Zɛnɛse 32:10 - Yálá laawoo hɛɓɛ (dc)

¹⁰ Gɛɛ tii, Ɉakɔbə ə tómą, yɛ mą: «Ee! Ną́n Abrahamə nwɔ Yálá! Ną́n Isaakə nwɔ Yálá! Yɛ́i a Yai-Laa! Yɛ́ ɓə kɛ mą́ą́: ‹Pənə ə́ li ə́ pɔ lɔi, ə́ nąn ɲəi bɛlɛ́n, gáá pai ɲɛ̨́i lɛlɛɛ heei yɛ́.›

Yálá laawoo hɛɓɛ

¹⁰ Gɛɛ tii, Ɉakɔbə ə tómą, yɛ mą: «Ee! Ną́n Abrahamə nwɔ Yálá! Ną́n Isaakə nwɔ Yálá! Yɛ́i a Yai-Laa! Yɛ́ ɓə kɛ mą́ą́: ‹Pənə ə́ li ə́ pɔ lɔi, ə́ nąn ɲəi bɛlɛ́n, gáá pai ɲɛ̨́i lɛlɛɛ heei yɛ́.›

Bible

¹⁰ Ḿaa fé nɛ̃ɛ ní a gɛɛ ŋá íwɛli-kɛ-maa kpanaŋɔɔi da ísãa-laai da sɔlɔ ƃó. Kpɛ́ni fêi, ŋásia-wurii nɔ́ ƃé ŋá Zɔdiŋ Ya-leei tîyeŋ la. Ǹyaŋ ŋa nâa kɛ́ a núu-kpulu feerɛ.

Zɛnɛse 32:10 ပူးပေါင်းရင်းမြစ်များ

Zɛnɛse 18:27

Abrahamə yɛ nwɔ̨nɔ̨ mą: «Ną́mu, ə́ lii laa bɔ́, gáá nwɔ̨nɔ̨ bɔ ŋą́ mɛ̨nį ta ɓo yɛ́, ɲą́ą́ ŋɛ̨i və́ ɓaa hɛn da, gáá lɔ a muluun gbala a wala kɛtii luwu.

Zɛnɛse 24:12

Ə hee, ə Yálá hvɛli yɛ mą: «Yai-Laa, nwɔ́ mɛ̨ni nąmu Abrahamə nwɔ Yálá, hvaa mą, mɛ̨nįi ŋį́ paala Ə́ ɲąąlɔ. Nɛ̨ɛ̨laai ka nwɔ́ mɛ̨nį nąmu Abrahamə ka lɔwai, ɉu mɛ̨inɛ̨ɛ̨ ta kɛ mą́ą́.

Zɛnɛse 24:27

yɛ mą: «Nwɔ́ mɛ̨nį nąmu Abrahamə nwɔ Yálá, yai gaa a Yai-Laa, gɛ́ ə́ hɛɠɛ ə́ mąmą, yáá ə́ wɔ mɛ̨inɛ̨ɛ̨ leelee kulɔ pɔ̨nɔ̨ŋą nwɔ́ mɛ̨nį nąmu ɓa, ɉiɛi ŋɛ̨i hu, Yai-Laa, yáá də́nən dɔɔ nwɔ́ mɛ̨nį nąmu pulu nuą diɛ.»

Zɛnɛse 28:13

Nąąlɔwai, Yai-Laa ə kɛ tɔɔni gwɛlɛ, yɛ mą: «Ɲą́ą́ gáá a Yai-Laa, ə́ nąn Abrahamə nwɔ Yálá da Isaakə nwɔ Yálá. Nɔi ŋɛ̨i ə́ kaa laani mɛ̨i, gáá pai dɛɛi ə́ pɔ, ka ə́ huwu.

Zɛnɛse 28:15

Gáá ə́ pɔ, gɛ́ ə́ mąąkpɛ, ɓɛi lɔpee yá li laa, ŋą́ pənə ŋą́ pa a yɛ́ ɓɛ nɔi. Və́ pai gíli kulɔi ə́ hu, mɛ̨nįɠaa kpɔ ŋą́ mo yɛ́, ŋą́ gəlee pɔ mɛ̨nį kɛ.»

