Zɛnɛse 43:11 - Yálá laawoo hɛɓɛ (dc)

¹¹ Israɛlə ə di woo ŋąąpənə, yɛ diɛ: «Akɛ yili kaa tii, yii ka káá gɛi, ya ka: Ka ɓɛ nɔi hɛn da həɠə, ka li la Eziptə mun tii pɔ a ɉąmą. Ka ɓálá ta həɠə ka kwɛ́in nwulɔ pu ɉu da wúlú mąląąn gun nɛ̨ɛ̨, mąląąn ɲa da wulu kun nɛ̨ɛ̨, nwului ŋɛ̨i da kɛ mą pistake, má ta, da nwului ŋɛ̨i da kɛ mą amandə, ma.

Yálá laawoo hɛɓɛ

¹¹ Israɛlə ə di woo ŋąąpənə, yɛ diɛ: «Akɛ yili kaa tii, yii ka káá gɛi, ya ka: Ka ɓɛ nɔi hɛn da həɠə, ka li la Eziptə mun tii pɔ a ɉąmą. Ka ɓálá ta həɠə ka kwɛ́in nwulɔ pu ɉu da wúlú mąląąn gun nɛ̨ɛ̨, mąląąn ɲa da wulu kun nɛ̨ɛ̨, nwului ŋɛ̨i da kɛ mą pistake, má ta, da nwului ŋɛ̨i da kɛ mą amandə, ma.

Bible

¹¹ Nya ƃe dínâŋ è mò dîa ǹyɛɛi, “A kɛ̀ fɛ̂ɛ nɔ́ é kɛ́ tí, gɛ̀ ní ka gɛ́ tí. Ka ǹɔii su sí-sãai ǹɛ́lɛɛ-ŋa da pú káƃɔrɔ-ŋai su ká lí la nalôŋ pɔ́ a sama-sɛŋ. Ka lí a tuma-laa kúŋ nɛ̃ɛ, kwɛ̃ŋ-wulɔ, wúru malaŋ, wúlɔ kúŋ nɛ̃ɛ da nṹa.

Zɛnɛse 43:11 ပူးပေါင်းရင်းမြစ်များ

Zɛnɛse 33:10

Ɉakɔbə yɛ Esau ɓa: «Ną́n, hvó gɛ tii! Akɛ yaa ɲɛ̨́imąąwɛli kaa, ə́ yee hee mu; hvo gaai, ə́ yee heei ŋɛ̨i yáá mo mú, gaa ɲɛ̨́i ɓa yɛ, kwa Yálá kwa ku kee kaa.

Zɛnɛse 37:25

Yili pulu, di hee kɛa diɛ di kɔ̨nɔ̨n mį́i. Di lɛɛ lɔ laa heeni, diɛ yɔw kɛ nuą kaa diɛ pa, di kɛ a Ismaɛlə nu huwu, daa həɠə Galaadə pələ, diɛ li Eziptə, yɔw tįɛ̨ tamąą ə ɓo di yəi ɲɔ̨nwɔ̨mɛ̨ɛ̨ɠaa pulu.

Zɛnɛse 43:10

Yii hui ŋɛ̨i, akɛ kɛ ku hvo ku kɔ́n mąą ɲii li, yɛ kwaa kɛ yalii hveelɛ kɛ, kuɔ pa a gu kɔ̨nɔ̨n.»

Zɛnɛse 43:14

Gɛ́ Huwalawala Kəlee Nąmu Yálá ə hvaa mą, ɉulɔnui tii ə ka ɲɛ̨i mąą wɛli kaa, ə Bɛnɉamɛn lɛɛ laa da Simeɔn ka diɛni ka pa. Yii ɓaa nwɛ́i, gíli kaa ɉu gɛ́ diɛ ŋą́ą́ hvɛɠɛ a nón dɔ̨nɔ̨, veelɛ kɛɛnąą ka ŋɛ̨i laŋąn ɉii mą.»

Zɛnɛse 43:15

Ɉakɔbə lonnii kɛi pənəi diɛ li Eziptə, di ɉąmą pilɛɠaai tii kəlee həɠə, nwalii lɛɛ di yəi míi hu, di mɛla pɛlɛ na, da Bɛnɉamɛn ni kəlee di həɠə diɛ li. Də li di həli Ɉosɛfə ɓa.

Zɛnɛse 43:25

Ɉakɔbə lonnii, ɉąmą tiyɛ̨ɠąąi tii di paa la, di gələə pɛli diɛ Ɉosɛfə paa mąąkpɔn. Daa kɛ mo diɛ, diɛ kɛ mą: «Da diɛni di kaa pai hvóló ŋą kɔ̨nɔ̨n mį́i gee ɓa.»

