Zɛnɛse 8:1 - Yálá laawoo hɛɓɛ (dc)

¹ Noe nąą kili ə too Yálá ŋą, da ɉɛnŋaa kpɔ tii kɛ Noe pɔ gələn ɉu. Yálá ə hvaŋą kɛnɛ̨ ta tɛɛ lɔi mɛ̨i, ɲáɠaa mąą yɛ yɛɛ.

Yálá laawoo hɛɓɛ

¹ Noe nąą kili ə too Yálá ŋą, da ɉɛnŋaa kpɔ tii kɛ Noe pɔ gələn ɉu. Yálá ə hvaŋą kɛnɛ̨ ta tɛɛ lɔi mɛ̨i, ɲáɠaa mąą yɛ yɛɛ.

Bible

¹ Kɛ́lɛ Ɣâla fé nia ní Nôa ma da vɛnɛ-sãai é pɛ́lɛ daa tulɛ-ŋai dîa nyii-ŋai da dîa-ni díkelee dí kɛ̀ géleŋ sui. Nya ƃe Ɣâla è fãa kɛ̀ é tɛ́ɛ ǹɔii mɛi, ǹyái é yéŋ.

Zɛnɛse 8:1 ပူးပေါင်းရင်းမြစ်များ

Zɛnɛse 19:29

Ɓɛi ŋɛ̨i Lɔtə ə kɛ laa kɛ nɔi, ɓɛlɔwai Yálá ə kɛi nɔi tii da ɉu taɠaa kəlee kala la, ə giliŋąhiɛ Abrahamə ɓa, ə Lɔtə kulɔ nwun na pili tii hu.

Zɛnɛse 30:22

Nąąlɔwai, Yálá ə giliŋąhiɛ Rasɛlə ɓa, ə gwəi nwun.

Zɛnɛse 9:10

Ka nɔ̨ɔ̨nɔ̨ɔ̨ ɉɛnŋaa kəlee: nwɛ̨niɠaa, taa huwɔɠaa da lɔwɔ huwɔɠaa, diɛi ka diɛni ka kulɔ gələn ɉu, da yiiɠaa pai yɛnɛ̨ɛ̨ kɛi lɔi mɛ̨i.

Nehemi 13:14

Ŋą́ Yálá hvɛli gɛ́ mą: «Nwɔ́ Yálá, mɛ̨nįɠaa ŋɛ̨i ŋą́ gɛ, ə́ wɔ tələnmo la yii ŋį́ golói ŋɛ̨i kɛ, ə́ wɔ pɛ́lɛ́i mu, ə́ mąąwiɛ mɛ̨nį ɓa, ə́ kili lɛɛ ɉu.»

Nehemi 13:22

Yili pulu, ŋį́ mo Levi huwuhu nuą diɛ, gɛ́ diɛ, di di mąąhəɠə, ə gɛ, di pa, di di ɲɛ̨i kɛ Yálá nwɔ pɛ́lɛ́i laaləi, di túwɔ́ lɔwɔ mąąhəɠə. «Yili mąą mɛ̨nį ɓa, nwɔ́ Yálá, ə́ wɔ tələnmolaa hu, ə́ kili lɛɛ ɉú, ə́ ɲɛ̨́i mąąwɛli kaa.»

Nehemi 13:29

Ŋą́ Yálá hvɛli gɛ́ mą: «Nwɔ́ Yálá, ə́ kili lɛɛ di hu, mąąhɔlɔɓo, daa ə́ wɔ haláái kɔ́hɔɓo, da mįnɛ̨i ka ɉəɠə ka Levi huwuhu nuą, ə́ wɔ haláái mąą mɛ̨nį ɓa.»

Nehemi 13:31

Gwɛi mąąnɛ̨ɛ̨ kɛ di paa la a mɛ̨inɛ̨ɛ̨, yɛ pələi guuɠaa heeɛ kɛ la, da ɉihɛnŋąą dɔlɔɔɠaa mąą mɛ̨n, ŋį́ yiliɠaa hee gban ɲa. Ŋą́ Yálá hvɛli, gɛ́ mą: «Ə́ kili lɛɛ ɉú mɛ̨nį lɛlɛɛ mąą mɛ̨nį ɓa.»

Zôo 12:15

A ɲee kɛ tulɔ ɓa, hvóló laa teɛ li a ɲee ɓo mą, a lɔi kulɔ.

