Zɛnɛse 44:16 - Yálá laawoo hɛɓɛ (dc)

¹⁶ Ɉuda ə mo Ɉosɛfə ɓa, yɛ mą: «Ną́n! Yɛ́i ŋɛ̨i ə́ kaa a nɔi nwun nąmu, lə mɛ̨nį kpɔ ɓə kwa pɛli ku mo yɛ́, ə gɛ, ə́ laa na, yɛ́ diɛ, ku hvo a hɔn mąą nuą mɛ̨nįi ŋɛ̨i hu? Yálá aa ku mąą kpoloon, aa ku hɔn gulɔ pɔ̨nɔ̨ŋą, kwaa kɛ a hɔn mąą nuą. Nui ŋɛ̨i di ə́ wɔ kpələ kɔ́wɔi kaa ɲəi míi hu, kwa diɛni kəlee kwaa kɛ a ə́ wɔ luwɔ.»

Yálá laawoo hɛɓɛ

¹⁶ Ɉuda ə mo Ɉosɛfə ɓa, yɛ mą: «Ną́n! Yɛ́i ŋɛ̨i ə́ kaa a nɔi nwun nąmu, lə mɛ̨nį kpɔ ɓə kwa pɛli ku mo yɛ́, ə gɛ, ə́ laa na, yɛ́ diɛ, ku hvo a hɔn mąą nuą mɛ̨nįi ŋɛ̨i hu? Yálá aa ku mąą kpoloon, aa ku hɔn gulɔ pɔ̨nɔ̨ŋą, kwaa kɛ a hɔn mąą nuą. Nui ŋɛ̨i di ə́ wɔ kpələ kɔ́wɔi kaa ɲəi míi hu, kwa diɛni kəlee kwaa kɛ a ə́ wɔ luwɔ.»

Bible

¹⁶ Zuda ǹyɛɛi, “Lé ƃé kwa pɔ̂ri môi Kúnuu-namui ma? Lé lono ƃé kwa pɔ̂ri gɛ̂i? Kpaa máŋ kwa pɔ̂ri kúkpîŋ maa waâi léŋ? Ɣâla a kúsɔŋ mɛi síɣe. Ǹyaŋ kúkaa nâa a Kúnuu-namui ŋɔluɛ-ŋa é pɛ́lɛ máŋ ǹúui ma dí kɔ̂pui kàa ŋɔƃɔrɔi sui.”

Zɛnɛse 44:16 ပူးပေါင်းရင်းမြစ်များ

Zɛnɛse 37:7

Ə haa kɛ yɛ gwa kɛ yɛa ta, guɔ mɔ̨nun dee. Nwɔ́ mɔ̨nun gɔn ə haŋą ə tɔɔ, ka wɛiɠaai kəlee di pa di pɛlɛ nwɛ́i kɔ́wɔ mu.»

Zɛnɛse 37:9

Ɉosɛfə ə pənə nwɔ̨nɔ̨ ə hįį takpɛli kaa, ə li nwɔ̨nɔ̨ ə ɉukulɔ niɛni diɛ, yɛ diɛ: «Ŋą́ą́ nwɔ̨nɔ̨ hįį kaa, ŋį́ hvóló kaa, ɲąnin da pɛmɛ̨lɛ̨n-gɔw pow kɔ́w tanɔ̨n, di pa di pɛlɛ gɔ́wɔ́ mu.»

Zɛnɛse 44:17

Ɉosɛfə yɛ diɛ: «Kpaa-oo! Mąą hvo nɛ̨ɛ̨li və́ gɛ tii a kaa. Nui ŋɛ̨i di nwɔ́ kpələkɔwɔi kaa ɲəi míi hu, yaa lɔ ɓə lɛɛi ɓɛ a nwɔ́ luwɔ, kaa yiiɠaa tii, ka pənə ka li ka nąn bɔ.»

Zɛnɛse 44:32

Ɛlɛɛ, ɲą́ą́ ɓə kɛ ku nąn ma: ‹Ə́ lon və, kwa yaa kwə li; gaa ɲéé kɔ́n ma.› Ŋą́ kɛ ku nąn ma: ‹Ŋą́ wala pənə və́ pa a ə́ lon ə́ pɔ, ɲą́ą́ ɓə ə háá wulu a lɛɛ nwúɔ̨.›

Zɛnɛse 44:9

Nui lɔpee ya gbələkɔwɔ tii kaa ɲəi diɲɛ̨ hui, mąą nu ə háá, ɛlɛɛ, kuɔ kpinįi ku kɛ a ka wɔ luwɔɠaa.»

Tɔɔɓɛlaa dɔlɔɔ 17:18

Nokoloi nee yɛ Eli ɓa: «Yálá nwɔ nu! Lə mɛ̨nį ɓə gwa yɛ́ gu lɔwai? Ə́ lɔ ɲə́i bɛlɛ́n nwɔ́ nɛ̨ŋɛ̨nŋąą kili too mɛ̨nį ɓa Yálá ŋą, da nón nwun napili mɛ̨nį?»

Ɛsdrasə 9:10

«Yii hu kɛa, ku wɔ Yálá, lə ɓə kwa pɛli moi mɛ̨nįɠaa ŋɛ̨i pulu? Mąąhɔlɔɓo, kwaa ə́ wɔ tíɓoɠaai lɛɛ laa;

Ɛsdrasə 9:15

Yai-Laa, Israɛlə nwɔ Yálá, ə́ tələnmoɔi, háákələi hvólói ŋɛ̨i yee mu, yá ku kaa ku ɓo ni a ku húlú, yɛ́ ɓə nu kpəli woloi ŋɛ̨i kulɔ ɉu. Kwaa pa ə́ lííla a ku wɔ nɛ̨ŋɛ̨nŋąąi, ɛlɛɛ yaan, mɛ̨nį a kɛ ŋɛ̨i, nui lɔpee ta hva pɛli tɔɔi ə́ lííla.»