Zɛnɛse 30:43

Ɓələ ɓə Ɉakɔbə ə taatɛlɛɛ kpulu kɛnɛ̨ hɔlɔɓo la, ɓɛlaaɠaa diɛ ɓo ɲəi, ɓoluɠaa, ɲɔ̨nwɔ̨mɛ̨ɛ̨ɠaa, hoohvaalənŋąą, ɛlɛɛ luwɔ hinąą da luwɔ nɛ̨ąą.

Zɛnɛse 31:3

Nąąlɔwai, Yai-Laa ə mo Ɉakɔbə ɓa yɛ mą: «Pənə ə́ li ə́ kaa nuą pɔ, ka pɔ lɔi, gáá pai kɛi ə́ pɔ.»

Zɛnɛse 32:5

Yɛ nwɛlɛɛ ɓo nuą diɛ: «Ka li, ka ŋį́ mɛ̨nį nąmu Esau kaa, kaa mą: ‹Ə́ wɔ tímun Ɉakɔbə yɛ: Gaa wɔlɔ Laban pɔɔli, aa lɛɛ ɉu yiihu aa ɉəli.

Zɛnɛse 32:7

Nwɛlɛɛ ɓo nuąi di pa, diɛ Ɉakɔbə ɓa: «Kwə li ku ə́ liɛ Esau kaa, gaa pai ə́ laakwiɛn ɉii, da hinąą nwun-nąąn.»

Samia Veerɛi 17:24

Ɓɛlɔwai Davidə ə həli la Mahanaimə, nąąlɔwai ɓə Absalɔn aa kɛ Ɉurdɛn ya teen na, Israɛlə nuą kəlee hvilɛnŋaa bulu.

Samia Veerɛi 7:18

Tɔɔmun Davidə ə pa, ə hee Yai-Laa lííla, yɛ mą: «Lə kɛ hɛn mąą a ɲą́ą́ Yai-Laa Mɛ̨nį kəlee ŋą Hééɓomun Yálá! Lə kpɔɔ ɓaa nwɔ́ pɛlɛ́i, yaai, Ə́ li kpɔ giliŋąhiɛ ŋɛ̨i kɛi yɛ́ vilɛn mą?

Zôo 17:9

Tələnmo nuą di kanąn tələnmolaa ɓa, nuąi di yee mąąhəɠɛɛ, di hvaŋą ta yɛ pɛlɛ ma.

Zôo 8:7

Ə́ wɔ yɛnɛ̨ɛ̨ kɔ́wɔ tɔɔi a lɛɛ kpɔ tiikpə, Ə́ ɲąąkpɛɛi ə lɛlɛ kpɔ kɛnɛ̨.

Mąątɛ̨nɛ̨ 16:2

Ŋą́ kɛ Yai-Laa ɓa: «Yɛ́ ɓə a Ną́mu! Nwɔ́ nwun na nɛ̨ɛ̨ lɔ ɓaa a yɛ́! Da kpɛli hvo nąą pulu, ə kulɔ lɔ ə́ pulu!»

Mąątɛ̨nɛ̨ 18:35

A ɲééɠaa huwalawala, kɔ́ kɔ́ mɛ̨nį ɓa, ɛlɛɛ, yɛ gɛ ɲéé kɔ̨nwɔ̨n yɛ kwɛli kilɛn bili.

Mąątɛ̨nɛ̨ 61:7

Tɔɔmun nwɔ yɛnɛ̨ɛ̨ ta pɛlɛ nwɔ̨nɔ̨ mą, kpɛɛ hvo kɛ nwɔ kwɛlanŋąą diɛ.

Mąątɛ̨nɛ̨ 8:5

Lə kpɔ ɓaa a nu kan, yai yá ə́ kili kɛ mą! Lə kpɔ ɓaa a nu, yai yá mąą liihɛlɛn ɉee?

Mąątɛ̨nɛ̨ 84:7

Tɛɛi di kɛi mo kpələ wɛli lɔi hu, di nąą mąą pənə a yá nwun gulɔ lɔi. Dulɔ tolooɠaai pu mą, di lúwɔ́ gboloon naa mɛ̨i.

Mąątɛ̨nɛ̨ 85:10

Nuąi da ɲɔw mą, nwɔ ɓaloi a mąą lɛɠɛ diɛ, ɛlɛɛ, mąąwiɛ kaa pai heei nɔi hu.

Hanwon 4:18

Tələnmomun dúwɔ́ pələ kaa yɛ yələ ɓɔi kɛɛ pɔ̨nɔ̨, yii da a kɛ lɔ pɛlɛi mą.

