Zɛnɛse 48:15 - Yálá laawoo hɛɓɛ (dc)

¹⁵ Ə Lúwɔ́ too Ɉosɛfə ɓa, yɛ mą: «Yálái ŋɛ̨i ną́nni Abrahamə da Isaakə di di wɔ yɛnɛ̨ɛ̨ kɛ nííɓa hu, a Yálái kɛi mɛ̨́i kaa a yələ kəlee,

Yálá laawoo hɛɓɛ

¹⁵ Ə Lúwɔ́ too Ɉosɛfə ɓa, yɛ mą: «Yálái ŋɛ̨i ną́nni Abrahamə da Isaakə di di wɔ yɛnɛ̨ɛ̨ kɛ nííɓa hu, a Yálái kɛi mɛ̨́i kaa a yələ kəlee,

Bible

¹⁵ È lûwa làa Zosɛ ma ǹyɛɛi, “Ŋ̀âlai nyii ńâŋ Eberaɣɛ̃ɛ da Aise dí sìa dúɛi, Ŋ̀âlai nyii a ŋáfulu-laai téniŋ tɔ́ɔ a lɛɛ la zu tãi ŋí a serii,

Zɛnɛse 48:15 ပူးပေါင်းရင်းမြစ်များ

Zɛnɛse 17:1

Ɓɛlɔwai Abramə kaa kwɛlan ə kɛ a kwɛlan bow mɛ̨inaa-kɔw mɛ̨inąąn, Yai-Laa ə gbɔwɔ lɛ mą, yɛ mą: «Ɲą́ą́ ɓə gaa a Huwalawala Kəlee Nąmu Yálá, mąąnɛɛ ə́ hiɛ ɲɛ̨́i ɓa a ɉaŋąą, hɔn və kɛ yɛ́.

Zɛnɛse 24:20

Rebeka ə ya tiɛ̨ daatɛlɛɛɠaa kpələi, ɲɔ̨nwɔ̨mɛ̨ɛ̨ɠaai tii di di kpələ la yɛ bələi di kɛ la bɔ.

Zɛnɛse 24:40

Ə nwóó ŋąąpənə, yɛ mą́ą́: ‹Yai-Laa ŋɛ̨i gáá tíi mą, gaa pai nwɔ malaka tɔɔi ə́ tɔwɔ, ya ɓə pai ɉiɛ nɛ̨ɛ̨i ə́ yəi, əgɛ, ə́ nɛ̨ɛ̨nu hɔlɔɓo ku huwuhu, ną́n ɲəi bɛlɛ́n, ə́ paa la a nón nɛ̨ą.

Zɛnɛse 27:27

Ɉakɔbə ə lɛɠɛ nąn ma, ə laa gəŋə la, Isaakə ə ɉəɠə kun mɛ̨n, ə lúwɔ́ too mą, yɛ mą: «A tɛ̨ą, nón gɔlɔ kun gaa kpɔ yɛ lɔwɔi Yai-Laa aa lúwɔ́ too mą.

Zɛnɛse 27:4

Ə́ ɲili kpɔ yɛ bələi gáá la bɔ, ə́ paa la, ŋį́ mį́i, ŋą lúwɔ́ too yɛ́, gɛɛ və́ pa kɛ haai.»

Zɛnɛse 28:20

Ɉakɔbə ə nwoo kwɛlɛ Yálá ɓa, yɛ mą: Yai-Laa a lɛɛ bɔ́ nwɔ́ hiɛ ŋɛ̨i hu, ə mą́ą́kpɛ, ə gɔ̨nɔ̨n gɛ, ə mąąhəɠə kɛ,

Zɛnɛse 28:22

Gwɛni ŋɛ̨i ŋą́ dɔɔ ɓɛ, gaa pai kɛi a Yálá nwɔ pɛlɛ́, hɛn kpɔ Yálá a hvaa mą ŋą́ ɉɔlɔɓo, ŋą́ bow nąą tɛɛ bɔ.

Zɛnɛse 28:3

«Gɛ́ Huwalawala Kəlee Nąmu Yálá ə lúwɔ́ too yɛ́, Ə ə́ kwəi nwun, ə́ lon damąą kaa, Ə ə́ kɛ a hį́i tamąą di nąn.

Zɛnɛse 35:3

Ka ka muhəɠə ka gwə li Betɛlə, Yálái a gúlɔi gánąn mɛ̨nįɠaa hu, ŋį́ haláá kulɔi bɛli laa mą. Ya ɓə gaa bɔ́ nwɔ́ hiɛɠaa kəlee hu.»

