Zɛnɛse 4:8 - Yálá laawoo hɛɓɛ (dc)

⁸ Ə kɛ lɔ a yələ ta, Kain yɛ nəɠə Abɛlə ɓa: «Pa gwəli ə́ náálɛ.» Lii kɛa di moi, Kain ə wolo nəɠə Abɛlə ɓa, ə baa.

Yálá laawoo hɛɓɛ

⁸ Ə kɛ lɔ a yələ ta, Kain yɛ nəɠə Abɛlə ɓa: «Pa gwəli ə́ náálɛ.» Lii kɛa di moi, Kain ə wolo nəɠə Abɛlə ɓa, ə baa.

Bible

⁸ Nya ƃe Kîŋ è mò ǹêɣe Ebɛɛ ma ǹyɛɛi, “Kú lí gbâlaŋ ŋá.” Tãi dí kɛ̀ la gbâlaŋ ŋái, Kîŋ è pɛ̀lɛ ǹêɣe Ebɛɛ ma é bàa.

Zɛnɛse 4:8 ပူးပေါင်းရင်းမြစ်များ

Zɛnɛse 4:25

Adamə da nɛ̨ą di pənə di lon ɉulɔnu takpɛli hɔlɔɓo, di naa hee a Sɛtə. Ɛvə yɛ diɛ: «Yálá aa hvaa mą, Abɛlə ŋɛ̨i Kain ə baai, aa bɔɔi tɛɛ bɔ́.»

Samia Veerɛi 14:6

Lon ɉinąą hveelɛ ɓə ə́ wɔɔ tí nɛ̨ɛ̨nu yəi, di nu hveelɛi di gɔ́ lɔwɔi, nu ta hvo kɛ laa, hvo di ŋaakwɛlɛ, dɔ̨nɔ̨ ə mɛlan gɛlɛ, ə baa.

Samia Veerɛi 3:27

Pənəi Avnɛrə ə mo ə pa, Ɉoabə ə li la ɉįi laa kpulu kpon gwɛlɛ pələ a gbanalaa, yɛ aa kɛi kɛ ə mɛ̨nį ta mo mą a nɛlɛɛ. Ə ɓɔwa pu gwəi, ə baa; Ɉoabə ə nəɠə Asahɛlə nwąną kulɔ.

Kɔlɔnikɔ Veerɛi 21:4

Yoramə ə hee nąn ŋą tɔɔlaa hu, ə hee kpɔ laa tin. Ə tínɛ̨n ə nąn nonnii paa, ə bɛlɛ Israɛlə ɲąąwooɓo nuą taɠaa diɛ.

Nehemi 6:2

Sanbalatə da Gɛsɛmə di wɛlɛɛ tɔɔ bɔ́ɔ́li, diɛ kɛ mą: ŋį́ li kwa diɛni ku ku kee kaa Kefirimə, Ono nɛ̨ŋɛ̨ lɔi hu, di kɛ bɔ di mɛ̨nį ɲɔ̨n gɛ laa a ɲą́ą́.

Zôo 11:15

A kɛ ti, ya ə́ nwun muhəɠə a ɲɛ̨i pɔ̨nɔ̨; ə́ mąą a kɛ a ɉəɠɛɛ, ɲɔw hva kɛa kɛ ə́ hu.

Mąątɛ̨nɛ̨ 139:19

Yálá! Ə li kɛ, yá hvaa kɛ mą, nuąi di hva kulɔ di woo ɓa ə́ di paai! Ɲąmą pu nuą, 'ka həɠə gwɛ́lɛ.

Mąątɛ̨nɛ̨ 36:3

Gaa gbɔwɔ ɲɛ̨i ɓa a nu kɛnɛ̨ɛ̨, hva pɛli ɉɔn gaai, yɛ həɠə bulu.

Mąątɛ̨nɛ̨ 55:21

Ɉulɔnui tii ə kɛi mɛlaa kɛlɛ, nwooi ə gwɛlɛ, ə yili mąą kala.

Osia 4:2

Nu woo kala mɛ̨nį, lɛɛ, nu paa mɛ̨nįɠaa, nwuɔ̨, wɛli mɛ̨nį, di laa aa too; ɲąmą kpoloon yɛ ɉeei kaa.

Mise 7:6

Mąąhɔlɔɓo, lon ɉulɔnu a nąn gaa yɛ ɓowomun, lon nɛ̨ɛ̨nu yɛ tɔɔ nee la. Lon nɛ̨ą yɛ tɔɔ ɉilɛ lee la, nu ɲowo ə ɓo gɔwɔ ɓaa mɛ̨i.

Lonon mo 35:20

Nu a kɛlɛ mɛlan ɉu a wɛli kpɛɛ mąą laa, a wala kɛti, ə hɛn da pili mą a kiliŋąhiɛ ɲɔ̨nwɔ̨ɔ̨, ɛlɛɛ mɛlan ə haa;

Maafîu 23:35

Ya ɓə a gɛ, nu haŋąąɠaai daa di ɲąmą pu ɓɛ nɔi ŋɛ̨i ɓa, ə həɠə nu tɔlɔɔ Abɛlə ɓa ə həli la Barasi lon ɉulɔnu Zakari ɓa yai kɛ a nu gbɛli, yii ka baa ɉaláá kulɔ kəhi da Yálá hee pɛlɛ́ di lɔwai, di ɲąmą wulu a lɛɛ ka nwuɔ̨.

Lukə 11:51

Ə həɠə Abɛlə ɓa, ə həli la Zakari ɓa, yai di baa Yálá hee pɛlɛ́ mu, ɉaláá kulɔi da gɛɛnąą mąąhəɠɛɛ di lɔwai. A tɛ̨ą kpɔ-kpɔ gáá moi kaa, gəlee wulu kaa lɛɛi háákələi nuą nwuɔ̨.

Lukə 22:48

Jesus yɛ mą: «Ɉudasə, yá Nu Lon nąą lɛ a nɛ̨nɛ̨ɓo pələ?»

Hebreu 11:4

Laa na laa háálai ɓə gɛ, Abɛlə yɛ haláá lɛlɛɛ kulɔ la Yálá ɓa, ə tɛɛ la Kain nwɛi ɓa. Laa na laa háálai, di mąą kɛla hvaa lɛlɛɛ ɓo, diɛ mą: Dələnmoɔi kɛ. Mąąhɔlɔɓo, Yálá kpinįi ə ɲee hee nwɔ haláá hɛn mu. Abɛlə nwɔ laa na laa mąą mɛ̨nį ɓa, bələi mąn, aa haa la, a kɛ lɔ nii hvaai.

Hebreu 12:24

Káá ká mąąlɛɠɛ Jesus ɓa, yai, gwa Yálá ni gu lɔwai pɛli, əgɛ gu mįnɛ̨ nįnɛ̨ hɔlɔɓo, da ɲąmąi pu, yai viɛlaɓoɔ nwɔ̨nɔ̨, ə tɛɛ Abɛlə nwɛi ɓa.

Zûu 1:11

Kpalo ɓɛlaai diɛ. Mąąhɔlɔɓo, daa hvilɛn Kain túwɔ́ pələ pulu. Daa di kpɔwɔ hvilɛn lan bələ mɛ̨i wali mąą mɛ̨nį ɓa, yɛ bələi Balaamə ə gɛ la. Di nwun na aa pili yɛ Kore.