Zɛnɛse 37:9 - Yálá laawoo hɛɓɛ (dc)

⁹ Ɉosɛfə ə pənə nwɔ̨nɔ̨ ə hįį takpɛli kaa, ə li nwɔ̨nɔ̨ ə ɉukulɔ niɛni diɛ, yɛ diɛ: «Ŋą́ą́ nwɔ̨nɔ̨ hįį kaa, ŋį́ hvóló kaa, ɲąnin da pɛmɛ̨lɛ̨n-gɔw pow kɔ́w tanɔ̨n, di pa di pɛlɛ gɔ́wɔ́ mu.»

Yálá laawoo hɛɓɛ

⁹ Ɉosɛfə ə pənə nwɔ̨nɔ̨ ə hįį takpɛli kaa, ə li nwɔ̨nɔ̨ ə ɉukulɔ niɛni diɛ, yɛ diɛ: «Ŋą́ą́ nwɔ̨nɔ̨ hįį kaa, ŋį́ hvóló kaa, ɲąnin da pɛmɛ̨lɛ̨n-gɔw pow kɔ́w tanɔ̨n, di pa di pɛlɛ gɔ́wɔ́ mu.»

Bible

⁹ È ŋɔ́nɔ see da kpɛ́ni ƃò, é mó ǹîa-ni dîa ǹyɛɛi, “Ŋá see da kpɛ́ni ƃò. Vóloi da ŋ̀áloŋ é pɛ́lɛ pɛ̂mɛlɛŋ-kao puu káo tɔnɔ̀ɔi mâ dí kɛ̀ pɛlɛ̂i ŋ́gɔɔ mu.”

Zɛnɛse 37:9 ပူးပေါင်းရင်းမြစ်များ

Zɛnɛse 20:3

Kɛlaa, kpinįi, Yálá ə gbɔwɔ lɛ Abimelɛkə ɓa hįį pələ, yɛ mą: «Nɛ̨ɛ̨nui ŋɛ̨i ə́ ɉəɠə, hilɛ kaa mą, ya wala nɛɛ laa, ə́ kaa pai haai mąą mɛ̨nį ɓa.»

Zɛnɛse 37:10

Ə li ə ɉįi tɔ̨nɔ̨i tii hukulɔ nąn ma, nąn ə haŋą mą, yɛ mą: «Hį́i ləi ɓə ŋɛ̨i ə́ gaai? Gaa ə́ kwəi, ku kaa pai pɛlɛi ə́ kɔ́wɔ mu a yələ ta, ɲą́ą́, ə́ lee, ɛlɛɛ ə́ liɛni?»

Zɛnɛse 37:7

Ə haa kɛ yɛ gwa kɛ yɛa ta, guɔ mɔ̨nun dee. Nwɔ́ mɔ̨nun gɔn ə haŋą ə tɔɔ, ka wɛiɠaai kəlee di pa di pɛlɛ nwɛ́i kɔ́wɔ mu.»

Zɛnɛse 37:8

Niɛni diɛ mą: «Gaa ə́ kwəi ə́ kaa pai heei ku mɛ̨i, ə́ ku ɲąąwooɓo?» Nwɔ wɛli kpɛɛ mąąlaa ta ə pɛlɛ nwɔ̨nɔ̨ mą niɛni yəi, ɉįi tii ə gaa ə ɉukulɔ diɛ, mąą mɛ̨nį ɓa.

Zɛnɛse 41:25

Ɉosɛfə yɛ tɔɔmun ma: «Ə́ wɔ hįi hveelɛi ŋɛ̨i, mukulaa kaa lɔ tɔ̨nɔ̨. Mɛ̨nįi pai kɛi, ya ka tii Yálá kaa ə́ kili pui ɉu Nąąlɔwai tɔwɔ.

Zɛnɛse 41:32

Mɛ̨nį tɔ̨nɔ̨i tii, ə lɛ yɛ́ hįi hveelɛ hu, ə gɛ, ə́ gɔlɔn yɛ diɛ mɛ̨nį Yálá kaa pai gɛi, nwalawalaai, ɛlɛɛ, ɉu hvo kwɛa li.

