Zɛnɛse 50:5 - Yálá laawoo hɛɓɛ (dc)

⁵ ‹Ną́n gɛɛ ni heeni, ə vɛli mą́ą́, yɛ, a kulɔ taai, ŋį́ naai pɛli Kanaan lɔi hu, gámąi tii yaa kpinį ə dee ɉu.› Ɲą́ą́n ŋį́ hvaa mą, gɛ́ mą: gáá pai gɛi tii. Yili ɓa, gɛ́ ka hvaa mą ŋą́ li, ŋą́ nąn naai pɛli Kanaan, ŋį́ pənə ŋį́ pa.»

Yálá laawoo hɛɓɛ

⁵ ‹Ną́n gɛɛ ni heeni, ə vɛli mą́ą́, yɛ, a kulɔ taai, ŋį́ naai pɛli Kanaan lɔi hu, gámąi tii yaa kpinį ə dee ɉu.› Ɲą́ą́n ŋį́ hvaa mą, gɛ́ mą: gáá pai gɛi tii. Yili ɓa, gɛ́ ka hvaa mą ŋą́ li, ŋą́ nąn naai pɛli Kanaan, ŋį́ pənə ŋį́ pa.»

Bible

⁵ ‘Tãi ńâŋ è kɛ̀ pâi saâi lai, è ŋ́gɛ̀ ŋá ŋ́gono tée ǹyêei a gɛɛ ŋa pâi noôi gɔni-ƃoloŋ su nyii è dèe Keena lɔii sui. Mɛni ma, kpera yɛ̂ tɔɔ ŋa lí ŋá ńâŋ loo. Ŋa pâi pôlu.’ ”

Zɛnɛse 50:5 ပူးပေါင်းရင်းမြစ်များ

Zɛnɛse 3:19

Ya wala hvɔnɔ̨ ya tee ə́ tɔwɔla, hva kɔ̨nɔ̨n ɉɔlɔɓo, ɛlɛɛ ɉu, ə́ tinɛ̨n ə́ too pɔlɔ hu, ɓɛi di ə́ kulɔ laa. Hvo gaai, pɔlɔ ɓaa yɛ́, mąąnɛ̨ɛ̨, ə́ pənə ə́ too pɔlɔ hu.»

Zɛnɛse 48:21

Israɛlə yɛ Ɉosɛfə ɓa: «Náá hiɛ ka ną́nni kwɛlɛ, kɛlaa, Yálá kaa ka pɔ. Gaa pai pənəi ə li a kaa ka nąnni pɔ lɔi.

Zɛnɛse 50:24

Ɉosɛfə yɛ niɛni diɛ: «Gáá pai laai kwɛlɛ; kɛlaa, Yálá kaa pai ɲɛ̨i lɛlɛɛ heei kaa, ə ka kulɔ nɔi ŋɛ̨i hu, ə li a kaa, ɓɛi wɔlɔ ə nąą laakwɛlanmo Abrahamə, Isaakə da Ɉakɔbə diɛ.»

Zɛnɛse 50:4

Ɉakɔbə haa wɔlɔ ɓoɔ kpɛɛ pulu, Ɉosɛfə ə mo tɔɔmun gwɛlɛ nu kpɛa kpɛaɠaa diɛ, yɛ diɛ: «Gɛ́ ka ɲɛ̨́i mąąwɛli kaa, ka hvaa mą, ka nwóó ŋɛ̨i laa həli tɔɔmun ma, kaa mą:

Zɛnɛse 50:6

Tɔɔmun ə hvaa di nwoo ɓa, yɛ Ɉosɛfə ɓa: «'Li ə́ ə́ nąn noo yɛ bələi ə́ ə́ woo kwɛlɛ la.»

