Zɛnɛse 49:10 - Yálá laawoo hɛɓɛ (dc)

¹⁰ Tɔɔ tunwɔ̨n hva kulɔ Ɉuda yəi, dɔɔhvili hva kulɔ ə́ yəi bɛlɛ́n, ə lɛɛ ɉu, nui Ɉeeɓolaa kaa a nwɔɔ yɛ pa. A yai tii, hį́i kəlee kaa pai lɛɛi nwoo mu.

Yálá laawoo hɛɓɛ

¹⁰ Tɔɔ tunwɔ̨n hva kulɔ Ɉuda yəi, dɔɔhvili hva kulɔ ə́ yəi bɛlɛ́n, ə lɛɛ ɉu, nui Ɉeeɓolaa kaa a nwɔɔ yɛ pa. A yai tii, hį́i kəlee kaa pai lɛɛi nwoo mu.

Bible

¹⁰ Zuda ŋɔkâloŋ-wurii fé pâi kulâi ǹyêei. Ŋɔsuui su ƃelai da pâi wɔ́lɔ kɛ̂i nɔ́ a kâloŋ ŋa. Lɔii-ŋuŋ ŋai da pâi kɛ̂i nɔ́ ŋuŋ-fela-fei tɛɛ̂i bɔ́.

Zɛnɛse 49:10 ပူးပေါင်းရင်းမြစ်များ

Samia Veerɛi 7:13

Ə́ lon tii ɓə pai pɛlɛ tɔɔi mą́ą́, ɲą́ą́n, ŋį́ nwɔ heeɓolaa kɔ́wɔ hvilɛn gbɔ tin-tin a yələ kəlee mɛ̨nį.

Samia Veerɛi 7:16

Ə́ wɔ pɛlɛ́i da ə́ wɔ tɔɔlaai di kaa pai kɛi ɲɛ̨́i mu a yələ kəlee. Ə́ wɔ tɔɔ kpəlin a kɛ a ɉeɛ kpɔ a gbilin yələ kəlee mɛ̨nį.»

Kɔlɔnikɔ Maa-ŋuŋ 12:24

Nuąi pa Davidə pɔ Hebrɔn, diɛ Saulə nwɔ heeɓo laa həɠə ɲəi, diɛ dɛɛ Davidə pɔ, yɛ bələi Yai-Laa ə mo la, diɛ ka:

Kɔlɔnikɔ Maa-ŋuŋ 12:39

Gɔkuláaɠaa tii kəlee huyiliɛ kɛ kɔ-kɔ mɛ̨nį ɓa, di pa Hebrɔn a di kwəi kwɛlɛɛ, əgɛ, di Davidə hee a tɔɔmun Israɛlə nuą kəlee nwun na. Israɛlə nu kpəlii tii lɛɛ, diɛ kpɛli di pa a di kwəi kwɛlɛɛ Davidə hee mɛ̨nį ɓa a tɔɔmun.

Mąątɛ̨nɛ̨ 108:8

Yálá woo ə tɔɔ nwɔ pɛlɛ́ mąąhəɠɛɛi mu, yɛ kɛ diɛ: «Ɲą́ą́ ɓə a yee tɛɛmąąlaa! Gáá Sisɛmə taa ɲąąkwɛlɛi ɉu, gɛ́ Sukotə ɓoloon ɉu tee a gbuɔ kpuɔ.

Mąątɛ̨nɛ̨ 60:7

'Hvaa ku woo mu, ə́ wɔ yee wala-walalaa ə ku ɓalo, ə́ wɛlikɛmąą nuą di kulɔ mɛ̨nįi.

Mąątɛ̨nɛ̨ 60:9

Galaadə aa lɛɛ a nwɔ́ɔ́, Manase aa lɛɛ a nwɔ́ɔ́, Ɛfraimə aa lɛɛ a nwuɔ̨ ɓɔlɔ, Ɉuda kaa a nwɔ́ tɔɔhvili.

