Zɛnɛse 47:23 - Yálá laawoo hɛɓɛ (dc)

²³ Ɉosɛfə yɛ nɔi nuą diɛ: «Háá kələi, ŋą́ą́ ka ya, kaa da ka wɔ lɔiɠaai, ŋą́ą́ ka tɛɛ tɔɔmun bɔ. Ka káá pai mɔ̨nun ɉuwu hɔlɔɓoi, kaa ɉin ɲɛaɠaa.

Yálá laawoo hɛɓɛ

²³ Ɉosɛfə yɛ nɔi nuą diɛ: «Háá kələi, ŋą́ą́ ka ya, kaa da ka wɔ lɔiɠaai, ŋą́ą́ ka tɛɛ tɔɔmun bɔ. Ka káá pai mɔ̨nun ɉuwu hɔlɔɓoi, kaa ɉin ɲɛaɠaa.

Bible

²³ Nya ƃe Zosɛ è mò ǹûai dîa ǹyɛɛi, “Ka gáa, é síɣe sâa ma ŋa káya da kálɔii gâloŋ mî. Sí-sɛŋ-kao ká ŋí ká zí ǹɔii ma.

Zɛnɛse 47:23 ပူးပေါင်းရင်းမြစ်များ

Zɛnɛse 41:27

Nįŋɛ̨ háá kpalaa mɛ̨ihveelɛ ɲɔ̨nwɔ̨ɔ̨i tii da mɔ̨nun vəlee mɛ̨ihveelɛi tii, mukulaa ɓaa: pulu kaa pai tooi kwɛlan mɛ̨ihveelɛ yee mu.

Zɛnɛse 45:6

Bului ŋɛ̨i aa too, aa kɛ a kwɛlan veelɛ, aa lɛɛ nwɔ̨nɔ̨ pulu a kwɛlan nɔɔli, hihɛn da lɔpee hvo pai lɛlɛi, hɛn da hva ɓa a dənən.

Zɛnɛse 47:22

Lɔi yiiɠaai lɔ Ɉosɛfə hvo ɲa diɛ ɓaa: Ɉaláá laa həli nuą di wɔ lɔi, mąąhɔlɔɓo, tɔɔmun ə tɔ́n dɔɔ yiliɠaai diɛ. Ɉaláá laa həli nuąi tii, di kɔ̨nɔ̨n ə kɛi həɠə tɔɔmun ɲəi, di hvo di wɔ lɔiɠaai lɔwɔ́tɔɔ.

Zɛnɛse 47:24

Ka pa mɔ̨nun deei, ka ɉeei kɛ lɔɔli, dɔ̨nɔ̨ ɓə gaa a tɔɔmun nwɔɔ, nąąn ə ɓo a díi kɛmun nwɛi. Yili ɓə díi huwu a kulɔ ɉu, ka yəi bɛlɛ́n nuą kəlee kɔ̨nɔ̨n ə kulɔ ɉu.»

Mąątɛ̨nɛ̨ 112:5

A nu ɲɛ̨imąąwɛli kaa yɛ kwələ tɔɔ, gaa pai gbɔwɔ mɛ̨nįɠaa ɲɛ̨i kulɔi tɛ̨ą pələ mɛ̨i.

Mąątɛ̨nɛ̨ 41:1

Nwələ ɲɛ̨itɔwɔ mun. Davidə nwɔ wələ.

Hanwon 11:26

Nui a ɲee kąnąn kɔ̨nɔ̨n ma, nuą da nɛ̨ŋɛ̨n naa, Kɛlaa, nui a ɉee lɔwɔkpalan ɲą, nuą diɛ ɲá, ya ɓə da lúwɔ́ too mą.

Hanwon 12:11

Nui a ɲəi ɲɛa koló kɛ, gɔ̨nɔ̨n va kpɛɛ ɲəi. Kɛlaa, nui a hvilɛn ɓowo mɛ̨nį pulu, mąą nu kili hvo mą.

Hanwon 13:23

Yeehvowolomun a nwɔ tíi hukulɔ, a gɔ̨nɔ̨n ɉɔlɔɓo, Kɛlaa, nu kpəli nwun na a pili, mąąhɔlɔɓo, hvo haŋą li.

Ikilisiati 11:6

Yili ɓa, 'humó a ə́ wɔ hihɛn ɉiɛ, ə həɠə yələ wala pɔ ɓa, ə həli la yələ wulii ɓa, hvo kpɛla mą. Mąąhɔlɔɓo, ə́ kɛ kólóɠaai tii lɔwai, yii pai kɛi a nɛlɛɛ hvo gɔlɔn, ɛlɛɛ, akɛ gəlee ɓə tɔ̨nɔ̨ kaa pai kɛi ɉu, hvó gɔlɔn.

Azaya 55:10

Bələi lɔ tulɔ a wala kɛti nąląąn a yɛɛ la, yɛ həɠə yələi, ɛlɛɛ di hva kɛa pənə di hvo tɛ yələi pələ, akɛ di hvo lɔi yɔwɔ li, di gɛ ə ɓa, mɔ̨nun diliin yɛ kulɔ, hvo kɛi da gbɛa mɔ̨nun ɉuwu tɛɛ tíi kɛ mun bɔ, diɛ kɔ̨nɔ̨n dɛɛ nu yɛ mįi,

Maafîu 24:45

«Kólo kɛmun nɛlɛ ɓə dəlimoɔ, kili yɛ ɓo mą? Ya ɓaa yii nwɔ mɛ̨nį nąmu a kɛ mą: Ə́ ɲɛ̨i kɛ ə́ ɓɛlaa diɛ yɛ kɔ̨nɔ̨n dɛɛ di pɔ a dɛɛi lɔwai.

Korɛntə veelɛ 9:10

Yaa tii ɓə, a hihɛn ɉuwu tɛɛ tíi-kɛmun bɔ, yɛ gɔ̨nɔ̨n bɛlɛ mą, yaa lɔ ɓə pai hihɛn ɉuwu tɛɛi ká pɔ, yɛ ɉu kɛnɛ̨, yaa ti lɔ ɓə pai, ká wɔ tələnmolaa má tamąi ɲą.