Zɛnɛse 41:49 - Yálá laawoo hɛɓɛ (dc)

⁴⁹ Mɔ̨nun ə hɔlɔɓo kpɔ kɛnɛ̨, ɲɛ̨i kɛnɛ̨ pələ ə ɓo yɛ gboloyá kwɛlɛ ɲɛ̨ą kɔ́w. Gɛnɛ̨ pələi tii, di hvo kɛa kɛ gwɛdɛn gɔlɔn.

Yálá laawoo hɛɓɛ

⁴⁹ Mɔ̨nun ə hɔlɔɓo kpɔ kɛnɛ̨, ɲɛ̨i kɛnɛ̨ pələ ə ɓo yɛ gboloyá kwɛlɛ ɲɛ̨ą kɔ́w. Gɛnɛ̨ pələi tii, di hvo kɛa kɛ gwɛdɛn gɔlɔn.

Bible

⁴⁹ Zosɛ è mii-sɛŋ támaa ŋáa tɛ̀ ma nyii kɛ̀ a dámaa yɛ̂ɛ yúo ma ŋãya. È nâa kpèra ǹónoɔ ma, kpɛ́ni fêi, vé nâa kɛ́ ní pɔrîi ǹônoi.

Zɛnɛse 41:49 ပူးပေါင်းရင်းမြစ်များ

Zɛnɛse 22:17

gáá lúwɔ́ tooi yɛ́, ŋį́ ə́ huwu ɓɛɛlɛ; gbulu hu a kɛnɛ̨ yɛ gboloyá kwɛlɛ ɲɛa kɔ́w. Ə́ huwuhu nuą yee a tɛɛ di yowoɠaa diɛ, diɛ di wɔ taaɠaai həɠə di yəi.

Zɛnɛse 41:48

Gwɛlanŋąąi tii kəlee kuu mu, daa kpɛa kpɛaɠaa kəlee hu, Ɉosɛfə ə mo di kɔ̨nɔ̨n gələ tɔɔ nąą kəlee, ə mą kɛ daa pɛlɛɛɠaa hu.

Zɛnɛse 41:50

Gɛɛ gwɛlan mɛ̨ihveelɛi tii hvo kɛ gɔwɔ tɔɔi, Ɉosɛfə nɛ̨ą Asenatə ə lon ɉinąą hveelɛ hɔlɔɓo.

Zôo 1:3

Ɓɛlaa waa mɛ̨ihveelɛ ə kɛ ɉulɔnui ti yəi, da ɲɔ̨nwɔmɛ̨ɛ̨ waa haaɓa, ə lɛɛ, nįŋɛ̨ heei hveelɛ hveelɛ nwun nɔɔli, hoohvaalən ɉaa nwun nɔɔli, koló kɛ nu kpulu kɛnɛ̨ ə ɓo ɲəi. Ɉulɔnui ti ə kɛ a nu kɛnɛ̨ dɛɛ hvóló kulɔi pələ nuą kəlee diɛ.

Mąątɛ̨nɛ̨ 78:27

Ə huwɔ pu di mɛ̨i lɔ poto poto, yɛ muluun, da nwɛ̨ni kpulu hu kɛnɛ̨, yɛ gboloyá kwɛlɛ ɲɛ̨ą kɔ́w.

Ɉeremi 33:22

Bələi lɔ nu hva pɛli yələkɔlɔn ɉu kɔlaɠa lonoi la, bələi lɔ gboloyá kwɛlɛ ɲɛa kaa la, lono hvo mą, bələ lɔ ɓə gáá pai nwɔ́ tii mun Davidə huwu tamai la, da Lévi lonnii a nwɔ́ kóló kɛ nuą.»

Nwun mąąɓo 6:5

Nuąi tii kɛi mɛ̨nį ɲąąnwąnąą la Israɛlə nuą diɛ, di kpulu hu kɛnɛ̨i kɛ yɛ peeləɠaa, da di wɔ taatɛlɛɛɠaai, ə mą kɛ, ɉəɠə pɛlɛ́ɠaa kəlee. Diɛ, da di wɔ ɲɔ̨nwɔmɛɛɠaai, di kpulu hu kɛnɛ̨i kɛ. Di kɛi pa, diɛ nɔi hɛnŋaa kəlee həɠə.

Nwun mąąɓo 7:12

Madian nuą, Amalɛkə nuą, da doonwunma nuąi həɠə voló həɠəi pələ, di hu hiaa kpɔ kɛ nɛ̨ŋɛ̨ hu laa yɛ peeləɠaa. Di wɔ ɲɔ̨nwɔmɛ̨ɛ̨ɠaai, kwɛdɛn və kɛ mą, ə kɛ yɛ gboloyá kwɛlɛ ɲɛ̨ąkɔw.

Samuɛlə dɔlɔɔ 13:5

Filisti nuą di di muhəɠə di kɔ́ pɛlɛ Israɛlə ɓa. Kɔ kɔ́ wotolo waa pow haaɓa ə kɛ di yəi. Nu waa mɛ̨ida di ɓo hoo mɛ̨i, ə lɛɛ, gɔ́laɠa kɛnɛ̨ yɛ gboloyá kwɛlɛ ɲɛa kɔ́w. Di tɛ di di tɔɔi kulɔ Mikmasə Bɛtə-Awɛn voló həɠəi pələ.