Mąątɛ̨nɛ̨ 78:68

Ɉuda nwɔ nu huwui ɓə ə ɉəɠə ɉu a níiɓa, a Siɔn yeei nwɛli kaa mai.

Azaya 11:10

Mąą yələi tii, Ɉɛse mąąpoo, a kɛ a dɛɛ yələi yɛ, Ɉilɛyili, yɛnɛ̨ɛ̨ nuą kəlee ɲɛ̨i ɓa, lɔi kəlee yɛ mąą gilɛ həɠə, ɓɛi a kɛ laa heeni, nąą laahvɛɛ a nwɔ mąąwiɛ.

Azaya 2:2

Gaa pai kɛi a yələ ta, gbukpui ɲɛ̨i Yai-Laa hee pɛlɛ́ kaa mɛ̨i, gaa pai kɛnɛ̨i, ə tɛɛ ɲeeɠaa diɛ, nąąlɔwai, hį́i kəlee kaa pai pai bɔ.

Azaya 33:22

Tɛ̨ą li Yai-Laa ɓə a ku kiti tee mun, ya ɓə gaa a ku ɲąąwooɓomun, Yai-Laa ɓə ɓaa kuɔ tɔɔmun, ya ɓə a ku nwun mąąɓo.

Azaya 42:1

Nwɔ́ tímun ga, yai dɔ́ɔ́ bulu, ŋą́ ɉəɠə mɛlaa lɔwai, gbíni ɓa mun ni, ya ɓə ŋą́ nwɔ́ Nį́i too ɉu, gaa pai hįį takpɛliɠaa di wɔ kiti mɛ̨nį kulɔi pɔ̨nɔ̨ŋą.

Azaya 55:3

'Ka ka wəli tɔɔ, 'ka pa bɔ́ pələ; 'ka ka wəli tɔɔ, ka ɓalo, gáá pai mįnɛ̨ laai gwa kaa ni gu lɔwai, a hvóló kəlee da nwɔɔ; mɛ̨inɛ̨ɛ̨ɠaai ŋį́ di laakwɛlanmo Davidə ɓa, gɛ́ di kɛ.

Azaya 60:1

Ɉerusalɛmə, 'haŋąn ə tɔɔ, 'kɛ a kɛɛ pɔ̨nɔ̨, mąąhɔlɔɓo, ə́ wɔ kɛɛ pɔ̨nɔ̨i kaa pai, Yai-Laa nwɔ mąąwiɛ aa muhəɠə, yɛ pa ə́ mɛ̨i.

Azaya 62:11

Mɛ̨nįi Yai-Laa kaa moi, yɛ həli kpɔ lɔi kpon ɉeei, ya ka: 'ka mo Siɔn nɛ̨ɛ̨gbɛla ɓa, kaa mą: Ə́ ɓalo mun ga ɲɛ̨i pai, vɛla kaa ɲəi, ɲąą kɛlɛ hɛnŋąą di ɓo ɲɛ̨itɔwɔ.

Azaya 9:6

Nwɔ heeɓolaai, yee kɔnwɔ̨n ɉu a ɓɛlɛɛ, ɛlɛɛ, kpɛɛ hvo nwɔ tɔɔlaa ɓa. Yii ɓaa nąn Davidə nwɔ tɔɔkpəlin, Ya ɓə pai vilɛn ɉii gbilin, tɛ̨ą mɛ̨nį da tələnmolaa mɛ̨i, ə həɠə yiihu ɓa, ə lɛɛ la ɉu, wɔ. Yili ɓə Yai-Laa Mɛ̨nį Kəlee ŋą Hééɓomun kaa pai gɛi, nwɔ wɛlikɛmąą kɛnɛ̨ɛ̨ hu.

Ɉeremi 30:21

Nɔi lon da ɓə a kɛ a nwɔ tɔɔmun, ɲąąwooɓomun a kulɔ di lɔwai. Gáá hvaai ma yɛ mąą lɛɠɛ mą́ą́. Gbɛɛ kpɔ ɓə nii a pɛli kpələi yɛ mąą lɛɠɛ mą́ą́? Yai-Laa woo li.

