Zɛnɛse 49:1 - Yálá laawoo hɛɓɛ (dc)

¹ Ɉakɔbə ə nonnii kəlee təli, yɛ dɛ: 'Ka kəlee ka lɛɠɛ mą́ą́, mɛ̨nįi tinąą pai kɛi ŋą́ ɉu kulɔ kaa.

Yálá laawoo hɛɓɛ

¹ Ɉakɔbə ə nonnii kəlee təli, yɛ dɛ: 'Ka kəlee ka lɛɠɛ mą́ą́, mɛ̨nįi tinąą pai kɛi ŋą́ ɉu kulɔ kaa.

Bible

¹ Zeeka è ǹônii-sinaai tòli ǹyɛɛ diai, “Ka káŋaa tɛ́ gîe ma a gɛɛ mɛnii pâi kɛ̂i a káa tínaa tuɛ-perei, ŋá mó kâa.

Zɛnɛse 49:1 ပူးပေါင်းရင်းမြစ်များ

Mąątɛ̨nɛ̨ 105:15

Yɛ kɛ diɛ: «Nuąi ŋą́ di həɠɛɛ ɉu, 'Ka hvo tunwɔ̨n diɛ, 'ka hvo mɛ̨nį ɲɔ̨n gɛ a gwə́i mɛ̨nį hu kulɔ nuą.»

Mąątɛ̨nɛ̨ 25:14

Yai-Laa a gwəi mɛ̨nį lɛ, nuąi da ɲɔw mą, diɛ, yɛ gɛ, diɛ nwɔ mįnɛ̨i hu wooɠaa kɔ́lɔn.

Azaya 2:2

Gaa pai kɛi a yələ ta, gbukpui ɲɛ̨i Yai-Laa hee pɛlɛ́ kaa mɛ̨i, gaa pai kɛnɛ̨i, ə tɛɛ ɲeeɠaa diɛ, nąąlɔwai, hį́i kəlee kaa pai pai bɔ.

Azaya 22:14

Yai-Laa Mɛ̨nį Kəlee ŋą Hééɓomun, yai ɲee a pɛli mɛ̨nį kəlee ɓa ə mɛ̨nįi ŋɛ̨i ɓo mą́ą́, yɛ mą́ą́: Nɛ̨ŋɛ̨n tii hvo pai kulɔi kaa a yələ ta, hvo kɛli ka haa. Nąmu Yai-Laa Mɛ̨nį Kəlee ŋą Hééɓomun, yai ɲee a pɛli mɛ̨nį kəlee ɓa aa gwɛla.

Azaya 39:6

Lɔwai taɠaa kaa pai həlii, ɉɛnŋąąi kpɔ ə yəi bɛlɛ́n, yai kpɔ ə́ nąnni di diɛ̨ gee mɛ̨i, ə həɠə kpɔ di wɔ lɔwai ɓa ə lɛɛ ɉu háákəlee, di kaa pai lii a gəlee Babilonə lɔi hu, hɛn lɔpee ta hvo pai lɛɛi; Yai-Laa woo li.

Azaya 48:14

'Ka kəlee ka ka ɲąąkpɔn, ka ka wəli tɔɔ, di nɛlɛ ɓə a mɛ̨nįɠaai ŋɛ̨i lɛɛ tɔwɔ, ə di hukulɔ, yɛ kɛ diɛ: Nui Yai-Laa a nwɛli la kɛ, gaa pai niiɓa mɛ̨nįɠaa ɲɛ̨i kulɔi, yɛ hvilɛn na Babilonə da bulu nuą diɛ, diɛi a Kalde nuą?

Azaya 53:1

Mɛ̨nįi ku bələ mɛ̨n, gbɛɛ kpɔ ɓə pai laai na? Ɛlɛɛ gbɛɛ ɓə Yai-Laa ə nwɔ huwalawala lɛ mą?

Ɉeremi 23:20

Yai-Laa nwɔ liiholi kɔ́lɔ hvo pai haai mą. Hvo kɛli mɛ̨nįɠaa ə naa gwəi a di kɛ. Ɲee laa kulaa pulu, ka káá pai mukulaa kaai.

Danîa 10:1

Pɛrsə mun ŋɛ̨i ka kɛ mą Sirusə, yai kɛ a nɔi nwun nąmu, nwɔ tɔɔlaa gwɛlan ɉaaɓa lɔwai, Yálá nwɔ wɛlɛɛ ɓomun da ə wɛlɛɛ ta ɓo Daniɛlə ɓa, yaai naa mɛ̨i hee ɓaa Bɛltsasarə. Nwɛlɛɛi tii ə kɛ a wɛlɛɛ yii mąąnɛ̨ɛ̨ nu ə laa na, mąąhɔlɔɓo, gaa kɔ́ kpɔluɔ mąą mɛ̨nį ɓoi. Daniɛlə ə giliŋąhiɛ, ə ɉįi tii mukulaa kaa.

Danîa 10:14

Yii hu kɛa, ŋą́ pa, ə gɛ, mɛ̨nį pai həlii ə́ huwu ɓa, ŋą́ ɉukulɔ yɛ́, mąąhɔlɔɓo, ɉįi ŋɛ̨i yaa gaa, vilɛn ŋąą nɔwai tii mąą mɛ̨nį ɓa.»

