii hva pɛli lan ɉi.

Azaya 47:12

'Lɛɛ kani ə́ wɔ tɔlikpɛ mɛ̨nįɠaai pulu, da ə́ wɔ ɲeąkpɛ mɛ̨nįɠaai, diɛi wɔlɔ yáá ə́ kpɔwɔ hviikpɛɛ di pulu, ə həɠə ə́ muhəɠəi lɔwai ɓa, ə kɛ ə́ kwəi ə́ kaa pai tɔ̨nɔ̨ hɔlɔɓoi ɉu, diɛ pɛli ə́ kulɔi mɛ̨nįi.

Azaya 47:15

Bələ ɓə ə́ wɔ tɔlukpɛ nuąi kaa pai kɛi la yɛ́, diɛi ə́ ə́ kpɔwɔ hviikpɛɛ di pulu ə həɠə ə́ muhəɠə yələ ɓa, di kəlee di kaa pai lii di nwun mą, di ta lɔpee hva pɛli ə kulɔi mɛ̨nįi.

Azaya 48:8

Hvo nii ta kɛ bələ mɛ̨nį ni, hvo kɛ di kɔ́lɔn, və́ ni kɛ ə́ wəli lon doo li ɉu nąąlɔwai tɔwɔ, mąąhɔlɔɓo, gbaɠala ə kɛ mą́ą́, gɛ kɛ ya kulɔ nu pulu, ə́ kɛ ni ə́ lee kwəi, diɛ kɛ yɛ́: «Kulɔ nwoo mun lon.»

Azaya 53:6

Gu kəlee gwaa kɛ lan yɛ ɓɛlaaɠaa, nu kəlee ə kɛi li a niiɓa pələ, ya ka tii Yai-Laa ə gu kəlee gu wɔ túwɔ pələ ɲɔ̨n nwulu lɛɛ nwuɔ̨.

Azaya 65:6

Ka nɛɛ lɔ laa, mɛ̨nįɠaai tii kəlee pɛ̨ɛ̨ kaa ɲə́i ɲą, və́ pa nəi tɔɔ ɉu tin, hvo kɛi ŋį́ di kwələ kulɔ, ŋį́ gwələ kəlee kulɔ kpɔ ə kpɛɛ níí pɔ.

Ɉeremi 17:9

Nu kwəi kili ɲɔ̨nwɔ̨ɔ̨i hɛn gəlee ɓa, gbəlaan ŋąą, ɉu hva pɛli tɔɔi, gbɛɛ ɓə a pɛli gɔlɔn ɉii.

Ɉeremi 18:12

Kɛlaa ka káá pai kɛi diɛ: «Pɛli mąą hvo ɉu, ku kaa hiɛi yɛ bələi ku kwəi kili kaa la. Ku kaa kanąn ku wɔ lii pɔ ɲɔ̨nŋaa diɛ.»

Ɉeremi 8:6

Ŋą́ nwə́li tɔɔ kpɔ a nɛlɛɛ, di hvaa woo ɲąą hvo mą. Da lɔpee hvo ɲee kulɔi nwɔ kili ɲɔ̨nwɔ̨ɔ̨ hu, yɛ diɛ: «Akɛti lə ɓə ŋɛ̨i gáá gɛi?» Nu kəlee kaa lii nwun ma, yɛ hoo aa kɛi pili kɔ́ hu.

Izikiɛ 20:41

Ŋą́ ɲéé hee ɉaláá kun nɛ̨ɛ̨ɠaa mu, ə mą kɛ, ka kpinį lee. Ŋą́ pa kɛa ka kulɔi nɔiɠaa hu, ɓɛɠaai ka taɠa taɠaa laa, ŋą́ ka kulɔ laa, gɛ́ ka ɲąąkpɔn, bələi mą́ą́həɠɛɛ la, ŋą́ gbaɠala lɛ lɔiɠaa diɛ, a ka hon bələ ɲə́i.

Levetekɔ 1:13

Di gboyɛliɠaa da gɔwɔ kwąnąɠaa mąą waa. Ɉaláá laa həli mun a gəlee laa həli Yai-Laa ɓa, ə gəlee kələn ɉaláá kulɔi; yili kaa a haláá hɛn da gəlee kələn, mąą kun nɛ̨ɛ̨ yɛ Yai-Laa liilaa.

Levetekɔ 1:17

Da nwɛ̨ni kwəi ɓɛla, goon dɔ̨nɔ̨ ə lɛɛ bələ tɔ̨nɔ̨ dɔ̨nɔ̨ ə lɛɛ bələ tɔ̨nɔ̨, hva ɉu ɓɛla hvo gulɔ gee la. Ɉaláá laa həli mun a gələn gwɛi mɛ̨i, ɉaláá kulɔ kəhi mɛ̨i. Yili kaa a haláá hɛn da gəlee kələn, mąą kun nɛ̨ɛ̨ yɛ Yai-Laa liilaa.

Levetekɔ 1:9

Di gwəi hɛnŋaa da gɔwɔ kwąnąɠaa mąą waa, ɉaláá laa həli mun a gəlee kələn ɉaláá kulɔi. Yili kaa a haláá hɛn yii da gəlee kələn, mąą kun nɛ̨ɛ̨ yɛ Yai-Laa liilaa.

