Zɛnɛse 42:21 - Yálá laawoo hɛɓɛ (dc)

²¹ Di kɛi mo di kee lɔwai, diɛ kɛ mą: «Gu ləɠə pulu mɔ̨nɔ̨ ka ŋɛ̨i gu kaa mį́i. Ɓɛlɔwai ə kɛi kɛ la guɔ: ‹Ka mą́ą́ wɛli kaa›, gu hvo kɛ gu wəli tɔɔ li mą. Mɛ̨nį nwąnąąi tii həli mą, gwaa həli voló ɓa. Guɔ kpɛli, gu wɛi ɲələ ka.»

Yálá laawoo hɛɓɛ

²¹ Di kɛi mo di kee lɔwai, diɛ kɛ mą: «Gu ləɠə pulu mɔ̨nɔ̨ ka ŋɛ̨i gu kaa mį́i. Ɓɛlɔwai ə kɛi kɛ la guɔ: ‹Ka mą́ą́ wɛli kaa›, gu hvo kɛ gu wəli tɔɔ li mą. Mɛ̨nį nwąnąąi tii həli mą, gwaa həli voló ɓa. Guɔ kpɛli, gu wɛi ɲələ ka.»

Bible

²¹ Nya ƃe dí mò díkîe-ni dîa dîyɛɛi, “Tɔ̃yâ ma kúsɔŋ káa kúlêɣe ŋɔmɛni-soli-kaa mɛnii su. Kpɛ́ni fêi, tãi è kúkperai fè la ŋɔmɛni-soli-kaai su a gɛɛ kú kpɔ́ŋ mai, kúfe kúwoli tɔ̀ɔ ní ma. Mɛni ma kúkaa maa tɔŋ-kpɛ-maa sɔlɔ ƃôi.”

Zɛnɛse 42:21 ပူးပေါင်းရင်းမြစ်များ

Zɛnɛse 41:9

Nąąlɔwai, dɔɔmun nwɔ lɔɔ pɛli nuą nwun nąmu, ə mo tɔɔmun ma, yɛ mą: «Háákələi, gáá hvaai ɉɔ́n ma.

Zɛnɛse 44:16

Ɉuda ə mo Ɉosɛfə ɓa, yɛ mą: «Ną́n! Yɛ́i ŋɛ̨i ə́ kaa a nɔi nwun nąmu, lə mɛ̨nį kpɔ ɓə kwa pɛli ku mo yɛ́, ə gɛ, ə́ laa na, yɛ́ diɛ, ku hvo a hɔn mąą nuą mɛ̨nįi ŋɛ̨i hu? Yálá aa ku mąą kpoloon, aa ku hɔn gulɔ pɔ̨nɔ̨ŋą, kwaa kɛ a hɔn mąą nuą. Nui ŋɛ̨i di ə́ wɔ kpələ kɔ́wɔi kaa ɲəi míi hu, kwa diɛni kəlee kwaa kɛ a ə́ wɔ luwɔ.»

Zɛnɛse 45:3

Ɉosɛfə yɛ niɛni diɛ: «Ɉosɛfə ɓaa a ɲą́ą́! Ną́n gaa nii a vulú?» Niɛni kwəi pili pələi tii diɛ, di hvo kpɛli pɛli nwoo ŋąąpənəi.

Zɛnɛse 50:15

Ɉosɛfə niɛni di hee, diɛ di kee ɓa: «Yii kɛa gu nąn aa haa, Ɉosɛfə kaa pai tinɛ̨n ɉi, ə ɲɛ̨i ɲɔ̨nwɔ̨ɔ̨ hee guɔ, mɛ̨nį ɲɔ̨n kpɔ gu gɛ la, gaa pai nwɔ kwələ kulɔi.»

Samia Veerɛi 12:13

Nąąlɔwai Davidə yɛ Natan ɓa: «Ŋą́ą́ nɛ̨ŋɛ̨n ɉəɠə Yai-Laa ɓa.» Natan yɛ Davidə ɓa: «Yai-Laa aa ə́ kɛ nɛ̨ŋɛ̨n mąąhvaalɛɛ, hvo pai haai.

Tɔɔɓɛlaa dɔlɔɔ 17:18

Nokoloi nee yɛ Eli ɓa: «Yálá nwɔ nu! Lə mɛ̨nį ɓə gwa yɛ́ gu lɔwai? Ə́ lɔ ɲə́i bɛlɛ́n nwɔ́ nɛ̨ŋɛ̨nŋąą kili too mɛ̨nį ɓa Yálá ŋą, da nón nwun napili mɛ̨nį?»

Hanwon 21:13

Nui a nwəli laa kpulu mąąwɛlimun domą woo tɔwɔ, gaa pai təliɓo kɛi yaa kpɛli, di hva nwoo mu hon.

Hanwon 28:17

Nui nu ɲąmą wulu a lɛɛ nwuɔ̨, a lɛɛ gilɛ həɠəi, haa ə həli mą nu ta hva ɉu hon.

Ɉeremi 2:17

Israɛlə! Mɛ̨nįɠaa tii kaa laai yɛ́ lə mɛ̨nį ɓa? Kɛlɛi Yai-Laa ə́ wɔ Yálái lɛɛi ə́ mɔ laa, ɓɛlɔwai, ə kɛi ə́ tənən dɔɔ la bələ pɔ, yili ɓə gɛ-e?