Zɛnɛse 48:16

a nwɔ malakai kɛi mą́ą́kɔ̨nwɔ̨, 'Ə lúwɔ́ too nɛapɛlɛɛ ŋɛ̨i diɛ. Ɲálái tii ə hvaa mą, di náá kulɔ kala mu; di ną́nni Abrahamə da Isaakə di laa tɛ. Di huwu ə ɓɛlɛ nɔi nąą kəlee.»

Zɛnɛse 49:22

Ɉosɛfə kaa yɛ hihɛn nɛlɛɛ mąąpoo; yai tɔɔni ya ton ma. Gbaɠaɠaa diɛ lan ɉįi kpoloon mɛ̨i.

Zɛnɛse 49:24

Kɛlaa, a nwɔ kilɛn hon gbɔ pin pin; a Ɉakɔbə nwɔ hu walawalai hɛn da hva tɔɔ na, Israɛlə mɛ̨i kaa kwɛni laa hu.

Zɛnɛse 49:28

Nuąi tii ɓə kɛ a Israɛlə nu huwu pow kɔ́w hveelɛi. Ɓɛlɔwai di nąn ə kɛi lúwɔ́ too la diɛ, nwooɠaai tii ɓə ə mo diɛ. Di nąn ə lúwɔ́ too diɛ a gulaa gee mu.

Zɛnɛse 6:9

Pələi Noe mąą mɛ̨nį hukulaa ə kɛ la, bələ ka: Noe ə kɛ a nu haŋąą,

Tɔɔɓɛlaa dɔlɔɔ 3:6

Salomɔn yɛ mą: «Yɛ́ ɓə ə́ ɲɛ̨i lɛlɛɛ hee ną́n Davidə ə́ wɔ luwɔi ɓa, mąąhɔlɔɓo, ə hiɛ a ɉaŋąą ə́ ɲɛ̨i ɓa; tələnmolaa hu, a gwəi kwəlɛɛ yɛ́. Yili ɓə gɛ, yɛ́ kulɔ ə́ woo ɓa, ə́ non ɉee háákəlee dɔɔkpəlin ɉu.

Kɔlɔnikɔ Maa-ŋuŋ 5:1

Israɛlə, yai naa ɓa a Ɉakɔbə, non dɔlɔɔ Rubɛn, lonnii laa ka; Rubɛn tii ɓə kɛ a nąn non ɉulɔnu tɔlɔɔ, kɛlaa, ə nąn naa gbin ɓɛlɛtoo. Yili ɓə gɛ, nu pɔlɔ laa ŋɛ̨i kɛ mąąnɛ̨ɛ̨ ə kɛ ɲəi, ə lɛɛ Israɛlə lon Ɉosɛfə nonnii yəi. Ə kɛ kɛa a nui nu pɔlɔ laa aa kulɔ ɲəi nąn ɲəi bɛlɛ́n.

Mąątɛ̨nɛ̨ 16:8

Gíli tɔɔi lɔ Yai-Laa ɓa a yələ kəlee, gɛ mɛ̨nį tɔɔni mamįiyee hu pələ, mą́ą́ hva kpɛlin.

Mąątɛ̨nɛ̨ 23:1

Davidə nwɔ Yálá mąątɛ̨nɛ̨ wələ. Yai-Laa ɓə a ɲą́ą́kɔnmun, hɛn da mąąkpaan va hee mą́ą́.

Mąątɛ̨nɛ̨ 37:3

'Ə́ kilitɔɔ Yai-Laa ɓa, 'túwɔ́ a nɛlɛɛ yɛ́ pɛli heei nɔi hu, yɛ́ kɔ̨nɔ̨n ɉɔlɔɓo laa liilaa hu.

Lɛɛ gbɔwɔ ɓa 3:16

'Li, ə́ Israɛlə kalanɉonŋąą ŋąąkpɔn, yɛ́ diɛ: Yai-Laa ka nąnni di wɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá, ə gbɔwɔ lɛ mą́ą́, yɛ mą́ą́: Mɛ̨nii ŋɛ̨i Eziptə nuą daa naa káá, ŋą́ą́ nąą kaa, gáá gɛ́ mɛ̨nį kɛi ɉu.

