Zɛnɛse 43:23 - Yálá laawoo hɛɓɛ (dc)

²³ Nui tii yɛ diɛ: «Ka hvo ka liihɛlɛn a mɛ̨nį ta, ka wɔ Yálá, ka nąn nwɔ Yálái ka tii ɉɛn gɔw tii lɔ ka yɛi míi hu. Gɔ̨nɔ̨n tii tɔlɔɔ ka ɲa ɓɛ, ɲą́ą́ ɓə nwali hon ŋį́ doo gəhii.» Nui tii ə nɛɛ mą, ə Simeɔn kulɔ, ə paa la,

Yálá laawoo hɛɓɛ

²³ Nui tii yɛ diɛ: «Ka hvo ka liihɛlɛn a mɛ̨nį ta, ka wɔ Yálá, ka nąn nwɔ Yálái ka tii ɉɛn gɔw tii lɔ ka yɛi míi hu. Gɔ̨nɔ̨n tii tɔlɔɔ ka ɲa ɓɛ, ɲą́ą́ ɓə nwali hon ŋį́ doo gəhii.» Nui tii ə nɛɛ mą, ə Simeɔn kulɔ, ə paa la,

Bible

²³ Díi-kɛ-nuui è díwoo su tòo ǹyɛɛi, “Ka kálii maa sóŋ, káfe yào. Tãi da Káɣâlai da kánâŋ Ŋɔɣâlai ƃé dɔɔ-sãai pù káƃɔrɔ-ŋai su kámɛni ma. Kásɛŋ-kaoi a seri mâ.” Nya ƃe è pà dípɔ a Simiɔŋ.

Zɛnɛse 43:23 ပူးပေါင်းရင်းမြစ်များ

Zɛnɛse 42:24

Ɉosɛfə ə li dɔ̨nɔ̨ kɛɛnąą, ə hee laa yɛ wɔlɔ. Ɓɛlɔwai Ɉosɛfə ə pənə ə pa la, ə mo diɛ, yɛ diɛ: «Simeɔn ɓə lɛɛi gaho ŋą.» Ɉosɛfə ə mo, di Simeɔn hon, di ɲili mɛlaa ɲɛ̨i ɓa.

Zɛnɛse 42:28

Yɛ mɛlaa diɛ: «Di nwɔ́ walii lɛɛ ɲə́i, gaa ɲə́i mií hu!» Liihɛlɛn ə too gəlee diɛ, di ɲɔw, diɛ kɛ di kee ɓa: «Lə ɓə ɲɛ̨i Yálá ə gɛ, a kuɔi?»

Zɛnɛse 42:36

Ɉakɔbə yɛ nonnii diɛ: «Nonnii hveelɛ ka tii kaa gulɔ ɲə́i, diɛ ɓaa: Ɉosɛfə da Simeɔn. Ka káá nwɔ̨nɔ̨ bɔ ka Bɛnɉamɛn həɠə? Ɲą́ą́ lɔ ka tii mɛ̨nįɠaai tii kəlee kaa laai mą́ą́.»

Zɛnɛse 43:14

Gɛ́ Huwalawala Kəlee Nąmu Yálá ə hvaa mą, ɉulɔnui tii ə ka ɲɛ̨i mąą wɛli kaa, ə Bɛnɉamɛn lɛɛ laa da Simeɔn ka diɛni ka pa. Yii ɓaa nwɛ́i, gíli kaa ɉu gɛ́ diɛ ŋą́ą́ hvɛɠɛ a nón dɔ̨nɔ̨, veelɛ kɛɛnąą ka ŋɛ̨i laŋąn ɉii mą.»

Zɛnɛse 43:22

Yii nwɔ̨nɔ̨ ku pai ɲai, ku nwɔ wali pɛlɛ mą. Nui nwaliɠaai tii lɔ ku tiɛ̨ hu, ku hvo mąą nu kɔ́lɔn.»

Kɔlɔnikɔ Maa-ŋuŋ 12:18

Davidə ə kulɔ, ə di laakwiɛn, ə nwoo ŋɛ̨i ɓo diɛ, yɛ diɛ: «Akɛ ka káá pai bɔ́ a liilaa kiliŋąhiɛ da kpɔnmąą, ŋį́ hvaamą a níí kəlee, ka too bɔ́. Kɛlaa, akɛ ka pa ɲą́ą́hɛɠii, ka dɛ́ɛ́ ɲówoɠaa pɔ, yili nwɛi, gu nąnni di wɔɔ Yálá ɲɛ̨i kaa mą, nwąnąlɔɔ túwɔ́ hvo ɲéé hu, yaa ɓə a gu hutɔɔ!»

