Zɛnɛse 5:24 - Yálá laawoo hɛɓɛ (dc)

²⁴ Henɔkə da Yálá di nɛ̨ɛ̨yɔwɔ laa kɛ, yili pulu, nu ta hvo kɛa gaa. Mąąhɔlɔɓo, Yálá ə ɉəɠə ə nɛɠɛ mą.

Yálá laawoo hɛɓɛ

²⁴ Henɔkə da Yálá di nɛ̨ɛ̨yɔwɔ laa kɛ, yili pulu, nu ta hvo kɛa gaa. Mąąhɔlɔɓo, Yálá ə ɉəɠə ə nɛɠɛ mą.

Bible

²⁴ Inɔ è tùa a Ɣâla nîa-pere. È làŋ núu-kpune ŋɛ́i, kpɛ́ni fêi, Ɣâla è zìɣe.

Zɛnɛse 5:24 ပူးပေါင်းရင်းမြစ်များ

Zɛnɛse 24:40

Ə nwóó ŋąąpənə, yɛ mą́ą́: ‹Yai-Laa ŋɛ̨i gáá tíi mą, gaa pai nwɔ malaka tɔɔi ə́ tɔwɔ, ya ɓə pai ɉiɛ nɛ̨ɛ̨i ə́ yəi, əgɛ, ə́ nɛ̨ɛ̨nu hɔlɔɓo ku huwuhu, ną́n ɲəi bɛlɛ́n, ə́ paa la a nón nɛ̨ą.

Zɛnɛse 37:30

Ə pənə ə pa, ə tómą nəɠəni mɛ̨i, yɛ diɛ: «Ɉosɛfə hvo ɓɛ! Ŋą́ yii laa lɔ kpɔ mį?»

Zɛnɛse 42:36

Ɉakɔbə yɛ nonnii diɛ: «Nonnii hveelɛ ka tii kaa gulɔ ɲə́i, diɛ ɓaa: Ɉosɛfə da Simeɔn. Ka káá nwɔ̨nɔ̨ bɔ ka Bɛnɉamɛn həɠə? Ɲą́ą́ lɔ ka tii mɛ̨nįɠaai tii kəlee kaa laai mą́ą́.»

Zɛnɛse 5:22

Metusəla hɔlɔɓoɔ pulu, Henɔkə ə kwɛlan nwun ɉaaɓa kɛ, da Yálá diɛ nɛ̨ɛ̨yɔwɔ laa kɛ a nɛlɛɛ. Ə lon ɉinąą takpɛliɠaa hɔlɔɓo da lon nɛ̨ąą.

Zɛnɛse 5:23

Henɔkə kaa kwɛlan gəlee pɛlɛɛ gee ɓa, ə kɛ a kwɛlan nwun ɉaaɓa kwɛlan bow mɛ̨ida kɔ́w lɔɔli.

Zɛnɛse 5:25

Metusɛla kaa kwɛlan ə kɛ a kwɛlan nwun dɔ̨nɔ̨ kwɛlan bow mɛ̨ihaaɓa kɔ́w mɛ̨ihveelɛ, ə lon ɉulɔnu hɔlɔɓo, ə naa hee a Lamɛkə.

Zɛnɛse 6:9

Pələi Noe mąą mɛ̨nį hukulaa ə kɛ la, bələ ka: Noe ə kɛ a nu haŋąą,

Tɔɔɓɛlaa veelɛ 2:1

Ɓɛlɔwai Yai-Laa ə Eli tɛ la yələkɔlɔn ɉu ɉigilin ɉu, mɛ̨nįi kɛ ya ka. Eli da Elise di həɠə Gilgalə daai,

Tɔɔɓɛlaa veelɛ 2:10

Eli yɛ Elise ɓa: «Mɛ̨nį walawala ka tii yáá ɉu hvɛli. Kɛlaa, ə mą kɛ tii, ɓɛlɔwai gáá pai kɛi həɠəi ə́ kwɛlɛ, yá gáá, yii ŋɛ̨i ə́ vɛli, yá ɉɔlɔɓo; kɛlaa, yá wala gáá, hva pɛli.»

Tɔɔɓɛlaa veelɛ 2:11

Di kɛɛ líi, diɛ mɛ̨nįi tii ɓo, wotolo tɔ̨nɔ̨, da hooɠaa di ɓo a nwɔ̨n, di kulɔ, di Eli da Elise di ɓɛlaɓo, ɉigilin ə Eli həɠə yɛ tɛ la yələkɔlɔn ɉu.

Tɔɔɓɛlaa veelɛ 2:12

Elise ə kɛli gaa, yɛ tomą, yɛ kɛ mą: «Ną́n! Ną́n! Yɛ́i Israɛlə nwɔ kɔlaɠa da nwɔ wotolo!» Yii pulu Eli ə kpɛɛ Elise ɲɛ̨i, Elise ə gwaną həɠə huɓɛla ɉu hveelɛ.

Mąątɛ̨nɛ̨ 49:15

Di puɔi di kee mɛ̨i ɲąmuątaa yɛ ɓɛlaaɠaa, haa ɓə a pələ kulɔ a diɛ, yɛ bələi taatɛlɛɛ mɛ̨i kaamun a gɛ la a nwɔ taatɛlɛɛɠaai. Yələ a kɛ gaa ɓɔi, kwəikwələ nuą diɛ hee di mɛ̨i, di mąąnįnįn gbɛɛi ɓaa ɲąmuątaa; di mąąkwɛa di wɔ tɔɔ pɛlɛ́ɠaai diɛ.

Mąątɛ̨nɛ̨ 73:24

Yɛ́ li a ɲą́ą́ ɓɛi ə́ kɛ bɔ, yili pulu, ə́ kaa pai ɉə́i mąąwiɛ pulu.

Ɉeremi 31:15

Yai-Laa woo ka, yɛ diɛ: Gboo təli woo kaa tɔɔi Rama, gaa a mąąwɛli wɔlɔ woo. Rasɛlə ɓə nonnii wɔlɔ ɓoi, hvo nwəli tɔɔi naapilɛ nuą woo ɓa. Mąąhɔlɔɓo, nonnii di hvo lɛɛ li.

Maafîu 2:18

«Woolaa woo, da wɔlɔ woo di kaa tɔɔ Rama; Rasɛlə ɓə nonnii haa wɔlɔ ɓoi. Hvo gɛi hvo naapilɛ, mąąhɔlɔɓo, nonnii daa haa.»

Lukə 23:43

Jesus ə nwoo pulu pənə yɛ mą: «Gáá moi yɛ́ a tɛ̨ą, háákələi, ə́ kaa pai kɛi bɔ́ Yálá-taa tɔɔlaa hu.»

Zɔ̂ŋ Maa-ŋuŋ 1:7

Kɛlaa, a kɛ gwa kɛi hiɛ kɛɛ pono hu, yɛ bələi Yaa kpinii gaa la a kɛɛ pono, akɛ tii gu kəlee gu kaa ɉu tanɔn, Non Jesus ɲąmą a gu mąąhəɠə nɛ̨ŋɛ̨n ɲəi.

Zûu 1:14

Ə həɠə Adamə ɓa ə həli la Henɔkə ɓa, káláɓɔlɔ heekpəlin na mɛ̨ihveelɛ li. Kɛlaa Yálá ə mɛ̨nį ta pu Henɔkə la yɛ hvilɛn na nuą tii diɛ, yai ə kɛ diɛ: 'Ka ka wəli tɔɔ! Ną́mu kaa pai pai da nwɔ malaka kpulu waa tamąą;