Zɛnɛse 31:24 - Yálá laawoo hɛɓɛ (dc)

²⁴ Kɛlaa, kpinįi, Yálá ə gbɔwɔ lɛ Aramə mun Laban ɓa hįį pələ, yɛ mą: «Hvo kɛ ə́ kaa mɛ̨nį ɲɔ̨n gɛi a Ɉakɔbə.»

Yálá laawoo hɛɓɛ

²⁴ Kɛlaa, kpinįi, Yálá ə gbɔwɔ lɛ Aramə mun Laban ɓa hįį pələ, yɛ mą: «Hvo kɛ ə́ kaa mɛ̨nį ɲɔ̨n gɛi a Ɉakɔbə.»

Bible

²⁴ Ɣâla è pà Araŋ-nuui Laƃaŋ pɔ́ seêi-pere é mó ma ǹyɛɛi, “Tãi siɣe. Ífe mɛni kélee da ƃò Zeeka ma.”

Zɛnɛse 31:24 ပူးပေါင်းရင်းမြစ်များ

Zɛnɛse 20:3

Kɛlaa, kpinįi, Yálá ə gbɔwɔ lɛ Abimelɛkə ɓa hįį pələ, yɛ mą: «Nɛ̨ɛ̨nui ŋɛ̨i ə́ ɉəɠə, hilɛ kaa mą, ya wala nɛɛ laa, ə́ kaa pai haai mąą mɛ̨nį ɓa.»

Zɛnɛse 20:6

Ɉiin tɔ̨nɔ̨i tii hu, Yálá ə Abimelɛkə woo ŋąąpənə, yɛ mą: «Ɲą́ą́ gbɛli ŋą́ gɔlɔn gɛ́ diɛ, hvo kɛ ɉəɠə li a kiliŋąhiɛ ɲɔ̨nwɔ̨ɔ̨. Ɲą́ą́ ɓə hvaa mą, gɛ́ hvo lɛɠɛ nɛ̨ɛ̨nui tii ɓa, ə gɛ, hvo pa kɛ a hɔn mąą mun ɲɛ̨́i ɓa. Mɛ̨nį gɛ və́ hvaa la mą hvo laa la, yaa li.

Zɛnɛse 24:50

Betuɛlə da non ɉulɔnu Laban di nwoo ŋąąpənə, diɛ mą: «Yai-Laa kpinįi ɓə aa pələ laa mɛ̨nį ŋɛ̨i hu, ku hva kpɛli yili ɉeatooi.

Zɛnɛse 28:5

Yili pulu, Isaakə ə Ɉakɔbə tɔɔ bələi, yɛ li Aramə galá Laban pɔɔli, Aramə mun Betuɛlə lon, yai a Ɉakɔbə da Esau di lee Rebeka mąąhulɔnu.

Zɛnɛse 31:10

Bələi Yálá ə dɛɛ la bɔ́, bələ ka: Ɓɛlɔwai kɛ a daatɛlɛɛɠaa tɛi lɔwai, ŋį́ hįį kaa, daatɛlɛɛ hilɛɠaai kɛi tɛ, di kɛ a di pɛ̨ɛ̨ a ɲɛ̨i pɛlɛɛ, a wala kɛ tii ɲɛ̨i kpɛa kpɛa.

Zɛnɛse 31:11

Ɉįį tii hu, Yálá nwɔ malaka yɛ mą́ą́: ‹Ɉakɔbə! Ŋą́ hvaa.›

Zɛnɛse 31:23

Laban ə ɲəi bɛlɛ́n ɉinąą həɠə, di hvilɛn Galaadə ɲeeɠaa ɓa.

Zɛnɛse 31:25

Laban ə həli Ɉakɔbə ɓa, yili aa nwɔ həɠə pɛlɛ́ɠaai hvilɛn Galaadə ɲeeɠaa ɓa, Laban da bulu nuą diɛ kpɛli, di di wɛiɠaai hvilɛn.

Zɛnɛse 31:29

Ɉə kaa mą́ą́ ŋį́ mɛ̨nį ɲąąnwąnąą laa kaa, kɛlaa, ə́ nąn nwɔ Yálá ə háá mɛ̨nį ɓo mą́ą́ kpinįi, yɛ mą́ą́: ‹Hvó kɛ ə́ kaa mɛ̨nį ta kɛi a Ɉakɔbə.›

Zɛnɛse 31:42

Akɛ kɛ ną́n nwɔ Yálá, Abrahamə nwɔ Yálá, yai Isaakə a ɲɔw mą, hvo kɛli kɛ bɔ́, ŋį́ li həɠə ə́ pɔɔli a ɲéé howolo. Kɛlaa, Yálá ə nwɔ́ mɔ̨nɔ̨, da nwɔ́ tɔɔ a nwąnąi laa kaa; ya ɓə gɛ, wɛ́i kpinįi, ə hvaa ə́ pɔ mą́ą́ mɛ̨nį ɓa.»

Zɛnɛse 31:7

Kɛlaa, aa mówo, yii kɛ mąąnɛ̨ɛ̨ ə dɛɛ bɔ́ a ɉálá, aa mąąhvalin geemɛ̨i pow, ə mą kɛ tii, Yálá hvo hvaa li mą hvo mɛ̨nį ɲɔ̨n gɛ a ɲą́ą́.

Zɛnɛse 40:5

Nɔɔ pɛli nuą nwun nąmu da yii kɛ tɔɔmun gɔ̨nɔ̨n mɛ̨nį nwun na, di hįį kaa a kpinį tɔ̨nɔ̨ gaho pɛlɛ́ mu; ɉukulaa yɛ ɓo a dee-tee.

