Zɛnɛse 31:3 - Yálá laawoo hɛɓɛ (dc)

³ Nąąlɔwai, Yai-Laa ə mo Ɉakɔbə ɓa yɛ mą: «Pənə ə́ li ə́ kaa nuą pɔ, ka pɔ lɔi, gáá pai kɛi ə́ pɔ.»

Yálá laawoo hɛɓɛ

³ Nąąlɔwai, Yai-Laa ə mo Ɉakɔbə ɓa yɛ mą: «Pənə ə́ li ə́ kaa nuą pɔ, ka pɔ lɔi, gáá pai kɛi ə́ pɔ.»

Bible

³ Nya ƃe Yâwɛɛ è mò Zeeka ma ǹyɛɛi, “Lí pôlu ínâŋ-ni dílɔii su ínûai pɔ́ naa. Ŋa pâi kɛ̂i íkɔlɛ.”

Zɛnɛse 31:3 ပူးပေါင်းရင်းမြစ်များ

Zɛnɛse 13:15

Nɔi tii ə kaa mɛ̨i kaai yɛ li, ŋą́ą́ nąą kəlee tɛɛ ə́ pɔ, ka ə́ huwuhu nuą.

Zɛnɛse 21:22

Gwɛlan dɔ̨nɔ̨ tii hu, Abimelɛkə, da nwɔ kɔ́kuláá nwun nąmu Pikɔlə, di pa Abrahamə pɔ. Abimelɛkə yɛ Abrahamə ɓa: «Gílí kaa ɉu, gɛ́ diɛ: Mɛ̨nįɠaai ya ə́ yee too ɉu, Yálá kaa ə́ pɔ gəlee hu.

Zɛnɛse 26:24

Mąą kpinį tii hu, Yai-Laa ə gbɔwɔ lɛ mą, yɛ mą: «Ɲą́ą́ ɓə gáá a ə́ nąn Abrahamə nwɔ Yálá, hvó ɲɔw, gáá ə́ pɔ. Gáá pai lúwɔ́ tooi yɛ́, ŋį́ ə́ huwuhu ɓɛlɛ, nwɔ́ tímun Abrahamə mąą mɛ̨nį ɓa.»

Zɛnɛse 28:13

Nąąlɔwai, Yai-Laa ə kɛ tɔɔni gwɛlɛ, yɛ mą: «Ɲą́ą́ gáá a Yai-Laa, ə́ nąn Abrahamə nwɔ Yálá da Isaakə nwɔ Yálá. Nɔi ŋɛ̨i ə́ kaa laani mɛ̨i, gáá pai dɛɛi ə́ pɔ, ka ə́ huwu.

Zɛnɛse 28:15

Gáá ə́ pɔ, gɛ́ ə́ mąąkpɛ, ɓɛi lɔpee yá li laa, ŋą́ pənə ŋą́ pa a yɛ́ ɓɛ nɔi. Və́ pai gíli kulɔi ə́ hu, mɛ̨nįɠaa kpɔ ŋą́ mo yɛ́, ŋą́ gəlee pɔ mɛ̨nį kɛ.»

Zɛnɛse 28:4

Núwɔ́i Yálá ə doo Abrahamə ɓa, naa ə hon yɛ́ ka ə́ huwu kaa, nɔi ŋɛ̨i ə́ kaa ɉu, ə́ ɉɔlɔɓo ka ə́ huwu kəlee; Yálá ə kɛ.»

Zɛnɛse 30:25

Ɉosɛfə kaa pulu, Ɉakɔbə ə mo gála Laban ɓa, yɛ mą: «Gɛ́ kɛa ŋį́ pənə ŋį́ li ku pɔ lɔi.

Zɛnɛse 31:13

Ɲą́ą́ Yálá, ɲą́ą́ ka tii gbɔ́wɔ́ lɛ yɛ́ Betɛlə, ɓɛi tii ə́ ɉaláá kulɔi tɔɔ laa mą́ą́, ə́ ə́ wóó kwɛlɛ mą́ą́. Yii hu, 'pənə ə́ li ə́ pɔ lɔi, ɓɛi ə́ həɠə laa.›»

Zɛnɛse 31:18

Taatɛlɛɛɠaa kpɔ ə ɉɔlɔɓo Aramə, da hɛn gɔw, ə gəlee həɠə yɛ li la nąn Isaakə pɔ, Kanaan lɔi hu.

Zɛnɛse 31:2

Ɉakɔbə ə gaa yɛ diɛ, pələi tɔlɔɔ Laban ə kɛi ɲɛ̨i lɛlɛɛ hee la mą, hvo kɛa tii.

