Zɛnɛse 48:14 - Yálá laawoo hɛɓɛ (dc)

¹⁴ Kɛlaa, Israɛlə ə ɲee kpəɲąn gee pulu, ə mamįiyee laa Ɛfraimə nwuɔ̨, yai kɛ a nokolo laamun, ə gɛɓɛ yee laa Manase nwuɔ̨, yai kɛ a nu pɔlɔ laamun.

Yálá laawoo hɛɓɛ

¹⁴ Kɛlaa, Israɛlə ə ɲee kpəɲąn gee pulu, ə mamįiyee laa Ɛfraimə nwuɔ̨, yai kɛ a nokolo laamun, ə gɛɓɛ yee laa Manase nwuɔ̨, yai kɛ a nu pɔlɔ laamun.

Bible

¹⁴ Nya ƃe Zeeka è ǹáa mii yee sãa é bɛlɛ Ifiraŋ ŋûa, nyii kɛ̀ a ǹeɣe-ɣelei, é gɔɔ yêe sã́a é bɛlɛ Manasɛ ŋûa, nyii kɛ̀ a Zosɛ ǹóŋ maa-ŋuŋ.

Zɛnɛse 48:14 ပူးပေါင်းရင်းမြစ်များ

Zɛnɛse 41:51

Ɉosɛfə ə dɔlɔɔ laa hee a: «Manase.» Ɉosɛfə ə mo gwəi pələ yɛ mą: «Mɔ̨nɔ̨ɠaai ŋą́ą́ mį́i, ɛlɛɛ, həɠəi ŋą́ą́ mo nwɔ́ nuą pɔ, Yálá aa yili nąą kili kpɛɛ ŋą́.»

Zɛnɛse 41:52

Ə veelɛnąą laa hee a: «Ɛfraimə.» Ə mo nwɔ̨nɔ̨, yɛ diɛ: «Ŋį kɛ ɓɛ nɔi a mąąwɛliɛmun, Yálá aa nwɔ̨nɔ̨ gɔ́ a lon.»

Zɛnɛse 46:20

Ɉosɛfə ə nɛ̨ą həɠə Eziptə. Nɛ̨ą ə kɛ a Ɔnə haláá laa həli mun Potifera lon Asenatə, da Ɉosɛfə di lonnii laa ka: Manase, da Ɛfraimə.

Zɛnɛse 48:13

Yili pulu, Ɉosɛfə da nonnii di di yee too gee hu, da di káláni kəlee. Ɛfraimə ə lɛɛ Ɉosɛfə ɓa-mįi-yee hu pələ, akɛ tii Israɛlə kɛɓɛ yee hu pələ li; Manase ə lɛɛ Ɉosɛfə kɛɓɛ yee hu pələ, a kɛ tii Israɛlə ɓa-mįi-yee hu pələ li. Yili pulu, Ɉosɛfə ə pənə ə nonnii mąąlɛɠɛ di kalá ɓa.

Zɛnɛse 48:17

Ɉosɛfə ə gaa yɛ nąn aa mamįiyee pɛlɛ Ɛfraimə nwuɔ̨, hvo nɛ̨ɛ̨ mą. Ɉosɛfə ə nąn mamįiyee həɠə Ɛfraimə nwuɔ̨, ə bɛlɛ Manase nwuɔ̨.

Zɛnɛse 48:18

Yɛ mą: «Ną́n! Yáá lan, Manase ɓə a nu pɔlɔ. Ə́ ɓa-mįi-yee pɛlɛ nwuɔ̨.»

Mąątɛ̨nɛ̨ 110:1

Yálá mąątɛ̨nɛ̨ wələ. Davidə nwɔ wələ. Mɛ̨nįi Yai-Laa ə mo nwɔ́ mɛ̨nį nąmu ɓa, ya ka: «'Hee mamįiyee hu pələ, ə lɛɛ ɉu, ŋį ə́ yowo kɛ a ə́ kɔ́wɔ tɔɔ kpəlin!»

Mąątɛ̨nɛ̨ 118:16

Yai-Laa aa mamįiyee tɛ, Yai-Laa ɓa-mįi-yee kaa kuláálaa kɛi!»

Lɛɛ gbɔwɔ ɓa 15:6

Ee! Yai-Laa Ə́ ɓa-mįi-yee aa gbɔwɔ lɛ a huwalawala laa, Yai-Laa Ə́ ɓa-mįi-yee aa Ə́ yowoɠaa hu wolo.