Azaya 6:5

Nąąlɔwai, gɛ́ diɛ: «Kpalo aa ɓɛla mą́ą́, nwún aa lɛɛ ɉu, hvó gaai, ɲą́ą́ ŋɛ̨i nááwulun mąą liɓiɛ a nɛ̨ŋɛ̨n, ŋį́ ɓo nwɔ̨nɔ̨ nu huwu lɔwai yiiɠaai di laawulun mąą liɓiɛ a nɛ̨ŋɛ̨n; ɛlɛɛ, ya ka ŋɛ̨i ŋą́ą́ Yai-Laa Mɛ̨nį Kəlee ŋą Hééɓomun kaa a ɲɛ̨́ikɔw.»

Azaya 63:7

Gáá pai Yai-Laa nwɔ mɛ̨inɛ̨ɛ̨ɠaa hukulɔi, nwələɠaai da Yai-Laa laa tɛ, mɛ̨nįɠaai Yai-Laa ə gɛ kuɔ, di mąą mɛ̨nį ɓa, a nwɛlikɛmąąlaa kɛnɛ̨i ə gɛ, Israɛlə nwɔ pɛlɛ́i ɓa, bələ ə ɉon na a lii nɛ̨ɛ̨ gwəi, yɛ mɛ̨inɛ̨ɛ̨ tamąą kɛ mą.

Mise 7:20

Ə́ kaa pai Ɉakɔbə hon ɉii a wɛlikɛmąąlaa, Yɛ́ Abrahamə kɔ́ a ə́ wɔ nɛ̨ɛ̨laa; yili ɓə ə́ mo ku nąnni diɛ, Yɛ́ ə́ kwɛla ɉu kpɔ a tɔwɔ-tɔwɔ yələɠaa.

Lukə 17:10

Bələ kpɔlɔɔ ɓə gaa la, ka mąą mɛ̨nį ɓa, yii da ka tí la, ka kpɛɛ a yiliɠaa kɛɛ; mąąnɛ̨ɛ̨ kaa diɛ: ‹Tínuą kpɛli-kpɛli lɔ ɓaa a kuɔ. Yii mąąnɛ̨ɛ̨ ku gɛ, ya lɔ ka tii ku gɛ.›»

Lukə 5:8

Ɓɛlɔwai Simɔn Piɛrə ə yili kaa la tii, ə pu gbəlin na Jesus kɔ́wɔ mu, yɛ mą: «Ną́mu, ə́ mąą kwɛa mą́ą́, mąąhɔlɔɓo, gáá a nɛ̨ŋɛ̨n ɉəɠəmun.»

Korɛntə veelɛ 12:11

Ɲą́ą́ ka kani, ŋą́ą́ kɛ a ɓowo mun, káá ɓə gbáán gɛ́ kɛ la. Káá ɓə kɛ mąąnɛ̨ɛ̨ kɛ ká mą́ą́liɛwoo kɛ. Gbala ə tɔɔ, və́ a hɛn da hɔlɔɓo li a diikpɛɛ, ə tɛɛ la gɛla kpɛa-kpɛaa tii diɛ, bələi mąn və́ la a hɛn dai.

Dutɛrɔnome 8:18

Kɛlaa, mąąnɛ̨ɛ̨ ka kili ə kɛ ɉu kaa diɛ; Yai-Laa ka wɔ Yálái ɓə hvaŋą tɛɛ ka pɔ kaa hɛn ɉɔlɔɓo la. Nwoo tii ə gwɛlɛ ka nąnni diɛ, yɛ bɔ mɛ̨nį kɛ la, yɛ bələi gaa gɛi la háákələi.

Piɛrə dɔlɔɔ 5:5

Káá kpɛlimąn, a muhəɠə nįnɛ̨ɠaa, 'ká lɛɛ nu pɔlɔ-pɔlɔɠaa woo mu. Ɛlɛɛ, ká kəlee, 'ká ká kpɔwɔ mąąyɛɛ ká lɔwai mɛ̨nįɠaa hu, mąąhɔlɔɓo, «Kpɔwɔ ɲąą kɛnɛ̨mun nwɛli hvo Yálá ɓa, kɛlaa, nuąi da di kpɔwɔ mąą yɛɛ, a nwɔ mɛ̨inɛ̨ɛ̨i kɛ diɛ.»