Zɛnɛse 38:24 - Yálá laawoo hɛɓɛ (dc)

²⁴ Ɲąnįn ɉaaɓa tɛɛ pulu, nu ta ə pa, yɛ Ɉuda ɓa: «Ə́ lon nɛ̨ą Tamarə aa gbɔwɔ kɛ a wɛli kɛ mun, aa lɛɛ ɉu aa koo həɠə.» Ɉuda yɛ diɛ: «Ka ɉon ka li la, ka nɛɛ a vulú, ka gələn.»

Yálá laawoo hɛɓɛ

²⁴ Ɲąnįn ɉaaɓa tɛɛ pulu, nu ta ə pa, yɛ Ɉuda ɓa: «Ə́ lon nɛ̨ą Tamarə aa gbɔwɔ kɛ a wɛli kɛ mun, aa lɛɛ ɉu aa koo həɠə.» Ɉuda yɛ diɛ: «Ka ɉon ka li la, ka nɛɛ a vulú, ka gələn.»

Bible

²⁴ Ɣáloŋ saaƃa tɛ́ɛ pôlu mà, Zuda è mɛ̀ni dîyɛɛ ma, “Íloŋ ŋɔnɛnîi Tama a wulu-wulu kɛ́. Ǹyaŋ goo káa mà.” Nya ƃe Zuda è mò ǹyɛɛi, “Ka pá la ká géreŋ.”

Zɛnɛse 38:24 ပူးပေါင်းရင်းမြစ်များ

Zɛnɛse 20:3

Kɛlaa, kpinįi, Yálá ə gbɔwɔ lɛ Abimelɛkə ɓa hįį pələ, yɛ mą: «Nɛ̨ɛ̨nui ŋɛ̨i ə́ ɉəɠə, hilɛ kaa mą, ya wala nɛɛ laa, ə́ kaa pai haai mąą mɛ̨nį ɓa.»

Zɛnɛse 20:7

Yii hu kɛa, nɛ̨ɛ̨nui ŋɛ̨i tɛɛ ɉilɛ pɔ. Nɛ̨ɛ̨nui ŋɛ̨i ɉilɛ kaa a gwə́i mɛ̨nį hu kulɔ mun, gaa pai ə́ mąą mɛ̨nį laa həlii mą́ą́, ə gɛ, hvo pa haa. Kɛlaa, akɛ ya wala dɛɛ nąmu pɔ, ka ə́ yee pɔ nuą kəlee ka káá pai haai.»

Zɛnɛse 20:9

Abimelɛkə ə Abrahamə təli, ə mąąnikɛ, yɛ mą: «Túwɔ́ ləi ɓə ŋɛ̨i ə́ mo a kuɔi? Lə mɛ̨nį ɓə ŋį́ gɛ a yɛ́ a ɲɔ̨nwɔ̨ɔ̨, yaai ə́ kɛ bɔ, ə́ ɲą́ą́ kwa nwɔ́ lɔi hu nuą kəlee, ku kɛ a mɛ̨nį ɲɔ̨n gɛnɛ̨ kɛ nuą? Pələi tii ə́ gɛ la a ɲą́ą́, nu hva túwɔ́ tii.

Zɛnɛse 34:31

Diɛ mą: «Ɉulɔnui tii hvo túwɔ́ li a ku mąąhala a dənən, mąą hvo nɛ̨ɛ̨li hvo ku mąąhala hon yɛ wɛlikɛnɛ̨ɛ̨nu.»

Zɛnɛse 38:23

Ɉuda yɛ mą: «Akɛ yili kaa tii, nɛ̨ɛ̨nu kpɔ ə ɉɛnŋąą tii lɛɛ ɲəi. Gu hvo kanąn yili ɓa, ə gɛ, nuą di hvo pa yɛ́lɛ́ kulɔ gu hu. Yii ɓaa tɛ̨ą, yii lɔ ŋį́ molu lon dɛɛ, ə́ li la, hvo nɛ̨ɛ̨nu kpɔ gaa.»

Samia Veerɛi 12:5

Davidə lii ə kələn gbɔ gwəi kɛnɛ̨ yɛ hvilɛn na ɉulɔnui tii ɓa. Ə nɛɛ mą yɛ Natan ɓa: «Yii kpɔ Yai-Laa kaa a vulú, ɉulɔnui mɛ̨nįi tii kɛ, aa haa kwɛli gbɔwɔ ɓa.

