Zɛnɛse 49:27 - Yálá laawoo hɛɓɛ (dc)

²⁷ Bɛnɉamɛn kaa yɛ kwɛ́li, yələwala pɔ, a huwɔ hon ə mįi. Yələwulii pɔ, kɔ́ mɛ̨į hɛn a ɉəɠə, a ŋąąkwɛlɛ.

Yálá laawoo hɛɓɛ

²⁷ Bɛnɉamɛn kaa yɛ kwɛ́li, yələwala pɔ, a huwɔ hon ə mįi. Yələwulii pɔ, kɔ́ mɛ̨į hɛn a ɉəɠə, a ŋąąkwɛlɛ.

Bible

²⁷ “Bɛŋsima káa yɛ̂ɛ baníŋ nyii a sua pâai. A gɔnɔŋ pàa Ŋ̀ele-wâlai da ŋ̀ele-wulii.”

Zɛnɛse 49:27 ပူးပေါင်းရင်းမြစ်များ

Zɛnɛse 35:18

Ɓɛlɔwai Rasɛlə ə kɛi pa haai la, ə nokoloi tii laa hee a: Bɛn-Oni, mukulaa ɓaa: «Nwɔ́ mɔ̨nɔ̨ hu lon.» Kɛlaa, nokolo nąn ə naa hee, a: «Bɛnɉamɛn, mukulaa ɓaa: Ɲéé lɛlɛɛ hu lon.»

Zɛnɛse 46:21

Bɛnɉamɛn nwɔ lonnii laa ka: Bɛla, Bɛkɛrə, Asbɛlə, Gera, Naaman, Ehi, Rɔsə, Mupimə, Hupimə, da Ardə.

Zɛnɛse 49:26

Núwɔ́i ə́ nąn ə doo yɛ́, nwun naŋįnŋąąi, tɔwɔ-tɔwɔ yeeɠaa di wɔ lúwɔ́ mɛ̨i, gɛnɛ̨i dɛɛ ɲeeɠaai wɔlɔ nwɛli kaa nuą diɛ mą. Ɉosɛfə, ə́ nąn nwɔ lúwɔ́ ə yɛɛ ə́ mɛ̨i, ə ə́ kɛ a laa mąą mun ə́ kaayɔwɔɠaa lɔwai.

Zɛnɛse 49:28

Nuąi tii ɓə kɛ a Israɛlə nu huwu pow kɔ́w hveelɛi. Ɓɛlɔwai di nąn ə kɛi lúwɔ́ too la diɛ, nwooɠaai tii ɓə ə mo diɛ. Di nąn ə lúwɔ́ too diɛ a gulaa gee mu.

Ɉeremi 5:6

Yili mąą mɛ̨nį ɓa, yalaɠaa kaa kulɔi gban mu, diɛ wolo diɛ; húlúɠaa diɛ kulɔ gbaalə hu, diɛ di hu kala. Kwɛ́liɠaa diɛ di wɔ taaleeɠaa kwɛlɛ tɛ; hɛn kpɔ a kulɔ taai diɛ ɉu hvala-hvala. Mąąhɔlɔɓo, di wɔ kwɛli tee laa hu lɔ ɓə kɛnɛ̨i, diɛ di pulu tɔɔ la Yálá ɓa.

Izikiɛ 22:25

Nwɔ Yálá kwəi mɛ̨nį hukulɔ nuąi daa daa laahvɛɛ a ɲaba mɛ̨nį, di kaa nuą mįi, yɛ bələi yala a kɛ nuą mįi la; yɛ huluun. Diɛ hɛn gɔwɠaa da waliɠaa həɠə; diɛ kalanənŋaa tamą daa kwəi.

Izikiɛ 22:27

Ɲɛitɔwɔ nuą kaa di lɔwai yɛ kwɛ́liɠaa da kɛ huwɔɠaa lɔwai, diɛ ɲąmą pu, diɛ nuą paa di wɔ hɛn gɔwɠaai nwuɔ̨ mɛ̨nį ɓa.

Sofoni 3:3

Nu kpɛa-kpɛai di kaa daa kwəi, di kaa yɛ yalaɠaa, diɛ huluun. Nwɔ kiti tee nuą kaa yɛ hvitili ɓa kwɛ́liɠaa, di hva huwɔ kɔ́w tɔ̨nɔ̨n kpɛli lɛɛ, yii tinąą da di ɲįn vilɛn mą yələwala pɔ.

