Zɛnɛse 46:34 - Yálá laawoo hɛɓɛ (dc)

³⁴ 'Ka kɛ mą: ‹Taatɛlɛɛ kóló ɓə ku yee kaa mą, ə həɠə ku lokolo yələ ɓa, ə həli la yiihu ɓa; yɛ pələi wɔlɔ ku kalaɓɔlɔni di kɛi gɛ la. Ka yili ɓo tii, gaa pai hvaai mą ka hee Gosɛn lɔi hu. Mąąhɔlɔɓo, taatɛlɛɛ tɔɔ nuą wɛli hvo Eziptə nuą diɛ.›»

Yálá laawoo hɛɓɛ

³⁴ 'Ka kɛ mą: ‹Taatɛlɛɛ kóló ɓə ku yee kaa mą, ə həɠə ku lokolo yələ ɓa, ə həli la yiihu ɓa; yɛ pələi wɔlɔ ku kalaɓɔlɔni di kɛi gɛ la. Ka yili ɓo tii, gaa pai hvaai mą ka hee Gosɛn lɔi hu. Mąąhɔlɔɓo, taatɛlɛɛ tɔɔ nuą wɛli hvo Eziptə nuą diɛ.›»

Bible

³⁴ Ka mó ma kâa, ‘Kûai a íyee mu-ƃelai kwa kúnâŋ-ni kélee kúkaa a taa-tulɛ tɔɔ-ƃela é síɣe kúnia-pɛlɛɛ tãi ma é tóo tãi ŋí ma.’ Bere sîi ŋí su ƃé ka pâi pɔ̂rii seêi la Gosɛŋ lɔii su.” Kpɛ́ni fêi, Ize-ƃelai dífe ƃála mɛi káa-ƃela wɛ́lini a dɔnɔ kpîŋ.

Zɛnɛse 46:34 ပူးပေါင်းရင်းမြစ်များ

Zɛnɛse 13:7

Hvóló ta, hvaa ə too Abramə nwɔ taatɛlɛɛ mɛ̨i kaa nuąi da Lɔtə nwɛiɠaai di lɔwai. Gɛɛnąą tɔ̨nɔ̨i tii di kɛ laa, Kanaan nuą da Perizi nuą di kɛ lɔ gɛɛnąą tɔ̨nɔ̨i tii.

Zɛnɛse 13:8

Nąąlɔwai, Abramə ə mo Lɔtə ɓa, yɛ mą: «Mąą hvo nɛ̨ɛ̨li, hvaa hvo kɛ gwa yɛ́ gu lɔwai, ə mą kɛ daatɛlɛɛ mɛ̨i kaa nuą. Mąąhɔlɔɓo, gu kaa a pɛlɛ tɔ̨nɔ̨ mu nuą.

Zɛnɛse 26:20

Gerarə daai ɓɛlaa mɛ̨i kaa nuą, di hvaa tee Isaakə nwɛiɠaa diɛ, diɛ kɛ yiliɠaai diɛ: «Ɲai ŋɛ̨i kaa a ku wɔɔ.» Yili ɓə gɛ, Isaakə ə nąą laa hee a: Esɛkə, mukulaa ɓaa: «hvaa». Mąąhɔlɔɓo, di hvaa tee laa diɛ.

Zɛnɛse 30:35

Voló tɔ̨nɔ̨i tii hu, ɓolu hilɛɠaai kpɔ kɛ a bɛ̨ɛ̨, molu haaɠaai kpɔ kɛ dɛɠiɛ ɲee tɔ̨nɔ̨ mɛ̨i, ə mą kɛ mɛlaaɠaa, ə kɛ a nogolo, a wala kɛ tii gɛnɛ̨, Laban ə yiliɠaai pili gee mɛ̨i, ə di tɛɛ non ɉinąą pɔ.

Zɛnɛse 34:5

Ɉakɔbə ə bələ mɛ̨n, diɛ mą Sisɛmə aa wolo ə́ lon Dina ɓa, aa gɛ a nɛ̨ą. Kɛlaa, Ɉakɔbə hvo mɛ̨nį lɔpee ta ɓo ɉu, mąąhɔlɔɓo, nonnii di kɛ daatɛlɛɛɠaa pulu nɔwɔi, ə nąą pilɛ mą, ə lɛɛ ɉu di pənə di pa.

Zɛnɛse 37:12

Ɉosɛfə niɛni di li Sisɛmə, a di nąn nwɔ taalɛlɛɛɠaai di kɔ̨nɔ̨n gwɛlii.

