Zɛnɛse 34:30 - Yálá laawoo hɛɓɛ (dc)

³⁰ Ɉakɔbə yɛ Simeɔn da Levi diɛ: «Kaa mɛ̨nį laa mą́ą́, kaa gɛ́ a hɛn ɲɔ̨n nɔi ŋɛ̨i hu nuą ɲɛ̨i ɓa. Diɛ ɓaa: Kanaan nuą da Perizi nuą. Di kaa pai kpɔn ɉii di kee ɓa, di kɔ́ pɛlɛ mą́ą́, ɲą́ą́ ka nu kpulu hvo ɲə́i, di yee kaa pai tɛɛi mą́ą́, di ku huwu pu kwa ɲə́i bɛlɛ́n nuą.»

Yálá laawoo hɛɓɛ

³⁰ Ɉakɔbə yɛ Simeɔn da Levi diɛ: «Kaa mɛ̨nį laa mą́ą́, kaa gɛ́ a hɛn ɲɔ̨n nɔi ŋɛ̨i hu nuą ɲɛ̨i ɓa. Diɛ ɓaa: Kanaan nuą da Perizi nuą. Di kaa pai kpɔn ɉii di kee ɓa, di kɔ́ pɛlɛ mą́ą́, ɲą́ą́ ka nu kpulu hvo ɲə́i, di yee kaa pai tɛɛi mą́ą́, di ku huwu pu kwa ɲə́i bɛlɛ́n nuą.»

Bible

³⁰ Nya ƃe Zeeka è mò Simiɔŋ ma da Liva ǹyɛɛi, “Ka ḿbu mɛni kpɔ̂lu su. Zu-kulai ƃa ka gɛ́ ǹɔii-ƃelai da ŋ́gbɔara nyii-ŋai díkaa a Keena-ƃelai da Pɛriza-ŋai. Ŋánûai dífe táma ní. Ǹyaŋ à kɛ̀ da díŋaa tɛ̀ ma a gɛɛ dí tɔ́ɔ ḿâ, gɛ̀ ní da pâi kúsu karaâi kwa ŋánûai.”

Zɛnɛse 34:30 ပူးပေါင်းရင်းမြစ်များ

Zɛnɛse 12:12

Gílí kaa ɉu gɛ́ diɛ ə́ lɛlɛɛi, gwa lɔ Eziptə lɔi hu, nąą nuą da gɔlɔn diɛ nɛ̨ą ɓaa yɛ́, di kaa pai báái, ə gɛ, ə́ lɛɛ di yəi.

Zɛnɛse 12:2

«Gáá pai ə́ kɛi a hį́i tamąą di nąn. Gáá pai lúwɔ́ tooi yɛ́, ŋą́ ə́ kɛnɛ̨, ə́ kaa pai kɛi a nu takpɛliɠaa di wɔ lúwɔ́ don.

Zɛnɛse 12:6

Abramə ə nɔi tii hu ɓɔ, ə li ɓɛi ŋɛ̨i a More ɲeeɠaa ɓa, Sisɛmə daai. Kanaan nuą ɓə ni kɛ heeni nɔi tii hu.

Zɛnɛse 13:7

Hvóló ta, hvaa ə too Abramə nwɔ taatɛlɛɛ mɛ̨i kaa nuąi da Lɔtə nwɛiɠaai di lɔwai. Gɛɛnąą tɔ̨nɔ̨i tii di kɛ laa, Kanaan nuą da Perizi nuą di kɛ lɔ gɛɛnąą tɔ̨nɔ̨i tii.

Zɛnɛse 34:2

Hivi mun Hamɔrə yai a nɔi nąmu, non Sisɛmə ə Dina kaa, ə wolo mą, ə gɛ, a nɛ̨ą.

Zɛnɛse 34:29

Ɉakɔbə lonnii di daai tii hu hɛn gɔwɠaa kəlee həɠə, di bɛlɛ nɛapɛlɛɛɠaa da nɛ̨ąą diɛ, di hvo hɛn da lɛɛ pɛlɛ ta mu.

Zɛnɛse 34:31

Diɛ mą: «Ɉulɔnui tii hvo túwɔ́ li a ku mąąhala a dənən, mąą hvo nɛ̨ɛ̨li hvo ku mąąhala hon yɛ wɛlikɛnɛ̨ɛ̨nu.»

