Zɛnɛse 36:8 - Yálá laawoo hɛɓɛ (dc)

⁸ Esau ə hee Seirə ɲee hu. Esau ɓaa a Edɔmə.

Yálá laawoo hɛɓɛ

⁸ Esau ə hee Seirə ɲee hu. Esau ɓaa a Edɔmə.

Bible

⁸ Nya ƃe Isɔɔ è sèe Idɔŋ lɔii ǹyée kɛ̂i pere.

Zɛnɛse 36:8 ပူးပေါင်းရင်းမြစ်များ

Zɛnɛse 14:6

Yii ɓaa Hori nuą di wɛi, di yee ə tɛɛ diɛ di pɔ taai, Seirə ɲeeɠaa ɓa, di lɛɛ di pulu də li Eilə-Paran ɲɛ̨ą lɔi kwɛlɛ.

Zɛnɛse 25:30

Esau yɛ Ɉakɔbə ɓa: «Ną́n nɛ̨ɛ̨ yɛ́, dɔwɔi ŋɛ̨i ta hvə ŋį́ mį́i, mąąhɔlɔɓo, pulu aa ɓɔ ɉú.» Mɛ̨nįi gɛ diɛ Esau laa hee a Edɔmə yaa li, Edɔmə mukulaa ɓaa: «Mukpɔluɔ.»

Zɛnɛse 32:3

Ɉakɔbə ə di kaa lɔ, ə tómą kpɔ kɛnɛ̨, yɛ diɛ: «Yálá nwɔ kɔ́ ɓuwu la ka» ə gɛɛnąąi tii laa hee a Mahanaimə.

Zɛnɛse 32:4

Ɉakɔbə ə wɛlɛɛ tɔɔ niɛ Esau pɔɔli, Seirə lɔi hu, Edɔmə ɲɛɛ kɔ́wɔ hu.

Zɛnɛse 36:1

Esau nu huwu laa ka: Esau laa ta ɓaa a Edɔmə.

Zɛnɛse 36:43

Magdiɛlə yɛ ɓo a pɛlɛ́ nąmu, Iramə yɛ ɓo a pɛlɛ́ nąmu. Edɔmə yəi bɛlɛ́n. Nuąi kɛ a pɛlɛ́ nąmįną, di laa ka tii, da di kɛiɠaa, da lɔi di kɛ ɉu heeni. Bələ ɓə Esau ə kɛ la a Edɔmə nuą di kalaɓɔlɔ.

Zɛnɛse 36:9

Esau nu huwu laa ka, yai a Edɔmə nąn di kalaɓɔlɔ, ə pa ə hee Seirə ɲee hu.

Kɔlɔnikɔ Maa-ŋuŋ 4:42

Simeɔn nwɔ pɛlɛ́i mu nuą taɠaa, di kɛ a nu nwun nɔɔli, di Edɔmə ɲee hu lɔi hɔlɔɓo, Yisei lonnii nąąn bɔ pələ; diɛ ɓaa: Pelatia, Nearia, Refaya da Uziɛlə.

Kɔlɔnikɔ Veerɛi 20:10

Yii hu, Amɔn nuą, Moabə nuą, da Seirə yee hu nuą kaa lə kɛa, diɛ kɔ́ pɛlɛ kuɔ. Ɓɛlɔwai Israɛlə nuą di kulɔ la Eziptə lɔi hu, hvó kɛ hvaa li mą, Israɛlə hvo tɛɛ di wɔɔ lɔi hu, hvo di hu kala.

Kɔlɔnikɔ Veerɛi 20:23

Amɔn nuą da Moabə nuą, di tinɛ̨n di pɛlɛ Seirə ɲee hu nuą diɛ, diɛ di paa, diɛ di hukala. Yii kɛa di Seirə nuą paa di di kpɛɛ, di tínɛ̨n kɛa, diɛ di kee paa.

