Zɛnɛse 41:51 - Yálá laawoo hɛɓɛ (dc)

⁵¹ Ɉosɛfə ə dɔlɔɔ laa hee a: «Manase.» Ɉosɛfə ə mo gwəi pələ yɛ mą: «Mɔ̨nɔ̨ɠaai ŋą́ą́ mį́i, ɛlɛɛ, həɠəi ŋą́ą́ mo nwɔ́ nuą pɔ, Yálá aa yili nąą kili kpɛɛ ŋą́.»

Yálá laawoo hɛɓɛ

⁵¹ Ɉosɛfə ə dɔlɔɔ laa hee a: «Manase.» Ɉosɛfə ə mo gwəi pələ yɛ mą: «Mɔ̨nɔ̨ɠaai ŋą́ą́ mį́i, ɛlɛɛ, həɠəi ŋą́ą́ mo nwɔ́ nuą pɔ, Yálá aa yili nąą kili kpɛɛ ŋą́.»

Bible

⁵¹ Zosɛ è ǹóŋ maa-ŋuŋ láa sèe a Manasɛ. È mò ǹyɛɛi, “Kpɛ́ni fêi, Ɣâla a gɛ́ ŋá nia ŋámɛni-solii kélee mâ da ńâŋ ŋɔpɛ́rɛi.”

Zɛnɛse 41:51 ပူးပေါင်းရင်းမြစ်များ

Zɛnɛse 41:30

Yili pulu, kwɛlan mɛ̨ihveelɛ pulu ə too. Bului tii kaa pai gwɛlan mɛ̨ihveelɛ tɔlɔɔ nąą kili kpɛɛi nuą ŋą, bulu kpɔlu pələ ɓa.

Zɛnɛse 41:50

Gɛɛ gwɛlan mɛ̨ihveelɛi tii hvo kɛ gɔwɔ tɔɔi, Ɉosɛfə nɛ̨ą Asenatə ə lon ɉinąą hveelɛ hɔlɔɓo.

Zɛnɛse 41:52

Ə veelɛnąą laa hee a: «Ɛfraimə.» Ə mo nwɔ̨nɔ̨, yɛ diɛ: «Ŋį kɛ ɓɛ nɔi a mąąwɛliɛmun, Yálá aa nwɔ̨nɔ̨ gɔ́ a lon.»

Zɛnɛse 48:1

Mɛ̨nįɠaai tii kəlee tɛɛ pulu, diɛ Ɉosɛfə ɓa: «Ə́ nąn gaa ɲɔ̨n gɛi.» Ɉosɛfə ə nɛɛ mą, ə nonnii hveelɛi həɠə, Manase da Ɛfraimə da diɛni di li.

Zɛnɛse 48:5

Yiihu kɛa, non veelɛi ŋɛ̨i ə́ ɉɔlɔɓo ɓɛ Eziptə lɔi hu gɛɛ və́ pai, diɛ ɓaa: Ɛfraimə da Manase, gáá di laa tooi nwɔ́ lonnii pɔ, yɛ bələi Rubɛn da Simeɔn di kaa la.

Zôo 11:16

Mąąhɔlɔɓo, ə́ wɔ mɔ̨nɔ̨ɠaai naa kili hva kɛa too ə́ ŋį́. Gili a too lɔ kɛa ə́ ŋą yɛ ya a pu.

Mąątɛ̨nɛ̨ 30:11

'Ə́ wəli tɔɔ nwóó ɓa Yai-Laa! Nɛ̨ɛ̨ yɛ́! Yai-Laa, kɛ a mą́ą́kpɔn mąąɓomun.

Mąątɛ̨nɛ̨ 30:5

Kaai a Yai-Laa yee pɔ nuą, 'ka naa tɛ wələ too, 'ka mąątɛ̨nɛ̨, kaa nwɔ mąąhəɠəlaa hukulɔ pɔ̨nɔ̨ ŋą.

Mąątɛ̨nɛ̨ 45:10

Ə́ mąątínɛ̨n ŋąą a tɔɔɓɛlaa lonnii nɛ̨ąą, ɛlɛɛ, tɔɔ nɛ̨ɛ̨nu ə ɓo tɔɔni ə́ ɓa-mįi-yee hu, mąąyiliɛ a Ofirə hɛni huwaa hva-hva.

Hanwon 31:7

Ya ɓə a gɛ, a gbələ, ə lɛ̨ą nwɔ mąąwɛlilaa ɓa, nwɔ mɔ̨nɔ̨ kili ə kpɛɛ ŋą.

Azaya 57:16

Mąąhɔlɔɓo, və́ pai hvaa pɛlɛi kaa a yələ kəlee mɛ̨nį, və́ pai kąną ɉii ŋą́ lii hvolii ɓa, ŋą́ gɛ nəi tii, nuąi ŋį́ di pɛli, di nɔ̨ɔ̨ da di nį́į́ a nəi kulɔ di hu.

Azaya 65:16

Nui lɔpee pai kɛi bɔ lúwɔ ə kɛ mą, yɛ̨nɛ̨ɛ̨ ɓɛ, da lúwɔ kɛ mą: «Tɛ̨ą-Yálá laa hu.» Nui lɔpee pai kɛi bɔ ə gwɛla ɓɛ yɛnɛ̨ɛ̨, gaa pai gwɛlai a «Tɛ̨ą-Yálá laa.» Mąąhɔlɔɓo, di kaa pai lɛ̨ąi mɔ̨nɔ̨ tɔlɔɔɠaai diɛ, di hva kɛa kɛ ɲɛ̨́i mu.

Lonon mo 26:28

Manase da Ɛfraimə ɓə a Ɉosɛfə huwu.

Dutɛrɔnome 33:17

Ɓáá ə lɔ Ɉosɛfə ɓa, ya ɓə gaa a nįŋɛ̨ hilɛ lon dɔlɔɔ tɔlɔɔ. Mįnɛ̨ɠaa kaa yɛ lán mįnɛ̨, ya ɓə gaa pai kɛi nuą tuwɔi la, yɛ nuą kpala kpɛ yɛ li a diɛ lɔi kpɛlai. Mįnɛ̨ tɔ̨nɔ̨ kaa a Ɛfraimə nwɔ kɔlaɠa waa nwun damaa, dɔ̨nɔ̨ yɛ ɓo a Manase nwɔ nu kpulu.»

Zasua 14:4

Ɉosɛfə lonnii di kɛ a nu huwu hveelɛ, Manase da Ɛfraimə; ə lɛɛ, di hvo hɛn da tɛɛ Levi huwuhu nuą pɔ nɔi hu, ə kulɔ lɔ di hee taɠaa pulu, da daaɠaai tii kwɛlɛ yɛɛ kɔwɔɠaa, di wɔ taatɛlɛɛɠaa da di yəi hɛnŋąą mąą mɛ̨nį ɓa.

Zasua 17:1

Manase lonnii di wɔ lɔi ka: Ɉosɛfə lon dɔlɔɔ li kɛ. Manase lon dɔlɔɔ ɓaa kɛ a Makirə, Galaadə nąn, ə Galaadə lɔi hɔlɔɓo, da Basan, mąąhɔlɔɓo, ə kɛ a kɔ́kuláá.

Samuɛlə dɔlɔɔ 1:20

Anə ə koo həɠə, naayɛɛ lɔwai həliɛ, ə naayɛɛ a lon ɉulɔnu ə naa hee a Samuɛlə, mąąhɔlɔɓo, ŋą́ vɛli Yai-Laa ɓa.