Ɉeremi 2:19

Dúwɔ́ pələ ɲɔ̨n tii ə́ gɛ, hvo kɛli ə ə́ hutɔɔ. Nɛ́ɛ́ ŋɛ̨i ə́ mo laa, hvo kɛli ə ə́ hutɔɔ. Ə́ lənə mɛ̨nį Yai-Laa ə́ wɔ Yálái ɓa, hvo kɛli yá ɉu mɔ̨nɔ̨ mį́i, ə lɛɛ, ə́ ɲąąnwąnąąi kaa da ɲɔ̨nwɔ pələ. Hvó gaai, mą́ą́ mɛ̨nį hva kpɛli kɛa ə́ mąą kpɛlin. Ɲą́ą́ Nąmu Yai-Laa Mɛ̨nį Kəlee ŋą Hééɓomun nwóó li!

Ɉeremi 34:17

Yili mąą mɛ̨nį ɓa, Yai-Laa woo ka, yɛ diɛ: «Ka hvo lɛɛ li nwóó mu, ka hvo ka kaayɔwɔɠaa da ka nąn nonnii lɛɛ li di kpɔɔ ɓa: ‹Ɲą́ą́ gbɛli, gáá ka lɛɛ mɛ̨nį ka kpɔɔ yee kɔ́nma loloɓoi, gɛ́ ka lɛɛ ɓɔwa kwɛa yəi, da ɲɔ̨n, da pulu; Yai-Laa woo li. Gáá ka kɛi a hɛn yɛnɛ̨ɛ̨ tɔɔɓɛlaa kəlee da ɲɔw mą.›

Ɉeremi 4:18

Ɉerusalɛmə taa! Yá gaa yili kaa laai yɛ́, ə́ kulɔ ə́ túwɔ́ pələ da ə́ kɛ mɛ̨nįɠaa hu. Gbaloi tii aa ɓɛla yɛ́, yɛ́ ɉu mɔ̨nɔ̨ mį́i. Ə́ wɔ lii ɲɔ̨n gwəi laa mąą mɛ̨nį ɓə.

Osia 5:15

Gáá pai lií, gáá pənəi ŋį́ li bɔ́ɔ́li, ə lɛɛ ɉu, di hvaa di hɔn ma, ɛlɛɛ, diɛ ɲɛ̨ilai gwɛli. Mɔ̨nɔ̨ kaa pai wiɛi diɛ, di kaa pai hvilɛn ɉii, diɛ gwɛ́li.

Lonon mo 32:23

Kɛlaa ka wala gɛ, a kɛ tii kaa nɛ̨ŋɛ̨n ɉəɠə Yai-Laa ɓa; mąąnɛ̨ɛ̨ ka gɔlɔn kaa ka wɔ nɛ̨ŋɛ̨n tii a hvilɛn ka pulu.

Maafîu 7:2

Mąąhɔlɔɓo, bələi lɔ ə́ kaa ə́ ɓɛlan gití teei la, bələ lɔ ɓə Yálá kaa pai ə́ kiti tee la. Bələi yá hɛn gɔwɔn na, yɛ́ dɛɛ nu pɔ, bələ lɔ ɓə da gɔwɔn na, di dɛɛ ə́ pɔ.

Markə 9:48

nąą nwɛi, koloi a pu laa nu hu, hva haa, nąą nwɔ̨n va luwun.

Lukə 16:28

Ną́n nonnii lɔɔli kaa laa, ə di kilaa pono, əgɛ, diɛ kpɛli di hvo pa pa mɔ̨nɔ̨ kɛnɛ̨i ŋɛ̨i hu ɓɛ.›

Gɛlaɠaa 19:18

Nuą ti kɛ a laa na nuą, damąą di kɛi pa, mɛ̨nįi kpɔ daa gɛ, diɛ mo nu kpɔn ɉu.

Zĩi 2:13

A tɛ̨ą, gitii laa, nui a wala nu ɲɛ̨imąąwɛli kaa, hva mąą nu ɲɛ̨imąąwɛli kaa. Ɲɛ̨imąąwɛli yee tɛɛi kiti ɓa.

Zɔ̂ŋ Maa-ŋuŋ 1:9

Akɛ gwa hvaa gu wɔ nɛ̨ŋɛ̨nŋaa diɛ, kulɔ nwoo ɓa laa da tələnmo laa hu, yɛ Yaa, a gu wɔ nɛ̨ŋɛ̨nŋaa mąąhvaalɛɛ, ɛlɛɛ, yɛ gu wɔ tuwɔ pələ ɲɔ̨nŋaa kəlee waa guɔ.

Nwun mąąɓo 1:7

Adoni-Bɛzɛkə yɛ diɛ: «Tɔɔɓɛlaa pow mɛ̨ihveelɛ, diɛi kɛ daa di yee kpuɔ da di kɔ́wɔ kpuɔ tee diɛ, di kɛi kɔ̨nɔ̨n bɛnɛ̨ yɛɠɛ ɲə́i daɓali mu. Mɛ́nii ŋį́ gɛ a nuą, Yálá aa gwələ kulɔ mą́ą́.» Də li a Adoni-Bɛzɛkə Ɉerusalɛmə daai, nąą ɓə ə haa laa.