Levetekɔ 26:31

Gáá pai ka wɔ taa kpɛa-kpɛa lɛɛi a taa kpoloon, gɛ́ ka wɔ kɛɛnąą mąąhəɠɛɛɠaai mąąwɛli; vá kɛa ka wɔ lansan kun mɛ̨n.

Levetekɔ 4:31

Ə nwulɔ kɛɛnąąɠaa kəlee kulɔ mą, yɛ bələi da gɛ la a niilaa haláá hɛn. Ɉaláá laa həli mun ə di kələn ɉaláá kulɔ kəhi mɛ̨i, gaa a haláá mąą kun nɛ̨ɛ̨, yɛ Yai-Laa liilaa. Ɉaláá laa həli mun a nɛ̨ŋɛ̨n mąąhvaalɛɛ kólói tii kɛ nɛ̨ŋɛ̨n ɉəɠə mun tii mɛ̨i, mąąhvaa a lɛɛ.

Levetekɔ 8:28

Moisə ə pənə ə ɉəɠə di yəi, ə gələn ɉaláá kulɔi, ə mą kɛ ɉaláá da gələn. Haláá laa həli mun ɉee hala li, yii mąą kun nɛ̨ɛ̨ yɛ Yai-Laa liilaa. Yili kaa a haláá yii da gələn.

Lonon mo 15:3

ka kɛi kɛ ka Yálá kɔ́, ka haláá huwɔ ta kələn a Yai-Laa nwɔɔ, ə kɛ a nu a nwoo kwɛlɛ Yálá ɓa bɔ mɛ̨nį kɛɛ, awala kɛ tii, hvóló kəlee haláá kulaa, awala kɛ tii, a ka wɔ hɛli hvóló ta, ka gɛ a nįŋɛ̨, awala kɛ tii, ɓɛlaa, mąą kun nɛ̨ɛ̨, yɛ Yai-Laa lii hon.

Maafîu 15:19

Mąąhɔlɔɓo, nu nwɔ kiliŋąhiɛ hu ɓə mɛ̨nį ɲɔ̨n a kulɔ laa, yɛ pələi: Nu paa mɛ̨nį kaa la, wɛli hon ŋąą, túwɔ́ pələ ɲɔ̨n, nwuɔ̨ kɛɛ, ə lɛɛ kɛla hvaa ɲɔ̨nwɔ̨ɔ̨ ɓoɔ, da lalan biliɛ.

Ɉaan 3:6

Lon nɛ̨ɛ̨nu a gaa, nu li; lon Kili a gaa, a kɛ tii Kili li.

Lomaŋ 1:21

Mąąhɔlɔɓo, bələi mąn di Yálá kɔ́lɔn na gɛ mɛ̨nįɠaa kəlee hu, di hvo gɛ li di hvo mąąwiɛ, di hvo ɉɛɠɛɛɓo, yɛ bələi mąąnɛ̨ɛ̨ la. Kɛlaa yaamun di di wɔ kiliŋąhiɛ mąą a kwɛa Yálá ɓa, di hvilɛn ŋąą la ɓowo mɛ̨nį pulu, diɛ ɓo la a kpinį ŋą luwɔɠaa.

Lomaŋ 3:23

Nu kəlee daa nɛ̨ŋɛ̨n ɉəɠə daa hvɛɠɛ a Yálá nwɔ mąąwiɛlaa hu.

Korɛntə veelɛ 2:15

Gɛ mɛ̨nį, ku kaa Yálá yəi a Kristə mąą kun nɛ̨ɛ̨ hɛn, ɓalo pələ mɛ̨i da nwun na a pili pələ mɛ̨i.

Ifisiɛŋ 5:2

'Ká ɲɛnɛ̨ɛ̨ kɛ wɛlikɛmąąlaa hu, yɛ bələi Kristə ə gu wɛlila kɛ la, ə gbɔwɔ kulɔ a halaa, mąą kun nɛ̨ɛ̨ Yálá ɓa, gu mąą mɛ̨nį ɓa.

Filipə 4:18

Hɔlɔɔmun, yii a pɛli mą́ą́, gaa ɲə́i, da laa mɛ̨i. Ɉamą pilɛi ká dɛɛ Epafroditə pɔ, yɛ paa la, aa nwɔ̨nɔ̨ da kɛ mą, aa kɛ a wulɔ kun nɛ̨ɛ̨, a hálaai nwɛlikaa Yálá ɓa

Zɔ̂ŋ Maa-ŋuŋ 5:19

Gu gbaɠala kɔlɔn guɔ Yálá nwɔɔ ɓaa a guɔ, kɛlaa, yɛnɛ̨ɛ̨ nąą kəlee kaa Mɛ̨nį-ɲɔn ɲee kɔnma.

Samuɛlə dɔlɔɔ 26:19

Nwɔ́ mɛ̨nį nąmu tɔɔmun, ə́ wəli tɔɔ yiihu ə́ wɔ tí mun woo ɓa: ‹Akɛ Yai-Laa ɓə ə́ ɲąątɔɔi mą́ą́, ə hvaa mą, haláá hɛn di kaa dɛɛi bɔ, yili ə niilaa. Kɛlaa, akɛ nuą ɓə, mąą nuąi di kɛ a nɛ̨ŋɛ̨n naa nuą Yai-Laa ɲɛ̨i ɓa. Hvo gai, daa gbɛ́ háákələi, yɛ́ gulɔ Yai-Laa nwɔ lɔi hu, diɛ kɛ mą́ą́: Li ə́ tí haliɠaa diɛ.›