Zôo 14:13

Akɛ yá pɛli kɛ nówii lɔi mu, Yá pɛli kɛ mą́ą́kilɛi, ə lɛɛ ɉu ə́ wɔ liiholii ə tɛɛ, akɛ yá pɛli kɛ kuu tɔɔi mą́ą́, ɓɛlɔwai gíli a too la ə́ ŋą.

Mąątɛ̨nɛ̨ 105:42

Nwoo mąąhəɠɛɛi ə gwɛlɛ, nwɔ tímun Abrahamə ɓa, gili ə too ɲą.

Mąątɛ̨nɛ̨ 106:4

Ɓɛlɔwai yá kɛi pa ə́ wɔ nu huwui mąąwɛli kaai la, Yai-Laa, ə́ kili lɛɛ ɉú, ɓɛlɔwai Yá kɛi pa nwun mąąɓoi la, 'ə kili kɛ ɉú.

Mąątɛ̨nɛ̨ 115:12

Gu kili kaa Yai-Laa ɲą, a kɛ lúwɔ́ kɛi guɔ. Gaa pai lúwɔ́ kɛi Israɛlə nwɔ pɛlɛ́i ɓa. Gaa pai lúwɔ́ kɛi Aarɔn nwɔ pɛlɛ́i ɓa.

Mąątɛ̨nɛ̨ 132:1

Ɲee mąąhəɠɛɛ tɛ wələ. Yai-Laa! Davidə kili 'ə kɛ ə́ ɲą, Ə́ kiliŋąhiɛ nwɔ mɔ̨nɔ̨ɠaa kəlee diɛ.

Mąątɛ̨nɛ̨ 136:23

Ə giliŋąhiɛ kuɔ, ku wɔ laanɔ̨nwɔ̨ hu! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Mąątɛ̨nɛ̨ 137:7

Yai-Laa, ə́ kiliŋąhiɛ Edɔmə lonnii diɛ, diɛ ɓə kɛi kɛ diɛ, a Ɉerusalɛmə pu yələ: «'Ka bu, 'ka bu kpɔ, 'ka dɔɔ kwɛni kəlee həɠə gee mɛ̨i.»

Mąątɛ̨nɛ̨ 29:10

Yai-Laa a heeɓolaa kɛ yánwąną mɛ̨i, Yai-Laa kaa a heeɓomun a yələ kəlee mɛ̨nį.

Mąątɛ̨nɛ̨ 36:6

Yai-Laa, ə́ wɔ wɛlikɛmąąlaa kaa yələkɔlɔn ɉu, yɛ́ kulɔ nwoo ɓa laa, yɛ həli kpɔ tulɔ kpinįnŋaa diɛ.

Lɛɛ gbɔwɔ ɓa 14:21

Moisə ə ɲee haŋą gboloyá mɛ̨i, Yai-Laa ə ɓo hvaŋą kɛnɛ̨ ta ɓa, yɛ həɠə voló kulɔi pələ. Vaŋąi tii ə gboloyá ɓɛlaɓo ɉu hveelɛ a kpinį, di tɛɛ pələ hu ə kpala.

Lɛɛ gbɔwɔ ɓa 15:10

Kɛlaa Yɛ́ Yai-Laa, Ə́ ɓo Ə́ wɔ hvaŋąi ɓa, ə pa, gboloyá ə laa di mɛ̨i, di lɔ ɲá mu yɛ kwɛni kpuwulu, di laa ɲá kpon ɉu.

Lɛɛ gbɔwɔ ɓa 2:24

Yálá ə di wɔlɔ woo mɛ̨n, ə pənə ə nwɔ mįnɛ̨i hu nwun. Yai wɔlɔ da Abrahamə, Isaakə da Ɉakɔbə ni di ɉəɠə.

Hanwon 25:23

Hvaŋąi a tɛɛ yɛ tɛ, a tulɔ pu, bələ lɔ ɓə laamąąhiɛ a hvaa too la.

Azaya 44:27

Ɲą́ą́ ɓə ŋą́ kɛ gboloyá ɓa: «'Kpala, gáá pai yá kpɛa kpɛaɠaa kpalai!»

Ɉeremi 50:38

Gɔ kɔ́ ɓɔwa, ə hee nwɔ yaɠaai hu, daa kpala. Mąąhɔlɔɓo, aa lɛɛ a mąąnįnįn ɉaɠaa lɔi, a nu mąąnįnįn ɉaɠaaɠaai daa di kili kulɔ di yəi.