Kɔlɔnikɔ Veerɛi 16:14

Di now gámąi tii ə dee Davidə taa ɉu. Di naa gbinŋą, hɛn gunnɛ̨ɛ̨ɠaa di ɓo laa, da nu mąątí hɛn damąą əgɛ, di bowa laahɔnmo la. Di nwɔ̨n gɛnɛ̨ tɔɔ mąą mɛ̨nį ɓa.

Zôo 30:23

Gílí kaa ɉu, gɛ́, ə́ kaa lii a ɲą́ą́ haa pɔ pələ, yii nu huwu kəlee kaa mąąkpɔn ɉii.

Mąątɛ̨nɛ̨ 79:3

Daa di ɲąmą kpoloon naa, yɛ Ɉerusalɛmə taa mąątinɛ̨n, di hvo di laali kámą hu.

Ikilisiati 12:5

Akɛtii yɛ́ ɲɔw kɛɛ ną laa tumunn ŋąą hiɛ ɓoi, yɛ́ ɲɔw pələ pɔ, a ɲələi tii, ɲéé a kwələ la nwulu ɲą, ponįn aa kpɛɛ a ɲąnįn buɔ ə wuɛ, wɛli mɛ̨nį hva kɛa wɛli lii muhəɠə, ə mą kɛ aa wulaa lɔpee mį́i, kɔ̨nɔ̨n mąą kun-nɛ̨ɛ̨ hva kɛa kɔ̨nɔ̨n nwɛli too yɛ́, mąąhɔlɔɓo, hiɛi ɲali bulu hvo mą, nu aa tɔɔ bələ nwun na; wɔlɔlulu yɛ kpɛlaan gwɛlɛ nuą líi pɔ.

Ikilisiati 12:7

Gɛɛ pɔlɔ hvo pu pɔlɔ ɓa ɓɛi ə həɠə laa, nɔ̨ɔ̨ ə tɛ Yálá pɔ yaai doo ɉu.

Ikilisiati 6:3

Nu ta a pɛli mą ə lon ɉɔlɔɓo nwun dɔ̨nɔ̨, mąą nu ə kwɛlan damąą kɛ yɛnɛ̨ɛ̨, akɛ hvo ɲąąnɛ̨ɛ̨ kulɔ li ɲíi hvóló tamąą tii hu, ɛlɛɛ nwɔ̨nɔ̨, di hvo kpɛli bowa loo li a nɛlɛɛ, yili ɲąąnɛ̨ɛ̨ ɓaa a lə? Nwɔ́ kwəi, yəikalalon viɛlaɓoɔi mąą nu ɓa.

Azaya 22:16

Lə ɓə ɓɛ ə́ yəi? Ə́ kaayɔwɔ nɛlɛɠaa ɓə ɓɛ, yai ə́ kaa kámą teei ɓɛ, yɛ́ ə́ kámą tee ɓɛ ɲee nwuɔ̨, yɛ́ wolo ɓɔ gwɛni hu, ɓɛi da tínąą ə́ laai pɛli laa?

Maafîu 27:60

gbɔwɔ kámąi ŋɛ̨i ə dee, nąą ɓə ə noo laa: Yii di hvo nii kɛ nu ta loo li ɉu. Yili pulu, di kwɛni kpuwulu kɛnɛ̨ kiliɠilin di dɔɔ gámą la.

Dutɛrɔnome 4:22

Gáá pai haai nɔi ŋɛ̨i hu, vá Ɉurdɛn teen, kɛlaa, ka wɛi, ka káá pai deen ɉii; ka lɔ nɔi lɛlɛɛ tii hu.

Samuɛlə dɔlɔɔ 14:43

Saulə yɛ Ɉonatan ɓa: «Mɛ̨nįi ə́ gɛ, mo mą́ą́.» Ɉonatan yɛ nąn ma: «A tɛ̨ą, wulu kpiyɛn mə ŋą́ ɉunwɔ lɔ kwɛ̨in nwulɔ hu, ŋą́ gɔwɔn. Yii hu, váái ma, ŋą́ haa.»