Zɛnɛse 41:30 - Yálá laawoo hɛɓɛ (dc)

³⁰ Yili pulu, kwɛlan mɛ̨ihveelɛ pulu ə too. Bului tii kaa pai gwɛlan mɛ̨ihveelɛ tɔlɔɔ nąą kili kpɛɛi nuą ŋą, bulu kpɔlu pələ ɓa.

Yálá laawoo hɛɓɛ

³⁰ Yili pulu, kwɛlan mɛ̨ihveelɛ pulu ə too. Bului tii kaa pai gwɛlan mɛ̨ihveelɛ tɔlɔɔ nąą kili kpɛɛi nuą ŋą, bulu kpɔlu pələ ɓa.

Bible

³⁰ Kɛ́lɛ nàa pôlu ma puru kóraŋ lɔ́ɔlu mɛi feerɛ a pâi pâi, nyii pâi ǹûai kɛ̂i dí nia mii-sɛŋ kpɛtɛ kóraŋ-ŋai diai. Burii a pâi toôi ǹɔii gwaa kélee.

Zɛnɛse 41:30 ပူးပေါင်းရင်းမြစ်များ

Zɛnɛse 41:21

Mįi tii di mo, diɛmun di kpala tɛɠa ə tɛɛ dɔlɔɔ ɓa. Nąąlɔwai, ŋį ɲɛ̨nąą ɓo.

Zɛnɛse 41:27

Nįŋɛ̨ háá kpalaa mɛ̨ihveelɛ ɲɔ̨nwɔ̨ɔ̨i tii da mɔ̨nun vəlee mɛ̨ihveelɛi tii, mukulaa ɓaa: pulu kaa pai tooi kwɛlan mɛ̨ihveelɛ yee mu.

Zɛnɛse 41:31

Bulu kaa pai kpɔlui, nu ta hvo kpɛli pai giliŋąhiɛi yɛ kɛ diɛ aa ta kɔ̨nɔ̨n ɉɔlɔɓo kɛnɛ̨.

Zɛnɛse 41:51

Ɉosɛfə ə dɔlɔɔ laa hee a: «Manase.» Ɉosɛfə ə mo gwəi pələ yɛ mą: «Mɔ̨nɔ̨ɠaai ŋą́ą́ mį́i, ɛlɛɛ, həɠəi ŋą́ą́ mo nwɔ́ nuą pɔ, Yálá aa yili nąą kili kpɛɛ ŋą́.»

Zɛnɛse 41:54

Gwɛlan mɛ̨ihveelɛ pului ə gɔwɔ tɔɔ, yɛ pələi ta Ɉosɛfə ə mo la. Bului tii ə too lɔi kɔ́lɔ kəlee. Kɛlaa, kɔ̨nɔ̨n ə kɛ lɔ Eziptə lɔi hu.

Zɛnɛse 41:56

Bului tii ə kpɔlu lɔi kəlee hu. Ɉosɛfə ə mo, di gɔ̨nɔ̨n gələɠaai tii kəlee laa ɓo, ə gɛ, diɛ nɔwɔtɔɔ Eziptə nuą diɛ. Bulu ta lɔ ɓə kɛi laa mɛ̨i Eziptə lɔi hu.

Zɛnɛse 47:13

Bulu kpɔlu pələ, kɔ̨nɔ̨n və kɛa kɛ Eziptə lɔi hu, ə mą kɛ, Kanaan lɔi hu. Eziptə nuą da Kanaan nuą di kɛi kpala a pulu.

Samia Veerɛi 24:13

Gadə ə li Davidə pɔɔli, yɛ mą: «Ə́ hvaa mą kwɛlan ɉaaɓa púlu ə too yɛ́, awala kɛ tii, ə́ yowoɠaa yee ə tɛɛ yɛ́ kɔ́ hu ɲąnįn ɉaaɓa yee mu, hvá pɛli kulɔi di wɔɔ kɔ́ kɔ́ ɓɔwaɠaai yəi; awala kɛ tii, hvóló haaɓa ə́ gɛ Yai-Laa nwɔ kɔ́ kɔ́ ɓɔ́wai yee mu, da Yai-Laa nwɔ kɛɛ kala malaka ə pa, ə hiɛ nɔi nąą kəlee a lɔi kala ɲɔ̨n. Yili ɓa, ə́ kiliŋąhiɛ, nɛlɛ ɓə ə́ hvaa mą, woo ɓo mą́ą́, ŋą́ li, ŋą́ mo nui dɔ́ɔ́ mą.»

Tɔɔɓɛlaa dɔlɔɔ 17:1

Yálá kwəi mɛ̨nį hukulɔ mun Eli, yai həɠə Tisbe Galaadə lɔi hu, ə mo tɔɔmun Akabə ɓa, a ɲələi tii, yɛ mą: «Akɛ kpɔ Yai-Laa Israɛlə nwɔ Yálá, yai gáá tíi mą, gaa a vulú, gáá moi yɛ́, gɛ́ yɛ́: tulɔ hvo pai pui, ɛlɛɛ, luwuluwu hva pu, gwɛlanŋaa ŋɛ̨i yee mu, hvo kɛli ŋą́ hvaa mą, ya ɓə tulɔ a pu la.»

Tɔɔɓɛlaa veelɛ 8:1

Ə kɛ a yələ ta, nɛ̨ɛ̨nui ŋɛ̨i ta Elise ə non nwun ə gulɔ haa yəi, Elise ə mo mą, yɛ mą: «Həɠə ɓɛ, ə́ li ka ə́ yəi bɛlɛ́n nuą, ka li ɓɛi yá bɛli ə́ heei hɔlɔɓoi laa. Mąąhɔlɔɓo, Yai-Laa kaa pai kwɛlan mɛ̨ihveelɛ pulu tooi ɓɛ nɔi.»

Mąątɛ̨nɛ̨ 105:16

Ə pulu ɲąątɔɔ nɔi ɓa, ə kɔ̨nɔ̨n gəlee kpɛɛ.

Hanwon 31:7

Ya ɓə a gɛ, a gbələ, ə lɛ̨ą nwɔ mąąwɛlilaa ɓa, nwɔ mɔ̨nɔ̨ kili ə kpɛɛ ŋą.

Azaya 65:16

Nui lɔpee pai kɛi bɔ lúwɔ ə kɛ mą, yɛ̨nɛ̨ɛ̨ ɓɛ, da lúwɔ kɛ mą: «Tɛ̨ą-Yálá laa hu.» Nui lɔpee pai kɛi bɔ ə gwɛla ɓɛ yɛnɛ̨ɛ̨, gaa pai gwɛlai a «Tɛ̨ą-Yálá laa.» Mąąhɔlɔɓo, di kaa pai lɛ̨ąi mɔ̨nɔ̨ tɔlɔɔɠaai diɛ, di hva kɛa kɛ ɲɛ̨́i mu.

Lukə 4:25

Gáá moi kaa, Eli nwɔ lɔwai hu, galanən nɛ̨ą tamąąi kpɔ kɛ Israɛlə lɔi hu, ɓɛlɔwai hvóló laa ə tee la a kwɛlan ɉaaɓa ɲąnįn mɛ̨ida, tulɔ hvo kɛi bu; pulu kɛnɛ̨ ə too nɔi nąą kəlee.

Zĩi 5:17

Eli ə kɛ lɔ a nu yɛ guɔ, ə Yálá hvɛli kpɔ a kilitɔɔmąą laa, yɛ tulɔ hvo pu, yaan, tulɔ hvo hvilɛn lɔi ɓa, kwɛlan ɉaaɓa ɲąnįn mɛ̨ida yee mu;