Zɛnɛse 48:9 - Yálá laawoo hɛɓɛ (dc)

⁹ Ɉosɛfə yɛ nąn ma: «Lonŋąąi Yálá ə gɔ́ la ɓɛ, diɛ ka.» Ɉakɔbə yɛ nwɔ̨nɔ̨ mą: «Di mąąlɛɠɛ mą́ą́, ə gɛ, ŋį́ lúwɔ́ too diɛ.»

Yálá laawoo hɛɓɛ

⁹ Ɉosɛfə yɛ nąn ma: «Lonŋąąi Yálá ə gɔ́ la ɓɛ, diɛ ka.» Ɉakɔbə yɛ nwɔ̨nɔ̨ mą: «Di mąąlɛɠɛ mą́ą́, ə gɛ, ŋį́ lúwɔ́ too diɛ.»

Bible

⁹ Zosɛ ǹyɛɛ mai, “Ńônii ká tí nyii-ŋai Ɣâla è dítɛ̀ɛ ḿbɔi.” Zeeka ǹyɛɛ mai, “Kpera yɛ̂ pá a dia ḿbɔ a gɛɛ ŋá lûwa láa dîa.”

Zɛnɛse 48:9 ပူးပေါင်းရင်းမြစ်များ

Zɛnɛse 27:4

Ə́ ɲili kpɔ yɛ bələi gáá la bɔ, ə́ paa la, ŋį́ mį́i, ŋą lúwɔ́ too yɛ́, gɛɛ və́ pa kɛ haai.»

Zɛnɛse 30:2

Ɉakɔbə ə niiɲąnwąną kpɔ kɛnɛ̨, yɛ Rasɛlə ɓa: «Gáá ə́ kwɛi Yálá ɓa ɲą́ą́? Yálá ɓə ə́ kɛ a kpomąnɛ̨ą, ɲą́ą́ hvəi.»

Zɛnɛse 33:5

Yili pulu, Esau yɛ Ɉakɔbə ɓa: «Gbɛɛ nuą ɓə ə́ pului?» Ɉakɔbə yɛ mą: «Nu kan mɛ̨inɛ̨ɛ̨i Yálá ə gɛ, ə́ wɔ tímun ma, diɛ ka.»

Zɛnɛse 49:28

Nuąi tii ɓə kɛ a Israɛlə nu huwu pow kɔ́w hveelɛi. Ɓɛlɔwai di nąn ə kɛi lúwɔ́ too la diɛ, nwooɠaai tii ɓə ə mo diɛ. Di nąn ə lúwɔ́ too diɛ a gulaa gee mu.

Kɔlɔnikɔ Maa-ŋuŋ 25:5

Nuą tii kəlee di kɛ a Heman lonnii, yaa ŋɛ̨i kɛ tɔɔmun da Yálá di lɔwai a kwɛala kaamun, yɛ Yálá woo laa həli, yɛ dɔɔlaa hvaŋą kɛnɛ̨ pələ mɛ̨nįɠaa hukulɔ mą. Yálá ə lon bow kɔ́w mɛ̨ihveelɛ tɛɛ Heman pɔ, hinąą pow kɔ́w nąąn nɛ̨ą haaɓa.

Mąątɛ̨nɛ̨ 127:3

A tɛ̨ą, lon gaa mɛ̨nį, gaa a Yai-Laa yəi mɛ̨inɛ̨ɛ̨, nu hvɛla ɓaa, gwəi lonnii.

Azaya 8:18

Ɲą́ą́ kwa nónnii Yai-Laa ə di tɛɛ bɔ́, kuɔ ka; ku kaa a mɛ̨nįi pai kɛi Israɛlə lɔi hu, kɔ́lɔn ɉɛnŋąą, da dɔwɔ wɛlɛɛ, yai həɠə Yai-Laa Mɛ̨nį Kəlee ŋą Hééɓomun pɔ, a yai heeni Siɔn yee nwuɔ̨.

Dutɛrɔnome 33:1

Lúwɔ́ yii Yálá nwɔ nu Moisə ə doo Israɛlə lonnii diɛ hvo tɛɠa kɛ pai haai, ya ka:

Hebreu 11:21

Laa na laa háálai, Ɉakɔbə kɛɛ pai laai nąnni kwɛlɛ, ə lúwɔ́ too Ɉosɛfə nonnii tɛitɛi ɓa, ə nwɔ túnwɔ̨n hvilɛn, ə gwɛli hvilɛn Yálá ɓa.

Samuɛlə dɔlɔɔ 1:20

Anə ə koo həɠə, naayɛɛ lɔwai həliɛ, ə naayɛɛ a lon ɉulɔnu ə naa hee a Samuɛlə, mąąhɔlɔɓo, ŋą́ vɛli Yai-Laa ɓa.

Samuɛlə dɔlɔɔ 1:27

Nokoloi ŋɛ̨i ɓə ŋą́ kɛi vɛli Yai-Laa ɓa, yaan, yii ŋą́ vɛli mą. Ə dɛɛ bɔ́.