Zɛnɛse 4:4 - Yálá laawoo hɛɓɛ (dc)

⁴ Abɛlə yaan, ə pa a nwɔ ɓɛlaaɠaai non dɔlɔɔɠaa kəlee ə gulɔ Yai-Laa ɓa a haláá. Yai-Laa ə ɲɛ̨i lɛlɛɛ hee Abɛlə nwɔ kɔ́ɓo hɛn ma,

Yálá laawoo hɛɓɛ

⁴ Abɛlə yaan, ə pa a nwɔ ɓɛlaaɠaai non dɔlɔɔɠaa kəlee ə gulɔ Yai-Laa ɓa a haláá. Yai-Laa ə ɲɛ̨i lɛlɛɛ hee Abɛlə nwɔ kɔ́ɓo hɛn ma,

Bible

⁴ Ebɛɛ máŋ è pà a ŋɔsama-sɛŋ a ŋɔƃála-loŋ maa-ŋuŋ da ƃála wulɔ Yâwɛɛ pɔ́. Yâwɛɛ è ǹyée sèe Ebɛɛ mu da ŋɔsama-sɛŋ.

Zɛnɛse 4:4 ပူးပေါင်းရင်းမြစ်များ

Zɛnɛse 15:17

Ɓɛlɔwai kpinį ə pɛlɛ la, ɲąąɓa, nwɔ̨n deŋą ta ə tɛɛ, ɉuwɔɠaai tii ləi Abramə ə ɉu tee-tee, di mɛ̨i, nwɔ̨n nən yɛ ɓo mą.

Zɛnɛse 4:3

Kwɛlan damąą tɛɛ pulu, Kain ə pa a ɲəi ɲɛa hihɛn daɠaa ɓa, ə dɛɛ Yai-Laa pɔ a gɔ́ hɛn.

Tɔɔɓɛlaa dɔlɔɔ 18:24

Yili pulu, ka ka woo tɛ ka wɔ halii pɔ pələ, ɲą́ą́ gbɛli, ŋą́ nwoo tɛ Yai-Laa pɔ pələ. Ɲálá hveelɛ tii, yii a nwɔ̨n dɛɛ, a kɛ tii ya ɓə a Yálá hvulú mąą.» Nu kəlee diɛ mą: «Kwaa hvaa mą.»

Tɔɔɓɛlaa dɔlɔɔ 18:38

Yai-Laa ə nwɔ̨n gulɔ yələi, ə ɉaláá hɛnŋąą kələn, ə gwɛi kələn, ə gwɛniɠaa kələn, bɔlɔi di gulɔ di dɔɔ, ə kəlee kələn, ɲái kɛ nowa hu, ə gbala.

Kɔlɔnikɔ Maa-ŋuŋ 21:26

Davidə ə haláá kulɔi bɛli laa a Yai-Laa nwɔɔ, ə Yálá kɔ́ laa a haláá hɛn da gəlee kələn, da pɔnaa kulɔ haláá. Ə Yai-Laa təli laa a naa, yili ə nwoo mu hon a nwɔ̨n ə doo ɉaláá hɛnŋaa hu.

Kɔlɔnikɔ Veerɛi 7:1

Kpɛɛi Salomɔn ə mo a Yálá hvɛliɛ, nwɔ̨n ə həɠə yələi pələ, ə yɛɛ, ə ɉaláá hɛn yii da gələ kələn, da ɉaláá hɛn dakpɛliɠaa kəlee kələn. Ɛlɛɛ Yai-Laa Mąąɲįnɛ̨n ə Bɛlɛ laa hvɛɛ.

Mąątɛ̨nɛ̨ 20:3

Ə lɛɛ nwɔ pɛlɛ́ mąąhəɠɛɛi mu ə kpɔn ɲɛ́, ə lɛɛ Siɔn ə ɲee hee ə́ mu.

Lɛɛ gbɔwɔ ɓa 13:12

Ka lon ɉinąą dɔlɔɔɠaa kəlee tɛɛ Yai-Laa pɔ, ə mą kɛ a ka yəi taatɛlɛɛ lon dɔlɔɔɠaai a ɉilɛ, nwɔɔ li.

Hanwon 3:9

Yai-Laa mąąwiɛ a ə́ hɔlɔɓo hɛn gɔwɠaa, a ə́ hɔlɔɓo hɛn nįnɛ̨ kɛi yá mo a gɔ́ hɛn;

Ikilisiati 4:4

Ŋą́ą́ nwɔ̨nɔ̨ mɛ̨nį takpɛli kaa, ya ɓaa: Mɔ̨nɔ̨i nuą da mįi di kɛ kóló hu, gaa a tolo kulaa, ə gɛ, yii gaa gɛi, ə lɛlɛɛ ə tɛɛ mɛlaa di wɛi ɓa. Yili kaa a kpɛli-kpɛli mɛ̨nį, yɛ nu aa kɛi hvaŋą tənən dɔɔ.

