Zɛnɛse 37:8 - Yálá laawoo hɛɓɛ (dc)

⁸ Niɛni diɛ mą: «Gaa ə́ kwəi ə́ kaa pai heei ku mɛ̨i, ə́ ku ɲąąwooɓo?» Nwɔ wɛli kpɛɛ mąąlaa ta ə pɛlɛ nwɔ̨nɔ̨ mą niɛni yəi, ɉįi tii ə gaa ə ɉukulɔ diɛ, mąą mɛ̨nį ɓa.

Yálá laawoo hɛɓɛ

⁸ Niɛni diɛ mą: «Gaa ə́ kwəi ə́ kaa pai heei ku mɛ̨i, ə́ ku ɲąąwooɓo?» Nwɔ wɛli kpɛɛ mąąlaa ta ə pɛlɛ nwɔ̨nɔ̨ mą niɛni yəi, ɉįi tii ə gaa ə ɉukulɔ diɛ, mąą mɛ̨nį ɓa.

Bible

⁸ Ǹîa-ni dí mò ma dîyɛɛi, “Ƃa ŋ̀wɛ̂lii í kɛ́ kúmɛi a kâloŋ?” Dí gbɔ̀ara kpɔ́ a ŋánaa ŋɔsee-wooi mɛni ma da ŋ̀óo-ŋai.

Zɛnɛse 37:8 ပူးပေါင်းရင်းမြစ်များ

Zɛnɛse 27:41

Ə həɠə ɲələ ɓa, Esau da Ɉakɔbə di hvo kɛ nɛ̨ɛ̨li, núwɔ́ nwuɔ̨ mɛ̨nįi tii ɓa. Esau ə gili tee gwəi pələ yɛ: «Ną́n a pa kulɔi taai, ɉaa mɛ̨i ɓə ŋą Ɉakɔbə paa laa.»

Zɛnɛse 37:4

Ɉosɛfə niɛni di gaa diɛ, di nąn aa di ləɠə wɛli la kɛ aa dɛɛ diɛ. Ɉosɛfə wɛli ə kpɛɛ niɛni diɛ ə tɛɛ gɛi ɓa. Di hvo kpɛli kɛi nwɔ mɛ̨nį lɛlɛɛ ɓo.

Zɛnɛse 37:9

Ɉosɛfə ə pənə nwɔ̨nɔ̨ ə hįį takpɛli kaa, ə li nwɔ̨nɔ̨ ə ɉukulɔ niɛni diɛ, yɛ diɛ: «Ŋą́ą́ nwɔ̨nɔ̨ hįį kaa, ŋį́ hvóló kaa, ɲąnin da pɛmɛ̨lɛ̨n-gɔw pow kɔ́w tanɔ̨n, di pa di pɛlɛ gɔ́wɔ́ mu.»

Zɛnɛse 42:10

Ɉosɛfə niɛni diɛ mą: «Kpaa-o! Ku wɔ mɛ̨nį nąmu, ku pa lɔ kɔ̨nɔ̨n ɲai.

Zɛnɛse 44:18

Ɉuda ə lɛɠɛ Ɉosɛfə ɓa, yɛ mą: «Nwɔ́ mɛ̨nį nąmu, ka nɔi ŋɛ̨i hutɔɔmun ka pɛliɛi, gɛ́ ə́ hvaa mą, ŋį́ hvaa ə́ pɔ, ə́ lii hvo holi bɔ́.

Zɛnɛse 49:26

Núwɔ́i ə́ nąn ə doo yɛ́, nwun naŋįnŋąąi, tɔwɔ-tɔwɔ yeeɠaa di wɔ lúwɔ́ mɛ̨i, gɛnɛ̨i dɛɛ ɲeeɠaai wɔlɔ nwɛli kaa nuą diɛ mą. Ɉosɛfə, ə́ nąn nwɔ lúwɔ́ ə yɛɛ ə́ mɛ̨i, ə ə́ kɛ a laa mąą mun ə́ kaayɔwɔɠaa lɔwai.

Zɛnɛse 50:18

Yili pulu, niɛni kpinįi, di pa, di pɛlɛ gɔwɔ mu, diɛ mą: «Kwaa lɛɛ a ə́ wɔ luwɔɠaa.»

Mąątɛ̨nɛ̨ 118:22

Gwɛnii bɛlɛ́ tɔɔ nuą di lənə mą, ya ɓə kɛ a bɛlɛ́ nwun ɉon gwɛni.

