Zɛnɛse 8:20 - Yálá laawoo hɛɓɛ (dc)

²⁰ Noe ə haláá kulɔi ta pɛli Yai-Laa ɓa. Ə taatɛlɛɛ mąąhəɠɛɛɠaa da nwɛ̨ni mąąhəɠɛɛɠaa kəlee, da həɠə, ə gulɔ Yai-Laa ɓa a haláái da gəlee kələn.

Yálá laawoo hɛɓɛ

²⁰ Noe ə haláá kulɔi ta pɛli Yai-Laa ɓa. Ə taatɛlɛɛ mąąhəɠɛɛɠaa da nwɛ̨ni mąąhəɠɛɛɠaa kəlee, da həɠə, ə gulɔ Yai-Laa ɓa a haláái da gəlee kələn.

Bible

²⁰ Nôa è Ɣâla-teƃele kpɛ̀tɛ Yâwɛɛ mɛni ma, é vɛnɛ-sãa maa waa-ŋai da ŋɔni maa waa-ŋai dɔnɔ-tɔnɔ síɣe é kéreŋ sala kula a dîa ŋ̀âla-teƃelei ma.

Zɛnɛse 8:20 ပူးပေါင်းရင်းမြစ်များ

Zɛnɛse 13:18

Abramə ə́ nwɔ taai həɠə, ə li ə bu Mamre taa nwɛla kwɛlɛ, yai kɛ a Hebrɔn daa lee nwɔɔ. Ə nɛɛ mą ə haláá kulɔi pɛli laa Yai-Laa ɓa.

Zɛnɛse 13:4

Gɛɛnąąi tii ɓə ta ə haláá kulɔi pɛli laa, yɛ kɛ Yálá laa ɓaa: Yai-Laa.

Zɛnɛse 22:2

Yálá yɛ Abrahamə ɓa: «Ə́ lon ɉulɔnu kɔ́w tɔ̨nɔ̨i ɲɛ̨i a Isaakə, yai ŋɛ̨i nwɛli kaa yɛ́i, kpɔ kɛnɛ̨i, ɉəɠə ə́ li la Moriya lɔi hu, yee ta ɓa yii gáá pai nɛi yɛ́. Ya həli laa, ə́ Isaakə kulɔ laa mą́ą́ a haláá.»

Zɛnɛse 22:9

Ɓɛlɔwai kɛa di həli la ɓɛi ŋɛ̨i Yálá ə nąą lɛ Abrahamə ɓa, Abrahamə ə haláá kulɔi ta pɛli laa, ə gwɛi pu mɛ̨i, ə Isaakə hon, ə ɲee laa bulu, ə ɲili, ə dɛ ə naa gwɛi mɛ̨i.

Zɛnɛse 26:25

Isaakə ə haláá kulɔi pɛli laa, ə Yai-Laa hvɛli a naa. Ə taa pu laa. Nwɔ luwɔɠaai di yálɔwa tee laa.

Zɛnɛse 33:20

Ə haláá kulɔi pɛli gɛɛnąąi tii, ə naa hee a: Yálá, Israɛlə nwɔ Yálá.

Zɛnɛse 35:1

Yələ ta Yálá yɛ Ɉakɔbə ɓa: «Ə́ muhəɠə, ə́ li Betɛlə ə́ hee laa, ə́ haláá kulɔi pɛli laa Yálá ɓa, yai gbɔwɔ lɛ yɛ́, ɓɛlɔwai ə́ kɛi pu la ə́ liɛ Esau ɓa.»

Zɛnɛse 35:7

Ɉakɔbə ə haláá kulɔi pɛli laa, ə naa hee a: Ɛlə-Betɛlə, mąąhɔlɔɓo, nąą ɓə Yálá ə gbɔwɔ lɛ laa mą, ɓɛlɔwai ə kɛi pu la niɛ tɔwɔ.

