Zɛnɛse 32:7 - Yálá laawoo hɛɓɛ (dc)

⁷ Nwɛlɛɛ ɓo nuąi di pa, diɛ Ɉakɔbə ɓa: «Kwə li ku ə́ liɛ Esau kaa, gaa pai ə́ laakwiɛn ɉii, da hinąą nwun-nąąn.»

Yálá laawoo hɛɓɛ

⁷ Nwɛlɛɛ ɓo nuąi di pa, diɛ Ɉakɔbə ɓa: «Kwə li ku ə́ liɛ Esau kaa, gaa pai ə́ laakwiɛn ɉii, da hinąą nwun-nąąn.»

Bible

⁷ Zeeka è nâa kɛ̀ yaôi kpɔ́ a ŋánaa. È ŋɔnûai ŋá kɔ̂lɛ da ŋɔƃála-ŋai, ŋɔtaa-tulɛ-ŋai é pɛ́lɛ ŋɔsoo-fáleŋ-ŋai dîa gîei feerɛ.

Zɛnɛse 32:7 ပူးပေါင်းရင်းမြစ်များ

Zɛnɛse 32:11

Mą́ą́ hvo nɛ̨ɛ̨li kɛ a mɛ̨inɛ̨ɛ̨ kɛnɛ̨ɛ̨ ŋɛ̨i nąmu. Hvo gaai, gɛ́ɛ́ Ɉurdɛn teen ɉii, gbɔn nɔ ɓə kɛ ɲə́i. Ya ka ŋɛ̨i Yáá ɲéé laahvɛɛ a mɛ̨inɛ̨ɛ̨ kpɛa-kpɛa hveelɛ, gɛ́ pənə gɛ́ paa la ną́n ɲəi bɛlɛ́n.

Zɛnɛse 32:3

Ɉakɔbə ə di kaa lɔ, ə tómą kpɔ kɛnɛ̨, yɛ diɛ: «Yálá nwɔ kɔ́ ɓuwu la ka» ə gɛɛnąąi tii laa hee a Mahanaimə.

Zɛnɛse 32:8

Ɉakɔbə ə ɲɔw kpɔ kɛnɛ̨, liihɛn ə too mą, ə nɛɛmą ə nwɔ nuą ɲąąkwɛlɛ ɉu hveelɛ, ə mą kɛ mɛlaaɠaa, moluɠaa, nįŋɛ̨ɠaa.

Zɛnɛse 33:1

Ɉakɔbə ə Esau kaa yɛ pa nąąkwiɛn ɉi, da hinąą nwun nąąn. Ɉakɔbə ə nonnii ŋąąkwɛlɛ Lea da Rasɛlə di lɔwai, ə mą kɛ, nwɔ tínɛ̨ą hveelɛi.

Zɛnɛse 35:3

Ka ka muhəɠə ka gwə li Betɛlə, Yálái a gúlɔi gánąn mɛ̨nįɠaa hu, ŋį́ haláá kulɔi bɛli laa mą. Ya ɓə gaa bɔ́ nwɔ́ hiɛɠaa kəlee hu.»

Mąątɛ̨nɛ̨ 107:6

Di lɛɛ di wɔ mɔ̨nɔ̨i tii hu, di tomą Yai-Laa pɔ pələ, ə di kulɔ di wɔ liihɛlɛn mɛ̨nįɠaai hu;

Mąątɛ̨nɛ̨ 112:5

A nu ɲɛ̨imąąwɛli kaa yɛ kwələ tɔɔ, gaa pai gbɔwɔ mɛ̨nįɠaa ɲɛ̨i kulɔi tɛ̨ą pələ mɛ̨i.

Mąątɛ̨nɛ̨ 142:4

Ɓɛlɔwai vį́nna a tɔn na, ɓɛi ŋą́ li laa, yɛ́ ɓə nąą kɔ́lɔn; bələi ŋą́ kɛ tɛɛi ɉu, daa ɓaalə tɛ ɉu dɔ́wɔ.