Samia Veerɛi 12:7

Nąąlɔwai, Natan yɛ Davidə ɓa: «Maa hulɔnui tii ɓaa yɛ́. Mɛ̨nįi Yai-Laa, Israɛlə nwɔ Yálá kaa moi, ya ka; yɛ diɛ: ‹Ɲą́ą́ ɓə ə́ mąątí a dɔɔ wulɔ, ŋą́ ə́ kɛ a tɔɔmun Israɛlə nuą mɛ̨i, ŋą́ ə́ kulɔ Saulə yəi,

Ikilisiati 7:26

Ŋį́ gaa gɛ́ diɛ: nɛ̨ɛ̨nu gbąnąą, ɲɔ̨nwɔ̨ɔ̨i dɛɛ haa ɓa. Mąąhɔlɔɓo, gaa a hɛlɛn, nwɔ wɛlikɛmąą yɛ ɓo yɛ diŋɛ̨n, ɲeeɠaa di ɓo a nu yili yɛli. Nui nwɛli kaa Yálá ɓa, hva too nɛ̨ɛ̨nu taaləi tii yəi diŋɛ̨n ɉu. Kɛlaa, nɛ̨ŋɛ̨n ɉəɠəmun mə a too ɉu.

Ɉeremi 2:20

Ɉu aa kwɛa, Israɛlə! Yáá ə́ nwun gulɔ nwɔ́ nwun nąmu laa mu, yáá ə́ yɛli tee, yɛ́ kɛ diɛ: «Və́ kɛa bɔ, və́ kɛ a luwɔ!» Yáá li, yáá laa yee kpukpuɠaa nwuɔ̨ da wulu laa hu wiaɠaa mu, yɛ wɛli kɛ Nɛ̨ɛ̨nu.

Ɉeremi 3:1

Yai-Laa woo ka, yɛ diɛ: Hulɔnu a nɛ̨ą kulɔ lɔwɛi, mąąnɛ̨ɛ̨nui ə həɠə ɉilɛ pɔ, ə li ə hee hulɔnu takpɛli nwuɔ̨, akɛti, ɉulɔnu dɔlɔɔ tii a mɔ̨ɔ̨ pənə yɛ li Nɛ̨ɛ̨nui tii pɔ? Kpaa-o! Kɛlaa, yɛ́ Israɛlə; yɛ́i ŋɛ̨i yáá hvilɛn nu tamąą pulu, yɛ́ nwɔ̨nɔ̨ ə́ pənə ə́ pa bɔ́? Ɲą́ą́ Yai-Laa nwóó li!

Ɉeremi 3:6

Ɉosiasə nwɔ tɔɔlaa yələ, Yai-Laa ə kɛ maa: Israɛlə tii aa lənə mą́ą́, mɛ̨nįi aa gɛ, yáá nąą kaa! Yaa tii ə kɛi lia li yee tɔɔ kəlee nwuɔ̨, diɛ laa la, da wulu laa hu wiaɠaa kəlee mu.

Ɉeremi 3:8

Ɉuda ɲɛ̨i heɛ kɛ mą́ą́, Israɛlə ŋɛ̨i aa nwóó lɛɛ, gɛ́, kuɔ hilɛtaai taɠa towələ tɛɛ bɔ, gɛ gbɛ, yɛ nąą kaa. Ɉuda yii gaa a gaayɔwɔ, yai hvo nwoo pulu, yili hvo mąą kpɛlin. Yaa kpɛli mąn, ə li ə ɲee too wɛli hon ŋąą hu.

Izikiɛ 16:15

«Kɛlaa ə́ ə́ kili lɛɛ ə́ lɛlɛ pələi ti ɓa; ɛlɛɛ, bələi ə́ laa ə taɠa la, bələ lɔ ɓə ə́ túwɔ pələ ɲɔ̨n gulɔ la. Ə́ nu kəlee ɲɛ̨i kwɛli, wɛli mɛ̨nį hu; ə́ ɓo di yəi.

Izikiɛ 16:25

Yáá haláá kulɔi pɛli pələ taŋan na kəlee ɓa, yɛ́ ə́ wɔ lɛlɛ mąąliɓi laa; yɛ́ ə́ kɔ́lɔ tɛɛ tɛɛ bələi nuą́ kəlee pɔ, yɛ́ ə́ wɔ túwɔ pələ ɲɔ̨n hu wiɛ la.

Izikiɛ 16:26

Ə́i kpɔɔ tɛɛ Eziptə nuą pɔ wɛli mɛ̨nį hu, da ə́ kwɛlɛ lɔi hu nuą́ koloon gbɛa kpɛai tii. Ə́i wɔ túwɔ pələ ɲɔ̨n hu wiɛ tii, yɛ́ níi kələn gwə́i.