Zɛnɛse 41:1

Kwɛlan veelɛ tɛɛ pulu, hvóló ta, Eziptə tɔɔmun ə hįi kaa. Ɉįi tii hu, ə gbɔwɔ kaa tɔɔni Nilə ya lee kwɛlɛ.

Samia Veerɛi 13:22

Absalɔn hvo mɛ̨nį lɔpee ta ɓo Amnɔn laa mɛ̨i a ɲɔ̨nwɔ̨ɔ̨ ə mą kɛ a nɛlɛɛ. Kɛlaa, nwɛli ə kpɛɛ mą, mąąhɔlɔɓo, aa too mąąhala Tamarə mɛ̨i.

Tɔɔɓɛlaa dɔlɔɔ 3:5

Ɓɛlɔwai Salomɔn ə kɛ nií la Gabaɔn, Yai-Laa ə gbɔwɔ lɛ mą a kpinį hįį pələ, yɛ mą: «Hɛn ə kaa bɔ, 'vɛli mą́ą́, ŋį́ dɛɛ ə́ pɔ.»

Zôo 33:25

Akɛ ti, gɔlɔ a pənə ə kɛ yɛ, nąŋą yələ, ə pənə ə kɛ yɛ bələi ə kɛ la a muhəɠə yələ.

Azaya 37:29

Mąąhɔlɔɓo, yáá kpɛlin mą́ą́ a líiholi, ɛlɛɛ, ə́ wɔ tɛɠɛɓoɉu wooɠaai daa too wə́lii, gáá kwɛli tooi ə́ hunwɛ̨i, ŋą́ hoo la kwɛli too ə́ la, gáá pənəi ŋį́ li a yɛ́ a bələi tii ə́ həɠə la.

Osia 12:12

Galaadə nwɛi, lɛɛ taa li, daa kɛ lɔ kpɛli kpɛli, di hvo kpɛlai nįŋɛ̨ haláá kulaa ɓa Gilgalə, di wɔ hali kɔ́iɠaa kaa yɛ kwɛni tiąą gee mɛ̨i kɛɛ hin ŋąą hu.

Lonon mo 12:6

Yɛ diɛ: «Ka ka wəli tɔɔ nwóó ɓa. Nu ta a kɛ ka lɔwai a gwə́i mɛ̨nį hukulɔ mun, ɲą́ą́ Yai-Laa, ŋą́ gbɔ́wɔ́ lɛ hįį pələ, gɛ́ mɛ̨nį ɓo mą.

Lonon mo 22:20

Yálá ə pa Balaamə pɔ kpinįi yɛ mą: «Akɛ ə́ təli mɛ̨nį ɓə nuą ŋɛ̨i di paa lai, ə́ muhəɠə ka diɛni ka li. Kɛlaa, mɛ̨nįi gáá pai moi yɛ́, ya ɓə ə́ kaa pai gɛi.»

Lonon mo 22:26

Yai-Laa nwɔ malakai ə tɛɛ diɛ nwɔ̨nɔ̨, ə li ə tɔɔ kɛɛnąą ɲąąkɔlɔɔ ɓa, nu tɛɛi takpɛli hvo kɛ laa; gɔɓɛ yee hu pələ da ɓa-mįi-yee hu pələ.

Lonon mo 24:13

‹Ə mą kɛ Balakə aa ɲəi bɛlɛ́n nwaliɠaa da ɉɛni kəlee tɛɛ bɔ́, vá pɛli Yai-Laa nwɔ tíɓo lɛɛi laa, gɛ́ lɛɛ gbɔ́wɔ́ ɓa, gɛ́ mɛ̨nį lɛlɛɛ a wala kɛ tii ɲɔ̨nwɔ̨ɔ̨ laa nu ɓa. Mɛ̨nįi Yai-Laa kaa pai moi, ya ɓə gáá pai gɛi.›

Maafîu 1:20

Yii kɛa giliɲąhiɛi tii ə too mą, Ną́mu nwɔ malaka ta ə mɛ̨nį ɓo mą hįį pələ, yɛ mą: «Ɉosɛfə Davidə lon, hvo ɲɔw Mari həɠəi a ə́ nɛ̨ą. Mąąhɔlɔɓo, gooi tii mąi, Kili-Mąąhəɠɛɛ kɛ mɛ̨nį li.

Maafîu 2:12

Yili pulu, Yálá ə di kilaa pono hįį pələ yɛ diɛ: «Ka hvo pənə ka hvo tɛɛ a tɔɔmun Herodə pɔɔli pələ.» Di tɛɛ a pələ ta kpɛli, diɛ li di wɔ lɔi hu.

Maafîu 27:19

Ɓɛlɔwai Pilatə ə kɛ heeni la gití tee kpəlin ɉu, nɛ̨ą ə wəlɛɛ tɔɔ yɛ di moi mą, diɛ mą: «Ə́ laa kulɔ nu haŋąą ŋɛ̨i mąą mɛ̨nį hu, hvo mɛ̨nį lɔpee ta kɛ la. Mąąhɔlɔɓo, ŋį́ háá mɔ̨nɔ̨ mį́į́ kpɔ kɛnɛ̨, a kpinį hįį pələ mąą mɛ̨nį hu.»

Dutɛrɔnome 26:5

Yili pulu, Yálá kɔ́ mun tii a nwooɠaa ŋɛ̨i ɓo Yai-Laa ka wɔ Yálái lííla. Yɛ kɛ mą: «Ną́n ə kɛ a Aramə mun, yɛ ɓo a toonwun mamun, ə li Eziptə lɔi hu; da nwɔ nuą, di hvo kɛ tamą li; yɛ li mąąkilɛi laa. Kɛlaa, di lɛɛ laa di tamą, di kɛ a nu kpulu kɛnɛ̨; di hvaŋą ə kɛnɛ̨.