Lonon mo 2:18

«Voló tooi pələ, gɔláɠai a Ɛfraimə nu huwu nwɛi, yai Amihudə lon Elisama kaa a di nwun nąmu.

Lonon mo 8:10

Ə́ Levi lonnii mąą lɛɠɛ Yai-Laa lííla, Israɛlə lonnii kəlee di di yee pɛlɛ di nwuɔ̨.

Lonon mo 8:18

Kɛlaa, gáá Levi lonnii həɠəi a Israɛlə lon dɔlɔɔɠaa kəlee mąąhvalin.

Maafîu 16:18

Gáá tɛ̨ą ɓoi yɛ́, ə́ laa ɓaa a Piɛrə. Gwɛnii tii mɛ̨i ɓə gáá pai nwɔ́ nu kpului ŋąąkpɔn ɉii laa. Haa yee hvə pai pɛli mą.

Maafîu 19:13

Nuą di pa a lɛapɛlɛɛ Jesus pɔ, ə gɛ, ə ɲee laa di mɛ̨i ə Yálá hvɛli diɛ. Kɛlaa Jesus nwɔ kalan nɛai di haɉa nuąa tii diɛ!

Maafîu 19:15

Jesus ə ɲee laa nɛapəlɛɛ tii mɛ̨i, yili pulu ə həɠə laa diɛ li.

Maafîu 6:5

«Ka kɛi Yálá hvɛli, ka hvo gɛ yɛ tɛ ɲɛ̨i mɛ̨nį kɛ nuą; diɛi da kɛ bɔ, diɛ ɓo tɔɔni diɛ Yálá hvɛli di wɔ Yálá hvɛli pɛlɛ́ɠaa mu, da pələ taŋąnnaɠaa; ə gɛ, nuą di di kaa. Gáá moi kaa a tɛ̨ą, daa gbɛa di hvɛla hɔlɔɓo.

Lukə 13:13

Jesus ə ɲee tunwɔ̨n nɛ̨ɛ̨nui tii ɓa, ŋąą ɓa, nɛ̨ɛ̨nui tii ə haŋą ə tɔɔ, yɛ Yálá hɛɠɛɛɓo.

Lukə 4:40

Hvóló kɔ́w toɔ pulu, nuąi kpɔ ɲɔ̨n gɛ nuą di kɛ di yəi, di kɛi pa a diɛ Jesus pɔ, Jesus ə kɛi ɲee laa di mɛ̨i, di kɔ́lɔi yɛ pono.

Gɛlaɠaa 13:3

Nąąlɔwai, yii kɛa di kpɛɛ a hin nɔ da Yálá hvɛliɛ, di di yee pɛlɛ di mɛ̨i, di di tɔɔ bələi.

Gɛlaɠaa 6:6

Di pa a nuą ti gɛlaɠaai pɔ, di di yee pɛlɛ di mɛ̨i, di Yálá hvɛli diɛ.

Dutɛrɔnome 34:9

Yálá ə mɛ̨nį kɔ́lɔn gili tɛɛ Nun lon Ɉosue pɔ kpɔ kɛnɛ̨; mąąhɔlɔɓo, Moisə ə ɉuɓo Ɉosue hu a ɲee pɛlɛɛ nwuɔ̨. Ə həɠə kɛa ɲələ ɓa, yaa tii ɓə Israɛlə lonnii di kɛ nwoo ŋą, dɔ́n ŋɛ̨i Yai-Laa ə dɛɛ Moisə pɔ, di hvilɛn ŋąą bulu.

Timote dɔlɔɔ 4:14

Yálá ŋą nɛ̨ɛ̨laa hu mɛ̨inɛ̨ɛ̨ tii ə́ hu, hvó tɛɠɛɓo ɉu, a yai ə́ ɉɔlɔɓo a Yálá kwəi mɛ̨nį hukulaa laa pɔɔ, ɛlɛɛ, da nu pɔlɔɠaa yee pɛlɛɛ ə́ mɛ̨i.

Timote dɔlɔɔ 5:22

'Hvó humo a ə́ yee pɛlɛɛ nu mɛ̨i ɉa, 'hvó ə́ yee too nu ta ŋą nɛ̨ŋɛ̨n ɉu, 'ə́ kpɔwɔ laahɔnmo mąąhəɠə laa hu.