Lɛɛ gbɔwɔ ɓa 4:5

Yai-Laa, yɛ Moisə ɓa: «Yá li, yili ɓə yá gɛ Israɛlə nu huwu ɲɛ̨i ɓa, ya ɓə a gɛ di gɔlɔn diɛ ŋį́ gbɔ́wɔ́ lɛ yɛ́, ɲą́ą́ ŋɛ̨i gáá a di nąnni Abrahamə, Isaakə da Ɉakɔbə di wɔ Yálá.»

Ikilisiati 5:12

Ŋą́ mɛ̨nį mąąwɛliɛ ta kaa ɓɛ yələkɔlɔn mu, ya ɓaa: Nu ta ə nwɔ wali laaikɛ, gbaan mɛ̨nįɠaa tɔwɔ,

Ikilisiati 5:18

Yili pulu, Yálá a hɛn gɔw da yee la hvólón dɛɛ nu pɔ, mąą nu yɛ pɛli gɛ kóló dɔlɔ kulɔi, yili kaa a Yálá yəi mɛ̨inɛ̨ɛ̨.

Ikilisiati 6:7

Nu kɛ kóló kaa lɔ a niiɓa ɲąąnɛ̨ɛ̨ mɛ̨nį. Kɛlaa, ɲąą hvo ta nɛ̨ɛ̨ li hvo kulɔ nu liiɓa.

Azaya 30:21

Woo kaa pai kɛi tooi ka wəlii, yɛ ka tənən dɔɔ, akɛ mąąnɛ̨ɛ̨ ka li ɓa-mįi-yee hu pələ, a wala kɛti kɛɓɛyee hu pələ, yɛ kɛ kaa: «Bələ ka, 'ka ɉon na.»

Azaya 33:16

Mąą nu ɓə pai ɉeei hɔlɔɓoi yələi pələ, gaa pai mąąkilɛi kwɛni kpuwuluɠaa mɛ̨i, yiiɠaai di mąą tínɛ̨n ŋąą a hį́i; di kaa pai kɔ̨nɔ̨n dɛɛi bɔ, yá hvo pai kpɛɛi ɲəi.

Ɉeremi 8:2

Di kaa pai gəlee huhiɛi hvóló mu, di ɉuhiɛ ɲąnin voló ɓa, da yələkɔlɔn ɉu hɛnŋaa kəlee ɲɛ̨i ɓa. Ɉɛnŋaa tii ɓə di wɛli ə́ kɛ diɛ, diɛ di mąąwiɛ; diɛ kwɛli hvilɛn diɛ, diɛ di nwun dɔɔ a diɛ. Di kɔ́wɠaa da lɛɛ a ɉu taɠaa, di hva pənə di hvo di loo a nįnɛ̨. Da lɛɛ nɔi mɛ̨i yɛ tulun bɔlɔ.

Lukə 1:6

Zakari da nɛ̨ą Elisabɛtə di kɛ a nu haŋąaɠaa Yálá ɲɛ̨i ɓa, diɛ Yálá nwɔ liɛwooɠaa hon gbɔ kpaan.

Korɛntə dɔlɔɔ 10:31

Ká kɛ kɔ̨nɔ̨n mįi-o ká kɛ ká kpələi-o, yii lɔpee ka káá gɛi, 'ká gəlee kɛ Yálá mąąwiɛ mɛ̨nį ɓa.

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Dutɛrɔnome 33:1

Lúwɔ́ yii Yálá nwɔ nu Moisə ə doo Israɛlə lonnii diɛ hvo tɛɠa kɛ pai haai, ya ka:

Kolosə 2:6

Yili ɓa, ká lɛɛ kani ká ɲɛ̨i tɔwɔ ká wɔɔ pələi mɛ̨i Kristə hu, a Jesus a gu Nąmu, yai ká ɉɔlɔɓo;

Tɛsalonikə dɔlɔɔ 2:12

Ku ká hvaŋąlɔ, ku ká liikpələ, ku ká liɛwoo ɓo, kuɔ: 'ká túwɔ́ pələ ə Yállá lii hon, yai ka təli, ŋą tɔɔlaai ɓa da ŋą mąąwiɛlaa.

Hebreu 11:21

Laa na laa háálai, Ɉakɔbə kɛɛ pai laai nąnni kwɛlɛ, ə lúwɔ́ too Ɉosɛfə nonnii tɛitɛi ɓa, ə nwɔ túnwɔ̨n hvilɛn, ə gwɛli hvilɛn Yálá ɓa.