Zɛnɛse 32:13 - Yálá laawoo hɛɓɛ (dc)

¹³ Ną́n nwɔ Yálá! Kɛlɛ́i Yɛ́ ɓə kɛ mą́ą́: ‹Gáá pai ɲɛ̨́i lɛlɛɛ heei yɛ́; ŋį́ ə́ huwu tamą yɛ gboloyá kwɛlɛ ɲɛ̨ąkɔw, yai nu hva pɛli nonon ɉii.›»

Yálá laawoo hɛɓɛ

¹³ Ną́n nwɔ Yálá! Kɛlɛ́i Yɛ́ ɓə kɛ mą́ą́: ‹Gáá pai ɲɛ̨́i lɛlɛɛ heei yɛ́; ŋį́ ə́ huwu tamą yɛ gboloyá kwɛlɛ ɲɛ̨ąkɔw, yai nu hva pɛli nonon ɉii.›»

Bible

¹³ Nya ƃe è nyii naa a gbínii tí, é sama-sɛŋ kula ŋɔsãâi su ǹîa Isɔɔ mɛni ma.

Zɛnɛse 32:13 ပူးပေါင်းရင်းမြစ်များ

Zɛnɛse 13:16

Gáá ə́ huwuhu ɓɛlɛi, nu lɔpee ta hva pɛli nonoi, yɛ pələi nu hva pɛli ɲɛ̨ąkɔw lonoi la lɔi ɓa.

Zɛnɛse 15:5

Yili pulu, Yálá yɛ Abramə ɓa: «Gu kulɔ ɲɛnɛ̨ɛ̨! Ə́ ɲɛ̨i hee yələkwəi, ə́ bɛmɛ̨lɛ̨n-gɔwɠaai tii lonon, akɛ ya pɛli mą.» Yálá yɛ mą: «Pələi tii damąą la yələkwəi, pələ ɓə ə́ huwuhu kaa pai kɛi la.»

Zɛnɛse 18:2

Ə lɛɛ lɔ hee ni, ə hinąą haaɓa kaa, di mąą hvo kɛ kwɛa li mą, diɛ pa bɔ. Ə muhəɠə, yɛ li di laakwiɛn ɉii, ə mąą yɛɛ di kɔ́wɔ mu.

Zɛnɛse 22:17

gáá lúwɔ́ tooi yɛ́, ŋį́ ə́ huwu ɓɛɛlɛ; gbulu hu a kɛnɛ̨ yɛ gboloyá kwɛlɛ ɲɛa kɔ́w. Ə́ huwuhu nuą yee a tɛɛ di yowoɠaa diɛ, diɛ di wɔ taaɠaai həɠə di yəi.

Zɛnɛse 32:14

Ɉakɔbə ə yii gɛɛnąąi tii. Daatɛlɛɛɠaai kɛ ɲəi, ə niɛ Esau hąmą a da.

Zɛnɛse 33:10

Ɉakɔbə yɛ Esau ɓa: «Ną́n, hvó gɛ tii! Akɛ yaa ɲɛ̨́imąąwɛli kaa, ə́ yee hee mu; hvo gaai, ə́ yee heei ŋɛ̨i yáá mo mú, gaa ɲɛ̨́i ɓa yɛ, kwa Yálá kwa ku kee kaa.

Zɛnɛse 33:8

Esau yɛ Ɉakɔbə ɓa: «Lə kpɔ ɓə yɛ́ ə́ pa gɛ a daatɛlɛɛ kpulu kɛnɛ̨i ŋɛ̨i kwa diɛni ku kɛi kwiɛn?» Ɉakɔbə yɛ mą: «Yili ɓə ŋį́ kɛ bɔ ŋį́ ɲɛ̨́i lɛlɛ la nwɔ́ mɛ̨nį nąmu yəi.»

Zɛnɛse 42:6

Ɉosɛfə ɓə kɛi Eziptə lɔi ɲąą woo ɓo, ya ɓə kɛi mɔ̨nun nɔwɔtɔɔ nwɛ̨ąą diɛ. Niɛni di pa, di pɛlɛ nɔi ɓa gɔwɔ mu.

Zɛnɛse 43:11

Israɛlə ə di woo ŋąąpənə, yɛ diɛ: «Akɛ yili kaa tii, yii ka káá gɛi, ya ka: Ka ɓɛ nɔi hɛn da həɠə, ka li la Eziptə mun tii pɔ a ɉąmą. Ka ɓálá ta həɠə ka kwɛ́in nwulɔ pu ɉu da wúlú mąląąn gun nɛ̨ɛ̨, mąląąn ɲa da wulu kun nɛ̨ɛ̨, nwului ŋɛ̨i da kɛ mą pistake, má ta, da nwului ŋɛ̨i da kɛ mą amandə, ma.

Zɛnɛse 43:26

Ɓɛlɔwai kpɔlɔ Ɉosɛfə ə paa la, di nɛɛ mą di ɉąmą tiyɛ̨ɠąąi tii kulɔ, di lɛɠɛ mą di pɛlɛ gɔwɔ mu.

Nehemi 4:13

Gɛ́ galanɉonŋąą daa ɲąąwooɓo nuą, da nɔi lonnii takpɛliɠaa diɛ: «Goló kɛnɛ̨i, ŋąą kɛnɛ̨, ka gu taɠa-taɠa ɉįi mɛ̨i, gu mąą kwɛaa gu kee ɓa.

Hanwon 17:8

Mɛ̨inɛ̨ɛ̨ kaa a nwun na nɛ̨ɛ̨ hali, pələi lɔpee a ɉon na, ɉu a nɛ̨ɛ̨ mą.

Hanwon 18:16

Hąmą pilɛ a pɛlɛ́ kəlee laa ɓo, yɛ nu lɔ tɔɔɓɛlaa yəi bɛlɛ́n.

Hanwon 19:6

Nui ɲɛ̨itɔwɔlaa kaa mą, nu tamąą da dɛ̨nɛ̨ ɲɛ̨i ɓa, nui a mɛ̨inɛ̨ɛ̨ kɛ, gaa a nu kəlee mɛlan.

Hanwon 21:14

Mɛ̨inɛ̨ɛ̨ nu a gɛ loo pələi, a líiholi kɔ́lɔ haa mą, yá nɔgwəi hɛn nɔ yuɓo hu, a líiholi kɛnɛ̨ ɲąą yɛɛ.

Samuɛlə dɔlɔɔ 25:27

Ə́ hąmąi ŋɛ̨i ə́ wɔ luwɔnɛ̨ąi ə paa la nwɔ mɛ̨nį nąmu pɔ, ə́ yee hee mu, ə́ dɛɛ ə́ nwɔ hilɛlɛai ə́ bulu, di pɔ.

Samuɛlə dɔlɔɔ 25:8

Ə́ wɔ hilɛlɛa mąąnin gɛ, di kaa pai kɛi yɛ́: Tɛ̨ą li. Ə́ yee lɛlɛɛ hee kani nwɔ́ hilɛlɛai mu, hvo gaai kwaa pa a hɛli yələ. Nɛ̨ɛ̨ yɛ́, yii ə́ yee a pɛli mą, dɛɛ ə́ wɔ tínuą da ə́ lon Davidə ni pɔ.›»