Zɛnɛse 35:24 - Yálá laawoo hɛɓɛ (dc)

²⁴ Rasɛlə nwɔ lonnii di kɛ hveelɛ, diɛ ɓaa: Ɉosɛfə da Bɛnɉamɛn.

Yálá laawoo hɛɓɛ

²⁴ Rasɛlə nwɔ lonnii di kɛ hveelɛ, diɛ ɓaa: Ɉosɛfə da Bɛnɉamɛn.

Bible

²⁴ Leesɛ ǹônii-sinaai ká ŋí. Zosɛ da Bɛŋsima.

Zɛnɛse 35:24 ပူးပေါင်းရင်းမြစ်များ

Zɛnɛse 42:4

Ɉakɔbə hvo hvaa mą, Ɉosɛfə nəɠə Bɛnɉamɛn hvo lɛɛ niɛ ni pulu di hvo li. Ɉakɔbə ə kɛi giliŋąhiɛ, yɛ kɛ mą: «Gáá Ɲɔwi, gɛ́, mɛ̨nį ta hvo pa laa nwɔ̨nɔ̨ Bɛnɉamɛn ɓa.»

Zɛnɛse 43:29

Ɉosɛfə ə ɲɛ̨i hee bulu ləɠə kpɔ-kpɔɔ Bɛnɉamɛn ɓa, yai da yaa di lee kaa tanɔ̨, yɛ diɛ: «Ka ləɠəi hiɛ ka kɛi mąą mɛ̨nį ɓo, ya ɓəi?» Ɉosɛfə yɛ Bɛnɉamɛn ɓa: «Nón, Yálá ə lúwɔ́ too yɛ́.»

Zɛnɛse 43:34

Ɉosɛfə kpinįi ɓə nu kəlee kɔ̨nɔ̨n naa ɲəi ɉɛnɲąŋą hu. Ə nəɠə Bɛnɉamɛn nwɛi ɉuwɔ kɛ mɛ̨i gee mɛ̨i lɔɔli ə dɛɛ niɛni di wɛi ɓa. Da diɛni di lɔɔ kpələ gee ɓa yɛ pələi di kaa la bɔ.

Zasua 16:1

Ɉosɛfə lonnii di wɔ lɔi ə kɛi həɠə Ɉurdɛn ɓa, Ɉeriko kwɛlɛ pələ, yaa kpɔ ka tii a nɔi pun ŋɛ̨i həɠə Ɉeriko yɛ tɛ Betɛlə yee ɓa,

Zasua 18:11

Gbɛɛn bilii di mo, Bɛnɉamɛn huwu laa ə kulɔ a gwəliɠaa laa; nɔi lɛɛ di yəi a di hee lɔi, ə kɛ Ɉuda lonnii da Ɉosɛfə lonnii di wɔ lɔi lɔwai.

Nwun mąąɓo 5:14

Nuąi di yee ə tɛɛ Amalɛkə nuą diɛ, di həɠə Ɛfraimə lɔi hu, Bɛnɉamɛn nu huwu di hvilɛn di pulu, di humo a di kee. Makirə yəi bɛlɛ́n nuą, di kɔ́kulááɠaa kulɔ, Zabulɔn nu huwu, ɲɛ̨itɔwɔ nuą kulɔ, tɔɔ-tunwɔ̨n ə ɓo di yəi.

Rutə 4:11

Galanɉonŋaa da nuąi kpɔ kɛ laa, gəlee diɛ mą: «Kwaa kɛ a gɛla. Di lúwɔ́ too Boozə ɓa diɛ mą: Nɛ̨ɛ̨nui ŋɛ̨i háákələi pai lɔi ə́ yəi bɛlɛ́n, Yai-Laa ə lúwɔ́ too mą; gɛ́ pələ ə kɛ yɛ Ɉakɔbə nɛ̨ąni hveelɛi: Rasɛlə da Lea. Diɛ ɓə Israɛlə nu huwu hɔlɔɓo. Yai-Laa ə ə́ yee laholoon Ɛfrata lonnii lɔwai, ə ə́ laa tɛ Bɛtleɛmə.