Zɛnɛse 35:18 - Yálá laawoo hɛɓɛ (dc)

¹⁸ Ɓɛlɔwai Rasɛlə ə kɛi pa haai la, ə nokoloi tii laa hee a: Bɛn-Oni, mukulaa ɓaa: «Nwɔ́ mɔ̨nɔ̨ hu lon.» Kɛlaa, nokolo nąn ə naa hee, a: «Bɛnɉamɛn, mukulaa ɓaa: Ɲéé lɛlɛɛ hu lon.»

Yálá laawoo hɛɓɛ

¹⁸ Ɓɛlɔwai Rasɛlə ə kɛi pa haai la, ə nokoloi tii laa hee a: Bɛn-Oni, mukulaa ɓaa: «Nwɔ́ mɔ̨nɔ̨ hu lon.» Kɛlaa, nokolo nąn ə naa hee, a: «Bɛnɉamɛn, mukulaa ɓaa: Ɲéé lɛlɛɛ hu lon.»

Bible

¹⁸ Tãi Leesɛ è kɛ̀ saa yee tɛ̂i lai, è ǹóŋ-kwatarai láa sèe a Bɛŋoni é lɛ́ɛ saâi. Kɛ́lɛ gwâtarai ǹâŋ è ǹáa sèe a Bɛŋsima.

Zɛnɛse 35:18 ပူးပေါင်းရင်းမြစ်များ

Zɛnɛse 30:1

Ɓɛlɔwai kɛa Rasɛlə ə gaa la yɛ hva pɛli lon ɉɔlɔɓoi, yɛ kɛa tóló kulɔ a niɛ, yɛ ɉilɛ Ɉakɔbə ɓa: «Lón dɛɛ bɔ́ ɲą́ą́ gbɛli, a wala kɛ tii, gáá haai.»

Zɛnɛse 35:17

Yii kɛa gwəinwąną ə kpɔlu, vɛlɛlee kɛ nɛ̨ą, yɛ Rasɛlə ɓa: «Ə́ liikpələ, ə́ lon gaa a hulɔnu nwɔ̨nɔ̨.»

Zɛnɛse 35:19

Rasɛlə ə haa, Ɛfrata bələ pɔ, di noo. Ɛfrata laa ta ɓaa a: Bɛtleɛmə.

Zɛnɛse 35:24

Rasɛlə nwɔ lonnii di kɛ hveelɛ, diɛ ɓaa: Ɉosɛfə da Bɛnɉamɛn.

Zɛnɛse 42:38

Ɉakɔbə yɛ mą: «Kpaa-o! Rubɛn, və́ nón ŋɛ̨i tɛɛi ə́ pɔ hvəli la. Niɛ aa haa, yaa tɔ̨nɔ̨ lɔ ɓə aa lɛɛ ɲə́i. Ka diɛni ka lɛɛ nwɔ̨nɔ̨ ɉiɛ pələi, mɛ̨nį ta a kɛ lai, gáá pai haai a liiholi, ka túwɔ́ hɔn mąą mɛ̨nį ɓa.»

Zɛnɛse 42:4

Ɉakɔbə hvo hvaa mą, Ɉosɛfə nəɠə Bɛnɉamɛn hvo lɛɛ niɛ ni pulu di hvo li. Ɉakɔbə ə kɛi giliŋąhiɛ, yɛ kɛ mą: «Gáá Ɲɔwi, gɛ́, mɛ̨nį ta hvo pa laa nwɔ̨nɔ̨ Bɛnɉamɛn ɓa.»

Zɛnɛse 43:14

Gɛ́ Huwalawala Kəlee Nąmu Yálá ə hvaa mą, ɉulɔnui tii ə ka ɲɛ̨i mąą wɛli kaa, ə Bɛnɉamɛn lɛɛ laa da Simeɔn ka diɛni ka pa. Yii ɓaa nwɛ́i, gíli kaa ɉu gɛ́ diɛ ŋą́ą́ hvɛɠɛ a nón dɔ̨nɔ̨, veelɛ kɛɛnąą ka ŋɛ̨i laŋąn ɉii mą.»

Zɛnɛse 49:27

Bɛnɉamɛn kaa yɛ kwɛ́li, yələwala pɔ, a huwɔ hon ə mįi. Yələwulii pɔ, kɔ́ mɛ̨į hɛn a ɉəɠə, a ŋąąkwɛlɛ.

Kɔlɔnikɔ Maa-ŋuŋ 4:9

Yaebɛsə ɓə ɓɛlɛ ə kɛ mą nąn nonnii lɔwai, ya ɓə gɛ, nee ə naa hee a Yaebɛsə. Nee ə mo yɛ diɛ: «Ŋą́ą́ non ŋɛ̨i hɔlɔɓo mɔ̨nɔ̨ hu.»

Mąątɛ̨nɛ̨ 16:10

Mąąhɔlɔɓo hvó pai nɛ́ɛ́i ɲɔ̨muątaa yee kon ma, hvá ə́ wɔ tí mun lɛɛ kámą hu.

Mąątɛ̨nɛ̨ 80:17

Ɓɛ kaa li, daa gələn, daa dee; ə́ ɲɛ̨i nwɛ̨ɛ̨ pələ diɛ, di nwun na aa pili.

Lɛɛ gbɔwɔ ɓa 12:7

Di ŋąmą hiɛ bɛlɛ́ laaləi mɛ̨i, da gwɛlɛ pələ kəlee hveelɛi, ɓɛi ti da mɛlaa mįi laa bɛlɛ́n.

Woolaa 2:12

Lɛapɛlɛɛ diɛ kɛ di leeni diɛ: «Mįnɛ̨ ɓə kwa kɔ̨nɔ̨n nogolo kpɛli hɔlɔɓo laa ku mįi?» Diɛ too gwəli hąąiɠaa ɓa yɛ da nuą mąą nwąną, diɛ lɛɛ di leeni yee kɔ̨nwɔ̨n ɉu diɛ haa.

Lukə 12:20

«Kɛlaa, Yálá ə mo ɉulɔnui tii ɓa, yɛ mą: ‹Kili kpɛɛ gwəimun! Háákələi, kpinįi ŋɛ̨i hu, ə́ kaa haai. A kɛ tii, ɉɛnŋąą tamąą ŋɛ̨i yáá gbɔn gee ɓa, gbɛɛ nwɔɔ li?›»

Lukə 23:46

Nąąlɔwai, Jesus ə tómą kpɔ a nwoo kɛnɛ̨ yɛ mą: «Nąn Yálá, gáá nį́į́ tɛɛi ə́ pɔ.» Yii kɛa ə yili mo tii, nįį ə kulɔ.

Gɛlaɠaa 7:59

Di kɛɛ Etiɛnə hɔɔi a gwɛni, ə kɛi kpɔlɔ Yálá hvɛli yɛ kɛ mą: «Ną́mu Jesus, ə́ yee hee nį́į́ mu.»