Ɉeremi 40:11

Ə mą kɛ, Ɉuda nuąi Moabə lɔi hu, Amɔn nuą lɔwai Edɔmə da nɔi kəlee hu; di bələ mɛ̨n diɛ kɛ Babilonə tɔɔmun aa kɛ nuą lɛɛ Ɉuda lɔi hu; ɛlɛɛ, aa kɛ Ahikamə lon Gedaliasə, yai kɛ a Safan lon ɉee, yɛ ɲɛ̨i kɛ nɔi ɓa.

Abdiasə 1:1

Mɛ̨nįi Abdiasə ə gaa. Mɛ̨nįi Nąmu Yai-Laa ə mo yɛ hvilɛn na Edɔmə lɔi ɓa, ya ka, yɛ mą: Kwaa wɛlɛɛ ta mɛ̨n yɛ həɠə Yai-Laa pɔɔli, daa wɛlɛɛ ɓomun da tɔɔ hį́i takpɛliɠaa pɔ, nwɛlɛɛ ɓomun tii, ku nwoo mɛ̨n, yɛ kɛ mą: «Yai-Laa yɛ diɛ: ‹Ka ka muhəɠə! Ka gu gu muhəɠə! Ka gu kɔ́ pɛlɛ Edɔmə lɔi ɓa.›»

Abdiasə 1:3

Ə́ wɔ huɲąŋą kɛnɛ̨ lalan bilɛɛ aa ə́ ɓowo, yɛ́i ə́ mąą tinɛ̨n ŋąą a kwɛni hįį, nu ta yee hvaa tɛɛ laa yɛ́. Ə́ heɛ mɔ̨ɔ̨ tii laa, ya kɛ kɛi ə́ kpɔwɔ ɓa: «Gbɛɛ ɓə pai gúlɔi ɓɛ?»

Malasi 1:3

ɛlɛɛ, ɲee ɓa lɔiɠaa ŋɛ̨i Edɔmə nuą kaa heeni ɉu, ŋą́ di kpɛ laa, kilitɔɔmąą hvo kɛa laa, ŋą́ą́ di wɔ lɔi kwɛlɛ nɔi pun ɉu lɔwɔ-yilɛɠaa diɛ.

Dutɛrɔnome 2:22

Bələ lɔ ɓə Yai-Laa ə gɛ la a Esau lonnii diɛi tii heeni Seirə lɔi hu. Yai-Laa ə Hori nuą paa di ɲɛ̨i tɔwɔ. Esau lonnii di nɔi kulɔ Hori nuą yəi di hee laa, aa lɛɛ ɉu háákələi yələ aa həli la.

Dutɛrɔnome 2:4

'Mo nuą diɛ, yɛ́ diɛ: «Ka kaa pai tɛɛi ka kaayɔwɔɠaa di wɔ lɔi hu, diɛi ɓaa Esau lonnii diɛi heeni Seirə yeeɠaa diɛ. Di kaa pai ɲɔwi kaa, kɛlaa ka gɛ a nɛlɛɛ;

Dutɛrɔnome 2:5

Ka hvo kɔ́ pɛlɛ diɛ. Mąąhɔlɔɓo, və́ pai hɛn da lɔpee tɛɛi ka pɔ di wɔ lɔi hu a ka wɔɔ, ə mą kɛ ka kɔ́wɔ hvilɛn ɉii tɔ̨nɔ̨ ɓə. Mąąhɔlɔɓo, Esau ɓə ŋį́ Seirə yeeɠaa tɛɛ bɔ a nwɔɔ.

Zasua 24:4

Ŋį́ Ɉakɔbə da Esau di tɛɛ Isaakə pɔ. Ŋį́ Seirə yee tɛɛ Esau pɔ a ɉee lɔi, Ɉakɔbə nwɛi, da nonnii də li Eziptə lɔi hu.

Samuɛlə dɔlɔɔ 14:47

Dɔɔlaa hɔlɔɓoi Saulə ə mo Israɛlə lɔi hu, ə kɔ́ pɛlɛ ɲowoɠaai kɛ gwɛ diɛ, diɛ ɓaa: Moabə lɔi, Amɔn lɔi, Edɔmə lɔi, Sova tɔɔɓɛlaa, Filisti nuą. Gɔ tɛitɛi kəlee hu, ə kɛi nɛɛ Saulə ɓa.