Zɛnɛse 45:26 - Yálá laawoo hɛɓɛ (dc)

²⁶ di di woo hukulɔ mą, diɛ mą: «Ɉosɛfə kaa ni yɛnɛ̨ɛ̨, ya ɓə hɔlɔmun gaa Eziptə lɔi hu a nu kɛ̨nɛ̨.» Yili hvo Ɉakɔbə lii kulɔ mą, mąąhɔlɔɓo, hvo kɛ laa li di la.

Yálá laawoo hɛɓɛ

²⁶ di di woo hukulɔ mą, diɛ mą: «Ɉosɛfə kaa ni yɛnɛ̨ɛ̨, ya ɓə hɔlɔmun gaa Eziptə lɔi hu a nu kɛ̨nɛ̨.» Yili hvo Ɉakɔbə lii kulɔ mą, mąąhɔlɔɓo, hvo kɛ laa li di la.

Bible

²⁶ Dí mò ma dîyɛɛi, “Zosɛ káa niî ɣele ma! Ǹyaa ƃé gáa a Ize lɔii kélee mɛi-nuu!” Kɛ́lɛ Zeeka líi mu fé siɣe ní. Kpɛ́ni fêi, vé láa ní a díwoo.

Zɛnɛse 45:26 ပူးပေါင်းရင်းမြစ်များ

Zɛnɛse 37:31

Nəɠəni di ɓolu hilɛ ta hon, di nwun dee, di Ɉosɛfə nwɔ həɠəi lɔ ɲąmą hu.

Zɛnɛse 37:35

Ɉakɔbə lonnii kəlee di pa, di nąn ɲɛ̨i kpalai, kɛlaa, nii hvo pɛli laai. Mąąhɔlɔɓo, ə kɛi kɛ mą: «Gáá lɛɛi nón ɉaa wɔlɔ ɓoi, ə lɛɛ ɉu, ŋį́ həli mą ɲąmuątaa.» Ə kɛ lɔ wɔlɔ ɓa, yɛ mo.

Zɛnɛse 42:29

Ɓɛlɔwai di paa la Kanaan lɔi hu, di nąn Ɉakɔbə pɔ, di mɛ̨nįɠaa kəlee hukulɔ mą, diɛ mą:

Zɛnɛse 42:36

Ɉakɔbə yɛ nonnii diɛ: «Nonnii hveelɛ ka tii kaa gulɔ ɲə́i, diɛ ɓaa: Ɉosɛfə da Simeɔn. Ka káá nwɔ̨nɔ̨ bɔ ka Bɛnɉamɛn həɠə? Ɲą́ą́ lɔ ka tii mɛ̨nįɠaai tii kəlee kaa laai mą́ą́.»

Zɛnɛse 42:38

Ɉakɔbə yɛ mą: «Kpaa-o! Rubɛn, və́ nón ŋɛ̨i tɛɛi ə́ pɔ hvəli la. Niɛ aa haa, yaa tɔ̨nɔ̨ lɔ ɓə aa lɛɛ ɲə́i. Ka diɛni ka lɛɛ nwɔ̨nɔ̨ ɉiɛ pələi, mɛ̨nį ta a kɛ lai, gáá pai haai a liiholi, ka túwɔ́ hɔn mąą mɛ̨nį ɓa.»

Zɛnɛse 44:28

dɔ̨nɔ̨ aa wɔlɔ pili ɲə́i! Nwɔ́ɔ́ kwəi, lɔwɔ huwɔɠaa ɓə ɉon, di mį́i, mąąhɔlɔɓo, və́ ta kɛa gaa li.

Zɛnɛse 45:25

Di həɠə Eziptə, di li Kanaan, di nąn Ɉakɔbə pɔ,

Zɛnɛse 48:11

yili pulu, yɛ Ɉosɛfə ɓa: «Gílí hvo kɛa kɛ mą gɛ́ kɛ, ŋą́ ɲɛ̨́i tɔɔ yɛ́, kɛlaa, ya ka, Yálá aa hvaa mą, ŋą́ą́ ə́ kaa, ŋą́ą́ nwɔ̨nɔ̨ ə́ lonnii kaa!»

Zôo 29:24

Ŋą́ yɛlɛ kɛ di ɲɛ̨i, di hvo kɛi laa yili la, di kɛi mą́ą́ kpɛɛ ə gɛ, ŋį́ ɲɛ̨́i lɛlɛɛ hee diɛ.

Zôo 9:16

Ə mą kɛ kɛ ŋą́ą́ dəli, yɛ nwóó pulu pənə, vá pɛli kɛ gbaɠala kaai, gɛ́ kɛ a nwəli tɔɔ nwóó ɓa.

Mąątɛ̨nɛ̨ 105:21

Ə ɉee nwɔ pɛ́lɛ́i nwun na, ə gɛ a ɲəi hɛnŋąą kəlee nwun nąmu.

Mąątɛ̨nɛ̨ 126:1

Ɲee mąąhəɠɛɛ tɛ wələ. Ɓɛlɔwai Yai-Laa ə kɛi pənə yɛ paa la, a Siɔn lonnii kɛ luwɔlaa hu, ə kɛ lɔ yɛ kwa kɛi hį́į kaa!

Zôna 2:7

Ŋą́ yɛɛ kpɔ ŋą́ too ɲá kɔ́w ɓa, ŋąmuątaa pɛlɛ́ laa ə kɛi kɛa kpulu mą́ą́. Kɛlaa, Yai-Laa nwɔ́ Yálá, ə gúlɔ haaɓɛlaa taa, ə gɛ́ a vúlú

Lukə 24:11

Kɛlaa, Jesus nwɔ kɛlaɠaa tii di kɛi nɛ̨ą tii woo kaa yɛ ɓowo woo, di hvo kpɛli laa di woo la.

Lukə 24:34

Di mo nu hveelɛi tii ɓa diɛ diɛ: «Jesus aa muhəɠə kpɔ aa kulɔ haaɓɛlaa lɔwai a tɛ̨ą, Simɔn ə gaa.»

Lukə 24:41

Di hvo kɛi pɛli laai na, mąąhɔlɔɓo, di kwəinɛ̨ɛ̨i kɛ kɛnɛ̨, ə lɛɛ, di kwəi piliɛ ni kɛ diɛ. Jesus ə di mąąni kɛ yɛ diɛ: «Laa mį́į́ hɛn da kaa ɓɛ ka yəi?»