Zɛnɛse 31:4

Ɉakɔbə ə nɛɛmą, ə Rasɛlə da Lea di təli, yɛ di pa di gáá ɲɛa, ɓɛi tii nwɔ́ taatɛlɛɛɠaa kaa laai.

Zɛnɛse 32:10

Gɛɛ tii, Ɉakɔbə ə tómą, yɛ mą: «Ee! Ną́n Abrahamə nwɔ Yálá! Ną́n Isaakə nwɔ Yálá! Yɛ́i a Yai-Laa! Yɛ́ ɓə kɛ mą́ą́: ‹Pənə ə́ li ə́ pɔ lɔi, ə́ nąn ɲəi bɛlɛ́n, gáá pai ɲɛ̨́i lɛlɛɛ heei yɛ́.›

Zɛnɛse 32:5

Yɛ nwɛlɛɛ ɓo nuą diɛ: «Ka li, ka ŋį́ mɛ̨nį nąmu Esau kaa, kaa mą: ‹Ə́ wɔ tímun Ɉakɔbə yɛ: Gaa wɔlɔ Laban pɔɔli, aa lɛɛ ɉu yiihu aa ɉəli.

Zɛnɛse 32:9

Ə kɛi kɛ diɛ: «Esau a pɛlɛ bələ tɔ̨nɔ̨ ɓa a kɔ́, dɔ̨nɔ̨ a pɛli ə pu.»

Zɛnɛse 35:1

Yələ ta Yálá yɛ Ɉakɔbə ɓa: «Ə́ muhəɠə, ə́ li Betɛlə ə́ hee laa, ə́ haláá kulɔi pɛli laa Yálá ɓa, yai gbɔwɔ lɛ yɛ́, ɓɛlɔwai ə́ kɛi pu la ə́ liɛ Esau ɓa.»

Zɛnɛse 35:3

Ka ka muhəɠə ka gwə li Betɛlə, Yálái a gúlɔi gánąn mɛ̨nįɠaa hu, ŋį́ haláá kulɔi bɛli laa mą. Ya ɓə gaa bɔ́ nwɔ́ hiɛɠaa kəlee hu.»

Zɛnɛse 50:24

Ɉosɛfə yɛ niɛni diɛ: «Gáá pai laai kwɛlɛ; kɛlaa, Yálá kaa pai ɲɛ̨i lɛlɛɛ heei kaa, ə ka kulɔ nɔi ŋɛ̨i hu, ə li a kaa, ɓɛi wɔlɔ ə nąą laakwɛlanmo Abrahamə, Isaakə da Ɉakɔbə diɛ.»

Mąątɛ̨nɛ̨ 46:1

Nwələ ɲɛ̨itɔwɔmun Kore lonnii di wɔ wələ.

Mąątɛ̨nɛ̨ 50:15

Ɛlɛɛ, ɲələi yá kɛ la kanąn ɉu, də́li, ŋą́ ə́ kulɔ ɉu, ə gɛ ə́ mą́ą́wiɛ.

Mąątɛ̨nɛ̨ 90:15

Bələi lɔ ku hutɔɔ hvólóɠaa tamąą la, a gwɛlanŋaai ti ku mɔ̨nɔ̨ kɔ́lɔn nai, ku kwəinɛ̨ɛ̨ hvólóɠaa tamą lɔ ti.

Lɛɛ gbɔwɔ ɓa 3:12

Yálá yɛ Moisə ɓa: «Gáá ə́ pɔ. Yá pa Israɛlə nu huwu kulɔi Eziptə, ɲeei ŋɛ̨i ɓa ɓə ka tí laa Yálá ɓa; yili pɔ pələ ɓə yá gɔlɔn na yɛ́ ɲą́ą́ ɓə ə́ tɔɔ.»

Azaya 41:10

'Hvó ɲɔw, mąąhɔlɔɓo, gáá ə́ pulu, 'Hvó ə́ liihɛlɛn, mąąhɔlɔɓo, gáá a ə́ wɔ Yálá. Gáá ə́ huwala walai, gɛ́ kpɔn ɲɛ́, Gɛ́ mamįiyee pu ə́ mu, yai tələnmolaa kaa ɉui.

Hebreu 13:5

'Ká hvo nɛɛ laa, wali lii yee hvo tɛɛ káá, ká túwɔ́ pələ hu. Yii gaa ká yəi, yili ə ká lii hon. Mąąhɔlɔɓo, gu Nąmu kpinįi ɓo mo, yɛ mą: «Kpaa-o! Vá ə́ lɛɛ laa, vá gíli kulɔ ə́ hu tanɔ̨n gbɛli!»