Zɛnɛse 46:26

Ɉakɔbə yəi bɛlɛ́n nuą pɛlɛɛ ɉuwuhu nuą diɛ, diɛi li Eziptə lɔi hu, di kɛ a nu pow mɛ̨ida kɔ́w mɛ̨ida, bɛlɛɛ kɛa non nɛ̨ąni diɛ,

Zɛnɛse 46:27

ə pɛlɛ Ɉosɛfə lon ɉinąą hveelɛi ə ɉɔlɔɓo Eziptə lɔi hu diɛ. Ɉakɔbə huwu kəlee pɛlɛɛ gee ɓa, di kɛ a: nu pow mɛ̨ihveelɛ. Diɛ ɓə kɛ Eziptə lɔi hu.

Samia Veerɛi 10:6

Amɔn nuą di gaa diɛ daa túwɔ́ pələ ɲɔ̨n gulɔ a Davidə. Di nɛɛ mą di nuą tɔɔ Bɛtə-Rehɔvə, di Aramə nuą da Sova Aramə nuą yá, di kɛ a di wɔɔ kɔ́kulááɠaa, nu waa pow hveelɛ ɲɔ̨nwɔ̨mąn. Maaka tɔɔmun ə nu waa tɔ̨nɔ̨ tɛɛ, Tɔvə nuą nu waa pow kɔ́w hveelɛ.

Samia Veerɛi 16:21

Ahitofɛlə yɛ Absalɔn ɓa: «Ə́ nąn nwɔ wɛli nɛaii ŋɛ̨i ə́ nąn ə di lɛɛ ɓɛ, diɛ di ɲɛ̨i kɛ diɲɛɠaa li ə́ laa a diɛ. A kɛ tii, Israɛlə nuą kəlee kaa pai gbaɠala kaai, diɛ kɛ yaa yowo laa kɛnɛ̨ lɔ ka ə́ nąn ka lɔwai. Ə lɛɛ, nuąi di tɔɔ ə́ pulu, di hvaŋą kaa pai lɔi.»

Tɔɔɓɛlaa dɔlɔɔ 11:25

Rezɔn ə kɛ a Israɛlə ɲowo Salomɔn nwɔ yɛnɛ̨ɛ̨ kəlee yee mu. Mɛ̨nį ɲɔ̨nwɔ̨ɔ̨i Hadadə ə gɛ ya ɓaa: Ə wɛlikpɛɛmąąla kulɔ a Israɛlə. Ə nwɔ tɔɔlaai hee Aramə lɔi hu.

Tɔɔɓɛlaa dɔlɔɔ 18:18

Eli yɛ mą: «Ɲą́ą́ və́i kpalo ɓɛla Israɛlə ɓa. Yɛ́mun mə ka ə́ nąn ɲəi bɛlɛ́n nuą. Mąąhɔlɔɓo, kaa lənə Yai-Laa nwɔ tiɓoɠaa diɛ, ɛlɛɛ yáá hvilɛn Baalə pulu.

Kɔlɔnikɔ Maa-ŋuŋ 16:12

'Ka ká kili lɛɛ gɛ mɛ̨nį nɛ̨ɛ̨ɠaa hu! Nwɔ kwɛlɛɛn mɛ̨nįɠaa da nwɔ mɛ̨nį hutɔɔ pələɠaa, 'ka ká kili lɛɛ ɉu!

Kɔlɔnikɔ Maa-ŋuŋ 16:19

Da pɛli kɛ ka lonoi, ka kɛ lɔ yɛ toonwunma nuą, ka hvo kɛ tamą li nɔi.

Kɔlɔnikɔ Maa-ŋuŋ 19:6

Yii kɛa Hanun da Amɔn nuą di gaa diɛ, daa túwɔ́ pələ ɲɔ̨n gulɔ a Davidə, di wali kwələ waa tɔ̨nɔ̨ tɛɛ, diɛ li kɔ-kɔ wotoloɠaa da hoo mɛ̨i nuą həɠəi la, Aramə nuą pɔɔli, ɲalee hveelɛi kwɛlɛ da Aramə nuąi kɛ Maaka da Sova.

Kɔlɔnikɔ Maa-ŋuŋ 2:7

Karmi lon ma a: Akarə. Akarə tii ɓə gɛ mɛ̨nį ɲąąnwąnąą yɛ laa Israɛlə ɓa. Ya ka tii li, hɛn kɛ tɔ́n dɔɔ mą ə ɉəɠə a nwɔɔ.

Mąątɛ̨nɛ̨ 105:12

Di kpulu hvo kɛ kɛnɛ̨ li, di ɓo a nwɛ̨ąą nɔi.