Zɛnɛse 4:4

Abɛlə yaan, ə pa a nwɔ ɓɛlaaɠaai non dɔlɔɔɠaa kəlee ə gulɔ Yai-Laa ɓa a haláá. Yai-Laa ə ɲɛ̨i lɛlɛɛ hee Abɛlə nwɔ kɔ́ɓo hɛn ma,

Zɛnɛse 7:2

Huwɔ mąąhəɠɛɛ ɉilɛ da ɉaa mɛ̨ihveelɛ həɠə, kɛlaa, huwɔ kɔ́hɔɓoɔ nwɛi, ɉilɛ tɔ̨nɔ̨ da ɉaa tɔ̨nɔ̨ həɠə lɔ.

Zɛnɛse 7:3

Nwɛ̨niɠaa lɔwai, nwɛ̨ni hilɛ da ɉaa ɉuwu heei mɛ̨ihveelɛ həɠə, əgɛ, di huwu nwun mąą ə ɓo.

Zɛnɛse 8:19

Yili pulu, huwɔ kəlee ɉilɛ da ɉaa di kulɔ, da yiiɠaai kpɔ di kaa lɔi mɛ̨i.

Zôo 1:5

Da kpɛɛ kɛa a ɉɛli laa hvilɛn ŋąą, di nąn ə kɛi di təli yɛ di mąąhəɠə haláá kulɔ. A muhəɠə kɛ yələwala pɔ, haláá yii da gəlee, yɛ gulɔ di tɛitɛi di mąą mɛ̨nį ɓa. Mąąhɔlɔɓo, ə kɛi kɛ diɛ gwəi pələ «Nónnii daa kiɛ ləi nɛ̨ŋɛ̨n ɉəɠə di tɛɠi pələ, diɛ Yálá nwąnąlɔ.» Bələ ɓə Ɉobə ə kɛi gɛ la a yələ kəlee.

Lɛɛ gbɔwɔ ɓa 10:25

Moisə yɛ mą: «Yɛ́ ɓə pai ɉaláá hɛnŋąą kɛi, yii kwa gulɔ da yii mąn kwa gəlee kələn, a Yai-Laa ku wɔ Yálái mąąwiɛ hɛn?

Lɛɛ gbɔwɔ ɓa 29:18

Ə́ mɛlaa huwɔi tii kəlee kələn ɉaláá kulɔ kəhi mɛ̨i, yili a kɛ a haláá yii da gəlee kələn, gun nɛ̨ɛ̨ a Yai-Laa nwɔɔ.

Lɛɛ gbɔwɔ ɓa 29:25

Ə́ pənə ə́ ɉəɠə di yəi, ə́ gələn ɉaláá kulɔi, yili a Yai-Laa líílaa. Yili kaa a haláá yii gələn gun nɛ̨ɛ̨. Haláá kɔ̨nɔ̨n ni, yɛ́ gələn a Yai-Laa nwɔɔ.

Lonon mo 7:21

nįŋɛ̨ hilɛ tɔ̨nɔ̨, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lon dɔ̨nɔ̨ a haláái da gəlee kələn gulɔ hɛn.

Lomaŋ 12:1

Ną́n nonnii, gáá ká hvaŋąlɔi Yálá nwɔ ɲɛ̨imąąwɛli kaa laa hu, gɛ́; 'Ká ká kpɔwɔ kulɔ a haláá vulú mąą, mąąhəɠɛɛ, nwɛli ə ɓo Yálá ɓa. Yili ɓə gaa a kwɛli hvilɛn ŋąąi viɛlaɓoɔ.

Hebreu 13:10

Guɔ gu wɛi, yiihu, haláá kulɔi ta kaa gu yəi, ɓɛi, ɉaláá laa həli nuąi ɓɛ lɔi mɛ̨i, di hva kɔ̨nɔ̨n ɉəɠə laa hvo mįi.

Piɛrə dɔlɔɔ 2:5

Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,