Ɉeremi 33:26

Ŋą́ mɔ̨ɔ̨ pɛli ɲéé kulɔi Ɉakɔbə da nwɔ́ tí mun Davidə di huwu mu? Ŋą́ mɔ̨ɔ̨ pɛli kpɛlai nuą həɠəi di lɔwai, diɛ Abrahamə, Isaakə da Ɉakɔbə di huwu ɲąą woo ɓo? Vá gɛ́ tii! Ŋą́ pənə ŋį́ di pu di nįnɛ̨ kɔ́lɔi, mąąhɔlɔɓo, di mąąwɛli kaa mą́ą́. Ŋą́ą́ Yai-Laa nwóó li.»

Izikiɛ 19:11

Nwonwoɠaa di tɔɔ mą a gbɛa kpɛa, di kɛ a tɔɔ tunwɔ̨nŋaa; ɲee mu ə həɠə nwonwoɠaa nwun mɛ̨i, ə kɛi nuą mąą ɲɔw gwɛa pələ ɓa, da nwonwo tamą pələ mą.

Izikiɛ 19:14

Kɛlaa, nwɔ̨n ə kulɔ nwonwo lon ɉu, ə nwonwoɠaa da maɠaa kəlee kələn. Viɲə kpɔmɔi tii nwonwo ta hvo kɛa laa a ɉuwala walaa, yɛ pɛli kɛi a tɔɔ tunwɔ̨n. Wɔlɔ woo li, da doo a wɔlɔ wələ.

Izikiɛ 21:27

Mamįiyee hu pələ, Ɉerusalɛmə ə́ ɓa-mįi-yee hu pələ, tɔlu ɓə woo laa, yɛ kɛ: ‹'Ka pa a bɛlɛ́ nwąną wolo hɛnŋąą; 'ka nu paa mɛ̨nį loloɓo; 'ka ka woo tɛ yələi, kaa kɛ diɛ: «Kɔ́ ɓə!» 'Ka pa a gbon nwolo hɛnŋąą; 'ka bɔlɔ ɓuwo; 'ka lɔwa tee.›

Izikiɛ 21:32

Əkə kɛɛ kalaa! Əkə kɛɛ kalaa! Gáá pai nąą kalai ɲɔ̨nwɔ̨man da hvo ta kɛli, ə lɛɛ ɉu nui ŋą́ giti mɛ̨nį tɛɛ bɔ, mąą nu ə pa.»

Danîa 9:25

Yii mąąnɛ̨ɛ̨ ə́ kili ə kɛ ɉu, ə́ gbaɓala kaa, ya ka: Ə həɠə ɓɛlɔwai ŋɛ̨i di nwɛlɛɛ ŋɛ̨i ɓo la, yɛ hvilɛn na ka kulɔ mɛ̨nį luwɔlaa hu ɓa, da Ɉerusalɛmə taa tɔɔ mɛ̨nį a nįnɛ̨, ə mą kɛ, tɔɔmun yii Yálá ə ɉəɠə ɉu ə mąątí gulɔ mɛ̨nį pɔ̨nɔ̨ŋa, a kɛ a lɔwai mɛ̨ihveelɛ heei kwɛlan mɛ̨ihveelɛ. Yili pulu, lɔwai heei pow mɛ̨ida kɔ́w hveelɛ heei kwɛlan mɛ̨ihveelɛ hu, daa-lee kɛnɛ̨ da nwɔ hįi, da di tɔɔ. Kɛlaa, nɔwaiɠaai tii da kɛ a mɛ̨nį walawala.

Mise 5:1

Ɛlɛɛ yɛ́, Bɛtleɛmə Ɛfrata, yɛ́i hvó a taa lon Ɉuda taaɠaa lɔwai, ə́ kwəi ɓə Israɛlə ɲąąwooɓomun, gaa pai kulɔi laa, a nwɔ́ nui; yai kpala tɔɔi hvo mą.

