Zɛnɛse 6:8 - Yálá laawoo hɛɓɛ (dc)

⁸ Kɛlaa, Yai-Laa ə ɲɛ̨i lɛlɛɛ hee Noe ɓa.

Yálá laawoo hɛɓɛ

⁸ Kɛlaa, Yai-Laa ə ɲɛ̨i lɛlɛɛ hee Noe ɓa.

Bible

⁸ Kɛ́lɛ Yâwɛɛ è Nôa ŋɛ́i malôŋ kàa.

Zɛnɛse 6:8 ပူးပေါင်းရင်းမြစ်များ

Zɛnɛse 19:19

Gili kaa kpɔ ɉu gɛ́ diɛ, yaa mɛ̨inɛ̨ɛ̨ kɛ mą́ą́, yaa nwún mąąɓo. Kɛlaa, va pɛli həlii ɲee tii ɓa, gɛɛ gbaloi tii hvo kɛ ɓɛlai daa ŋɛ̨i ɓa, gáá pai kiɛ lɛɛi bələi, nwún na ə pili.

Mąątɛ̨nɛ̨ 145:20

Yai-Laa a ɲɛ̨i kɛ nwɛlikɛmąą nuą diɛ, Kɛlaa nuąi di hva kulɔ di woo ɓa, a di hu kala.

Mąątɛ̨nɛ̨ 84:11

Hvo gaai, yíikuu tanɔ̨n gbən gɛɛ Ə́ yəi bɛlɛ́n, viɛlaɓoɔi kwɛlan nwaa tɔ̨nɔ̨ ɓa, yili mąą mɛ̨nį ɓa, yii ŋą́ ɉəɠə ɉu a níiɓa, ya ɓaa, viɛlaɓoɔi ŋą́ gɛ nwɔ́ Yálái yəi bɛlɛ́ hvaŋąn mu, ə tɛɛ, nu kɛɛ, nuąi da di woo kala, di yəi bɛlɛ́n ma.

Hanwon 12:2

Nu lɛlɛɛ a Yai-Laa ɲɛ̨i lɛlɛɛ hee gbɔwɔ ɓa, Kɛlaa, nui kiliŋąhiɛ ɲɔ̨nwɔ̨ɔ̨ kaa mą, Yai-Laa a ɉutɔɔ.

Hanwon 3:4

Yá gɛ tii, ə́ wɛli a too Yálá ɓa, da nu kanŋaa.

Hanwon 8:35

Mąąhɔlɔɓo, nui a ɉɔ́lɔɓo, aa yɛnɛ̨ɛ̨ hɔlɔɓo, a gɛ tii, a Yai-Laa nwɔ mɛ̨inɛ̨ɛ̨ hɔlɔɓo.

Ɉeremi 31:2

Mɛ̨nįi Yai-Laa kaa moi, ya ka, yɛ diɛ: Nuąi tii kulɔ mowa kwɛaa yəi nɔi pun ɉu, ŋą́ ɲɛ̨́i lɛlɛɛ hee diɛ. Israɛlə lɔi pu hiɛ ka tii nįnɛ̨ kɔ́lɔi.

Izikiɛ 14:14

Ə mą kɛ, nu haaɓai ɲɛ̨́i a Noe, Daniɛlə, da Ɉobə, da kɛ kɛ nɔi ti hu, diɛ lɔ ɓə li pɛli di kpɔwɔ nwun mąąɓoi a di wɔ tələnmolaa. Mɛ̨nį kəlee ŋą Hééɓomun Yálá woo li.

Maafîu 24:37

Pələi lɔ ə kɛ la a Noe nwɔ yələi, pələ lɔ ɓə gaa pai kɛi la a Nu Lon nwɔ yələi.

Lukə 1:30

Malaka ə mo mą, yɛ mą: «Mari hvo ɲɔw, mąąhɔlɔɓo, Yálá aa ɲɛ̨i lɛlɛɛ hee yɛ́.

Lukə 17:26

Bələi lɔ ə kɛ la a Noe nwɔ yələi pələ lɔ ɓə gaa pai kɛi la a Nu Lon pa yələ.

