Zɛnɛse 37:35 - Yálá laawoo hɛɓɛ (dc)

³⁵ Ɉakɔbə lonnii kəlee di pa, di nąn ɲɛ̨i kpalai, kɛlaa, nii hvo pɛli laai. Mąąhɔlɔɓo, ə kɛi kɛ mą: «Gáá lɛɛi nón ɉaa wɔlɔ ɓoi, ə lɛɛ ɉu, ŋį́ həli mą ɲąmuątaa.» Ə kɛ lɔ wɔlɔ ɓa, yɛ mo.

Yálá laawoo hɛɓɛ

³⁵ Ɉakɔbə lonnii kəlee di pa, di nąn ɲɛ̨i kpalai, kɛlaa, nii hvo pɛli laai. Mąąhɔlɔɓo, ə kɛi kɛ mą: «Gáá lɛɛi nón ɉaa wɔlɔ ɓoi, ə lɛɛ ɉu, ŋį́ həli mą ɲąmuątaa.» Ə kɛ lɔ wɔlɔ ɓa, yɛ mo.

Bible

³⁵ Ǹônii-sinaai da ǹônii-nɛyãai kélee dí dímu sìɣe dí lí a gɛɛ dí ŋ̀á nɛnɛ. Kɛ́lɛ vé fáa ní a gɛɛ dí ŋ̀á nɛnɛ. È mò ǹyɛɛi, “Kpao, ŋa pâi lɛɛ̂i ńoŋ maa wɔ̂lɔ kɛ̂i é lɛ́ɛ la zu ŋá sáa.”

Zɛnɛse 37:35 ပူးပေါင်းရင်းမြစ်များ

Zɛnɛse 25:8

Abrahamə ə pɔlɔ kpɔ kɛnɛ̨, ə ɲąąnɛ̨ɛ̨ kulɔ, yɛ tɛɠa laa nąnni kwɛlɛ.

Zɛnɛse 31:43

Laban yɛ Ɉakɔbə ɓa: «Nɛ̨ąąi ŋɛ̨i ə́ yəi, nónnii ɓaa diɛ, di lonnii tii, nónnii li, daatɛlɛɛɠaa ŋɛ̨i da ɉɛnŋąąi ŋɛ̨i ə́ kaa gaai, gəlee kaa a nwɔ́ɔ́. Yili ɓa, vá pɛli mɛ̨nį ta kɛi a nónnii ŋɛ̨i, ə mą kɛ lonŋąąi daa gaa.

Zɛnɛse 35:29

Isaakə ə pɔlɔ, yɛ tɛɠa lɛɛ laai nąnni kwɛlɛ. Esau da Ɉakɔbə di di nąn now.

Zɛnɛse 42:31

Ku mo mą, kuɔ mą: ‹Ku hvo a nɛ̨nɛ̨ɛ̨n naa nuą, ku kaa a tələnmo nuą.

Zɛnɛse 42:38

Ɉakɔbə yɛ mą: «Kpaa-o! Rubɛn, və́ nón ŋɛ̨i tɛɛi ə́ pɔ hvəli la. Niɛ aa haa, yaa tɔ̨nɔ̨ lɔ ɓə aa lɛɛ ɲə́i. Ka diɛni ka lɛɛ nwɔ̨nɔ̨ ɉiɛ pələi, mɛ̨nį ta a kɛ lai, gáá pai haai a liiholi, ka túwɔ́ hɔn mąą mɛ̨nį ɓa.»

Zɛnɛse 45:28

Israɛlə yɛ kɛa diɛ: «Ɉosɛfə kɛ mɛ̨nį a vulú, gaa a kwəi pili mąą; nón Ɉosɛfə kaa kpɔ ni yɛnɛ̨ɛ̨, akɛtii tɛ̨ą li! Gáá lii ŋį́ ɲɛ̨́i tɔɔ mą, gɛ́ tɛɠa haa.»