Egaa 2:7

Yai-Laa Mɛ̨nį Kəlee ŋą Hééɓomun yɛ nwɔ̨nɔ̨ diɛ: Gáá pai hį́i kəlee tumoi, di yəi hɛnŋąą walawalaɠaa da di yəi hɛn gɔwɠaa kəlee kaa pai ɓɛ, ɉéé pɛlɛ́i ŋɛ̨i nwɔ mąąwiɛ kaa pai kɛnɛ̨i.

Zakari 10:11

Di kaa pai Eziptə gboloyá teen ɉi, Yai-Laa kaa pai gboloyá kɛlɛi ɉɛ̨ąi. Nilə paləɠaa kəlee hu a kpala, Asiri nwɔ kpɔwɔ ɲąąkɛnɛ̨ ɲɛ̨i a paa, Eziptə nwɔ tɔɔ hvili yɛ kulɔ ɲəi.

Zakari 2:11

Siɔn, yɛ́i ŋɛ̨i heeni Babilonə, 'ə muhəɠə, 'pu.

Lonon mo 21:18

Ɲálɔwai tii, tɔɔɓɛlaa ɓə dee, nɔi kalanɉonŋąą ɓə dee, a di wɔ tɔɔ hviliɠaa da di wɔ tɔɔ tunwɔ̨nŋąą!» Di həɠə nɔi pun ɉu, di həli Matana. Di həɠə Matana,

Lonon mo 24:17

«Gáá mɛ̨nį kaai, Kɛlaa yiihu mɛ̨nį hvə li, gáá mąąkpɛɛi, kɛlaa ɲɛ̨́i mu mɛ̨nį hvə li. Pɛmɛ̨lɛ̨n-gɔw ta kaa kulɔi Ɉakɔbə huwu hu. Yɛ kɛ a tɔɔmun; tɔɔ hvili kaa muhəɠəi Israɛlə hu. Yɛ Moabə laa kpaɠa yali. Yɛ Sɛtə lonnii kəlee paa.

Lonon mo 24:19

Lɔi ɲąąwooɓomun gaa kulɔi Ɉakɔbə huwuhu, yɛ daai nuą kpəli hu kala.»

Maafîu 1:21

Gaa pai lon ɉulɔnu hɔlɔɓoi, ə́ naa hee a: Jesus. Mąąhɔlɔɓo, ya ɓə pai nwɔ nuąi kulɔi di kɛ nɛ̨ŋɛ̨n ɲəi.»

Maafîu 17:5

Ə lɛɛ lɔ moi tii, tulɔ kpinįn ɉu ponoɔ̨ ta ə yɛɛ di mɛ̨i; woo ta ə kulɔ ɉu yɛ mą: «Nííɓa lon ga ŋɛ̨i, ya ɓə ŋą́ą́ mą́ą́ mɛ̨nįɠaa kəlee lɛɛ ma. Mąąnɛ̨ɛ̨ ka ka wəli tɔɔ nwoo ɓa!»

Maafîu 21:9

Nu kpului tii kɛ bulu pələ da dɔwɔ pələ di kɛi tómą diɛ kɛ mą: «Mąąwiɛ ə kɛ Davidə Lon ɓa. Nui ŋɛ̨i gaa pai Ną́mu laa hu, lúwɔ́ ə kɛ mą. Mąąwiɛ kaa Yálá ɓa yələkɔlɔn ɉu!»

Maafîu 25:32

yɛnɛ̨ɛ̨ nuą kəlee di kaa pai di ɲąąkpɔn ɉii nií la, a di ɓɛlaɓo ɉu a kpulu heei hveelɛ yɛ pələi taa-təlɛɛ nąmu a ɓooliɠaa da ɓɛlaaɠaa di ɓɛlaɓo la.