Lɛɛ gbɔwɔ ɓa 2:14

Yili yɛ Moisə ɓa: «Gbɛɛ ɓə ə́ kɛ a ku lɔwai mɛ̨nįɠaa hutɔɔmun? Gaa ə́ kwəi bələi ti wɛi ə́ Eziptə mun ti paa la, ə́ kaa pai báái ti?» Yii kɛa Moisə ə gaa yɛ nuą kili aa pu mɛ̨nįi ti hu, ə ɲɔw.

Lukə 19:14

Kɛlaa, nwɛli hvo kɛ nwɔ lɔi hu nuą diɛ; di kɛla tɔɔ bulu, diɛ mą: ‹Ku hvo bɔ ɉulɔnui ŋɛ̨i ŋą tɔɔlaa pɔ.›

Lukə 20:17

Kɛlaa, Jesus ə ɲɛ̨i hee diɛ yɛ diɛ: «Nwoo ŋɛ̨i Yálá laawoo hɛɓɛ́ ə mo mukulaa ɓaa lə? Yai ə kɛ mą: «‹Gwɛnii pɛlɛ́ tɔɔ nuą di lənə mą, yaamun mə a bɛlɛ kɔ́wɔ hvilɛn gwɛni leelee.›

Gɛlaɠaa 7:35

«Moisə tanɔ̨n ti di lənə mą, diɛ kɛ mą: ‹Gbɛɛ ɓə ə́ kɛ a ku nwun nąmu da ku kiti tee mun!› Yaa lɔ ɓə Yálá ə pənə ə dɔɔ, ə kɛ a di nwun nąmu da di nwun mąąɓomun, malaka ti gɔwɔ lɛ mą nwɔ̨n nən ɉu, nwɔ kpɔnmąą háálai.

Dutɛrɔnome 33:16

Ɉɛnŋąą kpɔ nɔi laahvɛɛ, a nɛlɛ-lɛlɛɛ a ɉɔlɔɓo. Nui ŋɛ̨i gbɔwɔ lɛ gala nwun ma nwɔ̨n nən ɉu, ə ɲɛ̨i lɛlɛɛ hee yɛ́, ə pa ə hee Ɉosɛfə nwun na, yaai kɛ a niɛni nwun nąmui.

Hebreu 10:29

Gu hvomun kɛ, nui a Yálá lon mąą mɛ̨nį too gɔwɔ pɔ, mįnɛ̨ nįnɛ̨ ɲąmąi ŋɛ̨i pu, nɛ̨ŋɛ̨n nwaa mɛ̨nį ɓa, ə yili hviiɓo, ə ɓáá kulɔ nɛ̨ɛ̨laai a həɠə Kili-Mąąhəɠɛɛ pɔ, mą, ká wɔɔ kwəi, ŋą mɔ̨nɔ̨i hva kɛnɛ̨ kpɔ ə tɛɛ gɛi ɓa?

Samuɛlə dɔlɔɔ 10:27

Kɛlaa, nu kpoloonŋaa di kɛi kɛ diɛ: «Yii a pɛli gu nwun mąąɓoi ləi?» Di kɛi viiɓo, di hvo mąąpu. Kɛlaa, nwɛi, yili hvo kɛ mą a mɛ̨nį ta.

Samuɛlə dɔlɔɔ 17:28

Davidə niɛ nu pɔlɔ Eliavə ə Davidə woo mɛ̨n, ɓɛlɔwai Davidə da nuą di kɛi nono kɛ la. Níi ə holi nəɠə pɔ, yɛ mą: «Lə ɓə mun ə́ pa ɓɛ gɛi? Gbɛɛ ɓə ə́ daatɛlɛɛ logoloi tii lɛɛ ɲəi nɔi pun ɉu? Ŋą́ ə́ kɔ́lɔn, ə́ kaa wúu; ə́ wɔ kiliŋąhiɛ hvo lɛlɛ li, gɔ́ naa kaa mɛ̨nį ɓə ə́ paa la.»

Samuɛlə dɔlɔɔ 18:8

Saulə lii ə holi kpɔ kɛnɛ̨, nwələ woo tii ə nwąną ma, yɛ kɛ diɛ: «Daa waa pow tɛɛ Davidə pɔ; ə lɛɛ, ɲą́ą́n diɛ waa tɛɛ bɔ́. Lə kpɔ ɓə kɛa lɛɛ pulu Davidə yəi, ə kulɔ dɔɔlaa pulu!»