Izikiɛ 16:28

Yili hvo ə́ pilɛ, ə́ too nwɔ̨nɔ̨ Asiri nuą pɔ ka diɛ ni ka túwɔ pələ ɲɔ̨n gulɔ; pələi mąn ə kɛ la tii, yili hvo ə́ pilɛ.

Izikiɛ 16:41

Di kaa pai ə́ wɔ pɛlɛ́ɠaai kələn ɉii; di kaa pai giti hu wooɠaai tii pɔ mɛ̨nį kɛi yɛ́ nɛ̨ąą kpulu kɛnɛ̨ɛ ɲɛ̨i ɓa. Gáá pai ə́ wɔ wɛli hon ŋąą kpɛɛi, hva kɛa pɛli wali tɛɛi a nuą́ hvɛla.

Izikiɛ 23:19

Ə nwɔ wɛli honŋąą hu wiɛ; yɛ gili ɲąą hiɛ la ti gbɛla yələ ɓa, ɓɛlɔwai ə kɛi wɛli hon na Eziptə lɔi hu.

Izikiɛ 23:44

Nuą da li bɔ, yɛ bələi nɛ̨ɛ̨nui aa wɛli mɛ̨nį kɛ kóló, nuą da li la bɔ. Bələ ɓə nuą da li la Ohola da Oholiba di pɔ; nɛ̨ąąi tii, nwumɛ̨ hvo kɛa diɛ.

Izikiɛ 23:5

Ohola ə too wɛli honŋąą hu; hvo lɛɛ ɲə́i; nii mu ə həɠə kɛnɛ̨ nwɔ wɛliɠaa pɔ; diɛ ɓaa a Asiri nuą, diɛi a gwɛlɛ nuą.

Osia 2:5

A wala gɛ tii, gáá pai həɠə kulɔi mą, ə lɛɛ a gbuwulu, gɛ́ nɛɛ lɔ yɛ bələi wɔlɔ ə kɛ la a gaa yələ. Ŋį́ gɛ yɛ lɔi pun, ŋį́ gɛ yɛ gbali a kələn, gɛ́ gɛ, yɛ haa la a kpələ wɛli.

Osia 3:3

Gɛ́ mą: «Ə́ kaa pai lɛɛi a ɉukwɛaa. Hvá wɛli hon, hvá ə́ kpɔwɔ tɛɛ hulɔnu takpɛli pɔ, ɲą́ą́ gbɛli mąn bələ lɔ ɓə gáá pai túwɔi la a yɛ́.»

Osia 4:15

Yii kpɔ yɛ́, Israɛlə, yá kɛ wɛli hon ɉii, Mąą hvo nɛ̨ɛ̨li Ɉuda yaa kpɛlimąn, hvo tɔɔ yɛ ɉɔn gɛ. 'Ka hvo li Gilgalə, 'ka hvo tɛ Bɛtə-Awɛn, 'ka hvo ka kwɛla, kaa kɛ diɛ: «A kɛ kpɔ Yai-Laa kaa a vulú.»

Levetekɔ 20:10

«Nui a laa a mɛlan nɛ̨ą, da nu hveelɛi tii paa.

Levetekɔ 21:9

«Haláá laa həli mun lon nɛ̨ɛ̨nu a gbɔwɔ kɛ a wɛli kɛmun, a gbɔwɔ ɓɛlɛ too, ɛlɛɛ aa nąn mɛlɛ too; mąąnɛ̨ɛ̨ di gələn.

Lomaŋ 14:22

Mɛ̨nį kɔlɔnŋąąi ə́ ɉɔlɔɓo laa na laa hu, yii lɛɛ ə́ kwəi ka Yálá ka lɔwai. Nui kiliŋąhiɛ pələ hva ɉɔn gaa mą, mąą nu nwun na nɛ̨ɛ̨i.

Dutɛrɔnome 24:16

Di hvo lon gaa nąn baa non mąą mɛ̨nį hu, di hvo lon baa nąn mąą mɛ̨nį hu. Nu kəlee ə haa a gbɔwɔ nɛ̨ŋɛ̨n naa pɔɔ.

Nwun mąąɓo 19:2

Nwɔ wɛlii tii ə mowo, ə li nąn bɔ Bɛtleɛmə Ɉuda lɔi hu, ə ɲąnin nąąn gɛ laa.