Zɛnɛse 43:26

Ɓɛlɔwai kpɔlɔ Ɉosɛfə ə paa la, di nɛɛ mą di ɉąmą tiyɛ̨ɠąąi tii kulɔ, di lɛɠɛ mą di pɛlɛ gɔwɔ mu.

Tɔɔɓɛlaa dɔlɔɔ 10:15

Yii ɉiɛ kulɔ nuą da ɲɔw ɓɛlaa, da vóló kulɔi pələ tɔɔɓɛlaa di kɛi gulɔ, da yii nɔi ɲąąwooɓo nuą di kɛi paa la, naa kulaa ɉu.

Tɔɔɓɛlaa dɔlɔɔ 10:25

Di kəlee di kɛi pa a di wɔ hamą pilɛɠaa: wali kwɛli hɛnŋąą da hɛni hɛnŋąą, həɠəɠaa da kɔ́ kɔ́ hɛnŋąą, wulɔ kun nɛ̨ɛ̨ɠaa, hooɠaa, da tiɛ̨-həɠə hooɠaa, yili ə kɛi kɛ tii kwɛlan dɛitɛi yee mu.

Tɔɔɓɛlaa dɔlɔɔ 15:19

«Mįnɛ̨ kaa gwa yɛ́ gu lɔwai, ə́ nąn da ną́n di lɔwai, gáá wali da hɛni di tɛɛi yɛ́. Mįnɛ̨i tii gaa ka Israɛlə tɔɔmun Baesa ka lɔwai, 'gala, akɛ tii, hva kɛa pɛli kɔ́ pɛlɛi mą́ą́.»

Tɔɔɓɛlaa veelɛ 16:8

Ɉɛni da nwalii kɛ Yai-Laa yəi bɛlɛ́n, yii kɛ dɔɔ pɛlɛ́ mu, Akazə ə ɉəɠə, ə dɛɛ Asiri tɔɔmun bɔ a ɉamą.

Tɔɔɓɛlaa veelɛ 20:12

Nąąlɔwai, Merodakə-Baladan, yai kɛ a Baladan lon, ə kɛ a Babilonə tɔɔmun. Ə kɛla tɔɔ da kɔ́ɓo hɛnŋąą Ezekiasə ɓa. Mąąhɔlɔɓo, Ezekiasə nwɔ ɲɔ̨n mɛ̨nį bələ aa kɛ həli mą.

Tɔɔɓɛlaa veelɛ 8:8

Tɔɔmun Bɛn-Hadadə yɛ Hazaɛlə ɓa: «Yálá kɔ́ hɛnŋąą həɠə, ə́ li, ə́ həli la Yálá nwɔ nui ɓa, ə́ Yai-Laa mąąni kɛ yaa tii bɔ pələ, yɛ́ mą: ‹Gáá pai ɓaloi?›»

Mąątɛ̨nɛ̨ 68:29

Ə́ wɔ Yálái aa naa gwəi, yɛ ə́ kaa pai kɛi a hu walawalamun, 'Ə́ hvąŋą lɛ, Yálá! Yɛ́i Ə́ kɛ mɛ̨nį kɛi ku mąą mɛ̨nį hu.

Mąątɛ̨nɛ̨ 72:10

Tarsisə lɔi da gboloyá hąąi lɔi hu tɔɔɓɛlaa, di kaa pai kɛi ɉamą pilɛɠaa tɛɛi; Saba da Seba tɔɔɓɛlaa diɛ nįįhɔ̨nwɔ̨ kulɔ mą.

Mąątɛ̨nɛ̨ 76:11

Ə mą kɛ nu kanŋaa di wɔ líiholi, kaa a ə́ ɲɛ̨i pono hɛn, ɛlɛɛ, yiɠaai da kulɔ niiholii tii yəi, yá di kąnąn ɲɛ́.

Lɛɛ gbɔwɔ ɓa 3:8

Ŋą́ pa, ŋį́ di kulɔ Eziptə nuą yee mu. Ŋą́ li a diɛ nɔi ŋąą kɛnɛ̨ɛ̨ lɛlɛɛ tii hu, ɓɛi hɛn gəlee a lɛlɛ laa. Nɔi tii ɓə: Kanaan nuą, Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa ɉu.

Hanwon 17:18

Nui gili hvo ɲəi, ya ɓə a gbɔwɔ kɛ a nu takpɛli nwɔ kwələ kɛla, yɛ gbɔwɔ kwɛlɛ nu takpɛli ɓa.

Hanwon 18:16

Hąmą pilɛ a pɛlɛ́ kəlee laa ɓo, yɛ nu lɔ tɔɔɓɛlaa yəi bɛlɛ́n.

Hanwon 19:6

Nui ɲɛ̨itɔwɔlaa kaa mą, nu tamąą da dɛ̨nɛ̨ ɲɛ̨i ɓa, nui a mɛ̨inɛ̨ɛ̨ kɛ, gaa a nu kəlee mɛlan.