Gɛlaɠaa 7:46

Yili yaan, Yálá ə ɲɛ̨i lɛlɛɛ hee mą, ə ɉu hvɛli, yɛ kɛ ə pɛlɛ́ tɔɔ a Ɉakɔbə nwɔ Yálái nwɔɔ.

Lomaŋ 11:6

Kɛlaa akɛ ɲɛ̨imąąwɛli kaa ɓə ə di həɠə la ɉu, di túwɔ́ pələ mąą mɛ̨nį hvəə. Akɛ yili hvəə, ɲɛ̨imąąwɛli kaa ti hvo kani a ɲɛ̨imąąwɛli kaa.

Lomaŋ 4:4

Nui a kólo kɛ, a vɛla hɔlɔɓo, vɛlai ti hvo a mɛ̨inɛ̨ɛ̨, yili kaa a nwɔ hvɛ̨nɛ̨yá hvɛla.

Korɛntə dɔlɔɔ 15:10

Kɛlaa, laai kələi gáá ɉu ŋɛ̨i, Yálá ŋą mɛ̨inɛ̨ɛ̨ halai li; ɛlɛɛ, ŋą mɛ̨inɛ̨ɛ̨ tii ə gɛ mą́ą́, hvo lɛɛ li a kpɛli. Kɛlaa yaamun, ŋą́ą́ kólo kɛ aa tɛɛ gɛlaɠaa kəlee diɛ, ɲą́ą́ hvə li, Yálá ŋą mɛ̨inɛ̨ɛ̨i gaa ɲə́i, ya ɓə.

Galatə 1:15

Kɛlaa, nui ɉə́ɠə ɉu, néé kwəi, ə ɉéé a déé, yai də́li ŋą nɛ̨ɛ̨laa pɔ pələ, ə naa gwəi,

Timote veelɛ 1:18

Gu Ną́mu ə gɛ, ə mɛ̨inɛ̨ɛ̨ hɔlɔɓo gu Nąmu kwɛlɛ a ɲələi tii. Ɛlɛɛ, mɛ̨inɛ̨ɛ̨ɠaai kpɔ ə gɛ mą́ą́ Efɛsə, yɛ́ kpinįi ə́ gɔlɔn gbɔ a nɛlɛɛ.

Taitɔ 2:11

Mąąhɔlɔɓo, Yálá ŋą mɛ̨inɛ̨ɛ̨ aa too pono ɲą, yai a nu kan gəlee ɓalo mɛ̨nį nwun gulɔi.

Taitɔ 3:7

Ə gɛ, yii kɛa gu mąą aa həɠə ŋą mɛ̨inɛ̨ɛ̨ háálai, gu kɛ kɛa, yɛ bələi gilitɔɔmąą laa tii kaa la, a ɲɛnɛ̨ɛ̨ nįnɛ̨ hɔlɔɓo nuą kwɛlin.

Hebreu 4:16

'Ká gu gu mąąlɛɠɛ kan dɔɔkpəlin ma a kilitɔɔmąąlaa walawala, əgɛ, gu ɲɛ̨imąąwɛli kaa hɔlɔɓo da mɛ̨inɛ̨ɛ̨, yɛ pɛli kpɔn ɉii guɔ a ɲələi bɛliɛi mą.

Piɛrə dɔlɔɔ 3:20

a diɛi tii wɔlɔ kalapili laa kulɔ a ɲələɠaa tii Yálá ə niilaa la, Noe yɛ gələn bɛli, a yai nu tamąą hvo gɛ hvo lɔ ɉu, nu mɛ̨ihaaɓa lɔ ɓə ə di nwun mąąɓo ɲá yəi.

Piɛrə veelɛ 2:5

Ɲɛnɛɛ tɔlɔɔ yii kɛ laa Noe nwɔ lɔwai hu, ɉu nuą ɲɛ̨i wala-walaa, Yálá hvo di ɲɛ̨i mąą wɛli kaa, ə di nwun napili a yanwana, hvo kɛli lɔ Noe ŋɛ̨i kɛi tələnmo woo laa həli, yaa da nu mɛ̨ihveelɛ lɔ ɓə di nwun mąą ə ɓo.