Lonon mo 1:36

Yii ɓaa Bɛnɉamɛn lonnii di wɛi, di lonoi di mo, yiiɠaai di kaa kwɛlan ə kɛ pow hveelɛ, da yiiɠaai di wɛi tɛɛ ɉu, diɛ pɛli ɓɔwa kwɛaa yalai daa hu, di hee kpəlin na kɛi di mo a bɛlɛ́ɠaa laa da gwəliɠaa laa,

Lonon mo 23:24

Nu huwu ka tii, a muhəɠə yɛ yala, a haŋą ə tɔɔ yɛ yala hilɛ, hva pɛlɛ akɛ hvo huwɔ hon ni yɛ ɉu ɓɛla. Yii hvo huwɔ hon ni, yɛ ɲąmą kpələ.»

Lonon mo 34:21

Bɛnɉamɛn huwu hu, Kislɔn lon Elidadə.

Maafîu 10:16

Jesus ə mo nwɔ kalan nɛai diɛ, yɛ diɛ: «Ka ka wəli tɔɔ! Gáá ka tɛɛi yɛ ɓɛlaa lonnii kwɛliɠaa lɔwai. Ka kɛ gili-gili yɛ kaalə, ka kɛ a ka wɔ mɛ̨nį lɛlɛɛ, yɛ gbohvoló-hvoló.

Maafîu 7:15

«'Ka ka kpɔɔ mɛ̨i kaa, nuąi da di kpɔɔ kɛ a Yálá kwəi mɛ̨nį hukulɔ nuą di mąą mɛ̨nį ɓa. Mąąhɔlɔɓo, da lɔ ɓɛlaa kɔ́lɔ hu, diɛ pa ka pɔ. Kaa di kaa yɛ ɓɛlaaɠaa, a mɛ̨nį gɛ kwɛ́li hvulúɠaa li.

Gɛlaɠaa 20:29

Gili kaa kpɔ ɉu, gɛ́, ŋą́ pa həɠəi ɓɛ, kwɛli kpəɠiɛɠaa kaa pai lɔi ká lɔwai, di hvo pai daatɛlɛɛɠaa ɲɛ̨imąąwɛli kaai.

Gɛlaɠaa 8:3

Solə nwɛi, ə ɲąąwala kpɔ, yɛ gbɔn ɉu taɠa. Ə kɛli lɔ bɛlɛ́ɠaa mu, yɛ laa na nuą hon, hinąą da nɛ̨ąą, yɛ di too gaho ŋą.

Gɛlaɠaa 9:1

Solə yee ə kɛ lɔ gu Ną́mu nwɔ kalan nɛai hu taɠa mɛ̨nį, da di paa mɛ̨nį hu. Ə li,

Dutɛrɔnome 33:12

Yɛ Bɛnɉamɛn nwɛi ɓa: «Yai-Laa liiɓa lon! Ə́ hvii tɔɔ Yai-Laa hvaŋąn mu a ə́ wəli pulu laɠiɛ; yai, a ə́ mɛ̨i kaa a yələ kəlee. Ɛlɛɛ, ə́ huwu lɔwai ɓə Yai-Laa a vįitɔɔ laa.»

Filipə 3:5

Hvo gaai, néé da ną́n di kaa a Hebreu di ɓo a Israɛlə lonni, Bɛnɉamɛn yəi bɛlɛ́n nuą. Di ɉéé kɛ́nɛ̨ ɓa a voló mɛ̨ihaaɓa yələ. Yii hvilɛn na tɔ́n gɔlɔn mɛ̨nį ɓa, gáá a dɔ́n galamɔ̨ɔ̨.

Nwun mąąɓo 20:21

Bɛnɉamɛn nu huwu kulɔ Givea a mąą yələ, di Israɛlə lonnii waa pow hveelɛ paa.

Nwun mąąɓo 20:25

Volói tii, Bɛnɉamɛn nu huwui kulɔ Givea di nɛɛ mą, di Israɛlə nuą di wɔ kɔ́ kúlaa waa pow kɔ́w mɛ̨ihaaɓa paa gɔ́ mɛ̨i.