Danîa 2:47

Yili pulu, tɔɔmun ə mo Daniɛlə ɓa yɛ mą: «A tɛ̨ą, ka wɔ Yálái ɓə gaa a yáláɠaa kəlee di wɔ Yálá, yɛ ɓo a tɔɔbəlaaɠaa kəlee di nwun nąmu. Yaa ɓə a loo mɛ̨nį kulɔ pɔ̨nɔ̨ŋa, mąąhɔlɔɓo, aa noo mɛ̨nį tii lɛ yɛ́.»

Amɔsə 3:7

A tɛ̨ą, Yálá hva mɛ̨nį lɔpee ta kɛ nuą tɛɠii, akɛ hvo nɛ li nwɔ tínuąi a gwəi mɛ̨nį hu kulɔ nuą diɛ.

Mise 4:1

Yələ ta kaa pai ɉəlii, tinąą, hvəlaan, Ɲeei tii Yai-Laa nwɔ pɛ́lɛ́i tɔɔ mɛ̨i, gaa pai kɛi tɔɔni yeeɠaa kəlee nwun mɛ̨i, nwun yɛ lan yee kpu kpuɠaa kəlee mɛ̨i, nu kpulu kaa pai kɛi pai laa.

Lonon mo 24:14

Yii gaa tii, ní hiɛ ka tii nwɔ́ nuą pɔ; kɛlaa, 'pá, mɛ̨nįi nu huwui ŋɛ̨i kaa pai naai ə́ wɔ lɔi ɓa tɔwɔ pələ, ŋį́ ɉukulɔ yɛ́.»

Lukə 2:26

Yálá ə gbɛa giliŋą pono yɛ mą: «Hvo pai haai hvo kɛli ya ə́ ɲɛ̨i tɔɔ Israɛlə Nwun mąąɓomun ma, yai Ną́mu Yálá ə dɔɔ.»

Gɛlaɠaa 2:17

«‹Yálá ə mo yɛ diɛ: Yɛnɛ̨ɛ̨ ɲąą kpɛɛi lɔwai aa kɛi həli, gáá pai nwɔ́ Kilii tɛɛi nu kəlee pɔ, ka lon ɉinąą da ka lon nɛ̨ąą da Yálá nwɔ wɛlɛɛ laa həli, ka wɔ hilɛlɛai diɛ mɛ̨nįɠaa kaa, ɉulɔgoloɠaa diɛ hįi kaa.

Dutɛrɔnome 31:12

Ka nuą kəlee ɲąąkpɔn, hulɔnu mąn, nɛ̨ɛ̨nu mąn, lokolo mąn, ə mą kɛ, nwɛ̨ąi di kaa ka kɔ́wɔ mɛ̨i ka wɔ taaɠaa hu, ə gɛ, di mɛ̨nį ta mąąkwɛli bɔ, diɛ ɲɔw la Yai-Laa ka wɔ Yálái ɓa; di dɔ́n nwooɠaa ŋɛ̨i kəlee pɔ mɛ̨nį kɛ.

Dutɛrɔnome 4:30

Ɓɛlɔwai ka káá pai kɛi la mɔ̨nɔ̨ hu, mɛ̨nįɠaa ŋɛ̨i diɛ laa kaa ka wɔ yɛnɛ̨ɛ̨ tɔwɔ pələ, ka káá pai pənəi ka pa Yai-Laa ka wɔ Yálái pɔ, kaa ka wəli tɔɔ nwoo ɓa.

Timote dɔlɔɔ 4:1

Yálá nwɔ Kilii a mo kpɔ a neelee yɛ, vóló gbɛla mąąɠaa ŋɛ̨i hu, nu tamąą kaa pai laa na pələ lɛɛi, diɛ hvilɛn di ɓowo nuą woo pulu, ɛlɛɛ da kalan ɉuwuɠaai a həɠə ɲinɛ̨nŋaa pɔ;

Timote veelɛ 3:1

Ə́ kili ə pu kani ɉu, yɛ́ kɛ: yɛnɛ̨ɛ̨ ɲąąkpɛɛ yələɠaa da pa kɛi lɛɠɛi, mɛ̨nį ɲąąnwąnąą ŋą yələɠaa kaa pai ɉəlii.

Hebreu 1:2

ya ka, yiihui ŋɛ̨i, gu kaa kɛa la vóló gbɛlamąąɠaa hu, aa pələ ɓo guɔ, Non ɉu pələ, yai ə ɉee a gwɛlin gəlee həɠəmun, a yai ə yɛnɛ̨ɛ̨ kəlee pɛli la.

Hebreu 13:1

Lee-lon nwɛlikɛmąą laa ə ɉeei kulɔ ká lɔwai.

M̀ɛni-lɛɛi 4:1

Yili pulu, ŋį́ kɛɛ ta kaa: Pɛlɛ́ ta laa ə ɓoɔ yələkɔlɔn ɉu, ɛlɛɛ, nwoo tɔlɔɔi ŋą́ mɛ̨n, yɛ pələ ɓo mą́ą́, ə kɛ yɛ tulu woo, yɛ mą: «'Tɛ́ ɓɛ! Ɛlɛɛ, mɛ̨nįɠaai pai kɛi nąą pulu, ŋį́ nɛ yɛ́.»