Levetekɔ 9:24

Nwɔ̨n da ə kulɔ Yai-Laa lííla, ɉaláá hɛnŋąąi kɛ ɉaláá kulɔ kəhi mɛ̨i da ɉuwɔ wulɔɠaa, ə di kələn. Nuą kəlee di nąą kaa, di tómą a kwəinɛ̨ɛ̨, di pɛlɛ di liiɓa nɔi ɓa.

Lonon mo 16:15

Moisə lii ə holi kpɔ kɛnɛ̨, yɛ Yai-Laa ɓa: «Hvó ə́ yee hee di wɔ kɔ́ɓo hɛn mu. Və́ ta kpɛli hoohvaalən gulɔ li di yəi, və́ ta hvulu mɛ̨nį kɛ li a di ta.»

Lonon mo 16:35

Nwɔ̨n ə kulɔ Yai-Laa pɔ, nu nwun veelɛi ɲee lɔɔli tii kɛi lansan laa həli Yai-Laa ɓa, ə gəlee kələn.

Lonon mo 18:12

Wulɔ nįnɛ̨, da lɔɔ nįnɛ̨, da mɔ̨nun ə mą kɛ hɛn dɔlɔɔɠaai da Yai-Laa kɔ́ la, gáá di tɛɛi ə́ pɔ.

Lonon mo 18:17

Kɛlaa, nįŋɛ̨ haa, ɓɛlaa haa, ɓolu haa, hva di lon dɔlɔɔɠaai lɛɛ laa di hvo di nwun mąąɓo. Di kulɔ mą́ą́ a haláá, yá di ɲąmą pu ɉaláá kulɔ kəhi mɛ̨i, ə́ di wulɔ kələn a hɛn gun nɛ̨ɛ̨, a Yai-Laa nwɔɔ, yɛ niilaa.

Hebreu 11:4

Laa na laa háálai ɓə gɛ, Abɛlə yɛ haláá lɛlɛɛ kulɔ la Yálá ɓa, ə tɛɛ la Kain nwɛi ɓa. Laa na laa háálai, di mąą kɛla hvaa lɛlɛɛ ɓo, diɛ mą: Dələnmoɔi kɛ. Mąąhɔlɔɓo, Yálá kpinįi ə ɲee hee nwɔ haláá hɛn mu. Abɛlə nwɔ laa na laa mąą mɛ̨nį ɓa, bələi mąn, aa haa la, a kɛ lɔ nii hvaai.

Hebreu 9:22

ɛlɛɛ, yɛ bələi dɔn ə mo la, ɲąmą ɓə da ɉɛn gəlee mąąhəɠə la, ɛlɛɛ akɛ ɲąmą a wala pu, nɛ̨ŋɛ̨n mąąhvaa hva lɛɛ.

M̀ɛni-lɛɛi 13:8

Lɔi mɛ̨i heeɓonuą kəlee diɛ kwɛli hvilɛn mą, diɛi kpɔ tii di laa hvo kɛ pɛ̨ɛ̨ li mɛlaa lon di gulɔ a haláá, ŋą yɛnɛ̨ɛ̨ kɛ hɛɓɛ́i hu, ə həɠə kpɔ yɛnɛ̨ɛ̨ kɔwɔ tɔɔ yələ ɓa.

Nwun mąąɓo 6:21

Ya ɓə, Yai-Laa nwɔ malakai ə ɲee haŋą, dunwɔ̨n tii kɛ ɲəi, ə ɉee ɉuwɔ da nɛɠɛ diɛ. Nwɔ̨n ə kulɔ gwɛni hu, ə ɉuwɔ da nɛɠɛ di kələn. Yili pulu, malaka ə kwɛlɛɛn, Zedeɔn hvo kɛa gaa.

Samuɛlə dɔlɔɔ 15:22

Nąąlɔwai, Samuɛlə ə mo Saulə ɓa, yɛ mą: «A kɛ tii, taatɛlɛɛ kulaa Yai-Laa ɓa a haláá yii da gəlee kələn, yili ɓə mɔ̨ɔ̨ nwɛli kaa mą, a wala kɛ tii, Yai-Laa woo hon ŋąą? Kpaa-oo! Woo hon naa hviɛlaɓoɔi ɓɛlaa hilɛɠaa wulɔ ɓa.