Amɔsə 8:7

Yai-Laa aa gwɛla, Ɉakɔbə nwɔ kpɔɔ ɲąąkɛ̨nɛ̨ mánii tii hu, yɛ diɛ: Və́ pai lɛ̨ąi di túwɔ́ pələɠaa tii diɛ.

Zôna 4:11

Yɛ́ Ɉonasə, hvo kɛ bɔ və́ Ninivə daa lee kɛnɛ̨i tii hu nuą mąąwɛli kaa? Nu kpului daai tii hu, di tɛɛi nu waa nwundɔ̨nɔ̨ ɲee hveelɛ hu, kɛlaa, di hvo kɛ mɛ̨nį lɛlɛɛ kɛ pələ kɔ́lɔn di kpɔɔ ɓa; ə mą kɛ daatɛlɛɛɠaa.»

Nahumə 1:4

A tómą gboloyá mɛ̨i, yili ə kpala, ə tɛɛ yaɠaa kpala. Basan da Karmɛlə da yohva, Liban lɔwɔ a yohva.

Habakukə 3:2

Éé Yai-Laa! Ŋą́ą́ ə́ kɛ mɛ̨nįɠaa mąą pələ mɛ̨n ŋą́ą́ ɲɔw. Yai-Laa ə́ kɛ mɛ̨nįɠaa kɛ yiihu. Yɛ bələi wɔlɔ ə́ kɛi gɛ la. Ə́ kɛ mɛ̨nį kɔlɔŋąą lɛ a kwɛlan gəlee. Ə mą kɛ kwaa ə́ liiholi mɛ̨nį kɛ, ə́ wɔ ɲɛ̨i mąą wɛli kaa lɛ kuɔ.

Zakari 10:11

Di kaa pai Eziptə gboloyá teen ɉi, Yai-Laa kaa pai gboloyá kɛlɛi ɉɛ̨ąi. Nilə paləɠaa kəlee hu a kpala, Asiri nwɔ kpɔwɔ ɲąąkɛnɛ̨ ɲɛ̨i a paa, Eziptə nwɔ tɔɔ hvili yɛ kulɔ ɲəi.

Lonon mo 10:9

«Ɓɛlɔwai ka kɛ la ka wɔ lɔi hu, ka kɛi pai lii kɔ́ pɛlɛi ka yowoɠaa diɛ, da tómą a kɔ́ mɛ̨i woo, ka dúlú hvɛɛ. Ka gɛ tii, a ka nąą kili too pələ Yai-Laa ka wɔ Yálá ŋą, yɛ ka kulɔ ka yowoɠaa yəi.

Lonon mo 22:32

Yai-Laa nwɔ malakai yɛ kɛa mą: «Lə ɓə kɛ yai ə́ ə́ wɔ hoohvaalən kɛlɛ gee mɛ̨i haaɓa? Yáá gaa, ɲą́ą́ ɓə pa gɛ kpeɲan bələi ə́ tɔwɔ; yíli ɓa, yáá ɉiɛi ŋɛ̨i kulɔ hvo ə́ kiliŋąhiɛ li a nɛlɛɛ.

M̀ɛni-lɛɛi 16:19

Daa-lee kɛnɛ̨i ə wolo ɉu geemɛ̨i haaɓa, lɔi mɛ̨i taaleeɠaa kəlee di wolo. Ya ɓə Yálá ə gili hvilɛn Babilonə kɛnɛ̨ɛ̨ ɓa, əgɛ, ə ŋąliiŋąnwąną lɔɔ gbo nɛ̨nŋąąi tɔɔ na.

M̀ɛni-lɛɛi 18:5

Gbala ə tɔɔ, nwɔ nɛ̨ŋɛ̨nŋaa daa tɛ, daa həli yələ kwəi, ɛlɛɛ, Yálá aa gili hvilɛn nwɔ tuwɔ pələ ɲɔ̨nŋaai diɛ.

Samuɛlə dɔlɔɔ 1:19

Mąą yələ laaɓoɔ, di di muhəɠə yələwala pinɛ̨ɛ̨, di pɛlɛ Yai-Laa lííla, yili pulu, di pənə dəli di pɔɔli Rama. Ɛlkana da nɛ̨ą Anə di lɔ pɛlɛ́n, Yai-Laa ə gili lɛɛ ɉu.