Zôo 40:4

Lə kɛ hɛn mąą ɲą́ą́, yaai ŋą́ ə́ woo pulu pənə? Ŋą́ą́ ɲéé pɛlɛ ná, və́ kɛa hvaai.

Hanwon 17:15

Nui a tɔɔ hɔn mąąmun bulu, da nui a tələnmomun gɛ a hɔn mąąmun, nu hveelɛi tii, di wɛli kpɛɛi kpɔ Yai-Laa ɓa tɛ-tɛ.

Hanwon 28:17

Nui nu ɲąmą wulu a lɛɛ nwuɔ̨, a lɛɛ gilɛ həɠəi, haa ə həli mą nu ta hva ɉu hon.

Azaya 27:9

Bələ ɓə Ɉakɔbə nwɔ nɛ̨ŋɛ̨n kaa pai waai laa mą; mąąhvaalɛɛi di mo, bələ ɓə dɔlɔ kaa pai kɛi la, gaa pai ɉaláá kulɔi kwɛniɠaa hon ɉii, yɛ kwɛni a kɛ a gələn ŋąą da ya pu mą; di hva kɛa ɉaláá wuluɠaa da hvóló mąą nįnįnŋąą haŋą di hvo dɔɔ.

Azaya 5:3

Ə həli kɛa kaa, kaai Ɉerusalɛmə daai, da Ɉuda nuą, ka kwa nwɔ́ viɲə yɛai ku lɔwai mɛ̨nįi ŋɛ̨i hutɔɔ.

Danîa 9:7

Ną́mu Yálá ə́ wɛi, hɔn və yɛ́, yii ɓaa ku wɛi, yii mąąnɛ̨ɛ̨ ku gɛ, ya ɓaa: Ku ku kpɔɔmąąyɛɛ, yɛ pələi háákələi hvólói kaa la, kuɔi kpɔ ku kaa a Ɉerusalɛmə daai nuą, Ɉuda lɔi hu nuą, ə mą kɛ Israɛlə lɔi hu nuą, di ma kɛ kwɛa la, ə mą kɛ kpuɔ la, diɛi ŋɛ̨i ə́ di taɠa di kee ɓa, gɛ mɛ̨nį di hvo lɛɛ li yɛ́ a woo tɔ̨nɔ̨ Nąmu, mąą mɛ̨nį ɓa.

Lonon mo 32:23

Kɛlaa ka wala gɛ, a kɛ tii kaa nɛ̨ŋɛ̨n ɉəɠə Yai-Laa ɓa; mąąnɛ̨ɛ̨ ka gɔlɔn kaa ka wɔ nɛ̨ŋɛ̨n tii a hvilɛn ka pulu.

Maafîu 7:2

Mąąhɔlɔɓo, bələi lɔ ə́ kaa ə́ ɓɛlan gití teei la, bələ lɔ ɓə Yálá kaa pai ə́ kiti tee la. Bələi yá hɛn gɔwɔn na, yɛ́ dɛɛ nu pɔ, bələ lɔ ɓə da gɔwɔn na, di dɛɛ ə́ pɔ.

Lukə 12:2

Yiiɠaa lɔpee nooŋąai, gəlee mɛ̨i kaa pai həɠəi. Low mɛ̨nįɠaa kaa pai kulɔi pono ŋą, nu kəlee di gɔlɔn.

Gɛlaɠaa 2:37

Nwooi ti mɛ̨n di mo, di kwəi ə pili diɛ, di Piɛrə da mɛlaa di mąąni kɛ diɛ mą: «Ku nąn nonnii, lə ɓə kani mąąnɛ̨ɛ̨ ku gɛ?»

Dutɛrɔnome 25:1

Mɛ̨nį ɓo a kɛ nu hveelɛ lɔwai, di pa giti haɠa ɓa, di di kiti tee, nui a kala mą, di gala mą, nui a nɛ̨ɛ̨ mą, di nɛ̨ɛ̨ mą.

Zasua 7:1

Ɉɛnŋąą ŋɛ̨i di tɔ́n dɔɔ mą, Israɛlə lonni di kulɔ nwoo mu laa kɛ mąą mɛ̨nį ɓa. Karmi lon Akan, yai kɛ a Ɉavdi lon, yɛ ɓo a Zera lon, Ɉuda huwu hu mun da, ɉɛn ŋɛ̨i kɛ tɔ́n dɔɔ mą, ə da həɠə, Yai-Laa ə nii ɲąąnwąnąą Israɛlə lonnii diɛ.

Zasua 7:18

Yili pulu bɛlɛ́n nuą diɛ tɛɛ tɛi tɛi; Karmi lon Akan, yai a Zavdi lon, Zera lon yai kɛ a Ɉuda nu huwu ta, ya ɓə ə too mɛ̨i.

Nwun mąąɓo 1:7

Adoni-Bɛzɛkə yɛ diɛ: «Tɔɔɓɛlaa pow mɛ̨ihveelɛ, diɛi kɛ daa di yee kpuɔ da di kɔ́wɔ kpuɔ tee diɛ, di kɛi kɔ̨nɔ̨n bɛnɛ̨ yɛɠɛ ɲə́i daɓali mu. Mɛ́nii ŋį́ gɛ a nuą, Yálá aa gwələ kulɔ mą́ą́.» Də li a Adoni-Bɛzɛkə Ɉerusalɛmə daai, nąą ɓə ə haa laa.