Kɔlɔnikɔ Maa-ŋuŋ 12:19

Ə kɛ kpɔlɔɔ tii, Yálá nwɔ Kilii ə pa Amasai pɔ, yai kɛ a nu pow haaɓai nwun nąmu, yɛ diɛ: «Ku kaa ə́ pɔ Davidə! Ɉɛse lon! Ku kaa ə́ pɔ! Ə́ liilaa! Ə́ lii ə laa! Nui a ə́ kpɔnmąą ɓo liilaa kaa mą! Hvó gaai ə́ wɔɔ Yálái ɓə a ə́ mąąkpɔnmąą ɓo.»

Ɛsdrasə 4:17

Tɔɔmun ə nwoo ŋąąpənə kɛ, yɛ diɛ: «Ə həli nɔi nwun nąmu Rehumə ɓa, da nwɔ hɛɓɛ́ kɛmun Simsai, da di ɓɛlaai di heeɛ kaa Samari, da yiiɠaai kpɔ di kaa Eufratə ɲa lee voló tooi pələ: Gáá ka tuwɔ ɓoi kpɔ tii dəŋ.»

Lukə 10:5

«Pɛlɛi lɔpee ka lɔ mu, ka ka woo pili nąą nuą diɛ, kaa mą: ‹Yálá ə liilaa tɛɛ bɛlɛ́i ŋɛ̨i mu nuą pɔ.›

Lukə 24:36

Nąąlɔwai, di lɛɛ lɔ moi tii, Jesus yaa kpinįi ə kulɔ ə tɔɔ di lɔwai, yɛ diɛ: «Yálá ə liilaa tɛɛ ka pɔ.»

Ɉaan 14:27

«Ɲą́ą́ ɉaalai ɓə liilaa kaa la ka yəi, nwɔ́ liilaai tii ɓə gaa dɛɛi ka pɔ. Pələi yɛnɛ̨ɛ̨ a liilaa tɛɛ la nuą pɔ, bələ hvəə gáá dɛɛi la ka pɔ, ka lii hvo hɛlɛn, ka hvo ɲɔw.

Ɉaan 20:19

Voló tɔ̨nɔ̨i tii hu, a nɔwɔ kuu voló tɔlɔɔ yələ, yələ wilii pɔ, galan nɛa di kɛ pɛlɛ́n naakpulɔɔ diɛ. Mąąhɔlɔɓo, di kɛi ɲɔ̨w Ɉuifə nwun nąmįną diɛ. Jesus ə lɔ, ə tɔɔ di lɔwai, yɛ diɛ: «Liilaa ə kɛ ka pɔ.»

Ɉaan 20:21

Jesus ə pənə ə mo diɛ yɛ diɛ: «Liilaa ə kɛ ka pɔ. Bələi Ną́n ə dɔ́ɔ́ la, ŋą́ą́ gbɛli gáá ka tɔɔi ti.»

Ɉaan 20:26

Lɔwɔ tɔ̨nɔ̨ tɛɛ pulu, galan nɛa kəlee ŋąąkpɔn ŋąąi kɛ bɛlɛ́n da Tomasə ni. Bɛlɛ́ɠaa kəlee laakpulɔɔ diɛ, Jesus ə lɔ ə tɔɔ di lɔwai yɛ diɛ: «Liilaa ə kɛ ka pɔ.»

Nwun mąąɓo 19:20

Ɉulɔgoloi yɛ mą: «Ə́ liilaa, yii hvo ə́ yəi, ɲą́ą́ ɓə yili mąą mɛ̨nį kaa mą́ą́. Mąą hvo nɛ̨ɛ̨li, hvo yíi heeni gwəli hąąi.»

Nwun mąąɓo 6:23

Kɛlaa, Yai-Laa yɛ Zedeɔn ɓa: «Ə́ liilaa, hvo ɲɔw, hvo pai haai.»

Samuɛlə dɔlɔɔ 25:6

kaa mą: ‹Gwəlan ŋɛ̨i pai ə nɛɛ yɛ́, yɛ bələi ɲɔɔ kwɛlan mu nwɛi aa kɛ la. Liilaa ə kɛ ə́ pɔ, liilaa ə kɛ ə́ wɔɔ pɛlɛ́i mɛ̨i; liilaa ə kɛ ə́ yəi hɛn gəlee mɛ̨i.