Zɛnɛse 48:11

yili pulu, yɛ Ɉosɛfə ɓa: «Gílí hvo kɛa kɛ mą gɛ́ kɛ, ŋą́ ɲɛ̨́i tɔɔ yɛ́, kɛlaa, ya ka, Yálá aa hvaa mą, ŋą́ą́ ə́ kaa, ŋą́ą́ nwɔ̨nɔ̨ ə́ lonnii kaa!»

Samia Veerɛi 12:17

Galanɉonŋaa ŋɛ̨i kɛ ɲəi bɛlɛ́n, di mąąnɛ̨ɛ̨, ə gɛ ə həɠə laani nɔi ɓa. Hvo gɛ hvo muhəɠə, hvo kɔ̨nɔ̨n da lɔpee mįi.

Samia Veerɛi 12:23

Kɛlaa yiihui ŋɛ̨i kɛa nokolo aa haa, ŋą́ hin nɔ kɛa lə ɓa? Gáá mɔ pai pənəi ŋą́ gɛ a vulú? Hvo kɛa pai pənəi hvo pa bɔ́, ɲą́ą́ mun mə pai li bɔ pələ.»

Samia Veerɛi 19:1

Nąąlɔwai, tɔɔmun ɉu ə pu mą, ə tɛ yələi pɛlɛ mu, yɛ wɔlɔ. Gɛɛ lii, ə kɛi kɛ mą: «Ee kə nón Absalɔn! Ee kə nón Absalɔn! Ee kə nón! Ŋą́ li kpɔ haa a yaai tii mąąhvalin. Ee kə Absalɔn, nón ɉulɔnu!»

Kɔlɔnikɔ Maa-ŋuŋ 7:22

Di nąn Ɛfraimə ə di wɔɔ mąąwɛli hee ɓo hvóló tamąą yee mu. Ɛfraimə gaayɔwɔɠaa di pa diɛ ɲɛ̨ikpala.

Zôo 2:11

Ɉobə mɛlaa haaɓa di mɛ̨nįɠaai ti bələ mɛ̨n. Di həɠə di pɔ nɔiɠaa, diɛ pa di woo pilii mą. Elifazə ə həɠə Teman; Bildadə ə həɠə Sua; ɛlɛɛ Sofarə ə həɠə Naama. Di kəlee di pɛli ɉu, ə gɛ di pa di Ɉobə nwɔ mąąwɛli hee ɓo, di niilaa.

Mąątɛ̨nɛ̨ 77:2

Yálá ɓə gáá dəlii, gɛ́ tómą, Yálá ɓə gáá dəlii, yɛ nwəli tɔɔ nwóó ɓa.

Mąątɛ̨nɛ̨ 77:3

Ɓɛlɔwai mą́ą́ a wɛli lai, Ną́mu Yálá ɓə ŋą́ ɲɛ̨ilaa kwɛli. Gɛ́ ɲéé hąŋąn bɔ pələ, kwiihɛ̨ą, ɛlɛɛ, vįi hva kpɛɛ, gɛ́ lənə gbɛla ɓo woo kəlee ɓa.

Ikilisiati 9:10

Yii kpɔ ə́ yee a pɛli mą, gɛ a huwalawalai gaa ə́ yəi. Mąąhɔlɔɓo, ɓɛi ə́ kaa pai lii laa haaɓɛlaataa, kóló hvo laa, mɛ̨nį dɛ̨ą kwɛliɛ hvo laa, mɛ̨nį kɔ́lɔn ŋąą hvo laa da kili mɛ̨nį.

Ɉeremi 31:15

Yai-Laa woo ka, yɛ diɛ: Gboo təli woo kaa tɔɔi Rama, gaa a mąąwɛli wɔlɔ woo. Rasɛlə ɓə nonnii wɔlɔ ɓoi, hvo nwəli tɔɔi naapilɛ nuą woo ɓa. Mąąhɔlɔɓo, nonnii di hvo lɛɛ li.