Mąątɛ̨nɛ̨ 31:13

Da lɛ̨ą mą́ą́, yɛ haamun, yɛ haamuŋ gili aa kpɛɛ nuą ɲą gɛ́ pələ kaa lɔ kɛa yɛ pili hɛn.

Mąątɛ̨nɛ̨ 61:2

Ee kə Yálá! 'Ə́ wəli tɔɔ nwɔ́lɔ woo ɓa, 'ə́ wəli tɔɔ kpɔ a nɛlɛɛ, ə́ hvɛlii gáá moi nwóó ɓa.

Lɛɛ gbɔwɔ ɓa 14:10

Eziptə tɔɔmun nɛɠɛɛ kɛa diɛ, Israɛlə lonnii di Eziptə nuą kaa di pulu diɛ pa, di kəlee di ɲɔw kpɔ kɛnɛ̨, di di woo tɛ Yai-Laa pɔ pələ.

Hanwon 2:11

Mɛ̨nį kɔ́lɔn ŋąą a ə́ mɛ̨i kaa. Kiliŋąhiɛ lɛlɛɛ yɛ kpɔmąą tɛɛ ə́ pɔ.

Azaya 28:26

Yaan bələi mąąnɛ̨ɛ̨ ə gɛ la, nwɔ Yálái ɓə a bələ lɛ mą; yɛ mąąkwɛli mą.

Maafîu 10:16

Jesus ə mo nwɔ kalan nɛai diɛ, yɛ diɛ: «Ka ka wəli tɔɔ! Gáá ka tɛɛi yɛ ɓɛlaa lonnii kwɛliɠaa lɔwai. Ka kɛ gili-gili yɛ kaalə, ka kɛ a ka wɔ mɛ̨nį lɛlɛɛ, yɛ gbohvoló-hvoló.

Maafîu 8:26

Jesus ə ɲįnąąɓo, ə di woo ŋąąpənə yɛ diɛ: «Ee kə! Ka wɔ laa na laa tiikpə ɓə ee! Lə mɛ̨nį ɓa ka káá ɲɔ̨wi?» Ŋąąɓa, ə muhəɠə, ə haŋą vaŋą ɓa da ɲa, yɛ diɛ: 'Ka kpəla ma! Vaŋą da ɲa di kpəla kpɔlɔɔ tii ma, kɛɛ mąą ə haa kpɔ tin.

Ɉaan 16:33

Gáá mɛ̨nįɠaa tii ɓoi kaa, kaa pɛli liilaa hɔlɔɓoi ɲə́i. Ka káá pai mɔ̨nɔ̨ mįi yɛnɛ̨ɛ̨, kɛlaa, ka ka lii kpələ, ɲéé aa tɛɛ yɛnɛ̨ɛ̨ ɓa.»

Gɛlaɠaa 14:22

Di kɛli laa na nuąi ti kɛ laa, di hvaŋąlɔ gɛɛnąąɠaa ti ɓa, diɛ di liɛwooɓo di kanąn mɛ̨nį ɓa laa na pələ ɓa. Di kɛli kɛ diɛ: «Hvo kɛli gu mɔ̨nɔ̨ tamąą mįi, guɔ pɛli lɔi Yálá ŋą tɔɔlaai hu.»

Korɛntə veelɛ 1:4

Ya ɓə a gu liilaa, gu wɔ kwəi pilimąąɠaa kəlee hu, yɛ gɛ, guɔ pɛli, nuąi kwəi pilimąą hu di liilaai, a liilaai guɔ kpinįlee gwa ɉɔlɔɓo Yálá yəi.

Timote veelɛ 3:12

Ɛlɛɛ mun, nuąi da di wɔ yɛnɛ̨ɛ̨ Yálá yee kɔnmą Jesus Kristə hu, diɛ ɓə da di laanɔ̨nwɔ̨ɓo.