Zɛnɛse 42:6

Ɉosɛfə ɓə kɛi Eziptə lɔi ɲąą woo ɓo, ya ɓə kɛi mɔ̨nun nɔwɔtɔɔ nwɛ̨ąą diɛ. Niɛni di pa, di pɛlɛ nɔi ɓa gɔwɔ mu.

Zɛnɛse 43:26

Ɓɛlɔwai kpɔlɔ Ɉosɛfə ə paa la, di nɛɛ mą di ɉąmą tiyɛ̨ɠąąi tii kulɔ, di lɛɠɛ mą di pɛlɛ gɔwɔ mu.

Zɛnɛse 43:28

Diɛ mą: «Ə́ wɔ tí mun, kaa laa kpɛli.» Di pənə di pɛlɛ nɔi ɓa kpɔ a ɉu kwɛa Ɉosɛfə kɔ́wɔ mu.

Zɛnɛse 44:14

Ɉuda da mɛlaani di pənə di pa Ɉosɛfə pɔ, yili heɛnii ɲəi bɛlɛ́n, di kəlee di pɛlɛ nɔi ɓa gɔwɔ mu.

Zɛnɛse 44:19

Ku paa ɓɛ, ə́ ku mąąnikɛ tɔlɔɔ, yɛ́ kuɔ: ‹Ka nąn gaa laa?› Ɛlɛɛ, ‹Ka ləɠə kaa laa?›

Zɛnɛse 45:9

«Yii hu, ka pənə kpɔlɔɔ tii ɉa, ka li, kaa ną́n mai: ‹Ə́ lon Ɉosɛfə ɓə nwɛlɛɛ ŋɛ̨i tɔɔ, yɛ diɛ: Yálá aa gɛ́ a Eziptə lɔi ɲą́ą́ wóó ɓomun gɛ̨nɛ̨, yɛ́; ə́ ə́ mąą hvulɔ, ə́ pa ɉa.

Zɛnɛse 46:29

Ɉosɛfə ə nwɔ hooi kpulɔn nwotolo ɓa yɛ li nąn nąąkwiɛn ɉii. Yii kɛa ə nąn gaa, ə nɛ̨nɛ̨ɓo, di wolo di kee ɓa, di wɔlɔ kpɔ a ɉu kwɛa.

Zɛnɛse 47:12

Ɉosɛfə ə kɔ̨nɔ̨n dɛɛ nąn da niɛni di pɔ, yɛ bələi di kɛ la bɔ.

Danîa 8:10

Mįnɛ̨ lon tii ə kwɛa yɛ tɛ yələkɔlɔn ma. Tɛi tii ə mo laa, ə yələkɔlɔn ɉu hɛnŋaa bələ tɔ̨nɔ̨ da pɛmɛ̨nɛ̨n gɔw bələ, tɔ̨nɔ̨ kulɔ ə bu nɔi ɓa, ə tɛ di mɛ̨i.

Lonon mo 12:6

Yɛ diɛ: «Ka ka wəli tɔɔ nwóó ɓa. Nu ta a kɛ ka lɔwai a gwə́i mɛ̨nį hukulɔ mun, ɲą́ą́ Yai-Laa, ŋą́ gbɔ́wɔ́ lɛ hįį pələ, gɛ́ mɛ̨nį ɓo mą.

Filipə 2:15

Ə gɛ ka kɛ a nuąi hɔn və diɛ, ka kɛ a Yálá lonni leelee, yiiɠaai di mąą kulɔi hvo diɛ yɛnɛ̨ɛ̨, hulu nuą da nu ɲɔ̨nwɔ̨ɔ̨ɠaa lɔwai. Mąąnɛ̨ɛ̨ ka lən di lɔwai yɛ yələkɔlɔn ɉu pɛmɛ̨lɛ̨n-gɔw.