Zɛnɛse 7:21 - Yálá laawoo hɛɓɛ (dc)

²¹ Nɔ̨ɔ̨nɔ̨ɔ̨ ɉɛnŋaai kpɔ kɛ lɔi mɛ̨i, gəlee di haa; nwɛ̨niɠaa, huwɔɠaa, da nɔ̨ɔ̨nɔ̨ɔ̨ ɉɛnŋaa kəlee, ə mą kɛ, nuą, diɛi kpɔ kɛ lɔi mɛ̨i, gəlee di haa.

Yálá laawoo hɛɓɛ

²¹ Nɔ̨ɔ̨nɔ̨ɔ̨ ɉɛnŋaai kpɔ kɛ lɔi mɛ̨i, gəlee di haa; nwɛ̨niɠaa, huwɔɠaa, da nɔ̨ɔ̨nɔ̨ɔ̨ ɉɛnŋaa kəlee, ə mą kɛ, nuą, diɛi kpɔ kɛ lɔi mɛ̨i, gəlee di haa.

Bible

²¹ Sɛŋ fúlu kélee è sàa ǹɔii ma. Ŋɔni-ŋa, taa-tulɛ-ŋa, lɔɔ fɛnɛ sãa, tɔara sãa é pɛ́lɛ núu-kpune kélee ma.

Zɛnɛse 7:21 ပူးပေါင်းရင်းမြစ်များ

Zɛnɛse 1:25

Yálá ə lɔwɔ huwɔɠaa pɛli, gəlee da ɉuwu, ə taatɛlɛɛɠaa pɛli gəlee da ɉuwu, ə mą kɛ, tala huwɔɠaa kəlee da ɉuwu. Yálá ə gaa, yɛ yili lɛlɛɛi.

Zɛnɛse 6:13

Nąąlɔwai, Yálá ə mo Noe ɓa, yɛ mą: «Noe! Ŋą́ą́ gaa gɛ́ diɛ: yɛnɛ̨ɛ̨ hɛnŋaa kəlee ŋąąkpɛɛi lɔwai aa ɉəli ɲɛ̨́i ɓa; di hɔn aa ɲɔ̨n, nwąnąlɔ aa lɔi mɛ̨i laa hvɛɛ. Gáá gəlee nwun na pilii.

Zɛnɛse 6:17

Gáá pai yánwąną kulɔi lɔi mɛ̨i, ə nɔ̨ɔ̨-nɔ̨ɔ̨ hɛnŋaa kəlee nwun napili lɔi mɛ̨i.

Zɛnɛse 7:4

Hvo gaai, aa lɛɛ pulu a lɔwɔ tɔ̨nɔ̨, gáá pai tulɔ pui hvóló pow nąąn kpinį pow nąąn ɲee mu, nɔ̨ɔ̨nɔ̨ɔ̨ hɛnŋąąi kpɔ ŋį́ di pɛli, ŋį́ gəlee nwun na pili.»

Zôo 34:15

Yɛnɛ̨ɛ̨ hɛnŋąą kəlee di nɔ̨ɔ̨ a kpɛɛ kɛ di hu a gee, ɛlɛɛ nu kan ə li pənə ə kɛ a pɔlɔ.

Azaya 24:19

Lɔi aa ɓɛla ɓɛla, lɔi yɛ taɠa taɠa a gbuɔ kpuɔ, lɔi hiɠi-híɠi aa ɓo kpɔ a nwala nwalaa.

Azaya 24:6

Yili ɓə gɛi nɛ̨ŋɛ̨nnaa yɛ nɔi kala, nuąi nɔi mɛ̨i, diɛ ɓə ɉu mɔ̨nɔ̨ mįi. Yili ɓə gɛi yɛnɛ̨ɛ̨ nuą diɛ kələn, daa lɛɛ lɔ kɛa ɠɛlɛɛ-ɠɛlɛɛ.

Osia 4:3

Nɔi ɲɛ̨i mąą aa wɛli, ɉu nuą kəlee diɛ kpala, ə mą kɛ lɔwɔ huwɔɠaa, da yələi nwɛ̨niɠaa. Ə mą kɛ gboloyá hu hɔ̨nwɔ̨leeɠaa di kaa pai kpɛɛi.

Zooɛ 2:3

Di kaa yɛ tíi kələn nwɔ̨n, diɛ kɛɛ kələn di tɔwɔ, di pulu yɛ lɛɛ a gbalan. Gɛɛ di hvo pa, nɔi ə kɛ yɛ Yálá-taa lon ma. Lɔi kpoloon mə da nɛɛ di pulu. Hɛn nɔpee ta hva kulɔ a di yee wolo.

Sofoni 1:3

Nu kanŋaa da huwɔɠaa, yələi nwɛ̨niɠaa da gboloyá hu hɔwɔleeɠaa, gáá pai nwąnąlɔɔ nuą nwun napilii, da di yee pɔɔɠaai kpɔ da nuą həɠə pələ ɓa. Gáá nu kanŋaa kpɛɛi lɔi mɛ̨i. Yai-Laa woo li!»

Maafîu 24:39

Di ta lɔpee hvo Noe woo kaa a mɛ̨nį walawala, ə lɛɛ la ɉu ɲanwana ə pa ə gəlee nwun napili. Pələ kpɔlɔ ɓə gaa pai kɛi la a Nu Lon bai lɔwai.

Lukə 17:27

Noe ŋą yələi, nuą di kɛi di laa mį́į́, diɛ di kpələ, diɛ nɛ̨ą həɠə, diɛ li hilɛtaai, diɛ di lon nɛ̨ąni ya. Ə lɛɛ ɉu, ɲələi Noe ə lɔ la gələn ɉu, ɲą nwąną yɛ nuą kəlee nwun napili, ɲələ ə ɉəli.

Lomaŋ 8:20

Pɛli hɛnŋaai daa too kpɛli-kpɛli mɛ̨nį yeekɔnma, di hvo naali di kwəi; kɛlaa, ɉɛn tii di ɲąąhɛn, gɛ tíi li. Kɛlaa ə mą kɛ tii, kilitɔɔmąąlaa kaa lɔ ni di yəi.

Lomaŋ 8:22

Gu gɔlɔn, Yálá nwɔ pɛli hɛnŋąa kaa mɔ̨nɔ̨ mįi yɛ pələi Nɛ̨ɛ̨nu a mɔ̨nɔ̨ mįi la kwəi nwąną hu.

Piɛrə veelɛ 2:5

Ɲɛnɛɛ tɔlɔɔ yii kɛ laa Noe nwɔ lɔwai hu, ɉu nuą ɲɛ̨i wala-walaa, Yálá hvo di ɲɛ̨i mąą wɛli kaa, ə di nwun napili a yanwana, hvo kɛli lɔ Noe ŋɛ̨i kɛi tələnmo woo laa həli, yaa da nu mɛ̨ihveelɛ lɔ ɓə di nwun mąą ə ɓo.