Zɛnɛse 37:2

Ɉakɔbə lonnii mąą mɛ̨nį hukulaa ka: Ɉosɛfə ə kɛ a hulɔnon, gaa kwɛlan yɛ ɓo pow kɔ́w mɛ̨ihveelɛ, da niɛni di ɓo mɛlaɠaa da moluɠaa pulu lɔi pun ɉu, niɛni tii, di kɛ a nąn nɛ̨ąni veelɛ Bilha da Zilpa di lonnii. Yii kpɔ kɛ niɛni da gɛ a ɲɔ̨nwɔ̨ɔ̨, a pa, ə ɉukulɔ di nąn ma.

Zɛnɛse 43:32

Di Ɉosɛfə nwɔ kɔ̨nɔ̨n kulɔ mą di ɉee taɓali takpɛli ɓa, Eziptə nuąi tii di di təli, diɛ kpɛli di heɛ pələ takpɛli, mąąhɔlɔɓo, da Hebreuɠaa di hva pɛli kɛ kɔ̨nɔ̨n mį́i kɛɛnąą tɔ̨nɔ̨, di wɔ kalan bələi mąą mɛ̨nį ɓa.

Zɛnɛse 45:10

Ya pa, ə́ kaa pai heei Gosɛn ka ə́ lonnii kəlee, ka ə́ mąnįn, ə mą kɛ, ə́ wɔ ɓɛlaaɠaa, moluɠaa da niɲɛ̨ɠaa, bɛlɛɛ ə́ yəi hɛn gəlee ɓa. Pa ə́ hee gwɛ́lɛ.

Zɛnɛse 45:18

di tɔɔ ka nąn dɔwɔ, da ɲəi bɛlɛ́n nuą kəlee, di pa. Eziptə lɔi ɓɛi hihɛn a lɛlɛ laa, nąą ɓə ŋą di hee laa.

Zɛnɛse 46:32

Gáá li kɛi mą: Ka káá a taatɛlɛɛ tɔɔ nuą, taatɛlɛɛ kóló ɓə ka gɔlɔn. Ɛlɛɛ, gɛ́ mą: Ka pa a ka wɔ ɓɛlaaɠaai, ka wɔ ɓoluɠaai da ka wɔ nįŋɛ̨ɠaai, bɛlɛɛ ka yəi hɛnŋąą kəlee ɓa.›

Zɛnɛse 47:11

Ɉosɛfə ə li, ə nąn da niɛni hee Eziptə lɔi nɛlɛɛmun ɉu, Ramsɛsə pələ, yɛ bələi tɔɔmun ə mo la. Ɉosɛfə ə lɔi ta tee mą, ə dɛɛ di pɔ a di wɔɔ.

Zɛnɛse 47:3

Yili yɛ diɛ: «Kóló ləi ɓə ka gɛ?» Diɛ mą: «Ə́ wɔ tínuą kaa a taatɛlɛɛ tɔɔ nuą, yɛ bələi wɔlɔ ku kalaɓɔlɔni di kɛ la.

Zɛnɛse 47:4

Bulu kpɔlu pələi ŋɛ̨i Kanaan lɔi hu, kala ta lɔpee hvo kɛa laa taatɛlɛɛɠaa mąą mɛ̨nį ɓa. Ku pa ɓɛ ku mąą kilɛi; Ną́n! Hvaa mą, ku hee Gosɛn?»

Zɛnɛse 47:6

Eziptə lɔi kəlee kaa ə́ yəi, ɓɛi kpɔ a nɛ̨ɛ̨ yɛ́, di hee laa. Da pɛli mą di hee Gosɛn. Ə́ wɔ nuąi tii lɔwai, nu ta a kɛ laa yii nwəlɛɛ taatɛlɛɛ tɔɔi, ə́ ɉee nwɔ́ taatɛlɛɛɠaai nwun na.»

Lɛɛ gbɔwɔ ɓa 8:22

Moisə yɛ mą: «Mąą hvo nɛ̨ɛ̨li, ku hvo ɉaláái ti kulɔ ɓɛ nɔi, mąąhɔlɔɓo, ɉaláái ku kaa pai gulɔi Yai-Laa ku wɔ Yálái ɓa, gaa pai kɛi a mɛ̨nį mąąlaɠiɛ Eziptə nuą ɲɛ̨i ɓa. Akɛtii mɛ̨nįi mąąlaɠiɛ Eziptə nuą ɲɛ̨i ɓa, kwa gɛ, di hvo pai ku hɔɔi a kwɛni?

Lɛɛ gbɔwɔ ɓa 8:26

Moisə ə kulɔ tɔɔmun yəi bɛlɛ́n, ə li ə nwoo tɛ Yai-Laa ɓa.