Hanwon 21:14

Mɛ̨inɛ̨ɛ̨ nu a gɛ loo pələi, a líiholi kɔ́lɔ haa mą, yá nɔgwəi hɛn nɔ yuɓo hu, a líiholi kɛnɛ̨ ɲąą yɛɛ.

Wɛli 4:10

Ə́ wɔ wɛlikɛmąą a nįilɔ, oo níiɓa nɛ̨ɛ̨non! Nwɔ́ wɛli, ə́ wɔ wɛlikɛmąą nɛ̨ɛ̨i dɛɛ lɔɔ ɓa, ə́ mąą kun nɛ̨ɛ̨ dɛɛ mąątí wulɔ kəlee ɓa.

Wɛli 4:14

nardə da safran, nɔw mąą kun nɛ̨ɛ̨laa, da wulu kɔ́lɔ kun nɛ̨ɛ̨, ɛlɛɛ, hɛn gun nɛ̨ɛ̨ɠaa yɛ bələi hąmą kaa la da hɛ́ɠɛ́lɛ́, mąąti wulɔ huwui lɔpee gəlee.

Wɛli 8:14

'Li kilɛ! Nwɛ́likɛmąąmun, laŋin gbɔ yɛ lomą, ə́ gilɛ həɠə yɛ tówá. Li ɲee mąą kun nɛ̨ɛ̨ɠaa nwuɔ̨.

Ɉeremi 8:22

Akɛti wulu laa hvo mɔ̨ɔ̨ Galaadə? Akɛti hali kɛ mun və mɔ̨ɔ̨ laa? Lə ɓə kɛ yaai hvaŋą wolo hvo kpɛli pui nwɔ́ nuą diɛ?

Izikiɛ 27:15

Ka Dedan lonnii ka kɛi yɔw kɛ, gboloyá hu lɔiɠaa tamąą di kɛi hɛnŋąą ya ə́ yəi. Di kɛi ɉɔ̨nwɔ̨ tɛɛ ə́ pɔ a hə́lə́ ɲįnŋaa, da Eben wuluɠaa.

Izikiɛ 27:17

Ə mą kɛ, Ɉuda da Israɛlə lɔi, ka diɛni ka kɛi yɔw kɛ; di kɛi Minitə mɔnun nɔwɔtɔɔ yɛ́, da hoo kpai pɛlɛɛ, da kwɛ̨i nwulɔ, da wulɔ kun nɛ̨ɛ̨.

Izikiɛ 27:22

Ə mą kɛ Saba da Raema yɔw ɓɛlaa, lɔwɔ ə kɛ ka diɛni ka lɔwai. Di wɔ mąątí wulɔ kun nɛ̨ɛ̨ nɛlɛɛɠaa ɓə di kɛi dɛɛ ə́ pɔ, da kúwɔ́-kwɛni huwui lɔpee gəlee, da hɛni.

Levetekɔ 20:24

ɛlɛɛ, gɛ́ kɛ kaa: «‹Kaa ɓə di wɔ lɔi kaa lɛɛi ka yəi, ɲą́ą́ ɓə dɛɛi ka pɔ a ka wɔɔ. Ɓɛi hɛn gəlee da lɛlɛ laa.› «Ɲą́ą́ Yai-Laa ka wɔ Yálá, ɲą́ą́ ɓə ka həɠə ɉu hį́i lɔi kəlee lɔwai.

Gɛlaɠaa 21:14

Yii kɛa ku laa hvo lɔ ma, ku hvo kɛa nɛ̨ɛ̨mąą hvə mą yili pulu ku kɛ lɔ kɛa mą: «Ną́mu liiɓa ə kɛ.»

Dutɛrɔnome 33:14

Hvóló a hɔɔ nwɔ hihɛnŋąą diɛ, di ɓɔn. Ɲąnin nɔpee gəlee yee mu, yɛ hihɛnŋąą má nįnɛ̨ kulɔ,

Samuɛlə dɔlɔɔ 25:27

Ə́ hąmąi ŋɛ̨i ə́ wɔ luwɔnɛ̨ąi ə paa la nwɔ mɛ̨nį nąmu pɔ, ə́ yee hee mu, ə́ dɛɛ ə́ nwɔ hilɛlɛai ə́ bulu, di pɔ.

Samuɛlə dɔlɔɔ 9:7

Saulə yɛ bɔ mun ma: «Ee! Gwə li laa, kɛlaa, lə ɓə gwa pɛli lííla ɉulɔnui tii pɔ? Lɛɠɛ hvo kɛa gu yəi míiɠaa hu, ə lɛɛ, mąą hvo nɛ̨ɛ̨li gu hvo bələ pɔ kɔ̨nɔ̨n dɛɛ Yálá nwɔ nu pɔ. Lə ɓə gu yəi guɔ li la?»