Ɉaan 12:32

Yii ɓaa a nwɛ́i, da pa dɛ́ yələi, gáá pai nu kpulu kəlee yalai bɔ́ pələ.»

Ɉaan 18:31

Pilatə ə mo diɛ yɛ diɛ: «Ka li la ka gití tee yɛ pələi ka wɔ tɔ́n gaa la.» Ɉuifəɠaa di mo diɛ mą: «Kuɔ tɔ́n yɛ ku hvo nu paa.»

Ɉaan 19:12

Ə həɠə nąąlɔwai ɓa, Pilatə ə kɛi Jesus kulɔ pələ kwɛli di yəi. Kɛlaa, Ɉuifəɠaa di kɛi kpɔlɔ tómą diɛ kɛ mą: «Akɛ yá tee ɉulɔnui ŋɛ̨i ɓa, Sesarə mɛlan vaa a yɛ́. Mąąhɔlɔɓo, nui lɔpee a gbɔwɔ kɛ a tɔɔmun, Sesarə ɲowo li.»

Ɉaan 19:15

Di kəlee di tómą diɛ mą: «Ə haa! Ə haa! 'Gbanwo kolɔwa ɓa.» Pilatə yɛ diɛ: «Ɲį́ ka wɔ tɔɔmun gbanwoi kolɔwa ɓa?» Ɉaláá laa həli nuą kpɛa-kpɛa di nwoo pulu pənə diɛ mą: «Tɔɔmun da kpɛli hvo ku yəi, ə kulɔ Sesarə pulu.»

Ɉaan 9:7

Yɛ mą: «'Li, ə́ ə́ waa Siloe bówa hu.» Siloe mukulaa ɓaa: «Di dɔɔ.» Ɲɛ̨ipumun tii ə li ə nwaa, gɛɛ pənəi yɛ pa, ɲɛ̨i hvolonŋąą.

Lomaŋ 15:12

Esai yaa kpɛli yɛ mą: «Ɉɛse lon gaa pai, gaa pai tɔɔlaa kɛi hįi kəlee nwun na; ɛlɛɛ, hįi kəlee yɛ gilitɔimą.»

Korɛntə veelɛ 5:10

Mąąhɔlɔɓo, hvo kɛli gu kəlee gu tɔɔ Kristə ŋą kitii lííla, ə gɛ, mɛ̨nįi nu tɛitɛi ə gɛ nwɔ yɛnɛ̨ɛ̨ yee mu, yɛ ə kɛ a nɛlɛɛ, yɛ ə kɛ a ɲɔ̨nwɔ̨ɔ̨, yɛ mąą hvɛla hɔlɔɓo.

Dutɛrɔnome 28:57

A lon kulɔ goolon ɉu, a lonŋąąi ə di kaa yɛnɛ̨ɛ̨; mąąhɔlɔɓo, hɛn gəlee kpɛɛ pələ ɲəi, gaa pai di mįi loo pələi; ɓɛlɔwai ka yowoɠaa kaa pai kɔ́ pɛlɛi la kaa, diɛ ka mąąwɛli ka wɔ taaɠaa hu.

Hebreu 7:14

Gaa a mɛ̨nįi nu kəlee di gɔlɔn, diɛ, gu Ną́mu ə kulɔ Ɉuda huwu hu, a huwui Moisə hvo mɛ̨nį ta ɓo, naa mɛ̨i, ŋą hɛɓɛ́ɠaai hu yɛ hvilɛn na, ɉaláá laa həli nuą kpɛa-kpɛaa ɓa.

M̀ɛni-lɛɛi 11:15

Malaka mɛ̨ihveelɛnąą ə nwɔ tului hvɛɛ: Woo kpɛa-kpɛaaɠaa di tɔɔ yələi, diɛ kɛ mą: «Tɔɔlaai yɛnɛ̨ɛ̨ yiihu, aa lɛɛ a gu Nąmu, yai a Kristə, nwɔɔ, gaa pai tɔɔlaa kɛi, ɲɛ̨n deei hvo mą.»