Lɛɛ gbɔwɔ ɓa 5:21

Pai di mo, diɛ Moisə da Aarɔn diɛ: «Mɛ̨nįi ŋɛ̨i laai kuɔ, ka hɔn ni, kɛlaa kwaa ku wɛi lɛɛ Yai-Laa ɓa. Ka mąą mɛ̨nį ɓa, tɔɔmun da ɲee pɔ nuą di hvo kpɛli bɔ di hvo ku kaa; kaa ku paa ɓɔwa lɔ di yee ɲą.»

Hanwon 11:17

Nɛ̨ɛ̨nui yii aa ɉilɛ dɔlɔɔ lɛɛ, mįnɛ̨i ŋɛ̨i ə ɉəɠə Yálá ɲɛ̨i ɓa, aa lɛ̨ą ma, hva too nwɔ hɛlɛn ŋą.

Hanwon 11:29

Nui a wulun bili ɲəi bɛlɛ́n, a pɛlɛ́ lɛɛ a hvaŋą nwɔɔ, kilimąą mun ŋą luwɔ ɓaa kilikpɛɛɲəimun.

Hanwon 15:27

Nui ɲee kaa nwumɛ̨ mɛ̨nį hu, a nwɔ pɛ́lɛ́i huwu-huwu ɓo, nui nɔgwəi hɛn nwɛli hvo mą, gaa pai lamun ɉii.

Dutɛrɔnome 4:17

ə kɛ a lɔi mɛ̨i huwɔ ta mąą nįnįn, ə kɛ a nwɛ̨ni ta mąą nįnįn yii a koon yələ kwəi,

Dutɛrɔnome 4:27

Yai-Laa a ka taɠa taɠa lɔi mɛ̨i nuą lɔwai; ka huwu ta wolo tiikpə lɔ ɓə a lɛɛ lɔiɠaa lɔwai, ɓɛɠaai Yai-Laa kaa pai lii laa a kaa.

Dutɛrɔnome 7:7

Ka gaa Yai-Laa yɛ kanąn kaa, yɛ ka həɠə ɉu, ka tamą mɛ̨nį ka tɛɛ nu huwu takpɛliɠaa diɛ hvəi. Yaamun, kaa ɓə ka kpulu tikpɛɛ nu huwuɠaa kəlee lɔwai.

Zasua 7:25

Ɉosue ə mo laa yɛ Akan ɓa: «Lə mɛ̨nį ɓa ə́ gbaloi ŋɛ̨i ɓɛla kuɔ? Yai-Laa kaa kpalo ɓɛlai yɛ́ háákəlei.» Israɛlə nuą kəlee di di hɔɔ a kwɛni, di haa, di di kələn; di kwɛni hįį tɔɔ di mɛ̨i.

Samuɛlə dɔlɔɔ 13:4

Israɛlə nuą kəlee di mɛ̨nįi tii bələ mɛ̨n, diɛ kɛ, Saulə aa Filisti nuą ɲąąwooɓomun baa. Nɔi lonnii di di ɲąąkpɔn ə lɛɛ, Israɛlə ə yowo laa hvilɛn da Filisti nuą di lɔwai. Nu kpulu kəlee ə ɲąąkpɔn, di hvilɛn Saulə pulu Gilgalə daai.

Samuɛlə dɔlɔɔ 16:2

Samuɛlə yɛ mą: «Ŋą́ li pələ kɛ ləi? Saulə a bələ mɛ̨n, gaa pai báái.» Yai-Laa yɛ mą: «Nįŋɛ̨ kpɛla həɠə ə́ li la, yɛ́ diɛ: ‹Ŋą́ pa haláá kulɔi Yai-Laa ɓa.›

Samuɛlə dɔlɔɔ 27:1

Davidə ə mo gwəi pələ, yɛ kɛ mą: «yələ ta, ə kɛ a pələ lɔpee, gbəli hu, Saulə kaa pai báái, mɛ̨nįi ŋɛ̨i hon bələ takpɛli hvo laa, hvo kɛ li lɔ ŋą́ mą́ą́kilɛ Filisti nuą pɔɔli, Saulə kaa pai kpɛlai gwɛ́liɛ ɓa Israɛlə lɔi kɔ́lɔ kəlee, gúlɔ pələ lɔ ka tii ɲəi.»

Samuɛlə dɔlɔɔ 27:12

Akisə laikɛ Davidə la, ə kɛi mo gwəi pələ yɛ kɛ diɛ: «Davidə aa gili kulɔ Israɛlə lɔi hu, gaa pai lɛɛi ɲéé mu a yələ kəlee.»